Бош прокуратура ижтимоий тармоқларда тарқалган, Наманган шаҳрида тупроқ устига ўрнатиб қўйилган реклама баннери одам устига қулагани тасвирланган видео юзасидан муносабат билдирди.
Видеода шамол таъсирида баннернинг машина ва бир одам устига тушгани айтилган. Маълум қилинишича, воқеа 1 май куни Наманган шаҳрида содир бўлган.
Реклама баннери фундаментидан ўпирилиб, ерга тушиши оқибатида бир киши — 1997 йилда туғилган фуқаро тан жароҳати олган ва жойида ҳушини йўқотган. Шундан сўнг ён-атрофда бўлган фуқароларнинг кўмагида жабрланган шахс шифохонага олиб кетилган.
Бош прокуратура ҳолат юзасидан текшириш ҳаракатлари олиб борилаётганини маълум қилди.
