Сиёсат
Ўзбекистоннинг Женевадаги вакили БМТнинг Инсон ҳуқуқлари бўйича раиси ўринбосари этиб сайланди
Ўзбекистоннинг Женева шаҳридаги БМТ бўлинмаси ва бошқа халқаро ташкилотлардаги доимий вакили Улуғбек Лапасов 2022 йил учун БМТ Инсон ҳуқуқлари бўйича кенгаши раисининг ўринбосари лавозимига сайланди. Номзодни Осиё-Тинч океани минтақавий гуруҳига аъзо давлатлар бир овоздан маъқуллаган.
Москвада қандай келишувларга эришилди?
Ўзбекистон президентининг Россияга ташрифи чоғида 18 та ҳужжат, жумладан, ҳукуматлар ўртасида ядровий, биологик хавфсизлик ва халқаро ахборот хавфсизлигини таъминлаш соҳасида ҳамкорликка оид битимлар, шунингдек, беш йиллик иқтисодий ҳамкорлик дастури имзоланди.
Шавкат Мирзиёев Россияга ташрифини якунлаб, Тошкентга жўнаб кетди
Ўзбекистон президенти Шавкат Мирзиёев Москвада Россия президенти Владимир Путин билан музокаралар ўтказди. Музокаралар якунида президентлар Халқаро ахборот хавфсизлигини таъминлаш соҳасида ҳамкорлик тўғрисида Қўшма баёнот қабул қилдилар. Ташриф доирасида жами 18 та икки томонлама ҳужжат имзоланди. Давлат раҳбари Россияга ташрифини якунлаб, Тошкентга жўнаб кетди.
19 ноябрь куни Ўзбекистонда содир бўлган энг муҳим хабарлар дайжести
Янги қабул қилинган қарорлар, Олий Мажлис Сенатининг 21 ялпи мажлиси, Inkuzart`нинг янги граффитиси яна бўяб ташланиши — «Газета.uz»нинг 19 ноябрдаги энг муҳим хабарлари дайжестида.
Сенат фавқулодда ҳолат тўғрисидаги конституциявий қонунни тасдиқлади
Сенат «Фавқулодда ҳолат тўғрисида»ги конституциявий қонунни тасдиқлади. Қонун фавқулодда ҳолатни жорий этиш шартлари ва тартиби, қўлланиладиган чоралар ва чеклашлар, фуқаролар ҳуқуқларининг кафолатлари, судлар фаолияти ва бошқа масалаларни тартибга солади. Қонунга кўра, мамлакат ҳудудида фавқулодда ҳолат муддати 30 суткадан ошмаслиги керак ва бу муддат фақат президент фармони билан узайтирилиши мумкин, фармон эса парламент томонидан тасдиқланиши лозим.
Ҳокимлик биносини таъмирлаш, ҳайфсан, маблағ ажратиш — ҳокимларнинг истеъфога чиқишдан олдинги қарорлари
Ноябрь ойида Навоий, Қашқадарё ва Тошкент вилоятлари ҳокимлари алмаштирилди. Ҳудудлар раҳбарлари ишининг сўнгги кунларида хилма хил қарорларни имзоладилар — турли ташкилотларга маблағ ажратишдан тортиб, автомобилни бошқа ташкилот балансига ўтказишгача. «Газета.uz» уч вилоят собиқ ҳокимларининг охирги қарорларини ўрганиб чиқди.
Коррупция ҳақида хабар берганларнинг қариндошлари давлат ҳимоясида бўлади
Президент томонидан имзоланган қонунга кўра, эндиликда коррупцияга оид ҳуқуқбузарликлар тўғрисида ахборот бераётган шахсларнинг қариндошлари ҳам давлат ҳимоясида бўлади. Илгари фақат хабар берган шахслар назарда тутилган.
«Афғонистон муаммоларини қўшни давлатлар зиммасига юкламаслик керак» — ТИВ раҳбари
Ташқи ишлар вазири Абдулазиз Камилов белгиялик журналистнинг Ўзбекистон Афғонистон ҳукуматини шакллантиришда «Толибон»га таъсир ўтказишга уриняптими ёки бу ҳаракат билан муносабатларни қандай кўзда тутаётгани ҳақидаги саволларига жавоб берди. «Биз афғон муаммоси юкини минтақа давлатларининг елкасига юкламаслик керак», — деди вазир ва айрим давлатлар пул таклиф қилаётгани ва бунинг эвазига минглаб афғон қочқинларини қабул қилишни сўраётганини қўшимча қилди. «Биз буни тушунмаяпмиз», — деди Абдулазиз Камилов.
Абдулазиз Камилов Сергей Лавров билан учрашди
Ўзбекистон ТИВ раҳбари Абдулазиз Камилов Россия ташқи ишлар вазири Сергей Лавров билан учрашди. Вазирлар халқаро ахборот хавфсизлиги соҳасида ҳамкорлик тўғрисидаги ҳукуматлараро битимни, биологик хавфсизлик бўйича ҳукуматлараро англашув меморандумини, шунингдек, Россия ва Ўзбекистон ТИВлари ўртасидаги 2022−2023 йилларга мўлжалланган ҳамкорлик дастурини имзоладилар.
Шавкат Мирзиёев Россияга жўнаб кетди
Ўзбекистон президенти Шавкат Мирзиёев Россия президенти Владимир Путиннинг таклифига биноан ташриф билан Россияга жўнаб кетди.
18 ноябрь куни Ўзбекистонда содир бўлган энг муҳим хабарлар дайжести
Янги амалга оширилган тайинловлар, ҳайдовчилик гувоҳномаси ва «техпаспорт» ни алмаштириш муддати узайтирилиши, газ қуйиш шохобчаларининг иш вақти жадвали эълон қилиниши — «Газета.uz»нинг 18 ноябрдаги энг муҳим хабарлари дайжестида.
2022 йилда Ўзбекистон президентининг Брюсселга ташрифи чоғида ЕИ билан янги битим имзоланади
Европа Иттифоқи билан Кенгайтирилган шериклик ва ҳамкорлик тўғрисидаги битим лойиҳасини ишлаб чиқиш яқин орада якунланади. Ҳужжатни Ўзбекистон президентининг келаси йил Брюсселга қилинадиган ташрифи чоғида имзолаш режалаштирилмоқда.
Давлат божхона қўмитасига янги раис тайинланди
Акмалхўжа Мавлонов Давлат божхона қўмитаси раиси этиб тайинланди. Аввалроқ собиқ раис Муротжон Азимов Қашқадарё вилояти ҳокими этиб тайинланганди.
Даврон Хидоятов Чирчиқ шаҳри ҳокими этиб тайинланди
Тошкент вилояти собиқ ҳокими Даврон Хидоятов Чирчиқ шаҳри ҳокими этиб тайинланди.
Тошкент вилояти ҳокими лавозимидан озод этилди
Тошкент вилояти ҳокими Даврон Ҳидоятов лавозимидан озод этилди. Унинг ўрнига Зойир Мирзаев вилоят ҳокими вазифасини бажарувчи этиб тайинланди.
Қашқадарё вилояти ҳокимига биринчи ўринбосар тайинланди
Улуғбек Узоқов Қашқадарё вилояти ҳокими Муротжон Азимовнинг қишлоқ ва сув хўжалиги масалалари бўйича биринчи ўринбосари этиб тайинланди.
Зойир Мирзаев Тошкент вилояти ҳокими бўлади
Собиқ Қашқадарё вилояти ҳокими Зойир Мирзаев Тошкент вилояти ҳокими бўлади. Тошкент вилоятида бўлиб ўтиши режалаштирилган фаоллар йиғилишида янги ҳоким расман эълон қилинади.
Ҳукумат ва ЮНИСЕФ васийлик тизимини ислоҳ қилишни муҳокама қилмоқда
ЮНИCЕФнинг минтақавий директори Афшан Хан мамлакатда болалар ҳуқуқларини амалга оширишнинг устувор йўналишларини муҳокама қилиш мақсадида Ўзбекистонга бир ҳафтага ташриф буюрди. Тошкентда бўлиб ўтган давра суҳбатида у меҳрибонлик уйларини ёпишни давом эттириш муҳимлигини таъкидлади.
Муротжон Азимов Қашқадарё вилояти ҳокими в.б. этиб тайинланди
Зойир Мирзаев бошқа ишга ўтиши муносабати билан Қашқадарё вилояти ҳокими лавозимидан озод этилди. Унинг ўрнига Муротжон Азимов вилоят ҳокими в.б. этиб тайинланди. Зойир Мирзаев бошқа вилоятига ҳоким этиб тайинланиши кутилмоқда.
Қашқадарё вилояти ҳокими ишдан олиниши кутилмоқда
Қашқадарё вилояти ҳокими Зойир Мирзаев ишдан олиниши кутилмоқда. Унинг ўрнига Божхона қўмитаси раиси Мурот Азимов вилоят ҳокими этиб тайинланиши мумкин.
Қўшимча имкониятларга эга булиш учун сайтда рўйхатдан ўтинг