Сиёсат
6 июль куни Ўзбекистонда содир бўлган энг муҳим хабарлар дайжести
Президентнинг янги қарорлари, Тошкентдаги радар ва камералар рўйхати, Сурхондарёда 109 туп қимматбаҳо дарахтлар рухсатномасиз кесиб ташланиши, Нурмат Отабековнинг коронавирусга қарши эмлаш тўғрисидаги фикри — «Газета.uz»нинг 6 июлдаги энг муҳим хабарлари дайжестида.
Экстремизм ва терроризмга қарши курашиш стратегияси тасдиқланди
Президент фармони билан 2021−2026 йилларга мўлжалланган экстремизм ва терроризмга қарши курашиш бўйича Ўзбекистон Миллий стратегияси тасдиқланди.
Президент давлат хавфсизлик хизмати тўғрисидаги қонун имзоланди
Ўзбекистон президенти Шавкат Мирзиёев Президент давлат хавфсизлик хизмати тўғрисидаги қонунни имзолади. Қонун ПДХХ фаолиятини асосий йўналишлари, ҳуқуқ ва мажбуриятлари, қўриқланадиган шахслар ва объектлар, шунингдек, ПДХХ ҳарбий хизматчилари томонидан жисмоний куч ишлатиш, совуқ ва ўқ отар қуролларни қўллаш шартлари ва бошқаларни тартибга солади.
Шавкат Мирзиёев ва Владимир Путин Афғонистондаги вазият ривожини муҳокама қилдилар
Россия ва Ўзбекистон президентлари Афғонистоннинг шимолий ҳудудларидаги аҳвол ёмонлашиши муносабати билан Марказий Осиёдаги вазиятнинг ривожини муҳокама қилдилар.
5 июль куни Ўзбекистонда содир бўлган энг муҳим хабарлар дайжести
Ўзбекистонда ижтимоий тармоқлар фаолияти чекланганидан сўнг мобил VPN бирданига оммалашиши, президентнинг жорий ҳафтадаги иш графики, Шавкат Мирзиёев ва Эмомали Раҳмониинг телефон орқали мулоқоти, лотин ёзувидаги алифбога ўтиш бўйича топшириқ — «Газета.uz»нинг 5 июлдаги энг муҳим хабарлари дайжестида.
Шавкат Мирзиёев ва Эмомали Раҳмон Афғонистон билан чегараларни ҳимоя қилишни кучайтириш тўғрисида келишиб олдилар
Шавкат Мирзиёев ва Эмомали Раҳмон минтақада Афғонистон йўналишидаги аҳволнинг ёмонлашиши ва кескинликнинг кучайиши билан боғлиқ вазиятнинг ривожланишини муҳокама қилдилар. Томонлар Афғонистон билан чегарани қўриқлашни кучайтиришда куч ишлатар тузилмалар ва ҳуқуқни муҳофаза қилиш идоралари ўртасидаги ҳамкорликни янада мувофиқлаштиришга тайёрлигини тасдиқладилар.
Шавкат Мирзиёев шу ҳафта БМТ Бош Ассамблеяси 75-сессияси раиси билан учрашади
Президент Шавкат Мирзиёев шу ҳафта БМТ Бош Ассамблеяси 75-сессияси раиси Волкан Бозкир билан учрашади. Бундан ташқари, қишлоқ хўжалиги машинасозлиги корхоналарининг трансформацияси юзасидан тақдимот ва Олимпия захираларини тайёрлаш тизимини такомиллаштириш юзасидан йиғилиш режалаштирилган.
Ўзбекистонда аномал иссиқ кутилаётгани юзасидан ҳукумат шошилинч чоралар кўришга киришди
Ўзбекистон ҳукумати июль ойининг биринчи ярмида мамлакатга иссиқ ҳаво оқими кириб келиши муносабати билан шошилинч чоралар кўришга киришди. Унга кўра, аҳоли гавжум жойларда вақтинчалик тиббиёт пунктларини ташкил этиш, дарё ва кўллар, аҳоли дам олиш масканларида хавфсизлик масалаларини кучайтириш, электр энергияси ва табиий газ таъминоти тизимларининг барқарор ишлашини таъминлаш зарур.
Бухоро вилояти ҳокими коронавирусга чалинди, аввалроқ у ниқобсиз кўриниш берган эди
Бухоро вилояти ҳокими Ботир Зариповда коронавирус аниқлангани сабабли у даволаниш учун Тошкентга жўнаб кетди. Бир ҳафта аввал вилоят раҳбари ниқобсиз кўриниш бериб, Бухоро аҳолиси билан қўл бериб кўришганди.
«Ижро органи ҳеч қачон ўз айбини ўзи айтмайди». Сенат раиси — янги ташкил этилган қўмита фаолияти ҳақида
Юқори палата раиси журналистлар билан учрашувда давлат идоралари 100 фоиз очилди деб айта олмаслиги, уларнинг воқеа ва ҳодисалар юзасидан дарҳол муносабат билдириши талаб даражасида эмаслигини қайд этди. «Ижро органи ҳеч қачон ўз айбини ўзи айтмайди. Шунинг учун, парламент назорати органи сифатида бизда янги қўмита ташкил қилинди», — деди у.
Абдулазиз Камилов АҚШнинг Афғонистон бўйича махсус вакили билан учрашди
Ўзбекистон ТИВ раҳбари Вашингтонда АҚШнинг Афғонистондаги ярашиш масалалари бўйича махсус вакили билан учрашув ўтказди. Томонлар афғон можароси ҳамда минтақада тез муддатларда тинчлик ўрнатишга кўмаклашувчи чораларни муҳокама қилишган.
«ОАВларни ишига аралашиб, у нотўғри, бу тўғри дейиш давлатнинг иши эмас» — Танзила Нарбаева
Сенат раиси журналистлар учрашувда давлат идора ва ташкилотлари мансабдорлари цензура ўрнатиши, ОАВ ишига тўсқинлик қилиши, тазйиқ ва босим ўтказишига қарши жавобгарлик янада кучайтирилишини маълум қилди. «Сизларни фаолиятингизга аралашишга, кўрсатма, йўналиш беришга ҳеч кимнинг ҳаққи йўқ», — деди у.
«Ота-оналарини киритсак ҳам, давлат хизматчилари „тирқиш“ топади». Акмал Бурхонов — декларациялаш тизими ҳақида
Коррупцияга қарши курашиш агентлиги директори Акмал Бурхонов даромад ва мол-мулкларни мажбурий декларация қилиш тизими нима учун давлат хизматчилари, уларнинг турмуш ўртоқлари ва вояга етмаган фарзандларини қамраб олиш билан чекланаётгани, бошқа қариндошлари ҳозирча ҳисобга олинмаётганига изоҳ берди. У тизим нима сабабдан давлат хизматчиларининг харажатларини ҳисобга олмаслиги ҳақида ҳам тўхталиб ўтди.
2 июль куни Ўзбекистонда содир бўлган энг муҳим хабарлар дайжести
Тошкентда коронавирус беморлари учун тақсимлаш марказлари қайта очилиши, Абдулазиз Камиловнинг АҚШга ташрифи, пойтахтда боғлар, яшил ҳудудлар ва хиёбонлар сони кўпайтирилиши, Ўзбекистонда бир нечта ижтимоий тармоқлар фаолияти вақтинчалик чекланиши — «Газета.uz»нинг 2 июлдаги энг муҳим хабарлари дайжестида.
ЎзЛиДеП логотипини ўзгартирмоқда
ЎзЛиДеП партияни ребрендинг қилиш доирасида ўз логотипини ўзгартирмоқда.
Абдулазиз Камилов ва Пентагон раҳбари Марказий Осиёдаги хавфсизлик билан боғлиқ вазиятни муҳокама қилдилар
Ўзбекистон ташқи ишлар вазири Абдулазиз Камилов ва АҚШ мудофаа вазири Ллойд Остин Марказий Осиёдаги хавфсизлик билан боғлиқ вазиятни муҳокама қилдилар. Томонлар терроризмга қарши курашиш ва мудофаа вазирликларининг салоҳиятини ошириш бўйича ҳамкорликни давом эттиришга келишиб олдилар.
Абдулазиз Камилов АҚШ давлат котиби билан учрашди
Ўзбекистон ташқи ишлар вазири Абдулазиз Камиловнинг АҚШ давлат котиби Энтони Ж. Блинкен билан учрашуви бўлиб ўтди. Давлат котиби АҚШнинг Ўзбекистон билан стратегик шериклигини чуқурлаштириш истагини билдириб, Ўзбекистоннинг Афғонистонда адолатли ва узоқ муддатли тинчлик ўрнатилишини доимий қўллаб-қувватлаши учун миннатдорлик билдирди.
1 июль куни Ўзбекистонда содир бўлган энг муҳим хабарлар дайжести
Президент билан ёшлар билан учрашуви, ЙТҲларга оид ўтган 5 ойдаги статистика, Андижон вилояти ҳокимининг қизининг тўйи, Бош прокуратура томонидан янги ишга туширилган телеграм-бот — «Газета.uz»нинг 1 июлдаги энг муҳим хабарлари дайжестида.
Шавкат Мирзиёев ҳайкаллар олдида номаъқул ҳаракатлар қилган тиктокерларни танқид қилди
Президент Алишер Навоий, Амир Темур, Мотамсаро она ҳайкаллари ёнида айрим тиктокерлар томонидан содир этилган номаъқул ҳаракатлар уни ранжитганини айтиб, уларни танқид қилди. «Бу болаларнинг ота-онаси, бобо-момолари, ўқитувчи ва муаллимлари¸ қолаверса, маҳалла-кўй, ёшлар билан ишлайдиган масъул мутасаддилар қаерга қараяпти?», — деди у. Қолаверса, бу каби ҳуқуқбузарлик учун жазо чоралари янада кучайтирилиши маълум қилинди.
Хориждаги иқтидорли ёшларни ватанга қайтариш бўйича янги тизим жорий этилади
Президент хориждаги ўзбек ёшларини қайтариш учун янги тизим яратилишини қайд этди. «Юксак билим ва малакага эга ёшларимизни Ватанимизга келиб ишлаши учун барча шароитларни яратиб берамиз», — деди у. Улар раҳбарлик лавозимларига асосий номзод сифатида кўрилади, уй-жой ва муносиб маош билан таъминланади.
Энг кўп ўқилган хабарлар | Сўнгги янгиликлар
Қўшимча имкониятларга эга булиш учун сайтда рўйхатдан ўтинг