Жамият
АҚШ элчиси «Муштум» журналини 100 йиллик юбилейи билан табриклади
АҚШ элчиси Жонатан Ҳеник «Муштум» журналини 100 йиллик юбилейи билан табриклаш мақсадида журнал таҳририятида бўлди. У «Муштум»нинг мухлиси эканини ва элчихона журналга обуна бўлганини айтган. «Элчининг ташрифидан бошимиз осмонга етди», — деди журнал бош муҳаррири Носиржон Тошматов.
Фарғонада ўқитувчини калтаклаган аёл 6 млн сўм жарима тўлайдиган бўлди
Тошлоқ туманида қизига ота-онаси билан мактабга келишини талаб қилгани учун синфхонада педагогни ҳақоратлаб, калтаклаган аёлга нисбатан суд ҳукми ўқилди. Аёл қилмиши учун узр сўрамаган ва эндиликда 6 млн сўм миқдорида жарима тўлайдиган бўлди.
«Сурхон» қўриқхонасидан ноёб Бухоро тоғ қўйини олиб кетишга уринган браконьерлар ушланди
«Сурхон» давлат қўриқхонасидан Бухоро тоғ қўйининг боласини ноқонуний олиб кетишга уринган икки эркак ушланди. Тезкор рейд тадбири давомида қўлга олинган ҳуқуқбузарлар Қашқадарёнинг Деҳқонобод туманида истиқомат қилиши аниқланди. Уларга нисбатан маъмурий баённома расмийлаштирилди.
Омбудсман тадбиркорлар қийноққа солингани ҳақидаги хабарларни алоҳида назоратга олди
Омбудсман идораси тадбиркорлар Дилшод Тўрахўжаев ва Хасанбой Абдунабиевнинг қийноққа солингани ҳақидаги хабарларни алоҳида назоратга олди. «Ўзбекистон инсон қадр-қимматини ерга урадиган, инсонийликка зид бўлган қийноқларнинг ҳар қандай кўринишига қарши кураш йўлини танлаган», — дейилади баёнотда.
2 май куни Ўзбекистонда содир бўлган энг муҳим хабарлар дайжести
Бухорода 4 киши томонидан зўрлангани айтилган 13 ёшли қиз, Ўзбекистонда референдум юқори даражада ўтганини қайд этган МДҲ миссияси, 42 нафар непалликни $124,5 мингга алдаб кетган бухороликлар, Тошкентга келган янги автобуслар атрофидаги муаммолар ва бошқалар — «Газета.uz»нинг кун дайжестида.
Тошкент кўчалари «гармошка» автобусларнинг ҳаракатига мос келади — Транспорт бошқармаси бошлиғи
Тошкент шаҳар транспорт бошқармаси бошлиғи Анвар Жўраевнинг айтишича, иккита «гармошка» автобус дарахт шохларига урилган кўчада йўл тасмалари чапроққа суриб қайтадан чизилади. Шунингдек, у пойтахт кўчаларининг параметрлари ушбу автобусларнинг ўлчамларига тўлиқ мос келишига ишонтирди.
Иккинчи жаҳон уруши қатнашчиларига 18 млн сўмдан мукофот пули берилади
Иккинчи жаҳон уруши қатнашчилари ва ногиронларининг ҳар бирига 18 млн сўм миқдорида бир марталик пул мукофот берилади.
«Педагог ходимнинг мақоми тўғрисида»ги қонун лойиҳасини кўриб чиқиш жараёни қандай кечди?
Қонунчилик палатасининг навбатдаги мажлисида «Педагог ходимнинг мақоми тўғрисида»ги қонун лойиҳаси кўриб чиқилди. Таклиф этилган қонун лойиҳасида дастлабки тақдим этилган лойиҳадаги бир қанча имтиёзлар йўқлиги маълум бўлди. Айрим депутатлар лойиҳа ҳақида эътирозларини билдирди.
«Тошшаҳартрансхизмат» электробуслар иш жадвалидан кечикаётганига изоҳ берди
«Тошшаҳартрансхизмат» раҳбари Анвар Жўраев «Газета.uz»га айрим электробуслар жадвалдан кеч қолгани сабабини тушунтирди қилди. Унинг айтишича, бунга автобус парки масъул ходимининг электробуслар жадвалини энг қизғин вақтида ишни нотўғри тақсимлагани сабаб бўлган.
Наманганда реклама баннери 26 ёшли эркак устига қулади
Наманган шаҳрида фундаментидан ўпирилган реклама баннери машина ва бир эркак устига қулади. Бош прокуратура фуқаро шифохонага олиб кетилгани ва ҳолат бўйича текшириш олиб борилаётганини маълум қилди.
Тошкент вилоятида фуқаролар 48 кг балиқни ноқонуний овлаб, табиатга 531 млн сўм зарар етказди
Оҳангарон туманида 3 фуқаро электр қармоқ ёрдамида 48 кг балиқни ноқонуний овлади. Бу орқали табиатга 531 млн сўм зарар етказилди. Вазирлар Маҳкамаси шу кунларда балиқ овлашни тартибга солувчи, жумладан, браконьерликка қарши курашишни назарда тутувчи қарор лойиҳасини кўриб чиқмоқда.
11 ноябрни ишланмайдиган байрам куни этиб белгилаш ҳақидаги қонун лойиҳаси кўриб чиқилмоқда
Меҳнат кодексига ишланмайдиган байрам кунлари қаторига 11 ноябрь — Ўзбекистон касаба уюшмалари кунини ҳам қўшиш таклиф этилмоқда. Тегишли қонун лойиҳаси парламент қуйи палатасидаги фракцияда муҳокама қилинди.
Бухорода 13 ёшли қиз янгаси мажбурлови билан бир неча бор зўрлаб келингани айтилмоқда
Қоракўл туманида акаси васийлигида қолган қиз янгасининг мажбурлови билан зўрлангани айтилмоқда. Ҳозирда Бухоро вилояти ИИБ томонидан ЖКнинг 14 ёшга тўлмаган шахснинг номусига тегиш моддаси бўйича 4 киши қамоққа олинган. Тергов ҳаракатлари давом этмоқда.
Тошкентда 3 киши ички ишлар ходимларини ҳақорат қилганликда айбланиб, 15 суткага қамалди
Янгиҳаёт туманида 3 нафар фуқаро ИИО ходимларини ҳақорат қилиб, жамоат тартибини бузганликда айбланди. Суд уларнинг ҳар бирига 15 суткадан маъмурий қамоқ жазосини тайинлади.
Ўзбекистонда чиқиндихоналар хавфсизлиги бўйича ишчи гуруҳ тузилади
Ўзбекистонда радиоактив ва бошқа зарарли чиқиндилар сақланадиган жойлар (ҳозирда 41 та) хавфсизлиги ва сувнинг фавқулодда ифлосланишининг олдини олиш бўйича ишчи гуруҳ тузилади. Бу БМТнинг Европа иқтисодий комиссияси ва Швейцария ҳукумати томонидан қўллаб-қувватланади.
МДҲ миссияси Ўзбекистонда референдум юқори даражада ўтганини қайд этди
МДҲ бош котиби, Ҳамдўстлик кузатувчилари миссияси раҳбари Сергей Лебедев Ўзбекистонда референдум «юқори ташкилий даражада, эркин ва очиқ муҳитда» ўтганини айтди. У хорижий ОАВдаги мамлакатдаги заиф ахборот кампанияси ҳақидаги хабарларни «бутунлай ёлғон» деб атади.
Ўзбекистонда май ойида об-ҳаво қандай бўлади?
Ўзбекистонда май ойи қуруқ ва илиқ об-ҳаво билан бошланади. Ой давомида ҳарорат кечалари +10 даражагача пасаяди, кундузи +35 даражагача кўтарилади. Ёғингарчилик меъёрдан кам бўлиши прогноз қилинмоқда. Баъзи кунларда қисқа муддатли ёмғирлар ёғиб ўтиши мумкин.
«Тошшаҳартрансхизмат» электробуслар учун қувват олиш станциялари етишмаётганини тан олди
Зарядлаш шохобчалари етишмаётгани сабабли Тошкентдаги айрим электробуслар рейсларга чиқмаяпти. «Тошшаҳартрансхизмат» компаниясининг маълум қилишича, айни пайтда 58 та қувватлаш станцияси ишламоқда, яна 80 таси тез орада фойдаланишга топширилади.
Тошкентда 19 ёшли ҳайдовчи бошқарувидаги Cobalt ёниб кетди
Яшнобод туманида тунда 19 ёшли ҳайдовчи бошқарувида бўлган Cobalt ағдарилиб, ёниб кетди. Воқеага ҳайдовчининг бошқарувни йўқотгани сабаб бўлган. ЙТҲ оқибатида у шифохонага ётқизилди.
Бухорода бир гуруҳ шахслар 42 нафар непалликни 124,5 минг долларга алдаб кетгани айтилмоқда
Бухоро шаҳрида яшовчи аёл бир гуруҳ шахслар билан бирга 42 нафар Непал фуқаросининг 124,5 минг долларини олиб, алдаб кетгани айтилмоқда. Ҳолат юзасидан жиноят иши қўзғатилди.
Энг кўп ўқилган хабарлар | Сўнгги янгиликлар
- Veolia Energy Tashkent дарахт қулаши оқибатида ҳалок бўлган қиз воқеаси ортидан иш жараёнини ўзгартирмоқчи
- Тошкентдаги боғчада болаларни қўрқитиб, қўполлик қилган тарбиячи ишдан олинди
- Наманган вилоятида кучсиз зилзила содир бўлди
- «Аёллар кетиш учун куч топиши керак». Диёра Усмонова биринчи турмушида калтаклангани ҳақида гапирди
Қўшимча имкониятларга эга булиш учун сайтда рўйхатдан ўтинг