Тошкент аэропорти эстакадасида белгиланган вақтдан кўп турган машиналарга жарима ёзилади
1 ноябрдан Тошкент аэропорти эстакадасида белгиланган вақт (енгил автомобиллар 5 дақиқа, туристик автобус ва микроавтобуслар 10 дақиқа)дан кўп турган машиналарга жарима ёзилади. Жарима сариқ чизиқда тўхтаган ҳайдовчиларга ҳам белгиланади.
«Док-1 Макс» иши: Ўзбекистонлик мансабдор Ҳиндистоннинг яна 11 та дорисини қайта рўйхатдан ўтказиш учун 88 минг доллар сўрагани айтилди
«Док-1 Макс» иши бўйича судда ўзбекистонлик амалдорлар ҳиндистонлик яна бир ишлаб чиқарувчининг 11 та дори воситасини қайта рўйхатдан ўтказиш учун 88 минг доллар талаб қилиб, олдиндан 50 минг доллар олгани маълум қилинди.
Қишлоқ хўжалигидаги сувнинг 36 фоизи тупроқли канал ва ариқларда йўқолади — президент
Ўзбекистон қишлоқ хўжалигида йил давомида 39 млрд куб метр сув истеъмол қилинган. Шундан 36 фоизи ёки 14 млрд куб метри тупроқ ўзанли канал ва ариқларда йўқолган, деди президент. Яна 5−6 млрд куб метр сув суғоришнинг эскирган усуллари туфайли йўқотилмоқда.
Бензин тақчиллигига олиб келадиган омиллар йўқ — Рақобатни ривожлантириш қўмитаси
Рақобатни ривожлантириш қўмитаси бензин сотиб олишдаги чекловлар туфайли тақчиллик эҳтимоли борлиги ҳақидаги хабарларни рад этди. Қўмитага кўра, 17 октябрдан бензин хариди лимити 5 тоннадан 10 тоннага оширилган. Тақчиллик ва нархларнинг ошишига йўл қўймаслик бўйича ишчи гуруҳлар тузилади.
Байден: «ҲАМАС каби террорчи ва Путин каби тиранлар ғалаба қозонишига йўл қўймаймиз»
АҚШ президенти Жо Байден аҳолига телемурожаатида ҲАМАС ҳамда Россия президенти Владимир Путин «демократияни бутунлай йўқ қилмоқчи»лигини ва Америка террорчилар ва золимларнинг ғалаба қозонишига йўл қўймаслигини айтди. У америкаликларни Украина ва Исроилни қўллаб-қувватлашда давом этишга чақирди.
Ўзбекистонда пахта нархини эркин бозор белгилайди — қишлоқ хўжалиги вазири
Фаоллар фермерлар ва кластерлар ўзаро тенг муносабатга киришолмаслиги, фермерларда нарх бўйича тортишиш имкони йўқлигини таъкидлашганди. Бунга жавобан, қишлоқ хўжалиги вазири Азиз Воитов пахта нархини бозор иқтисодиёти қонунлари бўйича харидорлар ва сотувчилар белгилашини маълум қилди.
Шавкат Мирзиёев Тошкент шаҳрига ташриф буюрган Хавфсизлик кенгашлари котибларига мурожаат йўллади
Шавкат Мирзиёев «минтақавий хавфсизликка қарши таҳдидлар кучайиб, янги хатарлар вужудга келаётган» даврда Тошкентда ўтказилаётган Туркий давлатлар ташкилотига аъзо давлатлар Хавфсизлик кенгашлари котибларининг 2-йиғилиши иштирокчиларига мурожаат йўллади.
Фото: АҚШ университетлари ярмаркаси Тошкент ёшларида катта қизиқиш уйғотди
Илк бор Тошкентда АҚШда ўқишга қизиқувчи ёшлар учун EducationUSA минтақавий форуми ва Американинг 50 дан ортиқ университетлари иштирокида ярмарка бўлиб ўтди. Тадбирда 1200 га яқин ёшлар қатнашди.
Самарқандда 3 нафар фарзандини ўлдирган эркак умрбод озодликдан маҳрум қилинди
Самарқанд вилоятида Исроилда ишлаб келаётган турмуш ўртоғи билан телефон орқали жанжаллашгандан сўнг 3 нафар вояга етмаган фарзандини ўлдирган 36 ёшли эркак умрбод озодликдан маҳрум қилинди.
Дам олиш кунлари баъзи ҳудудларда ёмғир ёғиши кутилмоқда
Шанба, якшанба кунлари Ўзбекистонда ҳаво булутли бўлади. Айрим жойларда ёмғир ёғиши мумкин, ҳарорат кечалари +12, кундузи +23 даража атрофида бўлади.
Тошкент шаҳри ва вилоятида фуқароларга АҚШга юборишни ваъда қилганлар ушланди
Тошкент шаҳри ва Тошкент вилоятида танишлари ёрдамида 16 ва 10 минг доллар эвазига АҚШга ишлаш учун юборишни ваъда қилганлар қўлга олинди.
Фарғонада машинадан ноқонуний олиб кирилган 550 га яқин смартфон топилди
Фарғона вилоятида Cobalt автомобилидан Iphone 15 Pro, Iphone 15 Pro Max, Samsung Galaxy S23 Ultra каби 550 га яқин смартфон топилди. Уларнинг тахминий қиймати салкам 5,8 млрд сўмни ташкил этади.
Сергелидаги портлашдан кўрилган зарар 14,5 млрд сўмга баҳоланмоқда, 1370 та хонадон ва 246 та уйга зарар етган
Сентябрь охирида Тошкент шаҳри Сергели туманидаги омборхонада юз берган портлаш оқибатида 1370 та хонадон (илгари 600 га яқин экани айтилганди) ва 246 та уй (25) зарар кўрган. Ҳукумат комиссияси етказилган зарар 14,5 млрд сўмни ташкил этганини билдирди. Мактаб ва болалар боғчаси ҳам зарар кўрган.
Насибилло Мўминов Асака тумани ҳокими в.в.б. этиб тайинланди
Асака тумани ҳокими Бегзод Умматов вазифасидан озод этилиб, унинг ўрнига ҳоким вазифасини вақтинча бажарувчи этиб Насибилло Мўминов тайинланди.
Тошкентнинг Сергели туманидаги портлашга нима сабаб бўлди? Ҳукумат комиссияси баёноти
Сергелидаги портлаш юз берган омборхонада катта миқдорда кимёвий моддалар сақлангани аниқланди, дея маълум қилди ҳукумат комиссияси. Портлаш оқибатида жами 14,5 млрд сўм зарар етказилган. Қўзғатилган жиноят иши доирасида 4 кишига «қамоққа олиш», яна бир нафарига «гаров» эҳтиёт чораси қўлланилган.
20−25 октябрь кунлари Тошкентдаги Бобур кўчасининг бир қисмида транспорт ҳаракати чекланади
20−25 октябрь кунлари Тошкентдаги Бобур кўчасининг ярми аэропортдан Нукус кўчасигача ёпилади. Шунингдек, 20−22 октябрь кунлари Ботир Зокиров кўчасининг Алишер Навоий ва Ислом Каримов шоҳ кўчалари оралиғидаги ярми ҳам ёпилади.
Ўзбекистон ҳукумати 2023 йилда ЯИМ ўсиши камида 5,6 фоиз бўлишини кутмоқда
Январь-сентябрь ойларида Ўзбекистон иқтисодиёти 5,8 фоизга ўсди. Президент иштирокидаги йиғилишда йил якунлари бўйича ЯИМ ўсиши камида 5,6 фоиз бўлиши кутилаётгани айтилди. Шавкат Мирзиёев 2024 йилга мўлжалланган иқтисодий дастурни пухта ишлаб чиқиш бўйича топшириқ берди.
Эроннинг Ўзбекистондаги янги элчиси иш бошлади
Эроннинг Ўзбекистондаги янги тайинланган элчиси Муҳаммад Али Искандарий Ўзбекистон ташқи ишлар вазири Бахтиёр Саидовга ишонч ёрлиқлари нусхаларини топширди.
Қашқадарёда даласини ичимлик суви билан суғориб келган фермер 3 йилга қамалди
Қашқадарё вилоятида фермер 13 йил давомида ноқонуний равишда даласини ичимлик суви билан суғориб келгани аниқланди. Етказилган зарар миқдори 282,7 млн сўмни ташкил этди. У 3 йиллик қамоқ жазосига ҳукм қилинди. Шунингдек, давлатга етказилган зарарни ҳам қоплайди.
Одам савдосига қарши курашиш миллий комиссияси Қозоғистонда ўзбекистонликлар меҳнат қуллигида сақлангани ҳолатини назоратга олди
Қозоғистонда ғишт заводларида меҳнат қуллигида сақланган ўзбекистонликлар билан боғлиқ ҳолат Одам савдосига ва мажбурий меҳнатга қарши курашиш миллий комиссияси томонидан назоратга олинди. Ушбу фуқаролар ватанга қайтарилиши, зарур ёрдамлар кўрсатилиб, Ўзбекистонда иш билан таъминланиши билдирилди.
Қўшимча имкониятларга эга булиш учун сайтда рўйхатдан ўтинг