Иқтисодиёт
Тошкентда иккиламчи уй бозорида нархлар 1 кв. м учун 1200 доллардан ошди, ер нархи эса сотихига 362 млн сўмни ташкил этди
Тошкентда иккиламчи уй бозорида ўртача нарх йил давомида 29,8 фоизга ўсиб, 1 кв. м учун 1212 долларни ташкил этди, деб хабар берди МБ. Пойтахтда 1 сотих ер нархи 362 млн сўмгача қимматлашди. Кўчмас мулк ва ижара нархлари ўртасидаги фарқ туфайли уй-жойнинг ўзини оқлаш муддати 8,2 йилга етди.
227−1 модда бўйича қўлланган жарималар миқдорининг 98 фоизи ҳисобдан чиқарилади — ССП раиси
Савдо-саноат палатаси раиси 227−1 модда бўйича тадбиркорларга қўлланган жарималар миқдорининг 98 фоизи ҳисобдан чиқарилишини маълум қилди. Аввалроқ палата бу модда бўйича 400 млрд сўмлик жаримани ҳисобдан чиқаришни назарда тутувчи президент қарори лойиҳасини ишлаб чиққани хабар қилинганди.
«Ўзбекнефтгаз» дизель ёнилғиси нархини 15 фоизга пасайтирмоқчи
«Ўзбекнефтгаз» раҳбари Баҳодиржон Сидиқов компания бир ҳафта ичида ҳисоб-китоблар қилиб, дизель ёнилғисининг биржага қўйиладиган нархларини 15 фоизга камайтириш чораларини кўришини маълум қилди. Шунингдек, ёнилғи ўз вақтида етказиб берилишини таъминлаш учун янгича тартиб ўрнатилади.
Президент имтиёзли кредитларни тўғридан-тўғри ғалла етиштирувчиларга бериш, ўғитлар таннархини 15 фоизга камайтириш бўйича топшириқ берди
2024 йилда ғаллачиликда ҳам пахтачиликдаги каби имтиёзли кредитларни тўғридан-тўғри фермерларга ажратиш тизими жорий этилади, деди президент. Шунингдек, у хориждан пахта уруғини олиб келиш, ўғит таннархини 15 фоизга арзонлаштириш бўйича кўрсатмалар берди.
Аҳолига мева-сабзавот етиштириш учун 60 минг гектар ер тарқатилади
Президент мева-сабзавот етиштириш ва экспортини ошириш мақсадида аҳолига яна 60 минг гектар ер тарқатилишини маълум қилди. Бундай ер майдонлари ҳамда томорқаларга саноат, кооперацияни кенг олиб кириш ва маҳсулот етиштириш учун 1 трлн сўм кредит ресурси ажратилади.
Президент ёқилғисиз иситиладиган 10 сотихли 200 тагача ихчам иссиқхона қуришга топшириқ берди
Шавкат Мирзиёев масъулларга ёқилғисиз иситиладиган, ихчам иссиқхоналарни барпо қилиш тажрибасини қўллаб-қувватлаб, тайёр ҳолда топшириш шарти билан 10 сотихли 200 тагача ихчам иссиқхона қуриш вазифасини қўйди.
Қайта ташкил этилган Тошкент давлат иқтисодиёт университети олдига қандай вазифалар қўйилмоқда?
Тошкент иқтисодиёт университети таркибига Молия ҳамда Фискал институтлари қўшилмоқда. Бу икки ОТМда таҳсил олаётган талабалар бирлаштирилган университетда ўқишни давом эттиради. Янги олийгоҳда кузатув кенгаши, Трансформация маркази ва университетни ривожлантириш жамғармаси бўлади.
Кластерларнинг фермерлар олдидаги қарздорлиги ҳали тўлиқ тўланмаган — президент
Президент Шавкат Мирзиёев кластерларнинг фермерлар олдидаги қарздорлиги ҳали тўлиқ тўланмаганини маълум қилди. Шунингдек, 2024 йил пахтасини сотиш бўйича фьючерс шартномаси тузган фермерларнинг маълум қисми кредитларни ҳалигача олмагани таъкидланди.
Ўзбекистондаги 70 та туманда минерал ўғит сақлаш омборлари ташкил қилинади
Шавкат Мирзиёев 70 та туманда минерал ўғит сақлаш омборларини ташкил қилиш бўйича топшириқ берди. Шунингдек, февраль-апрель ойларида биржага чиқадиган минерал ўғит кунлик ҳажмини 6 минг тоннадан 9 минг тоннага оширишга кўрсатма берилди.
Ўзбекистонда жисмоний шахсларга тегишли автомобиллар сони 4 миллиондан ошди
Ўзбекистонда жисмоний шахсларга тегишли автомобиллар сони 4 млн 20 мингтани ташкил этди. Бир йил давомида кўрсаткич салкам 400 мингтага кўпайган. Аҳолига тегишли жами автотранспорт воситаларидан 93 фоизи енгил автомобиллар ҳисобланади.
Тошкент аэропортининг жўнаб кетиш залига кириш фақат биринчи қаватдан бўлади, эстакада эса бинонинг бир қисмига айланади
Тошкент халқаро аэропортида терминални кенгайтириш ишлари сабаб кузатувчиларнинг жўнаб кетиш залига кириши чекланди. Йўловчиларни тушириш/олиш учун терминал олдида эстакада ўрнини босувчи алоҳида йўлак ажратилди. Эстакада эса бинонинг бир қисмига айланади.
Пенсиянинг минимал миқдори энг кам истеъмол харажатлари даражасидан оз бўлмаслиги белгиланмоқда
Сенат пенсиянинг минимал миқдори энг кам истеъмол харажатлари даражасидан оз бўлмаслигини белгиловчи қонунни маъқуллади. Ҳужжат билан пенсиялар миқдорини йил давомида истеъмол нархлари индекси даражасининг ўсиш суръатларини инобатга олиб ошириб бориш тартиби ҳам белгиланмоқда.
Ўзбекистон 2023 йилда Хитой ва Россия билан савдо ҳажмини оширди, қўшнилар билан эса қисқартирди
Хитой Россияни қувиб ўтиб, Ўзбекистоннинг асосий савдо шеригига айланди, шунга қарамай, икки давлат ҳам савдодаги улушини оширди. Россия ва Хитойдан импорт кўпайди, бироқ ушбу бозорларга Ўзбекистон маҳсулотлари камроқ етказиб берилмоқда. Қозоғистон ва Қирғизистон билан савдо айланмаси ҳам пасайган.
Йўлларда болалар хавфсизлигини таъминлашга беҳуда уринишлар давом этмоқда (фото)
Ўзбекистон ҳудудларида йўлларга болаларнинг макетларини ўрнатиш хавфсизликни таъминлашнинг ечими сифатида кўрилишда давом этмоқда. Бу галги ҳолат Тошкент вилоятининг Бўка туманида содир бўлди. Мутахассислар буни нафақат фойдасиз, балки зарарли деб атамоқда. Фото.
2023 йилда ўртача иш ҳақи 17,2 фоизга ошди, таълим ва соғлиқни сақлаш соҳаларида ўсиш секин кечмоқда
Ўзбекистонда 2023 йилда ўртача номинал иш ҳақи 17,2 фоизга ошди — 4,55 млн сўм. Ўсиш суръати 2021−2022 йилларга нисбатан пастроқ бўлди. Пойтахт ва вилоятлар ўртасидаги иш ҳақи фарқи ўсишда давом этмоқда. Энг паст иш ҳақи ҳамон соғлиқни сақлаш ва таълим соҳасида сақланиб қолмоқда.
Тадбиркорларга ташкил этган иш ўринларига қараб солиқлардан имтиёзлар берилиши режалаштирилмоқда
Сенат тадбиркорларга ташкил этган янги иш ўринларига қараб айрим солиқ имтиёзлари берилишини кўзда тутувчи қонунни маъқуллади. Бунда «20 минг тадбиркор — 500 минг малакали мутахассис» дастурига киритилган тадбиркорлар солиқларни бўлиб-бўлиб тўлаши мумкин.
Сенат микроқарзларнинг максимал миқдорини 100 млн сўмгача оширишни назарда тутувчи қонунни маъқуллади
Сенат микроқарзнинг максимал миқдорини 50 млн сўмдан 100 млн сўмгача оширишни назарда тутувчи қонунни маъқуллади. Шунингдек, ҳужжат билан қарздорда мажбуриятларини тўлаш учун маблағ етарли бўлмаганда асосий қарзни тўлашга устуворлик берилиши назарда тутилмоқда.
Афғонистон Ўзбекистон олдидаги электр энергияси бўйича қарзини деярли тўлиқ қоплади
Афғонистон энергетика компанияси Ўзбекистон олдидаги электр энергияси бўйича икки йиллик қарзини тўлиқ қайтарди, деди ташкилот вакили. Ўзбекистон томони қарзнинг катта қисми тўланганини, яна қарийб 1,2 миллион доллар тўланиши кераклигини тасдиқлади.
Шавкат Мирзиёев Беларусь президентини Тошкентдаги Технопарк фаолияти билан таништирди
Технопаркка ташриф буюрган Александр Лукашенкога корхоналарда ишлаб чиқарилаётган маиший техника, электрон ҳисоблагичлар, лифт ва эскалаторлар, саноат қозонхоналари кўрсатилди. Давлат раҳбарлари тажриба алмашишни кенгайтириш зарурлигини таъкидлади. Фото.
«Бизга БелАЗ керак. Бу ерга маҳаллийлаштириш, қўшма корхона керак» — президент
Шавкат Мирзиёев Беларусь раҳбари Александр Лукашенко билан музокаралар чоғида Ўзбекистонда мисни бойитиш фабрикалари қуриш учун БелАЗ билан ҳамкорликда кон самосваллари ишлаб чиқаришни маҳаллийлаштириш бўйича қўшма корхона ташкил этиш зарурлигини айтди.
Энг кўп ўқилган хабарлар | Сўнгги янгиликлар
- Ўзбекистонда энг кўп иш берувчи 10 та компания номи эълон қилинди
- UzAuto Motors`нинг фойдаси биринчи чоракда қарийб 5 баробар ошди
- Энергия тарифлари ошиши фонида камбағаллик чегараси яна бир бор оширилди
- Квартираларни сотишда солиқ базасини ҳар бир квадрат метр учун минимал миқдордан келиб чиқиш белгилаш таклиф этилмоқда
Қўшимча имкониятларга эга булиш учун сайтда рўйхатдан ўтинг