Иқтисодиёт
Wildberries Тошкентда логистика комплексини ташкил қилади
Россиянинг Wildberries маркетплейси Тошкентда Ўзбекистондан тайёр маҳсулотлар — тўқимачилик, чарм, қурилиш материаллари ва электр жиҳозларини сотиш бўйича тўлақонли логистика мажмуасини ташкил қилади. Лойиҳа қиймати 130 млн долларга тенг.
FT: Ўзбекистон Европа Иттифоқидан Алишер Усмоновга нисбатан санкцияларни бекор қилишни сўрамоқда
Ўзбекистон Европа Иттифоқидан Алишер Усмоновга нисбатан жорий этилган санкцияларни бекор қилишни сўради. Financial Times’нинг ёзишича, Ўзбекистон томони бу илтимосни амалдаги чекловлар миллиардернинг мамлакат иқтисодиётига инвестициялар киритишига халал бераётгани билан изоҳлаган.
Марказий банк «Туркистонбанк» омонатчиларининг мурожаатига муносабат билдирди
Лицензияси бекор қилинган «Туркистонбанк» бир гуруҳ омонатчиларнинг маблағларини субординар қарз сифатида расмийлаштириши оқибатида, камида 59 киши ўзига тегишли 57 млрд сўм маблағларни қайтариб ололмаяпти. Марказий банк мижозлар мурожаатини кўриб чиқиш жараёнини назоратга олди.
1 мартдан унитар корхона ёки қўшимча масъулиятли жамият шаклида юридик шахс ташкил этиш тўхтатилади
Президент қарори билан МЧЖнинг таъсис шартномасини давлат рўйхатидан ўтказиш ва уларда ички аудитни ташкил этиш бекор қилинади. 2023 йил 1 мартдан унитар корхона ёки қўшимча масъулиятли жамият шаклида юридик шахс ташкил этиш тўхтатилади.
9 ноябрь куни банклар долларнинг янгиланган сотув курсини эълон қилди
Марказий банк ўзбек сўмининг АҚШ долларига нисбатан расмий курсини 11 157,04 этиб белгилади. Тижорат банклари ҳам долларнинг сотиш ва сотиб олиш бўйича янги қийматини эълон қилди.
ОТБ «яшил» ипотекани кенгайтириш учун $150 млн кредит ажратади
Осиё тараққиёт банки ажратадиган қарз Ўзбекистонда «яшил» ипотекани кенгайтиришни молиялаштиради. Бундай кредитлардан иситиш ва совутиш тизимларини таъмирлаш ёки ўрнатиш, қуёш панелларини ўрнатиш, гидроизоляцияни яхшилаш ва энергия самарадорлигини ошириш учун фойдаланиш мумкин.
Қурилиш материаллари ва мебель ишлаб чиқарувчилари қандай қўллаб-қувватланади?
Маҳаллий ишлаб чиқаришни қўллаб-қувватлашга бағишланган йиғилишда президент қурилиш материаллари ишлаб чиқарувчилар учун «Cаноат ипотекаси» дастурини ишлаб чиқишни таклиф қилди, шунингдек, мебель ишлаб чиқарувчилар учун божхона имтиёзларининг амал қилиш муддатини узайтириш бўйича топшириқ берди.
Президент 65 та корхонада ишлаб чиқариш камайгани ва саноат зоналаридаги муаммолар ҳақида гапирди
Президент 65 та йирик корхонада ишлаб чиқариш камайгани, саноат зоналари инфратузилмаси билан боғлиқ муаммолар ва қиммат хом ашё учун мутасаддиларни танқид қилди. Хом ашё импорти ҳисобига захира яратиш ва Европага саноат экспортини кўпайтириш бўйича кўрсатмалар берди.
Банклар долларнинг сотиш ва сотиб олиш курсини янгилади
Ўзбек сўмининг АҚШ долларига нисбатан расмий курсини 11 171,04 сўм этиб белгиланди. Тижорат банклари ҳам долларнинг сотиш ва сотиб олиш бўйича таклифларини янгилади.
Ўзбекистондан қиймати $10 минггача бўлган заргарлик буюмларини олиб чиқишга рухсат берилади
Президент заргарлик саноатини қўллаб-қувватлашга доир чора-тадбирларни маълум қилди: жисмоний шахсларга қиймати $10 минггача бўлган заргарлик буюмларини Ўзбекистондан олиб чиқишга рухсат берилади, хомашё олиб кириш ва олиб чиқиш лицензияси бекор қилинади ва улар импорт божларидан озод қилинади.
ХВЖ: Кавказ ва Марказий Осиё минтақасида фавқулодда ноаниқлик шароитидаги ҳал қилувчи лаҳза
Самарқандда ўтган II Ўзбекистон Иқтисодий форуми қатнашчилари қаторида ХВЖ департаменти директори Жиҳад Азур ҳам бор эди. У «Газета.uz» учун ёзган мақоласида минтақа давлатлари узоқ муддатли тузилмавий муаммолар ечими бўйича ислоҳотларни амалга оширса, кўпроқ натижага эришиши мумкинлигини қайд этди.
Тошкент шаҳрининг биринчи ярим йилликдаги бюджети қарийб 14 трлн сўмни ташкил этди
Тошкент шаҳар молия бош бошқармаси маълумотларига кўра, пойтахтнинг 1-ярим йилликдаги даромадлари 3,2 трлн сўмни ташкил этиб, маҳаллий бюджетда прогноздан ташқари 412,5 млрд сўм қўшимча маблағ қолган. Туманлар кесимида энг юқори фойда Олмазор, Юнусобод ва Яшнободда қайд этилган.
«Фақатгина битта давлат банки бўлади». Жамшид Қўчқоров — 5 йилдан кейинги Ўзбекистон ҳақида
Бош вазир ўринбосари Жамшид Қўчқоров 5 йилдан кейинги Ўзбекистонга таъриф бера туриб, бу вақтда фақат битта давлат банки қолиши, эски электр станциялари янгиланиши, аҳоли жон бошига ЯИМ $2800 бўлишини айтиб ўтди. ЖБ вакили Анна Бьерде эса секин олиб борилаётган ислоҳотларга тўхталиб ўтди.
Банкларда долларнинг сотиш ва сотиб олиш курси кўтарилди
1 АҚШ долларининг расмий курси 11 132,41 этиб белгилангандан сўнг тижорат банклари мижозлар учун таклифларни янгилади.
«Бозор очилса ҳам, бу UzAuto Motors йўқолиб кетади дегани эмас» — «Ўзавтосаноат» раҳбарининг биринчи ўринбосари
«Ўзавтосаноат» раҳбарининг биринчи ўринбосари Азизбек Шукуров бож тўловлари пасайиб, бозор «иномарка»лар учун очилган тақдирда ҳам UzAuto Motors «йўқолиб кетмайди», деган фикрда. Унинг сўзларига кўра, ҳозирги 95 фоизлик улушни сақлаб қолишнинг имкони бўлмас, аммо улушда кескин пасайиш кузатилмайди.
«Харажатларни қисқартиришга тўғри келса ҳам, инфляцияга қарши курашиш устувор вазифа бўлиши керак» — молия вазири
Ўзбекистон фискал мувозанатни таъминлаш учун бюджет тақчиллигини камайтиришга эътибор қаратиши керак, деб ҳисоблайди молия вазири. «Барча харажатларни қисқартириш талаб этилса ҳам, бизнинг сиёсат инфляцияга қарши курашиш билан мувофиқ бўлиши керак. Бу фаровонликка хизмат қилади», — деди у.
«Биз қонун доирасидаги мажбуриятимизни бажардик». Давактив раҳбари — Uzcard хусусийлаштирилиши ҳақида
Давлат активларини бошқариш агентлиги директори Акмалхон Ортиқов Uzcard`нинг 210,1 млрд сўмга хусусийлаштирилиши ва нега давлат улушининг очиқ савдоларга қўйилмаганига изоҳ берди.
«Агар ислоҳотларни секинлаштирсак, иқтисодий ўсишни сақлаб қолиш деярли имконсиз бўлиб қолади» — Тимур Ишметов
Молия вазири Тимур Ишметовнинг таъкидлашича, ҳозирда ташқи қарз олиш қимматга тушмоқда. Шунинг учун Ўзбекистон иқтисодий сиёсатда эътиборни давлат бюджети ва қарз олиш имкониятларидан кўра, хусусий пул маблағларидан фойдаланишни кўзда тутувчи таркибий ислоҳотларга қаратиши керак.
Ўзбекистонда «Мир» карталарига хизмат кўрсатишни қайта йўлга қўйиш имкониятлари кўриб чиқилмаяпти
Ўзбекистон банклари иккиламчи санкциялар хавфи сабаб «Мир» карталари бўйича тўлақонли хизмат кўрсатишни қайта йўлга қўйишга ҳозирча тайёр эмас, деди Марказий банк раҳбари Мамаризо Нурмуротов.
Банклар долларнинг сотиш ва сотиб олиш курсини янгилади
Тижорат банклари 4 ноябрь куни 1 долларни 11 165 сўмдан 11 185 сўмгача бўлган оралиқда сотишни бошлади.
Энг кўп ўқилган хабарлар | Сўнгги янгиликлар
- Тожикистон шу ойда Марказий Осиё ягона энергетика тизимига қўшилади — Ўзбекистон энергетика вазири
- Президент Coca Cola компаниясининг истиқболли лойиҳаларини қўллаб-қувватлади
- Газ ва электр энергияси тарифларини оширишда газ импорти ҳисобга олинган — энергетика вазири
- Апрелда сезилган инфляция даражаси бироз тезлашди. Дорилар нархи ошганини қайд этганлар кескин кўпайди
Қўшимча имкониятларга эга булиш учун сайтда рўйхатдан ўтинг