АҚШ президенти Жо Байден Шавкат Мирзиёевни Наврўз билан табриклади
АҚШ президенти Жо Байден Шавкат Мирзиёевни Наврўз байрами муносабати билан табрик йўллади. Байден Ўзбекистон билан ҳамкорлик қилишга тайёр эканини билдирди.
Қирғизистон Сўх йўлини очишга, Ўзбекистон эса Ункар-Тоони беришга тайёр — Галина Байтерек
Қирғизистон президенти матбуот котибининг хабар беришича, Қирғизистон Ўзбекистонда жойлашган анклав ҳудуд — Сўх билан авиақатновлар ва транспорт қатновларини йўлга қўйишга, Ўзбекистон эса шу пайтгача «чегара ҳудудлар аҳолиси ўртасида тортишувлар ва сиёсий зиддиятларга сабаб бўлиб келган» Ункар-Тоо ҳудудини бериш тайёр эканлигини маълум қилди.
Хоразмда кўплаб хонадонлар кучли шамол ва қор ёғиши оқибатида электр энергиясиз қолди
Хоразм вилоятида кучли шамол ва тинимсиз қор ёғиши оқибатида электр тармоқларида авария ҳолати юзага келиб, Хоразм вилоятининг бир қатор ҳудудларида электр энергиясида узилишлар юзага келган.
Нима тайёрлаймиз: кўкатли пишириқлар
Баҳорни кўкатларсиз тасаввур этиш қийин, бунинг учун Zira.uz кўкатли пишириқлар рецептлар тўпламини тақдим этади.
Шавкат Мирзиёев Ангела Меркелни Ўзбекистонга таклиф қилди
Президент Шавкат Мирзиёев Германия канцлери Ангела Меркель билан бўлиб ўтган видеоанжуманда уни Ўзбекистонга таклиф қилди. Шунингдек, жаҳонда мураккаб эпидемиологик вазият оқибатида инқирозли ҳодисалар кучайиши шароитида мамлакатлар ўртасидаги кўп қиррали ҳамкорликни янада кенгайтириш масалалари муҳокама қилинди.
Андижондаги кўп қаватли уйда газ портлади
Жума кун тушдан кейин Андижон шаҳридаги кўп қаватли уйларнинг бирида газ портлади. Бунинг оқибатида уй эгаси ва унинг набираси 50 фоиз термик куйиш билан шифохонага ётқизилган. Таҳминларга кўра, газ ва ҳаво чақнаши газдан нотўғри фойдаланиш оқибатида юзага келган.
2021 йилги Про лига ўйинларига қуръа ташланди
Ўзбекистон Про лигаси 2021 йилги мавсуми учун қуръа ташланди. Маросимда лига мусобақаси учун тарихда илк бор элчилар ҳам тайинланди. Блогер ва юморист Элмурод Ҳақназаров ҳамда «Саҳар» мусиқа гуруҳи вакили Aнвар Жўраев мазкур турнирнинг элчилари бўлади. Бундан ташқари, «Саҳар» гуруҳи Про лига мусобақасининг мадҳиясини тайёрлаётгани ҳам айтилди.
Жаҳон янгиликлари дайжести
Туркия ва Мисрнинг дипломатик алоқаларини қайта тиклаши, Япониянинг чет элдан кунига 2 минггача одам қабул қилиши, IATA’нинг баҳорда халқаро парвозларнинг тикланиши бўйича прогнози ва бошқа янгиликлар — «Газета.uz»нинг жаҳон янгиликлари дайжестида.
Ҳашар ихтиёрий. Унда қатнашишга мажбурлаган мансабдорлар жаримага тортилади
13 март — шанба куни умумхалқ ҳашари бўлиб ўтиши ҳақида хабар берган эдик. Бош вазирнинг биринчи ўринбосари Очилбай Раматов фуқароларни мажбурий тартибда ҳашарга жалб қилиш қатъиян тақиқланганини маълум қилди. Бандлик ва меҳнат муносабатлари вазирлиги эса ишонч телефон рақамларини эълон қилди: 71−200−06−00 ва 1176.
«Ёшлар дафтари»га киритилганларга 980 минг сўмгача бир марталик ёрдам кўрсатилади
Ҳукумат қарори билан «Ёшлар дафтари»га киритилган моддий аҳволи қийин ёшларга БҲМнинг 4 бараваригача (980 минг сўм) миқдорда бир марталик моддий ёрдам кўрсатилади. Шунингдек, дафтарга киритилганларнинг ОТМ шартнома пулини 50 фоизини тўлаб бериш, хорижда даволаниш харажатларининг БҲМнинг 50 бараваридан ошмаган қисми қоплаб берилади.
Тошкент ва Янгийўлда $20 минг ҳамда 148 млн сўмга ноқонуний тарзда дори сотаётганлар ушланди
Тошкент ва Янгийўл туманларида $20 минг ва қарийб 149 млн сўмга ноқонуний тарзда дори сотаётганлар қўлга олинди. Уларга нисбатан жиноят иши қўзғатилди.
Ўзбекистон кинематография академияси ташкил этилади
Ўзбекистонда кинемотография академияси ташкил этилиши режалаштирилмоқда. Академия қошида С. Герасимов номидаги Бутунроссия давлат кинематография институти филиали ҳамда Тошкент шаҳрида кино санъатига ихтисослашган ўрта таълим мактабини ҳам очиш кўзда тутилган.
Долларнинг расмий курси кетма-кет бешинчи бор кўтарилмоқда
Долларнинг расми курси 5 сўмга қимматлади ва жами 10 519 сўм этиб белгиланди. Шунингдек, евро ва рубль курслари эса бироз пасайди.
Бухоро вилоятида вакциналарни сақлаш учун совутиш омбори очилди
ЮНИСЕФ Бухоро вилоятига вакциналарни сақлаш учун совутиш омборларини топширди. Бир йил ичида Ўзбекистондаги яна тўртта омборхона фойдаланишга топширилиши кутилмоқда.
Ўзбекистон Қирғизистонга 20 та тез ёрдам машинасини совға қилди
Президент Шавкат Мирзиёев Тошкент шаҳридаги технопаркка ташрифи пайтида Қирғизистонга Ўзбекистон халқи номидан 20 та тез ёрдам машинаси совға қилинганлигини эълон қилди. Бунга жавобан президент Садир Жапаров совға учун миннатдорчилик билдирди.
Яқин кунларда Фарғона ва Боткен вилоятлари ўртасидаги ўтиш пунктлари очилади
Фарғона вилояти ҳокими Хайрулло Бозоров ва Қирғизистон ҳукуматининг Боткен вилоятидаги мухтор вакили Омурбек Суваналиевнинг хабар беришича, вилоятларнинг чегара ҳудудида ўтиш пунктлари очилади. Аввалига, чегара пост хизмати пиёдалар учун, уч ой ичида эса — автомобиллар учун очилади.
Йил бошидан буён пул ўтказмалари 892 млн долларни ташкил қилди
2021 йилнинг январь-февраль ойларида Ўзбекистонга келиб тушган халқаро трансчегаравий пул ўтказмалари ҳажми деярли 892 млн долларни ташкил этди. Бу ўтган йилнинг шу даврига нисбатан 14 фоизга кўп.
Шавкат Мирзиёев ва Садир Жапаров Тошкент шаҳридаги технопаркка борди
Шавкат Мирзиёев ва Садир Жапаров Тошкент шаҳридаги технопаркка борди. Давлат раҳбарлари Ўзбекистоннинг саноат, қишлоқ хўжалиги ва ҳунармандчилик маҳсулотлари кўргазмаси билан танишди. Якунда Қирғизистон халқига тез тиббий ёрдам машиналари совға қилинди.
Дам олиш кунлари қор ёғиши кутилмоқда
Дам олиш кунлари ҳаво ҳарорати кескин пасайиши ва баъзи ҳудудларда қор ёғиши кутилмоқда. Республика ҳудудларида шамолнинг 17−22 м/с гача кучайиши кутилмоқда, баъзида эса 23−28 м/с гача кучайиши мумкин.
Туркияда 15 мартдан бошлаб барча ташриф буюрувчилар учун электрон анкеталар жорий этилади
2021 йил 15 мартдан бошлаб Туркияга келишдан 72 соат олдин махсус электрон сўровномани тўлдириш керак бўлади. Йўловчилар тўлдирилган сўровномани босиб чиқариши ёки мобил қурилмага юклаб олиб, жўнаш аэропортида авиакомпания ходимига тақдим этадилар.
Қўшимча имкониятларга эга булиш учун сайтда рўйхатдан ўтинг