Иқтисодиёт
Андижонда электромобиль ишлаб чиқариш йўлга қўйилади
Андижон вилоятидаги Асака заводида электромобиллар ишлаб чиқариш йўлга қўйилиши маълум қилинди. 2021−2023 йилларда 80 млн доллар инвестиция эвазига, 8 та лойиҳани амалга ошириш кўзда тутилмоқда. 2020 йилнинг декабрь ойида «Ўзавтосаноат» компанияси фақат электромобиллар ишлаб чиқаришга ўтказилиши режалаштираётган эди.
Андижон вилоятида 1,8 млрд сўмлик лойиҳалар амалга оширилади
Андижон вилоятида 2021−2022 йилларда жами 19,8 трлн сўм, яъни 1,8 млрд долларлик 584 та инвестиция лойиҳаси амалга оширилиб, 60 мингта янги иш ўрни яратилади.
Андижондаги 200 та маҳаллага 400 млрд сўм ажратилади — президент
Шавкат Мирзиёев таъкидлашига кўра, Андижон вилоятида маҳаллаларнинг аксарияти ўзининг «ўсиш нуқта"ларини аниқлаб олган бўлишига қарамай, 100 та маҳалла ҳалигача ўз ихтисослашув йўлини топмаган. 200 та маҳаллаларда тадбиркорликни ривожлантириш учун 400 млрд сўм (ҳар бир маҳаллага 2 миллиард сўмдан) ресурс ажратилиши қайд этилди.
Uzbekistan Airways Ҳиндистонга қатновларни камайтирди
Uzbekistan Airways авиакомпанияси 18 июндан Тошкентдан Деҳлига амалга ошириладиган рейслар сонини қисқартирди — жума кунли парвозлар бекор қилинди.
Икки ой ичида 100 млрд сўмлик давлат харидлари танловларида қонун бузилган — Антикоррупция агентлиги
Коррупцияга қарши курашиш агентлиги томонидан давлат харидларига оид эълонлар бўйича ўтказилган мониторингда май-июнь ойларида 101,5 млрд сўм миқдоридаги 324 та танловда қонун бузилиш ҳолатлари аниқланди. Бюджет буюртмачиларининг 101,5 млрд сўмлик 324 та танловини бекор қилиш ҳақида вазирлик ва идораларга 268 та тақдимнома киритилди.
Долларнинг расмий курси яна пасайди
Долларнинг расмий курси 9,43 сўмга пасайди ва жами 10 581,03 сўм этиб белгиланди. Шунингдек, рубль ва евро курслари ҳам бироз пасайди.
«Ислоҳотларнинг кучи — маҳаллада» — Шавкат Мирзиёев
Президент Шавкат Мирзиёев Андижон вилояти Пахтаобод туманидаги инновацион иссихона ва «Рустамжон Замин ривожи» фермер хўжалиги даласига ташриф буюрди. Давлат раҳбари «ғалла ҳосилдорлигини 100 центнерга чиқариш чораларини кўриш кераклигини ва шунда фермернинг ҳам, ишчиларининг ҳам даромади ошишини» таъкидлади. «Янада кўпроқ ишчи жойлар, маҳаллаларда шароитлар қилишимиз керак. Ислоҳотларнинг кучи — маҳаллада», — деди у.
Жаҳон банки Ўзбекистон солиқ соҳасидаги ислоҳотлар учун $60 млн ажратади
Жаҳон банки Ўзбекистондаги солиқ маъмуриятчилиги тизимини ислоҳ қилиш учун 60 млн доллар миқдорида имтиёзли кредит ажратади. Лойиҳа доирасида Давлат солиқ қўмитасининг операцион, институционал ва технологик салоҳиятини ривожлантириш ҳамда иқтисодиётнинг норасмий секторини қисқартиришга йўналтирилган чора-тадбирлар кўрилади.
Quadro IH DMCC «Ичан қалъа» меҳмонхонасига эгалик қилади
Бирлашган Араб Амирликларининг Quadro IH DMCC компанияси пойтахтдаги «Ичан қалъа» меҳмонхонасини сотиб олиш бўйича тендерда ғолиб чиқди. ОАВ хабарларига кўра, меҳмонхона илгари Гулнора Каримовага тегишли бўлган.
«Аёл ишли бўлиб, кайфияти яхши бўлса, оиласи ҳам бахтли бўлади» — Шавкат Мирзиёев
Президент Шавкат Мирзиёев Андижон вилояти Избоскан туманидаги маҳсулотлари 100 фоиз экспортга йўналтириш режалаштирилган тикув-трикотаж корхонаси билан танишди. Фабрикада 830 нафар хотин-қиз иш билан таъминланган. «Қачон Избосканда мана шундай замонавий корхона бўлган? Хотин-қизларимиз учун ҳамма шароитларни яратамиз. Аёл ишли бўлиб, кайфияти яхши бўлса, оиласи ҳам бахтли бўлади», — деди давлат рахбари.
Metro Plaza Тошкентдаги «Газеталар ишлаб чиқариш мажмуаси» ни хусусийлаштиради
Тошкент марказидаги газета ишлаб чиқариш мажмуаси биносини сотиб олиш бўйича тендерда Metro Plaza компанияси ғолиб бўлди. Асосчилар орасида ака-ука Мамасаидовлар ва Миродил Фазилов бор.
ДХХнинг собиқ биносини ТИВ раҳбари ўғлининг компанияси сотиб олди
Ташқи ишлар вазири ўғли Дониёр Камилов асосчиси сифатида кўрсатилган Metropol Group компанияси 210 млрд сўмга «Сайилгоҳ»да жойлашган Давлат хавфсизлик хизматининг собиқ биносини хусусийлаштирмоқда.
Бухородаги бюджет ташкилотларидан бири деярли 65 млрд сўмлик давлат харидларини тендерсиз амалга оширган
Монополияга қарши кураш қўмитаси «Бухоро йўллардан мунтазам фойдаланиш» унитар корхонаси 2019 йилда 31,4 млрд ва 2020 йилда 33,4 млрд сўмлик давлат харидларини аукцион ва тендерсиз амалга оширганлигини аниқлади.
Паррандачиларга субсидия ва солиқ имтиёзлари берилади
1 июндан ҚҚС тўловчиси бўлган паррандачилик хўжаликларига — ўз хўжаликларида етиштирилиб, реализация қилинган тухумнинг ҳар бир донаси учун 50 сўм ҳамда парранда гўштининг ҳар бир килограмми учун 1 000 сўм миқдорида республика бюджетидан субсидия ажратилади. Паррандачилар учун уч йил давомида қатор солиқлар, жумладан, даромад ва мол-мулк солиғида камайтирилган ставкалар қўлланилади
Долларнинг расмий курси олти кунлик ўсишдан сўнг бироз пасайди
Долларнинг расмий курси 25,56 сўмга пасайди ва жами 10 590,46 сўм этиб белгиланди. Шунингдек, рубль ва евро курслари ҳам бироз пасайди.
Айдар-Арнасой кўлида туристик зона ташкил этилади
Айдар-Арнасой кўллар тизими ва Тўдакўл кўлида рекреацион кўллар ҳудуди ташкил этилади. Мазкур ҳудудда экотуристик объектлар, овчилик ва сувда дам олиш ҳудудлари, 1200 ўринга мўлжалланган автотураргоҳ ҳамда савдо ҳудуди қурилади.
Январь-май ойларида 570,6 млрд сўмлик мулк аукционда сотилди
Жорийнинг йилнинг беш ойи мобайнида аукцион орқали бошланғич нархи 422,8 млрд сўм бўлган 11 918 та мулк 570,6 млрд сўмга сотилди. Ушбу мулк эгаларига 3,4 трлн сўм инвестиция киритиш мажбурияти ҳам юклатилган.
Ўзбекистонда қозонхоналар модернизациясига «КЭР-Ҳолдинг» жалб қилинади
Ўзбекистонда қозонхоналарни модернизация қилиш жараёнига Татаристоннинг «КЭР-Ҳолдинг» компанияси жалб қилинади. Уй-жой коммунал хизмат кўрсатиш вазири Шерзод Хидоятовнинг сўзларига кўра, 1970 йилларда қурилган мамлакатдаги кўплаб қозонхоналар аллақачон эскирган. Биринчи лойиҳа доирасида Тошкентдаги «Водник» қозонхонаси 42 млн долларга модернизация қилинади.
Долларнинг расмий курси кетма-кет олтинчи бор кўтарилди
Долларнинг расмий курси 7,02 сўмга кўтарилди ва жами 10 616,02 сўм этиб белгиланди. Шунингдек, рубль ва евро курслари ҳам бироз кўтарилди.
2020 йилда Ўзбекистонда бизнесни ривожлантириш даражаси ўрганилди
Сўнгги йилларда Ўзбекистонда тадбиркорликни ривожлантиришдаги ютуқларга қарамасдан, пандемия бизнесга қийинчиликлар туғдирди. Тадбиркорларнинг давлат олдидаги қарзи 3,4 бароварга, муддати ўтган кредитлар миқдори 63%га ошди. Респондентларнинг 44% мажбурий ҳомийлик билан шуғулланган.
Энг кўп ўқилган хабарлар | Сўнгги янгиликлар
- Президент Coca Cola компаниясининг истиқболли лойиҳаларини қўллаб-қувватлади
- Газ ва электр энергияси тарифларини оширишда газ импорти ҳисобга олинган — энергетика вазири
- «Вақт ўтиши билан прогрессив солиқ шкаласи ҳақида ўйлаш мумкин бўлади» — Cолиқ қўмитаси вакили
- Нега турар жой мажмуалари қурувчи ташкилотлар тақдим этган лойиҳага мос келмайди? Архитектор фикри
Қўшимча имкониятларга эга булиш учун сайтда рўйхатдан ўтинг