ЖИБ Мингбулоқ тумани суди раиси 2 минг доллар пора олишда гумонланиб ушланди
Жиноят ишлари бўйича Наманган вилояти Мингбулоқ тумани суди раиси 2 минг доллар пора олишда гумонланиб ушланди. У ўзининг иш юритувидаги судланувчига енгилроқ жазо тайинлаб беришини айтган.
Тошкентда 18 метрли автобус ёғингарчилик сабабли сирпаниб, қияликка тушиб кетди (видео)
Тошкент шаҳрида 11-йўналишдаги «гармошка»ли автобус 18-автосаройдан чиқаётиб, ёғингарчилик туфайли сирпанди ва унинг орқа қисми қияликка тушиб кетди. Салонда йўловчилар бўлмаган. Автобус махсус техника ёрдамида чиқариб олинди.
«Ташаббусли бюджет»да бажарилган лойиҳаларни маҳалла раиси ва ташаббускорлар текшириб олади — режа
2024 йилги давлат дастури лойиҳасида «Ташаббусли бюджет» доирасидаги лойиҳаларни маҳалла раиси ва ташаббускорлар розилиги билан фойдаланишга топшириш белгиланмоқда. Шунингдек, 1 мартдан «Бир фуқаро — бир овоз» тизими жорий этилиши мумкин.
Ўзбекистонда 1 мартдан аҳолини ҳаво ифлосланганда хабардор қилиш бошланиши мумкин
Ўзбекистонда 1 мартдан чанг бўрони ва ҳаво ифлосланган вақтда аҳолини профилактик чоралар тўғрисида доимий хабардор қилиш амалиёти йўлга қўйилиши кутилмоқда. Шунингдек, қурилиш майдонларида чанг ва қумнинг ҳавога кўтарилишини бартараф этиш бўйича мажбурий талаблар жорий этилиши мумкин.
Ўзбекистонда 2024 йилда 450 минг дона енгил автомобиль ишлаб чиқариш мақсад қилинмоқда
Ўзбекистондаги маҳаллий автомобилсозлик корхоналари томонидан 2024 йилда 450 минг дона енгил автомобиллар ишлаб чиқаришга эришиш ва ADM Jizzakh корхонаси негизида Кореянинг KIA бренди остида автомобилларни тўлиқ циклда ишлаб чиқариш мақсад қилинмоқда. Бу 2024 йилга оид давлат дастурига киритилган.
Сурхондарёда эркак 4 ёшли боласини ширинлик сўрагани учун сўкиб, калтаклади
Тармоқларда ота 4 ёшли боласини дўкондан ширинлик ва ўйинчоқлар олиб беришини сўрагани учун ҳақоратлаб, калтаклагани акс этган видео тарқалди. Бош прокуратура ҳолат Термиз шаҳрида 42 ёшли эркак томонидан содир этилган ва унга нисбатан очилган маъмурий иш судга юборилганини билдирди.
Сурхондарё вилояти ИИБга янги раҳбар тайинланди
Полковник Тимур Исмаилов Сурхондарё вилояти Ички ишлар бошқармаси бошлиғи этиб тайинланди. Бошқарманинг аввалги бошлиғи полковник Абдувохид Исмаилов эса Қашқадарё вилояти Ички ишлар бошқармаси бошлиғи этиб тайинланганди.
Она тили ва адабиёт ҳамда тарих фанларидан миллий сертификатга эга педагогларга 50 фоиз устама тўланиши мумкин
Ўзбекистонда 2024/2025 ўқув йилидан бошлаб она тили ва адабиёт ҳамда тарих фанларидан миллий сертификатга эга педагогларга 50 фоиз миқдорида ҳар ойлик қўшимча устама тўланиши режалаштирилмоқда.
Yunusabad Residence премиум классдаги хонадонларга чегирма эълон қилди
10 февралгача Yunusabad Residence премиум классдаги 30 та хонадонга 13% чегирма амал қилади. Бундан ташқари, бошланғич тўловсиз 12 ойга бўлиб-бўлиб тўлаш имконияти ҳам мавжуд.
Ўзбекистонда раҳбарлар жамоат транспортидан фойдаланиб, аҳолига намуна кўрсатишга яна ундалмоқда
2024 йилги давлат дастури лойиҳасига кўра, Тошкент шаҳрида ойнинг бир иш куни «Автомобилсиз кун» бўлиши, бунда раҳбарлар жамоат транспортида юриш орқали намуна кўрсатиши белгиланди. 2020 йилда ҳам раҳбарларга ҳафтада камида бир марта автомобиллардан фойдаланмасдан ишга келиб-кетиш тавсия этилган.
2024 йилги давлат дастури лойиҳаси эълон қилинди
«Ўзбекистон-2030» стратегиясини «Ёшлар ва бизнесни қўллаб-қувватлаш йили»да амалга оширишга оид давлат дастури ва уни тасдиқлаш тўғрисидаги президент фармони лойиҳалари жамоатчилик муҳокамаси учун эълон қилинди. Лойиҳалар 9 февралга қадар жамоатчилик ва экспертлик муҳокамаларидан ўтказилади.
Антикоррупция агентлигига 2023 йилда энг кўп таълим соҳаси бўйича мурожаат келиб тушган
Коррупцияга қарши курашиш агентлигига 2023 йилда энг кўп таълим соҳаси ходимларининг хатти-ҳаракатлари ва соҳадаги қонун бузилиши ҳолатлари бўйича мурожаат келиб тушган. Шунингдек, суд қарорларидан норозилик ва тендер савдоларидаги бузилиши ҳолатлари бўйича ҳам кўп шикоятлар билдирилган.
Февралда қандай об-ҳаво бўлиши кутилмоқда?
Ўзбекистонда келаётган февраль ойи одатдагидан илиқроқ, бироқ ой боши нисбатан совуқ бўлади. Иккинчи беш кунликда ҳарорат кечаси 0…+5, кундузи +8…+13 даража, кейинчалик ой охиригача кечаси −12…+7, кундузи 0…+18 даража атрофида бўлади. Ёғингарчилик меъёрдан кам бўлиши кутилмоқда.
Қидирувдаги икки эркак Туркиядан Ўзбекистонга депортация қилинди
2018 ва 2022 йиллардан буён қидирувда бўлган икки эркак Туркиядан Ўзбекистонга депортация қилинди. Уларнинг бири кўп миқдордаги пулларни фирибгарлик йўли билан ўзлаштириш, иккинчиси ўзлаштириш ёки растрата йўли билан талон-торож қилишда айбланмоқда.
Сурхондарёда Nexia ағдарилиб кетиши оқибатида бир аёл вафот этди
Термиз туманида Nexia 3 юқори тезликда йўлдан чиқиб кетиб, ағдарилди. Ҳодиса оқибатида 2003 йилда туғилган аёл вафот этди, ҳайдовчи эса туман шифохонасига ётқизилди.
Қашқадарёда 20 дан ортиқ бута ва дарахтни ноқонуний кесган ҳоким ёрдамчиси жаримага тортилди
Яккабоғ туманида ҳоким ёрдамчиси 20 та наъматак бутаси ва 5 та олча дарахтини ноқонуний кесиши оқибатида табиатга 9 млн 350 минг сўм зарар етди. У жами 12,7 млн сўм товон тўлайдиган бўлди.
Қашқадарёда талаба қизни турмуш қуришга ундаб, босим ўтказган йигит 10 суткага қамалди
Шаҳрисабз шаҳрида 17 ёшли қизни турмуш қуришга ундаб, тазйиқ ва руҳий босим ўтказган йигит 10 суткага қамалди. Аввалроқ қизга ҳимоя ордери берилганди.
«Ўрмонқурилиш» ва Қишлоқ хўжалиги вазирлиги ҳузуридаги марказ ходимлари қўлга олинди
Бош прокуратура Ўрмон хўжалиги агентлиги ҳузуридаги «Ўрмонқурилиш» ДУК ҳамда Қишлоқ хўжалиги вазирлиги ҳузуридаги Озиқ-овқат ва қишлоқ хўжалиги соҳасида стратегик ривожланиш ва тадқиқотлар халқаро маркази мансабдор шахслари ҳибсга олингани ҳақида хабар берди. Улар пора олганликда гумон қилинмоқда.
Ўзбекистон Хитойдан тез ёрдам учун 150 млн долларга электромобиль сотиб олади
ССВ Хитойнинг Henan Costar Group компанияси билан тез тиббий ёрдам электромобиллари харид қилиш ва уларни модификациялаш заводини қуриш бўйича 150 млн долларлик шартнома имзолади. China CAMC Engineering поликлиникалар қуриши мумкин, Snibe Diagnostic эса диагностика ускуналари билан таъминлайди.
«Шунча ходим бор, лекин қани натижа?» Президент Ачилбай Раматов комплексини танқид қилди
Бош вазир ўринбосари Ачилбай Раматов комплексига 3 та вазирлик ва идора, 3 та инспекция, 5 та корхона, 11 раҳбар, 41 ўринбосар, 12 минг бошқарув ходими ва 224 нафар ҳоким ўринбосари киради. «Одамларимиз энг кўп норози бўлган соҳа Раматовнинг комплекси», — деди президент.
Қўшимча имкониятларга эга булиш учун сайтда рўйхатдан ўтинг