Жамият
Мактабларда 1-синфдан компьютер саводхонлиги дарслари жорий этилади
«Ўзбекистон — 2030» стратегиясига кўра, энди мактабларда компьютер саводхонлиги дарслари 1-синфдан жорий этилади. Шунингдек, 5 минг нафаргача профессор-ўқитувчиларни тажриба алмашиш учун, 200 нафаргача ёш олимларни илмий даража олиш учун танлов асосида хорижий илмий ташкилотларга юборилади.
Икки ва ундан ортиқ полосали йўллардаги «пешеход»ларда светофор ўрнатиш мажбурий бўлади
Ўзбекистонда 1 январдан бошлаб аҳоли пунктларида барча янги қурилаётган икки ва ундан ортиқ полосали автомобиль йўлларида пиёдалар ўтиш йўлакларига светофорлар ўрнатиш мажбурий бўлади.
11 сентябрь куни Ўзбекистонда содир бўлган энг муҳим воқеалар дайжести
Тошкентда яна чанг бўрони, электр энергияси нархи ошиши ҳақида, журналист Мавжуда Мирзаевага сўралган 6 йил қамоқ жазоси, Тошкентни кўкаламзорлаштириш муаммолари, президент ташрифи олдидан АҚШда бўлган Ўзбекистон делегацияси ва бошқалар — «Газета.uz»нинг кун дайжестида.
Тошкент ҳавосидаги чанг зарралари нормадан 43 марта кўп бўлди — Ўзгидромет
Душанба куни чанг бўронлари пойтахтдан ташқари Хоразм, Бухоро, Навоий, Жиззах ва Сурхондарёда ҳам кузатилди. Ўзгидромет Тошкентда PM10 зарралари рухсат этилган нормадан 2,4 марта, PM2,5 зарралари эса 43 марта кўп бўлганини маълум қилди. Пойтахтда чанг душанба куни кечаси ҳам сақланиб қолади.
Чанг бўрони вақтида нима қилиш керак? Ўзбекистон СЭС тавсияси
Ўзбекистон Санитария-эпидемиологик осойишталик ва жамоат саломатлиги қўмитаси чанг бўрони вақтида нималар қилиш кераклиги бўйича тавсияларини эълон қилди. Кўчада камроқ бўлиш, ниқоб тақиш, томоқ ва бурунларни чайиш ҳамда чанг зарралари биноларга кириши мумкинлигини ёдда тутиш тавсия этилмоқда.
Шимолий вокзалдан ҳаракатланувчи аксарият поездлар бир ой давомида Жанубий вокзалдан қатнайди
Техник таъмирлаш ишлари туфайли Тошкент марказий (Шимолий) темирйўл вокзалидан ҳаракатланадиган айрим поездлар қатнови 15 сентябрдан 15 октябргача «Тошкент-Жанубий» вокзалидан амалга оширилади. Бу вақтда икки вокзал ўртасида бепул автобуслар қатнайди.
Фото: Тошкентда яна чанг бўрони кузатилмоқда
Тошкентда кучли шамол ортидан чанг-тўзонлар содир бўлмоқда. IQAir Ҳаво сифати индексига кўра, ҳозир Ўзбекистон пойтахти ҳаво ифлосланиши бўйича дунё шаҳарлари рейтингида биринчи ўнталикка чиқди. «Газета.uz» мухбирлари чангга бурканган пойтахт кўчаларини суратга олди.
13−15 сентябрь кунлари қатор темирйўл рейслари модернизация ишлари сабабли бекор қилинди
13−15 сентябрь кунлари йўллар модернизация қилиниши муносабати билан Тошкент, шунингдек, Қашқадарё ва Сурхондарё ўртасидаги бир қатор темирйўл қатновлари бекор қилинди.
Янги Тошкентда трамвай ва метронинг ягона тармоғи қурилади
Янги Тошкентда «эски» Тошкент билан боғланган трамвай ва метронинг ягона тармоғини қуриш режалаштирилмоқда. «Янги шаҳарга метрода 30−35 дақиқада етиб бориш мумкин… Автомобилда келишга эҳтиёж қолмайди» , — дейди қурилиш вазири ўринбосари Давронжон Одилов.
Прокурор журналист Мавжуда Мирзаевага 6 йил қамоқ жазоси беришни сўради
Kompromatuzb иши доирасида судланаётган журналист Мавжуда Мирзаевага 6 йил қамоқ жазосини бериш ва 3 йил давомида касбий фаолият билан шуғулланишни тақиқлаш сўралди.
Ҳафта давомида кам булутли ва қуруқ об-ҳаво бўлади
11−15 сентябрь кунлари Ўзбекистонда асосан кам булутли ва қуруқ об-ҳаво бўлиши кутилмоқда. Ҳарорат +29…+32 даража бўлади. Тоғли ҳудудларда баъзи жойларда қисқа муддатли ёмғир ёғиши, момақалдироқ бўлиши мумкин.
Декабрда Ўзбекистон Фанлар академиясининг 80 йиллиги юбилейи ўтказилади
Тошкентда декабрь ойида Ўзбекистон Фанлар академиясининг 80 йиллигига бағишланган тадбирлар бўлиб ўтади. Хусусан, халқаро конференция ва кўргазмалар ўтказиш ҳамда академиянинг янги ҳақиқий аъзоларини қабул қилиш кўзда тутилган.
Биз йўқотаётган боғ. Мутахассислар — Тошкентни кўкаламзорлаштириш муаммолари ҳақида
Ўзбекистон пойтахти «боғ-шаҳар» ғояси устига қурилган. Аммо қурилишлар, дарахтларни кесиш, уларни нотўғри парваришлаш ва аҳоли саломатлиги кўкаламзорлаштиришнинг ўз ечимини кутаётган тизимли муаммоларидан далолат бермоқда, дейди мутахассислар. Акс ҳолда, биз ўзимиз яшаётган боғни йўқотамиз.
Тошкентнинг 6 та туманидаги айрим жойларда газ таъминоти вақтинча тўхтатилади
Куз-қиш мавсумига тайёргарлик ишлари доирасида пойтахтнинг Сергели, Яккасарой, Миробод, Яшнобод, Янгиҳаёт ва Бектемир туманларининг айрим қисмларида 11−12 сентябрь кунлари газ таъминотида узилишлар бўлади. Рўйхат.
Тошкент йирик шаҳарлар ҳаво ифлосланиши рейтингида 4-ўринда қайд этилди
Тонгги соат 8 да Тошкент IQAir`нинг дунёнинг йирик шаҳарлари бўйича ҳаво ифлосланиш даражаси рейтингида 4-ўринни эгаллади. Пойтахт ҳавоси таъсирчан одамлар гуруҳи учун бир муддат зарарли бўлиб қолди.
Фарғона водийсида 4,5 магнитудали зилзила содир бўлди
Душанба тонгида водий вилоятларида зилзила кузатилди. Эпицентр Фарғона туманига тўғри келди — 4 балл. Ер силкиниши Андижон ва Наманган вилоятларида 2−3 баллни ташкил этди.
Нима ўқиймиз? Журналист Сафарали Қурбонов тавсия қилади
«Газета.uz» китобхонликни тарғиб этишга қаратилган «Нима ўқиймиз?» лойиҳасини давом эттиради. Сара асарлар, ўқилиши мақсадга мувофиқ ҳисобланган китоблар рўйхати ҳақида олим, тадқиқотчи, ёзувчи-шоир, таржимон, журналист ва жамоат фаолларининг тавсияларини сизга етказамиз.
Бизнинг мазҳабда аёллар қора кийсин, юзини беркитсин, деган нарса йўқ — Нуриддин домла Холиқназаров
Ўзбекистон муфтийси Нуриддин Холиқназаров Ислом динида, хусусан, кийинишда ҳаддидан ошиш ҳолатларини танқид қилди. «Бизнинг мазҳабимиз аёллар маълум бир кийимни кийишига буюрмаган, қора кийсин, юзини беркитсин, деган нарса бизнинг мазҳаб кўрсатмасида йўқ», — деди муфтий.
ЎзДЖТУ ва ГДПИга янги ректорлар тайинланди
Ўзбекистон давлат жаҳон тиллари университети ва Гулистон давлат педагогика инситутига янги ректорлар тайинланди. Шунингдек, Беларусь-Ўзбекистон қўшма тармоқлараро амалий техник квалификациялар институтига ижрочи директор тайинланди.
Тошкентда қашқадарёлик аёл 4 эгизакни дунёга келтирди
Қашқадарё вилоятида яшовчи 29 ёшли аёл Республика перинатал марказида 4 нафар ўғилни дунёга келтирди. Гўдакларнинг аҳволи яхши, улар назорат остида, дейилади хабарда.
Қўшимча имкониятларга эга булиш учун сайтда рўйхатдан ўтинг