Наманган вилоятидаги Янги Ахси археологик ёдгорлик мажмуасидан 1200−1500 йиллик тарихга эга тангалар топилди. Улар орасида Бақтрия кумуш тангалари, шунингдек, Қорахонийлар даврига оид тангалар мавжуд.
Тошкентда автомобиль ювиш шохобчаси ходими машина олиб қочди. ИИО ходимлари гумонланувчини тўхтатиш учун ўқотар қурол қўллади. Қуролни қўллаш жараёнида ҳеч кимга шикаст етмагани қайд этилди.
Тошкентдаги 5-ИМ қозонхонасида электр таъминотидаги узилишлар сабаб Юнусобод, Олмазор, Шайхонтоҳур, Мирзо Улуғбек ва Яшнобод туманларининг айрим жойларида иссиқ сув ўчирилди. Таъминот тахминан 3 июль куни кечқурун соат 20:00 гача қайта тикланади.
Тошкентдаги чорраҳалар ва пиёдалар ўтиш жойлари яқинида одатда жиноят содир бўлган жойлар ва қурилиш майдончаларини белгилашда фойдаланиладиган тасмалар пайдо бўлди. Бу эса шаҳарнинг хавфли кўчаларини янада хавфли кўринишга олиб келди. Фото.
Тармоқларда президент маслаҳатчиси ўринбосари Шуҳрат Ғаниев йиғилишда ҳокимлар ва сув хўжалиги раҳбарларини қўшиб ёзиш ва суғориш ишлари сифатсиз олиб борилаётгани учун танқид қилган видео тарқалди. У прокуратурага Қашқадарё вилоятининг учта тумани ҳокимларини жиноий жавобгарликка тортишни буюрди.
Эрта тонгда Термизда чанг бўрони бошланди. Соат 09:00 да ҳаводаги майда ПМ10 заррачаларининг миқдори рухсат этилган максимал концентрациядан 14,7 баробар ошиб кетди. Шамол тезлиги пасайгач, ҳавода чанг ғубори кузатилди.
Бухорода фуқарони 25 минг доллар эвазига АҚШга жўнатмоқчи бўлган аёл ушлангани айтилмоқда. У уйида фуқародан 10 минг доллар олаётган пайтда қўлга олинди.
Қозоғистоннинг FlyArystan лоукостер авиакомпанияси Остона ва Тошкент ўртасида тўғридан-тўғри рейсларни йўлга қўйди. Мунтазам қатновлар ҳафтасига 2 марта амалга оширилади.
Душанбадан бошлаб Ўзбекистонда кундузги ҳаво ҳарорати +33…+36 даражагача пасаяди ва бу ҳарорат фони ҳафта охиригача сақланиб қолади. Айрим ҳудудларда вақти-вақти билан ёмғир ёғиши, шамол тезлиги 20−22 м/с гача кучайиши мумкин.
Душанба куни Яккасарой ва Миробод туманларининг айрим ҳудудлари электр энергиясидан вақтинча узилди.
90 йил аввал нега Акмал Икромов сувдан оқилона фойдаланишни талаб қилган? 60 йил аввал Ўзбекистонда қанча пахта териб олиниши керак эди? 30 йил аввал Россия матбуоти нега Ўзбекистон ҳақида ёлғон ахборот тарқатган? Бу ҳақда «Газета.uz»нинг «Эски газеталар шарҳи» рукнида ўқинг.
Қўшработ туманидаги Зармитан олтин кони шахтасидан 20 ва 24 ёшли йигитларнинг жасадлари топилди. Улар конга маъданли тошларни талон-торож қилиш учун ноқонуний киргани айтилмоқда. Йигитларни ерости ўзиюрар машина оператори босиб ўтган бўлиши мумкин.
30 июнь куни Ўзбекистонда 2010−2012-йилларда берилган ҳайдовчилик гувоҳномалари ва «техпаспорт»ларнинг амал қилиш муддати тугади. Шу боис 1 июлдан эски ҳужжатлар ҳақиқий эмас деб ҳисобланади. Уларни ЙҲХБ бўлинмалари, Давлат хизматлари марказлари ёки интернет орқали янгисига алмаштириш мумкин.
Асакадаги автомобиль заводи режали модернизация ишлари сабабли фаолиятини вақтинча тўхтатди. Маълум қилинишича, завод Cobalt моделини ишлаб чиқаришни йилига 30 мингтага оширади. UzAuto Motors бу иш автомобилларни етказиб бериш жадвалига таъсир қилмаслигига ишонч билдирди.
Президент фармони билан 50 йиллигини нишонлаётган «Ялла» ансамбли аъзолари Фаррух Зокиров, Аббос Алиев, Жавлон Тохтаев, Тимур Халиков ва Игор Халиков орденлар билан тақдирланди.
Таниқли журналист ва ёзувчи Мавлон Шукурзода 69 ёшида вафот этди. У 20 дан ортиқ китоб, жумладан, «Америкалик ўзбеклар», «Пахтакор-79» ва бошқаларни ёзган. Юзлаб мақолалари чоп этилган.
Ҳиндистоннинг Marion Biotech компанияси ўз маҳсулотларида ювиш воситалари, антифриз, бўёқлар ва бошқа маҳсулотларда қўлланадиган заҳарли модда — саноат пропиленгликолидан фойдаланган бўлиши мумкин. Мазкур компания дорилари аввалроқ Ўзбекистонда камида 19 нафар боланинг вафотига сабаб бўлганди.
Turon World Cooperation орқали Германияга борган ўзбекистонлик 100 нафар атрофидаги талаба иш топа олмай, оғир аҳволга тушиб қолди. Бандлик вазирлиги вазиятга ҳуқуқий баҳо бериш учун ҳуқуқни муҳофаза қилувчи органларга мурожаат қилган. Бош консуллик ва элчихона вазиятни назоратга олди.
Пойтахтдаги қурилиш корхонаси ходими кўп қаватли турар жой биноларини қуришга рухсат берувчи ҳужжатларни расмийлаштириб бериш эвазига тадбиркордан 300 минг доллар олганликда гумонланиб қўлга олинди.
2010−2012 йилларда берилган «права»лар ўз кучини йўқотади, айрим тадбиркорлар ишчиларининг даромад солиғи қайтарилади, вазирлик стипендияси жорий этилади, баъзи ҳужжатлар лойиҳаларини ишлаб чиқиш тақиқланади, айрим дорилар сертификатлаштирилмайди — 1 июлдан нималар ўзгаради?
Қўшимча имкониятларга эга булиш учун сайтда рўйхатдан ўтинг