Тошкентда тадбиркор ерни 1,3 млн долларга ноқонуний сотишга урингани айтилмоқда
ИИВ департаменти Тошкент шаҳри ва Бухоро вилоятида ерни талон-торож қилиш ҳолатларини аниқлади. Улардан бирида тадбиркор ерини бошқа шахсга 1 млн 340 минг долларга ноқонуний сотмоқчи бўлгани, иккинчисида эса икки фуқаро ҳокимлик ерини 20 минг доллар эвазига олиб бермоқчи бўлгани айтилмоқда.
Чекловлар киритилишига сабаб бўлган Бухородаги 2 та электр узатиш тармоғида юз берган носозлик бартараф этилди
Энергетика вазирлиги Бухоро вилоятида кучли шамол оқибатида юқори кучланишдаги 2 та электр узатиш тармоғида юз берган носозлик тўлиқ бартараф этилганини маълум қилди. Шунингдек, вазирлик 21 февраль куни 12 минг тонна мазут ёқилганини қайд этди.
Тошкентда 1 йил ичида иккиламчи бозордаги уй-жойларнинг ўртача нархи деярли 20 фоизга ошди — ИТИМ
Тошкентдаги уй-жойларнинг иккиламчи бозордаги ўртача нархи бир йилда деярли 20 фоизга ошди, дейилади Иқтисодий тадқиқотлар ва ислоҳотлар маркази маълумотида. Январда иккиламчи уй-жойлар ўртача нархи квадрат метри учун 1122 долларни ташкил этди. Бектемир, Сергели ва Яшнободда нархлар бироз ошди.
Метан «заправка»лар ишига киритилган чекловлар босқичма-босқич олиб ташланмоқда
Энергетика вазирлиги метан «заправка»лар фаолиятига киритилган чекловлар 22 февралдан маҳаллий ҳокимликлар билан келишилган ҳолда, аввалдан белгиланган режа-график асосида босқичма-босқич олиб ташланаётганини маълум қилди.
Жиззахда 3 ёшли боғча тарбияланувчиси ариққа тушиб кетиб вафот этгани бўйича жиноят иши қўзғатилди
Бош прокуратура Дўстлик туманидаги боғча тарбияланувчиси вафот этгани юзасидан жиноят иши қўзғатди. Бир ҳафта аввал оилавий нодавлат МТТнинг қаровсиз қолган 3 тарбияланувчиси кўчага чиқиб кетган ва 3 ёшли қиз боғчадан 1 км узоқликдаги фермер хўжалиги ариғидан ўлик ҳолда топилганди. Боғча ёпилди.
Ўзбекистоннинг 6 та вилоятида қор кўчиши хавфи эълон қилинди
23−29 февраль кунлари кутилаётган ёғингарчилик ҳамда ҳаво ҳароратининг ўзгариши сабабли Ўзбекистоннинг 6 та вилоятида қор кўчиши хавфи эълон қилинди.
Президент 2026 йилги «Келажак ўйинлари»ни Ўзбекистонда ўтказишни таклиф қилди
Шавкат Мирзиёев Қозон шаҳрида бўлиб ўтган «Келажак ўйинлари» турнирининг очилиш маросимида иштирок этиб, мусобақани 2026 йилда Ўзбекистонда ўтказишни таклиф қилди.
Ўзбекистон Бадиий академияси раиси Акмал Нурга Япония орденини топшириш маросими бўлиб ўтди
Ўзбекистон Бадиий академияси раиси Акмал Нур 2023 йилнинг ноябрь ойида Япония императори Нарухито фармони билан «Чиқаётган қуёш катта кордон» ордени билан тақдирланган эди. Тошкентда орденни топшириш маросими бўлиб ўтди.
Мирзиёев Путин билан ҳамкорлик масалаларини гаплашиб, уни Ўзбекистонга таклиф қилди
Шавкат Мирзиёев Қозонда Россия президенти Владимир Путин билан учрашди. У Путиннинг бўлажак сайловларда ғалаба қозонишига ишончи комил эканини таъкидлаб, Ўзбекистонга таклиф қилди. Томонлар спортни ривожлантириш, қўшма фонд яратиш, Трансафғон темирйўли лойиҳаси ва бошқа масалаларни муҳокама қилди.
Европа Иттифоқи Россияга қарши 13-санкция пакети бўйича келишувга эришди
Европа Иттифоқи Россияга қарши 13-санкция пакетини қўллаш бўйича келишиб олди, у Украинага босқиннинг икки йиллиги арафасида тасдиқланади. 200 та компания ва жисмоний шахсларга санкция қўйилган. Санкциялар, шунингдек, Россиянинг дронлар ишлаб чиқаришини чеклайди.
Европа Иттифоқи ҳаво сифати стандартларини кучайтиради
Европа Иттифоқи давлатлари ҳаво сифати стандартларини кучайтириш бўйича келишувга эришди. 2030 йилга келиб PM2,5 майда заррачаларининг рухсат этилган ўртача йиллик концентрацияси 25 мкг/м3 дан 10 мкг/м3 гача камаяди.
Мубашшир Аҳмад Туркиядаги депортация марказидан чиқарилди — элчихона
Azon Global портали асосчиси Мубашшир Аҳмад Туркиядаги депортация марказидан чиқарилди. Аввалроқ Ўзбекистоннинг Истанбулдаги бош консулхонаси унга ҳуқуқий ёрдам кўрсатилаётганини маълум қилган эди.
Тошкент шаҳрида иккита қурилиш ташкилоти фуқароларни алдаб, 27 млрд сўмни ўзлаштирди
Тошкент шаҳрида тадбиркор қурилиш учун ер майдони бўлмаса-да, икки компания орқали коттежларни бўлиб-бўлиб, бошланғич бадал эвазига сотиб олишни таклиф қилган. У 27 млрд сўмни ўзлаштириб, 1,4 млн долларни хориждаги валюта биржасига ўтказган. Ҳозирда маблағларнинг бир қисмини қайтаришга эришилган.
Блогер Аброр Мухтор Алийнинг қамоқ муддати қисқартирилди ва озод қилинди
Аввалроқ 15 сутка маъмурий қамоқ жазоси тайинланган диний блогер Аброр Мухтор Алий (Аброр Абдуазимов) озодликка чиқди. Олий суднинг назорат органи унинг қамоқ муддатини икки суткага қисқартирди.
Ўзбекистон ва Афғонистон Ҳайратон — Мозори Шариф темирйўлини реконструкция қилишни бошлади (+ фото)
Ўзбекистон ва Афғонистон чегарасида Ҳайратон — Мозори Шариф темирйўл линиясини реконструкция қилишнинг очилиш маросими бўлиб ўтди. Таъмирлаш ишларининг биринчи босқичига «Ўзбекистон темир йўллари» компанияси томонидан 120 нафар ишчи жўнатилди. Фото.
Одам савдосида айбланган «Моня» Туркиядан Ўзбекистонга депортация қилинди
«Моня» номи билан танилган Мунисахон Алижонова Туркиядан Ўзбекистонга депортация қилинди. У одам савдосида айбланиб 2023 йилдан бери қидирувда эди. Бу йил бошидан буён шу каби айбловлар билан Ўзбекистонга депортация қилинган тўртинчи аёл ҳисобланади.
Энди Chevrolet Onix` ни янада қулай шартларда харид қилиш мумкин
UzAuto Motors ҳамда InfinBANK`дан янги таклифга биноан энди Chevrolet Onix автомобилини йилига 16,99 фоиз ставка билан кредитга сотиб олиш мумкин.
Ўзбекистондаги бир нечта банклар Contact хизмати билан ишлаш тўхтатилгани ҳақида хабар берди
Ўзбекистондаги бир қанча банклар Contact пул ўтказмалари тизими билан ишлашни тўхтатганини маълум қилди. Ушбу хизматнинг оператори QIWI Банк бўлиб, унинг лицензияси Россия Марказий банки томонидан қайтариб олинди.
Испан компанияси Ўзбекистонда сувни тежайдиган технологияларни жорий этиши мумкин
Мадриддаги Ўзбекистон элчихонасида Испаниянинг BioGreen Road компанияси вакиллари билан қишлоқ хўжалигида сув ресурсларини бошқариш соҳасида ҳамкорликни йўлга қўйиш масалалари муҳокама қилинди. Компания сувни гелга макромолекуляр айлантириш технологияси тақдимотини ўтказди.
Транспорт прокуратураси Туризм қўмитасидан Умра зиёрати билан шуғулланувчи 39 та турфирма фаолиятини тўхтатиб туришни сўради
Транспорт прокуратураси Туризм қўмитасидан Panorama Airways хусусий авиакомпанияси билан ҳамкорлик қилган ва минглаб Ўзбекистон фуқароларини Саудия Арабистонида қолиб кетишига сабабчи бўлган 39 та турфирма фаолиятини тўхтатиб туришни сўради. Турфирмаларнинг мансабдорларига жиноий иш қўзғатилган.
Қўшимча имкониятларга эга булиш учун сайтда рўйхатдан ўтинг