Ўзбекистон президенти ҳузуридаги Статистика агентлиги маълумотларига кўра, 2023 йилнинг январь ойида хориждан қиймати 633,1 млн долларга тенг бўлган 13 та самолёт импорт қилинди.
2023 йилнинг январь ойида Ўзбекистон қуйидаги давлатлардан самолёт сотиб олган:
- Германия — 6 та (421,7 млн доллар);
- Литва — 4 та (66,7 млн);
- Франция — 1 та (64,3 млн);
- Сингапур — 1 та (61,6 млн);
- Буюк Британия — 1 та (18,8 млн).
Божхона қўмитаси матбуот хизматининг «Газета.uz»га маълум қилишича, Ўзбекистон 2023 йилнинг январида 5 та A321−253nx, 3 та A320−200neo, 2 та A320−232, 2 та Boeing-737 ва 1 та Dassault Falcon самолётини импорт қилган.
Аввалроқ Ўзбекистон Франциядан жами 815,3 миллион еврога 17 та самолёт ва 2 та вертолёт сотиб олиши, келишувлар Ўзбекистон делегациясининг Парижга расмий ташрифи доирасида имзолангани ҳақида хабар берилган эди. Хусусан, Airbus`дан 694,3 миллион еврога 8 та А320neo самолёти ва 4 та А321neo самолёти харид қилиниши режалаштирилган.
