Долларнинг расмий курси кетма-кет бешинчи бор пасаймоқда
Долларнинг расмий курси 9 сўмга арзонлади ва жами 10 550 сўм этиб белгиланди. Шунингдек, евро ва рубль курслари ҳам пасайди.
Ҳафтанинг иккинчи ярмида иссиқлик янада кучаяди
3−7 июнда Эрон ҳудудларидан иссиқ ҳаво кириб келишининг кучайиши ҳисобига ҳаво ҳарорати +43 даражага кўтарилиши кутилмоқда. Баъзи жойларда шамол чангли бўрон бўлиши мумкин
Ботаника боғида велосипед ва самокатларда ҳаракатланиш тақиқланди
Пойтахт Ботаника боғи ташриф буюрувчилар учун «хавфсиз ҳудуд» деб эълон қилинди. Энди унинг ҳудудида велосипед, самокат ва скутерда ҳаракатланиш тақиқланади.
Термиз — Мозори Шариф — Кобул — Пешовар темир йўли қурилса Эрон, Покистон портларига йўл очилади — президент
Президент Шавкат Мирзиёев журналистлар билан учрашувда Термиз — Мозори Шариф — Кобул — Пешовар темир йўли қурилишининг илк босқичлари учун Жаҳон банки томонидан 35 млн доллар маблағ ажратилишини маълум қилди.
«Мен бу ерга ҳақиқий масъулиятни ўз зиммамга олиш учун келдим» — президент
Шавкат Мирзиёев Сурхондарёни «иқтисодий берк» вилоят деб атаб, у ерда тадбиркорларга Тошкентда мавжуд имкониятлар сингари бир ҳил шароит яратиш кераклигини таъкидлади. Президент вилоятдаги асосий муаммо суғориш ва ичимлик суви таъминоти эканлигини қайд этди. «Мен ҳақиқий масъулиятни ўз зиммамга олиш учун келдим, бу қийин. Одамлар гаплардан чарчаган, уларга ҳақиқий лойиҳалар, пул, инфратузилма бериш керак», — деди у.
«Бу мамлакатда деярли ўзгаришлар бўлмаганлигини англатади» — Агнешка Пикулицка
Халқаро журналист Агнешка Пикулицка ўз шахсий Twitter’ида ТИВ томонидан унинг аккредитациясини узайтирмаслик тўғрисидаги қарорига муносабат билдирди. У ушбу ҳолатни «унинг овозини ўчиришга уриниш» ва «мамлакатда деярли ўзгаришлар бўлмаганлигини англатади» деб изоҳлади.
«Қизларимиз билмайди, тушунмайди, ўқимайди, деймиз. Чунки уларни ўзимиз ўқитмаймиз-да» — Шавкат Мирзиёев
Шавкат Мирзиёев анорчилик бўйича илмий ишлар қилиб келаётган боғбон аёл билан суҳбатдан сўнг, мазкур йўналишда таҳсил олаётган ёш олималарни илғор хорижий мамлакатларга ўқишга юбориш бўйича топшириқ берди. «Қизларимиз билмайди, тушунмайди ўқимайди, деймиз. Чунки, уларни ўзимиз ўқитмаймиз-да. Аёлларимизнинг билими, малакаси кучли. Юзага чиқариш керак», — деди президент.
60 та сектор раҳбари 100 фоиз иш вақтини маҳаллада ўтказиши керак — президент
Шавкат Мирзиёев Сурхондарё вилояти фаоллари билан учрашувида вилоятда маҳаллабай ишлаш тизимини такомиллаштириш кераклиги ҳақида айтиб ўтди.
IT Park ўз мажбуриятини бажармаган 27 та компаниянинг резидент мақомини бекор қилди
IT Park дирекцияси ўз мажбуриятларини бажармаган 27 та компаниянинг мақомини бекор қилди. Резидентлик мақоми бекор қилинган компанияларнинг орасида — Oson Apteka, Hoop Club, Invan Soft, Filosofiya IT, Imenu, School-Service ва бошқалар бор.
Сурхондарёнинг 4 та туманидаги тадбиркорлар 2024 йилгача солиқлардан озод этилади
Шавкат Мирзиёев Бандихон, Қизириқ, Музработ ва Шеробод туманларида очиладиган янги тадбиркорлик субъектларини ер, мол-мулк, кичик корхона айланмасидан олинадиган солиқлар, якка тартибдаги тадбиркорларнинг қатъий миқдордаги даромад солиғидан 2024 йил 1 январга қадар озод этишни таклиф қилди.
Сурхондарёда Тошкентга боғлиқ бўлган бирорта муаммо қолгани йўқ — Шавкат Мирзиёев
Шавкат Мирзиёев савол бериш, муаммо ва таклифларни ўртага ташлашни сўраб, бунга қарши бўлганлар хиёнатчи бўлишини таъкидлади. Шунингдек, йиғилишда ёшлар масалаларига ҳам эътибор қаратилди.
Сурхондарёдада инфратузилмани яхшилаш учун 1,9 триллион сўм маблағ ажратиляпти — президент
Президент Шавкат Мирзиёев Сурхондарё вилоятида инфратузилмани яхшилаш учун 1 триллион 900 миллиард сўм маблағ ажратилаётганини маълум қилди.
«Тошкент кўмак бериши керак, лекин вилоятлар ўзини аравасини ўзи тортиши керак» — президент
Шавкат Мирзиёев Сурхондарё вилоятида 100 минг киши ишсиз экани ва 80 минг нафари чет элга эканликларини айтиб, «ҳокимлар бўйинбоғини ечиб қўйиб, ҳафтада бир кун фуқаролар орасида юриши кераклигини» таъкидлади. «Тошкент кўмак бериши керак, лекин вилоятлар ўзини аравасини ўзи тортиши керак», — деди давлат раҳбари.
Ўзбекистонда 3-босқичда тўлиқ эмланганлар сони 1282 нафарга етди
Ўзбекистонда 3-босқичда тўлиқ эмланганлар сони 1282 нафарга етди. Шунингдек, сўнгги кун ичида 346 нафар бемор касалликдан соғайиб, Ўзбекистонда соғайиш кўрсаткичи 96 фоизни ташкил этмоқда.
ТИВ халқаро журналист Агнешка Пикулицканинг аккредитациясини узайтирмасликка қарор қилди
ТИВ польшалик журналист Агнешка Пикулицка томонидан «Ўзбекистон Республикаси қонунчилигининг бузилиши ҳолатлари қайд этилганлиги» сабабли унинг аккредитациясини узайтирмасликка қарор қилди.
Тошкент ер усти метросининг Ҳалқа йўлида ҳаракат тезлиги секинлашади
Тошкент метрополитенининг Ҳалқа йўлида поездларнинг тезлиги ҳаво ҳароратининг кескин кўтарилиши сабаб вақтинчалик секинлашади.
«Lyubaya biznes xorosha», «Plati-leti», «S 707» МЧЖларга нисбатан очилган жиноят иши юзасидан тергов олиб борилмоқда
«Lyubaya biznes xorosha», «Plati-leti», «S 707» ва бошқа МЧЖлар мансабдор шахсларига нисбатан сохта тадбиркорлик, савдо ёки хизмат кўрсатиш қоидаларини бузиш ҳамда солиқларни тўлашдан бош тортиш каби ҳолатлар юзасидан жиноят иши очилиб, тергов ҳаракатлари олиб борилмоқда.
Ўзбекистон футзал терма жамоасининг Жаҳон чемпионатидаги рақиблари маълум бўлди
Ўзбекистон футзал терма жамоаси Жаҳон чемпионатида «B» гуруҳида Россия, Миср ва Гватемала терма жамоалари билан баҳс олиб боради.
Шавкат Мирзиёев Шерободдаги замонавий иссиқхонани бориб кўрди
Июнь ойининг бошини Ўзбекистон президенти Сурхондарё вилоятига ташрифдан бошлади. Давлат раҳбари кун тартибидан ўрин олган объектлар қаторида 29 гектарлик иссиқхона ва 5 млн долларлик «Шеробод анор импекс» лойиҳаси билан ҳам танишди. Корхона 6 минг тонна қадоқлаш, 2 минг тонна анор шарбати ишлаб чиқариш қувватига эга. Мажмуада жами 300 га яқин иш ўрни яратилган.
Миллий боғ ўрнида Magic City очилди
Пойтахтдаги Миллий боғ ўрнида Magic City оилавий кўнгилочар боғи очилди. Биринчи босқичда дунёнинг машҳур пойтахтлари шоҳ кўчаларига ўхшаш кўчалар, мусиқий фаввора ва бошқалар очилди. «Янгиланаётган Тошкентга янгиланаётган боғлар, янги ёшлар ярашади», — деди шаҳар ҳокими Жаҳонгир Ортиқхўжаев.
Қўшимча имкониятларга эга булиш учун сайтда рўйхатдан ўтинг