Қибрайда 2 гектар ерни 1 млн долларга сотишга уринган шахслар қўлга олинди
Қибрай туманида яшовчи икки нафар фуқаро «Салар» шаҳарчаси ҳудудидаги 2 гектар ер майдонини 1 миллион 10 минг АҚШ долларига сотмоқчи бўлган вақтларида ашёвий далиллар билан ушланди. Ҳозирда мазкур ер эгасини тергов ҳаракатларига жалб этиш чоралари кўрилмоқда.
«Пахтакор»дан ташқари яна 12 та футбол клубининг улушлари ҳокимликлар ва давлат компанияларига ўтказилди
«Пахтакор» дан ташқари яна 8 та Суперлига ва 4 та Про лига жамоаларининг акциялари ҳокимликлар ва давлат компаниялари маъмуриятига уларни кейинчалик сотиш шарти билан топширилди. Тошкент шаҳар ҳокимлиги энди «Бунёдкор»нинг эгаси ва бош ҳомийсига айланди.
Долларнинг расмий курси кетма-кета саккизинчи бор кўтарилмоқда
Долларнинг расмий курси 11,75 сўмга қимматлади ва жами 10 597,75 сўм этиб белгиланди. Шунингдек, рубль курси кўтарилган, евро эса бироз пасайган.
ОТМларда коррупцияга қарши курашиш бўлимлари очилади
ОТМларда коррупцияга қарши курашиш «комплаенс-назорат» тизимини бошқариш бўлимлари очилади. Мазкур бўлим бошлиғи лавозими талабалар сони 1 500 кишигача бўлган ОТМларда жорий қилинмайди.
Мусулмонлар идораси Қуддус бўйича нотўғри ҳаракатларга даъват қилаётган фитналардан эҳтиёт бўлишга чақирди
Ўзбекистон мусулмонлари идораси Шарқий Қуддусдаги мусулмонлар учун табаррук минтақада нотинчликлар давом этаётганидан жиддий ташвишда эканлигини маълум қилди. Идора «ноўрин баҳс-мунозаралар, ихтилоф ва тушунмовчиликлар келтириб чиқаришга, нотўғри хатти-ҳаракатларга даъват қилаётган фитналардан эҳтиёт бўлишга» чақирди.
Қулупнай даласи бузилишига ички ишлар ходимлари алоқадор эмас — ИИБ
Ижтимоий тармоқларда Қибрайдаги қулупнай далаларидан бири бульдозер билан бузиб ташланаётгани акс этган видео тарқалди. Лавҳада воқеа жойида ички ишлар ходимлари ҳам бўлганлигини кўриш мумкин. Халқ кенгаши депутати Феруза Бабашева «қулупнайни экишдан олдин тўхтатилса бўлмасмиди?», — деб ёзди. Вилоят ИИБ ердаги ҳосилни териб олиш ёки буздириш ишларига ички ишлар ходимлари алоқадор эмаслигини таъкидлади.
Прогнозлаштириш ва макроиқтисодий тадқиқотлар институти директори тайинланди
Умид Абидхаджаев Прогнозлаштириш ва макроиқтисодий тадқиқотлар институти директори этиб тайинланди. У бунга қадар президент Администрацияси ҳузуридаги Иқтисодий тадқиқотлар ва ислоҳотлар маркази директори ўринбосари бўлган.
Андижонлик депутатни айблаш учун асослар етарли — Бош прокуратура
Бош прокуратура даҳлсизлик ҳуқуқидан маҳрум қилинган андижонлик депутат Шуҳратбек Каримовнинг компанияси ҳаракатлари оқибатида бир нечта фуқароларнинг ердан фойдаланиш ҳуқуқлари бузилганини айтмоқда. Адлия вазирлиги «депутатни тинтув қилиш ва ўз ваколатларини амалга оширишга монелик қилиш ноқонуний» эканлигини таъкидлади. Вазирлик депутатлар дахлсизлигини бузганларга чора кўриш кераклигини таъкидлади.
Шаҳрисабзда ҳоким қабулига борган аёл «жиннихона»га жойлаштирилган
Шаҳрисабз шаҳри ҳокимининг қабулига шикоят билан борган аёл маҳалла раиси, «участкавой» ва шаҳар маҳалла бўлими раҳбари томонидан «жиннихонага» тиқиб қўйилган. Ҳолатни ўрганиш учун Шаҳрисабз шаҳар ҳокимлигида ишчи гуруҳи тузилди.
Аёлларни реабилитация қилиш республика марказлари ташкил этилди
Президент қарори билан Зўрлик ишлатишдан жабр кўрган шахсларни реабилитация қилиш ҳамда ўз жонига қасд қилишнинг олдини олиш республика маркази тугатилди. Унинг ўрнига Аёлларни реабилитация қилиш ва мослаштириш республика марказлари ташкил этилди. Бундан ташқари, руҳий, психотерапевтик, ҳуқуқий ёрдам бериш учун 24 соат узлуксиз ишловчи «ишонч телефони» рақами йўлга қўйилади.
$3 500 эвазига Жисмоний тарбия университетига киритиб қўймоқчи бўлган шахс ушланди
Ангренда 3 500 АҚШ доллари эвазига Жисмоний тарбия университетига киритиб қўймоқчи бўлган шахс ушланди. Шунингдек, пойтахтнинг Миробод туманида 1 500 АҚШ доллар эвазига Москва давлат университетининг филиалига киритмоқчи бўлган шахс аниқланди.
Президент «Российские железные дороги» бош директорини қабул қилди
Ўзбекистон президенти ва РЖД бош директори «Мозори Шариф — Кобул — Пешовар» темир йўлини қуриш лойиҳасини биргаликда илгари суриш масаласини муҳокама қилди. РЖД темир йўллар қурилишларига ўзбекистонлик ишчиларни жалб қилишга тайёрлигини билдирди.
19 май куни Ўзбекистонда содир бўлган энг муҳим хабарлар — Дайжест
Паралимпия қўмитаси ташкил этилгани, ID картаси бор ҳайдовчиларнинг ЙПХ ходимларига айрим ҳужжатларни тақдим этмаслиги, Ўзбекистонга келтирилган 500 минг доза вакцина, янги тез ёрдам машиналари ва СамДУнинг Каттақўрғон филиали — «Газета.uz»нинг 19 майдаги энг муҳим хабарлари дайжестида.
Жаҳон янгиликлари дайжести
Қозоғистонда COVID-19га қарши эмланишдан сўнг тўртта ўлим қайд этилгани, Ливан ташқи ишлар вазирининг Саудия Aрабистонига нисбатан айтган сўзлари учун истеъфога чиққани, Нью-Йоркда Дональд Трамп компаниясига қарши жиноий иш қўзғатилгани ва бошқа янгиликлар — «Газета.uz»нинг жаҳон янгиликлари дайжестида.
Тиббиёт ОТМлари трансформация қилинади
Шавкат Мирзиёев мамлакатдаги 11 та тиббиёт олийгоҳини трансформация қилишни топширди. Бу иш Тошкент тиббиёт академиясидан бошланиб, унга Европа ва бошқа ривожланган давлатлардан профессор-ўқитувчилар жалб қилинади.
Беларусда президент сайловини фаол ёритган TUT.BY сайти блокланиб, журналистлари ҳибсга олинди
2020 йилги президентлик сайловларидан сўнг мамлакатда бўлиб ўтган норозилик намойишларини ёритган Беларусдаги энг йирик нашрларидан бири TUT.BY сайти блокланди. Раҳбариятга нисбатан катта миқдордаги солиқ тўлашдан бўйин товлаш бўйича жиноий иш қўзғатилди, журналистлар ва бошқа ходимлар ҳибсга олинди.
Қўқондаги ёқилғи қуйиш шохобчасида ёнғин содир бўлди
Қўқон шаҳридаги «UzGazOil» ёқилғи қуйиш шохобчасида бензовоз ёқилғи тўкиш вақтида ёнди. Жароҳат олганлар ва қурбонлар йўқ.
Ерни ноқонуний ажратишга қарши чиққан депутат дахлсизлик ҳуқуқидан маҳрум қилинди
Ноқонуний равишда ер участкалари ажратиш ва шаҳар ҳокимининг қарорларига қарши чиқиб келаётган Андижон шаҳар кенгаши депутати Шуҳратбек Каримов прокурор таклифи билан дахлсизлик ҳуқуқидан маҳрум этилди. Бунга ушбу депутат таъсисчи бўлган компанияга қарши жиноий иш сабаб бўлган. Коррупцияга қарши кураш агентлиги ва жамоатчилик депутатни қўллаб-қувватладилар. Сенат комиссияси вазиятни ўрганмоқда.
Самарқанд давлат университетининг Каттақўрғон филиали ташкил этилди
Самарқанд давлат университетининг Каттақўрғон филиали ташкил этилди. Филиалга талабалар мутахассисликлар бўйича давлат гранти ва тўлов-контракт асосида тенг улушда қабул қилинади. Ўқув жараёнлари 2021/2022 ўқув йилидан бошланади.
Европада велосипедчилар сонини 2030 йилгача икки баробарга ошириш режалаштирилмоқда
Европа мамлакатлари минтақада 2030 йилга қадар велосипедчилар сонини оширишни кўзда тутган режани имзолади. Ҳукуматлар пиёда сайр қилувчилар сонини оширишни ҳам мақсад қилган. Ушбу чоралар йўллардаги тирбандликлардан халос бўлиш, шаҳар муҳитидан самарали фойдаланишга имкон беради, деб ҳисобламоқда экспертлар.
Қўшимча имкониятларга эга булиш учун сайтда рўйхатдан ўтинг