Беларусь президенти Александр Лукашенко 8 февраль куни Шавкат Мирзиёев ҳамроҳлигида Тошкент шаҳридаги Технопаркка ташриф буюрди, деб хабар бермоқда давлат раҳбари матбуот хизмати.
Меҳмонга Технопарк корхоналарида ишлаб чиқарилаётган маиший техника, электрон ҳисоблагичлар, лифт ва эскалаторлар, насослар, саноат қозонхоналари, совитиш тизимлари каби маҳсулотлар кўрсатилди.
Саноат мажмуасида умумий қиймати 365 миллион долларлик 17 та ишлаб чиқариш қуввати жойлаштирилган. Жорий йилда бу ерда логистика маркази иш бошлаши кутилмоқда.
Шунингдек, маҳсулотлар хорижий брендлар остида ва улар назоратида ишлаб чиқарилмоқда. «Ички ва хорижий бозорларда уларга талаб юқори. Товарлар дунёнинг 10 та мамлакатига экспорт қилинмоқда», — дейилади хабарда.
Президентлар етакчи корхоналар кооперациясини, тажриба алмашиш ва технологиялар трансферини кенгайтириш зарурлигини таъкидлади.
Фото
