Йирик кўчмас мулк объектларини хусусийлаштириш жараёнлари бўйича Давлат тендер комиссиясининг қарори қабул қилинди дея хабар бермоқда Давлат активларини бошқариш агентлиги.
Қарорга кўра, Сайилгоҳ кўчаси манзилида жойлашган собиқ «Марказий бино» бўйича 210,0 млрд сўм сотиб олиш нархи билан — «METROPOL GROUP» МЧЖ савдо ғолиби деб топилди. Объект хусусий бизнес томонидан амалга оширилган 15 та давлат активлари рўйхатига киритилган.
«Газета.uz» ер участкасининг умумий майдони 2,2 гектар, бино ва иншоотларнинг майдони 40 243 кв.м, бино майдони — 9376 кв. м, коммуникация тармоқлари (сув, газ, электр, иссиқлик) мавжудлиги ҳақидаёзган эди.
Мазкур объектдан келгусида офис, савдо, савдо-кўнгилочар, маданий-хордиқ, спорт, туристик ва бошқа хизматлар кўрсатиш фаолияти йўналишларидан бири ёки бир нечтасини амалга оширилиши талаб этилиши кўзда тутилган.
Февраль ойи охирида пойтахтда Тошкент амалий фанлар университети ва «Diplomat university» очилиши кутилаётгани ва уларни бир неча йилга барча турдаги солиқлардан озод қилиш мумкинлиги маълум бўлган эди. Биринчи университет Юнусобод туманида, иккинчиси Мирободда (таҳминан, Давлат хавфсизлик хизматининг собиқ биносида) жойлашган бўлиши керак.
Metropol Group компанияси ҳақида
КТЯДР маълумотларига кўра, Metropol Group 2021 йил 23 февралда Тошкент шаҳрида рўйхатдан ўтган. Кўрсатилган асосий фаолият — тижорат фаолияти ва менежмент бўйича консалтинг. Таъсисчиси — Дониёр Абдулазизович Камилов, раҳбари — Якушевич Георгий Игоревич.
«Газета.uz» маълумотларига кўра, Дониёр Абдулазизович Камилов — Ўзбекистон ташқи ишлар вазири Абдулазиз Комиловнинг ўғли.
Rusprofile маълумотларига асосан, Дониёр Камилов Россияда «Селена» ва «КТС» компаниялари таъсисчиларига киради. «Коммерсант» 2010−2014 йилларда у Газпромбанк — ЗАО тузилмасидаги «Управляющая компания — Стратегические активы»ни бошқарганлиги ҳақида ёзган.
