Тошкентда BYD ва Chery автомобиллари ўртасида ЙТҲ содир бўлди
Чилонзор туманида BYD ва Chery автомобиллари тўқнашди. ЙТҲ оқибатида иккала ҳайдовчи ҳам шифохонага олиб борилди.
Грузия бош вазири истеъфога чиқишини эълон қилди
Грузия бош вазири Ираклий Гарибашвили 2021 йилдан бери эгаллаб келган лавозимидан истеъфога чиқишини маълум қилди. У ҳукмрон партияни 2024 йил кузида бўлиб ўтадиган парламент сайловларига тайёрлаш учун бошқаради.
Еврокенгаш раҳбари Шарль Мишель истеъфога чиқиш фикридан қайтди
Европа Кенгаши раҳбари Шарль Мишель Европарламентнинг июнь ойида бўлиб ўтадиган сайловларида қатнашишдан бош тортди, у ўз лавозимида қолишни режалаштирмоқда. Унинг сўзларига кўра, Мишель лавозимидан эртароқ кетиш ҳақидаги қарорига бўлган «кескин муносабат» сабабли режаларини қайта кўриб чиққан.
ЕИБ Ўзбекистон, Қозоғистон ва Қирғизистонга транспортни ривожлантириш учун деярли 1,5 млрд евро ажратади
Европа инвестиция банки Ўзбекистон, Қозоғистон ва Қирғизистондаги транспорт лойиҳаларини 1,5 млрд еврога молиялаштиради.
Евроиттифоқ ва Марказий Осиё ўртасидаги транспорт алоқасига 10 млрд евро сармоя киритилади
Европа ва халқаро молия институтлари Евроиттифоқ ва Марказий Осиё ўртасидаги барқарор транспорт алоқалари учун 10 млрд евро ажратади. Инвестициялар Транскаспий транспорт йўлагини ривожлантиришга йўналтирилади, шунда юклар у орқали 15 кун ичида ўтишига эришилади.
Ғалабагача икки қадам: шахматчи Нодирбек Абдусатторов Tata Steel Chess турнирида қандай иштирок этди?
Шахматчи Нодирбек Абдусатторов Tata Steel супертурнири якунида тай-брейкдаги мағлубият туфайли пешқадамликни бой берди ва 3−4-ўринларни бўлишди. Бироқ 17 рейтинг балли қўшиб олди ва дунёнинг энг кучли 15 нафар шахматчиси қаторига кирди. «Газета.uz» унинг турнирдаги иштироки ҳақида ҳикоя қилади.
Энди автобус харид қилишда йўловчилар сиғими ҳисобга олинади, метро вагонлари сонини кўпайтириш жадаллаштирилади
Президент автобус харид қилишда уларнинг йўловчи сиғимига эътиборни кучайтириш, шунингдек, Тошкент метрополитенининг вагонларини кўпайтириш чора-тадбирларини жадаллаштириш бўйича топшириқ берди. Аҳолининг электромобилларга ўтиши рағбатлантирилади.
Қатор давлатлар БМТнинг фаластинлик қочқинлар бўйича агентлигини молиялаштиришни тўхтатди
АҚШ, Буюк Британия, Германия ва Япония каби давлатлар БМТнинг фаластинлик қочқинлар бўйича агентлиги (UNRWA)ни молиялаштиришни вақтинча тўхтатди. Бунга ташкилот ходимлари ҲАМАСнинг Исроилга ҳужумига алоқадорликда айблагани сабаб бўлди. БМТ раҳбари тергов бошланганини эълон қилди.
Чиноз ҳокими Тошкент вилояти ҳокими биринчи ўринбосари в.б. бўлди
2021 йилнинг январидан Чиноз тумани ҳокими лавозимида ишлаб келаётган Ботир Алимбеков Тошкент вилояти ҳокимининг қишлоқ ва сув хўжалиги масалалари бўйича биринчи ўринбосари вазифасини бажарувчи бўлди.
Президент — ҳаво ифлосланиши, экологик рейтинг ва Тошкент бўйлаб «яшил белбоғлар» яратиш ҳақида
Президент экологик муаммоларга тўхталиб, Тошкент шаҳрида чиқинди газлар миқдори юқорилигини таъкидлади. Ҳудудларнинг экологик рейтингини жорий этиш, корхона, цемент заводларида чанг ва газ тозалаш ускуналарини ўрнатиш, пойтахт атрофида «яшил белбоғ» яратиш ва бошқа кўрсатмалар берилди.
Шавкат Мирзиёев уй бошқарувчи компаниялар фаолиятини қониқарсиз деб атади
Уй-жой бошқарув компанияларининг иши қониқарли эмас. 20 мингта кўп қаватли уйлар аҳолиси уларнинг ишидан норози, деди Шавкат Мирзиёев.
Президент 2025 йилдан Аи-80 бензинидан воз кечиш масаласини узил-кесил ҳал қилишни топширди
Президент бош вазирга Ўзбекистонда 2025 йилдан Аи-80 бензинидан воз кечиш масаласини узил-кесил ҳал қилишни топширди. Бундан ташқари, оғир юк машиналари, 10 йилдан ошган автомобиллар ҳамда Евро-4 стандартидан паст ёнилғини ишлатишнинг атроф-муҳитга зарарини камайтириш механизмлари ишлаб чиқилади.
«Шаҳар пиёдалар учун бўлиши, автомобиллар эса ҳашаматга айланиши керак» — Шавкат Мирзиёев
Ўзбекистон президенти бош вазир ўринбосари Ачилбай Раматов ва бошқа масъул раҳбарларга Тошкент шаҳридаги тирбандликлар муаммосини ҳал этиш бўйича таклифлар тайёрлашни топширди. «Барча раҳбарлар „Шаҳар — пиёдалар учун“ шиорини ўзининг асосий тамойилига айлантириши керак», — деди Шавкат Мирзиёев.
Президент: «Жамоат транспорти қамрови бор-йўғи 25 фоиз экани — тизимга берилган баҳо»
«Ўзбекистонда жамоат транспорти ҳалигача одамларга сифатли хизмат кўрсатадиган тизимга айлангани йўқ. Қамров бор-йўғи 25 фоиз экани — тизимга берилган баҳо», — деб таъкидлади президент. 2024 йилда ҳудудлар учун 1200 та автобус ва электробус харид қилинади.
Ўзбекистонда 250 миллиондан ортиқ дарахтнинг рақамли харитаси яратилди
Экология вазирлиги аэрокосмик тасвирлар орқали 5 ва ундан катта ёшли 254 млн дан ортиқ дарахтнинг рақамли харитасини тузди. 200 мингдан ортиқ дарахт хатловдан ўтказилиб, маълумотлар электрон платформага киритилди. Тошкент шаҳрида эса дарахтлар синов тариқасида паспортлаштирилади.
Ўзбекистонда қурилиш қандай қилиб «коррупциясиз соҳа»га айлантирилади?
Ўзбекистон президенти қурилишни «коррупциясиз соҳа»га айлантириш чораларини маълум қилди. Шу мақсадда 1 июлдан бошлаб барча қурилиш шартномалари рақамлаштирилади, пудратчиларнинг ишлари фақат электрон ҳисоб-фактура асосида молиялаштирилади ва бошқа чора-тадбирлар амалга оширилади.
Абдулла Арипов 16 та туман ҳокимларининг лавозимига лойиқлигини кўриб чиқади
Президент 2023 йилда 16 та туманда бирорта кўп қаватли уй-жой қурилмагани, ҳокимлар буни режа ҳам қилмаганини айтди. Бош вазирга мазкур туманлар ҳокимларининг лавозимига лойиқлигини кўриб чиқиш топширилди.
Қурилиш ишларида «ресурс усули»дан «ҳажм усули»га ўтилади — президент
Президент қурилиш лойиҳаси, тендер, объектни қабул қилишда коррупция учраб тургани, айрим қурувчи тадбиркорлар яширин ишлашга мажбур бўлаётганини айтди. Энди қурилиш ишларида «ресурс усули»дан воз кечилиб, «ҳажм усули»га ўтилади. Унда пудратчидан якуний натижа сўралади.
2023 йилда 4 мингга яқин ноқонуний қурилиш ишлари амалга оширилган
Ўзбекистонда 2023 йилда 4 мингга яқин ноқонуний қурилиш ҳолати аниқланди. Шунингдек, сўнгги икки йилда кўп қаватли уйларга туташ майдонларда 7 мингдан ортиқ ўзбошимча қурилиш бўлган, яна 5 мингта ҳолатда умумий фойдаланишдаги жойлар тўсиб олинган.
Қурилиш вазирлигида Лойиҳа офиси ташкил этилади
Қурилиш вазирлигида Лойиҳа офиси тузилади. У қурилишда лойиҳалаштиришни тартибга солиш мақсадида ташкил этилмоқда.
Қўшимча имкониятларга эга булиш учун сайтда рўйхатдан ўтинг