Жамият
1 июлдан Тошкент аҳолиси давлат тиббий суғурта тизимидан фойдаланиши мумкин
1 июлдан пойтахтда давлат тиббий суғурта тизими жорий этилади. Энди аҳоли шифохонада даволаниш учун йўлланмани оилавий шифокор кўригидан ўтгач, электрон тарзда олади. Шунингдек, кафолатланган тиббий хизматлар ва дори-дармонлар пакети бепул тақдим этилади.
Ёзёвонда 1 млрд сўмлик давлат хариди жараёнда қатнашган 2 та корхонанинг таъсисчиси эр-хотин бўлгани учун бекор қилинди
Ёзёвон тумани йўллардан фойдаланиш унитар корхонаси буюртмачилигида ўтказилган 1 млрд 38 млн сўмлик давлат хариди жараёнда иштирок этган 2 та корхона таъсисчиси эр-хотин бўлгани сабабли бекор қилинди. Харид комиссияси аффилланганлик ҳолатига баҳо бермаган ва танловни бекор қилиш чорасини кўрмаган.
Сурхондарёда поезд «Жигули»ни уриб кетди
Термиз-Сариосиё йўналишида ҳаракатланаётган йўловчи поезд қўриқланмайдиган кесишмадан ўтаётган «Жигули»ни уриб кетди. Воқеага автомобиль ҳайдовчисининг эътиборсизлиги сабаб бўлган. Ҳодиса оқибатида жароҳати олганлар йўқ.
Журналист Қудрат Ирназаров 73 ёшида вафот этди
Тарих фанлари доктори, фахрий журналист Қудрат Ирназаров 73 ёшида вафот этди. Профессор 2008 йилда «Меҳнат шуҳрати» ордени билан тақдирланган.
Мушукни тириклайин ёқиб юборган қувасойликлар 3 суткадан 7 суткагача қамалди
Жиноят ишлари бўйича Қувасой шаҳри суди мушукни тириклайин ёқиб юборган 3 эркакни ҳайвонларга нисбатан шафқатсиз муносабатда бўлганликда ва улардан бирини зўравонликни тарғиб қилувчи контент тарқатганликда айбдор деб топди. Улар 3, 5 ва 7 суткага қамалди.
Қашқадарёда зилзила содир бўлди
Шаҳрисабз туманида магнитудаси 3,4 га тенг бўлган зилзила содир бўлди.
Қизларни хорижга фоҳишалик қилиши учун юбормоқчи бўлган икки аёл ушланди
Андижон ва Тошкент вилоятларида икки аёл 4 нафар қизни Туркия ва БААга фоҳишалик учун жўнатмоқчи бўлганида қўлга олинди.
Иқтисодий жиноятларга қарши курашиш департаментининг Деҳқонобод тумани бўлими бошлиғи ЙТҲга учради
Иқтисодий жиноятларга қарши курашиш департаменти Қашқадарё вилояти Деҳқонобод тумани бўлими бошлиғининг хизмат машинаси 2 та автомобиль билан тўқнашиб кетди. Бўлим бошлиғи ва ҳайдовчилардан бири енгил жароҳатлар билан шифохонага ётқизилди.
Тошкентда 34 ёшли қурувчи 12-қаватдан қулаб, ҳалок бўлди
Янгиҳаёт туманида 34 ёшли қурувчи тунда 12-қаватдан қулаб, ҳалок бўлди. Воқеага қурилиш қоидаларига амал қилинмагани сабаб бўлиши мумкин.
«Бу йил 10 фоиз кўпроқ ёшларнинг грантда ўқишига имконият яратиляпти» — Олий таълим вазирлиги
2023/2024 ўқув йилида контракт квоталари 1 фоизга, грантники эса 10 фоизга ошди. Бунда 10 фоиз кўпроқ ёшларнинг грант асосида ўқишига имконият яратиляпти, дея таъкидлади Олий таълим вазирлиги департаменти бошлиғи Абдували Холиқов.
Бекободдаги ҳибсхонада сақланаётган йигит ўзини осишга уринди
Тошкент вилояти Бекобод шаҳрида товламачиликда айбланиб қўлга олинган 23 ёшли йигит вақтинча сақлаш ҳибсхонасида ўзини осмоқчи бўлди, уни камерадошлари қутқариб қолди.
Ўзбекистонлик уч опа-сингил Ҳиндистонда 2021 йилдан бери ҳибсда, элчихона вазиятни ўрганмоқда
Ўзбекистоннинг Ҳиндистондаги элчихонаси 2021 йилда чегарани ноқонуний кесиб ўтиш вақтида қўлга олинган уч опа-сингил билан боғлиқ вазиятни назоратга олганини маълум қилди. Ҳибсга олинганларнинг опаси уларни Ҳиндистон фуқароси алдаганини таъкидлаган.
Ўзбекистонда Ҳамширалар академияси ва бир нечта марказ ташкил этилади
Чилонзордаги ибн Сино номидаги Жамоат саломатлиги техникуми негизида Ҳамширалар академияси, шунингдек, фармацевтика, малакани баҳолаш ва тиббиёт ташкилотларини лицензиялаш каби марказлар ташкил этилади. Шифокорлар тегишли ҳудудда энг кўп тарқалган касалликлар бўйича курсларда ўқитилади.
«Итдан тарқаган экансан-ку». Бандихон прокурорига тегишлилиги айтилаётган аудио тарқалди
Тармоқларда Сурхондарё вилояти Бандихон тумани прокурори Соатмурод Махмановга тегишли экани айтилаётган аудио тарқалди. Унда прокурорнинг МФЙ раисларидан солиқ пулини талаб қилгани ва уятсиз сўзлар билан ҳақоратлаганини эшитиш мумкин. Ҳолатни вилоят прокуратураси ўрганмоқда.
20 июнь куни Ўзбекистонда содир бўлган энг муҳим хабарлар дайжести
Қурбон ҳайити намози вақтлари, Алишер Усмоновни санкциялар рўйхатига киритган АҚШ, Тошкент вилоятида иш вақтида пичоқланган экоинспектор, Андижонда 2 кишини чақмоқ ургани, ОТМга онлайн қабул, тадбиркорларга солиқ ставкаларини пасайтириш режаси ва бошқалар — «Газета.uz»нинг кун дайжестида.
Фарғонада мушукни ёқиб юборганларнинг жазоси бекор қилинди, иш энди судда кўрилади
Фарғонада мушукни тириклайин ёқиб юборган шахсларга нисбатан тайинланган БҲМнинг 3 баравари миқдорида жарима жазоси бекор қилинди. Ҳолат судда кўриб чиқиладиган бўлди.
Самарқандда 50−55 йиллик 9 туп қайрағоч ноқонуний кесиб ташланди
Булунғур туманида йўл ёқасига экилган, қарийб 50−55 йиллик 9 туп қайрағоч кесиб ташланди. Ҳуқуқбузарлик оқибатида табиатга 744,6 млн сўм зарар етган.
Январь-май ойларида 1,6 млн нафар ўзбекистонлик туристик мақсадларда хорижга чиқди
2023 йилнинг дастлабки 5 ойида 1,6 млн нафар Ўзбекистон фуқароси туристик мақсадларда хорижга чиқди. Статистика агентлиги фуқаролар асосан қариндошларини йўқлаш ва дам олиш мақсадида сафарга чиқаётганини маълум қилди.
Тошкент вилоятида 14 ёшли қиз қудуққа тушиб кетди
Зангиота туманида 14 ёшли қиз 9 метрлик қудуққа тушиб кетди. У ФВВ қутқарувчилари томонидан олиб чиқилди ва шифохонага ётқизилди.
Ўзбекистонда Қурбон ҳайити намози вақтлари эълон қилинди
Мусулмонлар идораси Қурбон ҳайити намози вақтларини эълон қилди. Ҳайит намози Тошкент шаҳрида соат 05:15 да, бошқа ҳудудларда намоз вақтидаги тафовутни инобатга олиб ўқилади.
Энг кўп ўқилган хабарлар | Сўнгги янгиликлар
Қўшимча имкониятларга эга булиш учун сайтда рўйхатдан ўтинг