Андижон вилоятида трикотаж маҳсулотларини ишлаб чиқарувчи 126 миллион евролик тўқимачилик комплекси ишга туширилади. Тошкент вилоятида велосипедлар ишлаб чиқарилади. Шу ва бошқа инвестиция лойиҳалари президентга тақдимот қилинди.
Долларнинг расмий курси 9 сўмга арзонлади ва жами 10 530 сўм этиб белгиланди. Евро ҳам бироз пасайди, рубль курси эса қимматлади.
Фарғона вилоятидаги 76 та секторнинг ҳар бирида иқтисодий комплекснинг бошқарув офислари ташкил этилади. 2021−2022 йилларда 949 та инвестиция лойиҳаси амалга оширилиши режалаштирилмоқда. Чўл жойлар, яйлов ва адирликларда 33 минг гектар ер ўзлаштирилади. Бундан ташқари, 16 та оилавий шифокорлик пункти ва оилавий поликлиникаларни ташкил этиш кўзда тутилган.
Ўзбекистонда рақамли инфратузилмани ривожлантириш учун яқин икки йил ичида 2,5 млрд доллар жалб этилади, дея маълум қилди бош вазир Абдулла Арипов Олмаота шаҳридаги форумда. Ушбу маблағлар мобил алоқани модернизация қилиш, электрон ҳукуматни ривожлантириш ва бошқа вазифаларга сарфланади.
Иқтисодий тадқиқотлар ва ислоҳотлар маркази сўровининг натижаларига кўра, январь ойида ишбилармонлик муҳити кўрсаткичи яхшиланган. Энг сезиларли ўсиш қишлоқ хўжалиги ва қурилиш соҳаларида кузатилган.
Истеъмолчилар ҳуқуқларини ҳимоя қилиш федерацияси декабрь ойида ўтказган ўрганишлар натижасида истеъмол савати бир киши учун бир ойда 2 млн 157 минг сўмни ташкил этмоқда. Унга кўра, бир инсоннинг ойлик нон истеъмоли 10 донани ташкил этмоқда.
Фарғона вилоятидаги Олтиариқ ёқилғи ишлаб чиқариш заводи ишчилари деярли 11 ойдан бери корхонага хом ашё етказилмаганлигини, иш тўхтаб қолиб, март ойидан ишчилар сони қисқартирилиши мумкинлигини айтмоқда. Фарғона нефтни қайта ишлаш заводи раҳбарияти «Дарё» нашрига завод ёпилмаслигини, иш ўринлари қисқартирилиши, лекин ходимлар ишдан бўшатилмаслигини маълум қилган.
Январь ойида инфляция 1% ни ташкил этди. Озиқ-овқат маҳсулотлари 1,2 фоизга, ноозиқ-овқат маҳсулотлари 0,5 фоизга, хизматлар 1,4 фоизга қимматлашди. Инфляциянинг асосий омилларидан бири мевалар ва сабзавотлар нархларининг мавсумий ўсиши бўлди.
2020 йилда Ўзбекистондан автомобиллар экспорти пул кўринишида 30,4 фоизга, яъни 208,7 млн долларга етди. Автомобиллар импорти 2,3 бараварга кўп бўлди. UzAuto Motors томонидан энг кўп ишлаб чиқарилган автомобиль модели — Cobalt.
Долларнинг расмий курси 21 сўмга қимматлади ва жами 10 540 сўм этиб белгиланди. Евро ва рубль курслари эса бироз пасайди.
«Технопарк» компанияси электрон сув ҳисоблагичларини ишлаб чиқариши мумкин. Лойиҳа қиймати 77,7 млрд сўмни ташкил этади. Ҳокимлик томонидан ташкил этилган компания ақлли газ ҳисоблагичлари, кир ювиш машиналари, музлатгичлар, лифтлар ва бошқа техника воситаларини ишлаб чиқаради.
Марказий банк эндиликда валюталар курсини ҳар банк иш кунида белгилаб боради. Ҳозир валюталар курси ҳар сешанба куни янгиланади.
2020 йилда республика бўйича ўртача ойлик иш ҳақи 2,67 млн сўмни ташкил этиб, 2019 йилга нисбатан 14,8 фоизга ўсди. Ўзбекистон бўйича энг юқори иш ҳақи Тошкент шаҳри (3,99 млн сўм), ҳамда Навоий (3,5 млн) ва Тошкент (2,87 млн сўм) вилоятларида қайт этилган.
2020 йилда Ўзбекистон ялпи ички маҳсулот (ЯИМ) ҳажми 580,2 трлн сўмни ташкил қилди. 2019 йил билан солиштирганда ўсиш 1,6% ни ташкил қилган.
Долларнинг расмий курси 18 сўмга қимматлади ва жами 10 519 сўм этиб белгиланди. Шунингдек, евро курси ҳам бироз кўтарилди, рубль эса арзонлади.
Марказий банки бошқаруви асосий ставкани йиллик 14 фоиз даражасида ўзгаришсиз қолдирди. 2021 йилда ЯИМнинг реал ўсиши 4,5−5,5 фоиз даражасида бўлиши, инфляция даражасининг 9,0−10,0 фоизга қадар янада пасайиши кутилмоқда.
Ўзбекистон Олтин-валюта захиралари 2021 йил бошланганидан бери бирданига ошди. 1 январь ҳолати бўйича Ўзбекистон расмий захира активлари 34,9 млрд долларни, халқаро захиралари эса 33,8 млрд долларни ташкил қилмоқда.
Президент фармони билан пандемия даврида тадбиркорларга берилган айрим имтиёзлар 2021 йил охиригача сақлаб қолиш таклиф этилмоқда. Унга кўра, 20 мингта тадбиркорнинг 400 млрд сўм солиғи тўлови кечиктирилади. Лойиҳа муҳокамаси 27 январга қадар давом этади.
Президент фармони лойиҳасига мувофиқ, 1 мартдан газ импорти учун белгиланган божхона божини бекор қилиш, электр энергияси ва газ улгуржи бозорини шакллантириш орқали соҳадаги монополияни бекор қилиш режалаштирилмоқда.
Долларнинг расмий курси 27 сўмга қимматлади ва жами 10 500 сўм этиб белгиланди. Шунингдек, рубль курси ҳам бироз кўтарилди, евро эса арзонлади.
Қўшимча имкониятларга эга булиш учун сайтда рўйхатдан ўтинг