Иқтисодиёт
Президент инфляция даражасини пасайтириш масалаларига бағишланган йиғилиш ўтказди
2023 йилда Ўзбекистон барча иқтисодий механизмларни қўллаган ҳолда инфляция даражасини 10 фоиздан пастга туширишни режалаштирмоқда. Президент озиқ-овқат маҳсулотлари ишлаб чиқариш ҳажмини ошириш, уларни «даладан дастурхонгача» етказиб беришдаги харажатларни қисқартириш бўйича топшириқлар берди.
Январда Ўзбекистонда 85 млрд сўмлик газдан ноқонуний фойдаланилган
Январда Ўзбекистонда улгуржи истеъмолчилар томонидан 85 млрд сўмлик табиий газдан ноқонуний фойдаланиш билан боғлиқ 614 та ҳолат аниқланди, деб хабар қилди Энергетика вазирлиги. Хусусан, АГТКСларда 20 та ҳолат қайд этилган бўлиб, уларда 76,8 млрд сўмлик газдан фойдаланилган.
Январнинг 8 кунида бюджет тақчиллиги 5,5 трлн сўмга етди. Бу кутилаётган йиллик дефицитнинг бешдан бирига тенг
Январнинг 8 кунида давлат бюджети харажатлари даромаддан 2,3 баравар ортиб, дефицит 5,5 трлн сўмга етди. Бу 2023 йил учун дефицит кутилмасининг бешдан бир қисмидан кўпроқ дегани (25,1 трлн сўм). Шундан сўнг Иқтисодиёт ва молия вазирлиги даромад ва харажатлар бўйича маълумот беришни тўхтатди.
Коллеж ва техникум педагоглари ойлиги мактаб ўқитувчилари маошига тенглаштирилиши мумкин
2023 йилги давлат дастури лойиҳасига кўра, 1 апрелдан бошлаб профессионал таълим муассасаси (коллеж ва техникум) ўқитувчиларининг маоши мактаб ўқитувчилариники билан тенглаштирилиши мумкин.
Ҳуқуқбузарликни илк бор содир этаётган тадбиркорга молиявий санкциялар қўлланмаслиги мумкин
2023 йилги давлат дастури лойиҳасига кўра, 1 мартдан тадбиркорлар илк марта ҳуқуқбузарлик содир этаётган бўлса, уларга молиявий санкциялар қўлламаслик таклиф қилинмоқда. Агар савдо ёки хизмат кўрсатиш қоидалари бузилса, жиноий жавобгарлик маъмурий юрисдикцияга ўтиб, бекор қилиниши мумкин.
Банкларда долларнинг сотиш курси яна 11 400 сўмгача кўтарилди
Тижорат банклари 7 февраль куни аҳолидан 1 АҚШ долларини 11 260 — 11 355 сўмдан сотиб олмоқда, сотиш курси эса аксарият банкларда 11 400 сўм.
Германия компанияси Сурхондарёда 600 МВт қувватга эга фотоэлектр станция қуради
Жарқўрғон туманида Германиянинг Graess Energy Uzde компанияси 600 МВт қувватга эга фотоэлектр станциясини қуришни режалаштирмоқда.
Ўзбекистон ва Испания ўртасида тўғридан-тўғри авиақатновлар йўлга қўйилиши мумкин
Ўзбекистоннинг Мадриддаги элчихонасида Испания сайёҳлик компанияларидан бири билан икки давлат ўртасида тўғридан-тўғри ва чартер рейсларини йўлга қўйиш муҳокама қилинди. Бу бўйича бир неча соҳа вакиллари учун инфотур ташкиллаштириш масаласини ҳам кўриб чиқилди.
«Бу банкни обрўсизлантириш ҳисобланади». «Агробанк» Қашқадарё вилояти прокуратураси тарқатган хабарга муносабат билдирди
«Агробанк» АТБ Қашқадарё вилояти прокуратураси тарқатган банкнинг Қамаши филиали томонидан 4 млрд сўм талон-торож қилингани ҳақидаги хабарга муносабат билдирди. «ОАВ орқали маълумот тарқатиш шахснинг ҳуқуқини поймол қилиш ва банкни обрўсизлантириш деб ҳисобланади», — дейилади хабарда.
Ўзбекистонда «Ташаббусли бюджет»нинг янги мавсуми бошланди
Иқтисодиёт ва молия вазирлиги ташаббусли бюджетлаштиришнинг янги мавсуми бошланганини эълон қилди. Унда фуқаролар инфратузилма, йўл, мактаб ва бошқа объектларни яхшилаш бўйича лойиҳаларни таклиф этиб, маҳаллий бюджетнинг бир қисмини тақсимлашда иштирок этади. Таклифлар 26 февралгача қабул қилинади.
Банкларда долларнинг сотиш курси 11 375 сўмгача ошди
Тижорат банклари 6 февраль куни аҳолидан 1 АҚШ долларини 11 240 — 11 335 сўмдан сотиб олмоқда, сотиш курси эса аксарият банкларда 11 375 сўм.
«Ўзбекнефтгаз» — ёнилғи қуйиш шохобчаларида навбатлар юзага келгани ҳақида
«Ўзбекнефтгаз» АЖ ўз ёнилғи қуйиш шохобчаларидаги узун навбатларни биржа орқали олинган бензиннинг баъзи хусусий АЁҚШларда сотилмаётгани, нархлар сунъий оширилаётгани, шунингдек, талабни қондириш учун ишлаб чиқариш қуввати етишмаслиги билан изоҳлади.
Ўзбекистон ЕОИИ мамлакатлари билан ўзаро ташувларни соддалаштиришга интилмоқда
Евросиё ҳукуматлараро кенгаши йиғилишида Ўзбекистон ЕОИИ мамлакатлари ўртасидаги тариф ва нотариф тўсиқларини бартараф этиш, бозорларга киришни соддалаштириш бўйича келишув тузиш ва яшил ҳамда экспресс йўлаклар орқали божсиз схемаларини шакллантиришни қўллаб-қувватлади.
Сирдарёда 1,3 МВт қувватга эга фотоэлектр станцияси ишга туширилди
Сирдарё ИЭСда қуввати 1,3 МВт бўлган қуёш фотоэлектр станцияси ишга туширилди. Бу эса қўшимча 2,3 млн кВт/соат электр энергияси ишлаб чиқариш ҳамда йилига 750 минг куб метр табиий газни тежаш имконини беради.
Президент аномал совуқдан жабр кўрган тадбиркорларга енгиллик берилишини маълум қилди
Шавкат Мирзиёев биринчи чоракда ЯИМ пасайишига йўл қўймаслик учун совуқдан жабр кўрган тадбиркорлар қўллаб-қувватланишини маълум қилди. Тадбиркорлик субъектларига кредит тўлаш муддати узайтирилади, қарзни бўлиб-бўлиб тўлаш, фоиз ва «пеня» ҳисобини тўхтатиб туриш ва бошқа имкониятлар яратилади.
Метан «заправка»ларга 5 баробар кўп газ етказиб берилади — президент
Шавкат Мирзиёев ҳафта давомида газ қуйиш шохобчаларига газ етказиб бериш ҳажми 5 баробарга оширилганини маълум қилди.
Банкларда долларнинг сотиш ва сотиб олиш курслари яна ошди
Тижорат банклари 3 февраль куни аҳолидан 1 АҚШ долларини 11 225 — 11 315 сўмдан сотиб олмоқда, сотиш курси эса аксарият банкларда 11 350 сўм.
Ўзбекистонда ўтган йили қарийб 70 млн долларлик электромобиль импорт қилинган
Ўзбекистонга 2022 йилда хориждан 69,8 миллион АҚШ доллари эвазига 2180 дона электромобиль олиб келинган. Импорт 2021 йилгига нисбатан 1371 тага ошган.
Банкларда доллар курси икки кунлик тушишдан сўнг яна кўтарилди
Тижорат банклари 2 февраль куни аҳолидан 1 АҚШ долларини 11 215 — 11 305 сўмдан сотиб олмоқда, сотиш курси эса аксарият банкларда 11 340 сўм.
Олмаота ва Ал-Кувайтдан Самарқандга тўғридан-тўғри рейслар йўлга қўйилади
FlyArystan авиакомпанияси 18 мартдан Олмаотадан Самарқандга парвозларни тиклайди. Jazeera Airways авиакомпанияси эса Ал-Кувайт ва Самарқандни 15 февралдан тўғридан-тўғри рейслар билан боғлайди.
Энг кўп ўқилган хабарлар | Сўнгги янгиликлар
- Ўзбекистоннинг топ-20 солиқ тўловчиси маълум бўлди. Рўйхатга кимлар кирди?
- Газ ва электр ҳисоб рақамлари 1 майгача тўлдириб қўйилса, эски тариф 2 ой мобайнида амал қилади
- Жаҳон банки Ўзбекистонга «Рақамли инклюзивлик» лойиҳаси учун 50 млн доллар ажратади
- UzAuto Motors 23 апрель куни Damas учун контрактацияни очади
Қўшимча имкониятларга эга булиш учун сайтда рўйхатдан ўтинг