Тошкентга тўрт вагонли 3 та метро поезди олиб келинди
Тошкент метросига тўрт вагонли 3 та метро поезди келтирилди. Улар 8−10 кун синовдан ўтказилгач, «Юнусобод» ва «Ер усти ҳалқа йўли» йўналишларида ҳаракатга чиқарилади. Май охирига қадар яна шундай 8 та метро поезди олиб келиш режа қилинмоқда.
Қашқадарёда блогер 10 суткага қамалди
TikTok ва YouTube`да Sardor gangster тахаллуси билан чиқишлар қилган блогер 10 суткага қамалди. У майда безорилик ҳамда миллий, ирқий, этник ёки диний адоватни тарғиб қилувчи материалларни тайёрлаш каби ҳуқуқбузарликларни содир этган деб топилди.
Деҳқонобод ва Хива туманларига янги ҳокимлар тайинланди
Шерзод Шокиров Қашқадарё вилоятининг Деҳқонобод туманига, Сардор Палванов Хоразм вилоятининг Хива туманига ҳоким этиб тайинланди.
«Мактабни қамоқхонага айлантириш давом этмоқда». Фаоллар Навоийда ўқувчиларнинг сочи мажбуран калталангани ҳақида
Навоий шаҳридаги мактабда ўқувчи йигитларнинг сочи оммавий калталангани жамоатчилик норозилигига сабаб бўлди. Айримлар қамоқдаги боланинггина сочи мажбурий олинишини айтса, баъзилар мактаб ислоҳотини уларга сув, ҳожатхона ва компьютерларни олиб боришдан бошлаган яхшироқ, деган фикрда. Муносабатлар.
ДХХ 3 та вилоятда коррупция ва фирибгарликда гумонланаётган мансабдорларни қўлга олди
ДХХ 3 та вилоятда, жумладан, Жиззахда ўтказган рейдда ИИБнинг вақтинча сақлаш ҳибсхонаси бошлиғи пора билан қўлга тушди. Фарғонада эса электр тармоқлари корхонаси бўлими бошлиғи фирибгарликда айбланмоқда. Миллий гвардиянинг Самарқанддаги ходимларидан бири ҳам пора олишда гумонланяпти.
«Бахти Ташкентский»нинг акаси Шухрат Қудратуллаев қўлга олинди
Ўзбекистон ҳуқуқ-тартибот идоралари товламачиликда гумон қилинаётган «Бахти Ташкентский»нинг укаси Шухрат Қудратуллаевни қўлга олди. У аввалроқ қидирувга берилганди.
2024 йилда деҳқончилик учун ёшларга 60,5 минг гектар ер ажратилади
Президент 2024 йилда 60,5 минг гектар ер деҳқончилик учун ёшларга ажратилиши бўйича топшириқ берди. Ер майдонини туман ҳокимлари ажратади. Қанча майдон ажратиш бўйича «маҳалла еттилиги» таклиф беради. Ер олган ёшлар Agrobank`нинг «Фермерлар мактаби»да экспортбоп экинлар етиштиришга ўқитилади.
Анваржон Абдуллаев Қўштепа тумани ҳокими бўлди
Фарғона вилояти камбағалликни қисқартириш ва бандлик бош бошқармаси бошлиғи Анваржон Абдуллаев Қўштепа туманига ҳоким бўлди. Январь охирида президент бош вазирга 2023 йилда бирорта кўп қаватли уй-жой қурилмагани туфайли Қўштепа собиқ ҳокимининг лавозимига лойиқлигини кўриб чиқишни топширганди.
Фарғонада уюшган жиноий тузулмаларга алоқадор шахслар қўлга олинди
Фарғона шаҳрида ИИБ ва ДХХ ходимлари уюшган жиноий тузулмаларга алоқадор 35 нафар шахснинг яшаш манзилида тезкор қидирув тадбирларини ўтказди. Уларнинг 19 нафаридан наркотик моддалар ва совуқ қуроллар топилди.
2024 йилда хорижий тил сертификати олишда имтиҳон харажатидан ташқари 6 ойлик ўқиш пули ҳам қайтарилади
Ўзбекистонда 2024 йилда чет тилини билиш бўйича халқаро имтиҳондан юқори балл олганларга нафақат имтиҳон харажати, балки олти ойлик ўқиш пули ҳам тўлаб берилади. Шунингдек, мактаблардаги бўш синф хоналари чет тили репетиторлари ва ўқув марказлари учун ижара асосида бепул ажратилади.
Европа Иттифоқи Россияга қарши 13-санкция пакетини тасдиқлади
Европа Иттифоқи Украинага босқиннинг икки йиллиги муносабати билан Россияга қарши 13-санкция пакетини тасдиқлади. Унга 106 нафар жисмоний шахс ва 88 корхона, жумладан, Хитой, Қозоғистон ва Туркия компаниялари киритилди.
Мавлуда Юсупова «Ипак йўли» халқаро илмий-тадқиқот институтига раҳбар бўлди
Профессор, архитектура фанлари доктори Мавлуда Юсупова Самарқанддаги «Ипак йўли» туризм ва маданий мерос халқаро университети қошидаги «Ипак йўли» халқаро илмий-тадқиқот институти директори этиб тайинланди.
Ўзбекистон ва Тожикистон чегарасида трансчегаравий сувларни назорат қилиш учун иккита гидропост очилди
Шимолий ва Катта Фарғона каналлари бўйлаб «Патар» ва «Сарвак» трансчегаравий гидропостлари ўрнатилди. Улар Ўзбекистон ва Тожикистонда суғориш учун сарфланадиган сув ҳажмини аниқроқ ўлчаш имконини беради. Лойиҳа Швейцария ҳукуматининг Blue Peace Central Asia ташаббуси кўмагида амалга оширилди.
Газ «заправка»ларининг деярли учдан бир қисми ишлай бошлади, чекловлар эса сақланиб қолмоқда — Энергетика вазирлиги
Пайшанба куни Ўзбекистонда электр энергияси ишлаб чиқариш бироз қисқарди, Туркманистондан импорт эса ошди. Мамлакатда тиғиз вақтларда электр энергияси етказиб бериш бўйича чекловлар сақланиб қолмоқда, деди Энергетика вазирлиги масъули. Газ «заправка»ларининг деярли 3 дан 1 қисми фаолиятини тиклаган.
Ўзбекистонда 1 июлдан бошлаб аҳолига кредит бериш талаблари кучайтирилмоқда
Ўзбекистонда 1 июлдан бошлаб қарз юки кўрсаткичини жорий этиш орқали аҳолига кредит бериш талаблари кучайтирилмоқда. Агар қарз олувчи даромадининг 60 фоизини қарзни тўлаш учун ишлатса, банклар кредит беришдан бош тортишлари керак. 2025 йил 1 январдан бошлаб бу кўрсаткич 50 фоизгача қисқартирилади.
Минтақавий газ савдосини фаоллаштириб, Ўзбекистондаги газ талаби ва таклифи тафовутини бартараф этиш мумкин — Жаҳон банки
Марказий Осиёда минтақавий газ савдосини фаоллаштириш ва Туркманистондан газ импортини ошириш орқали Қозоғистонда кўмир ўрнини босиш, Ўзбекистонда юзага келаётган талаб ва таклиф ўртасидаги тафовутни бартараф этиш мумкин, дейилади Жаҳон банкининг углерод нейтраллигига эришиш бўйича ҳисоботида.
Миллий гвардия ходими ўқувчининг сумка ва телефонини назорат қилишга ҳақлими? Расмийнинг жавоби
Асосан давоматни таъминлаш учун мактабларга бириктирилган инспектор-психологларнинг ваколатлари қаерда бошланиб, қаерда тугаши жамоатчиликда саволлар уйғотмоқда. «Газета.uz» Миллий гвардия марказий девони бошқарма бошлиғи Зафар Алимов билан ходимларнинг мавжуд ваколатлари ҳақида суҳбатлашди.
Ўзбекистондаги энг йирик газ омбори — «Газли»нинг таъсисчиси ўзгарди. Лойиҳа ҳақида нималар маълум?
Gazli Gas Storage ҚКнинг назорат пакети (60%) Россиянинг «Форус»идан Гонконгнинг Daxon Holdings компаниясига ўтди. Бу компания ҳақида интернетда маълумот деярли йўқ. У Ўзбекистондаги энг йирик газ омбори — «Газли»ни бошқаради, яъни мамлакатнинг газ сақлаш бўйича энергия балансига таъсир кўрсатади.
Экопартия ҳукумат ва бош прокурорга «Тошкент ИЭС»нинг атмосферага чиқараётган ташланмалари юзасидан депутат сўрови юборди
Прокуратура вакиллари, депутатлар ва экологлардан иборат ишчи гуруҳ «Тошкент ИЭС»га бориб, станция қувурларига фильтрлар ўрнатиш ва бошқаларни тавсия қилди. Экопартия Энергетика вазирлигини бу чораларни кўришга чақириб, ҳукумат ва Бош прокуратурага станция ташланмалари бўйича депутат сўрови юборди.
Дам олиш кунлари Тошкентда қаерларга бориш мумкин? (24−25 февраль)
Бешта кинопремьера, ярмаркалар, концертлар, спектакллар, ижодий маҳорат дарслари, кўргазмалар ва болалар шоулари ҳамда дам олиш кунларидаги бошқа қизиқарли тадбирлар — Afisha.uz жамланмасида.
Қўшимча имкониятларга эга булиш учун сайтда рўйхатдан ўтинг