«xususiylashtirish» tegli maqolalar
O‘zbekiston davlat banklarini xususiylashtirish yana kechroqqa qoldirilishi mumkin — Fitch
O‘zbekiston davlat banklarini xususiylashtirish yana kechiktirilishi mumkin, dedi Fitch Ratings direktori o‘rinbosari Pavel Kaptel. Ularning sotuvdan oldingi tayyorgarlik ishlari hamon davom etmoqda. Davlat aksiyalarini o‘z vaqtida sotish xalqaro moliya tashkilotlarining banklar kapitaliga kirishiga ham bog‘liq.
“O‘yin qilmagin”. Prezident davlat aktivlarini xususiylashtirishni jadallashtirish bo‘yicha topshiriq berdi
Prezident 33 ta don korxonalarini xususiylashtirishni tezlatish bo‘yicha topshiriq berdi. U vazirlik va hokimliklar aktivlari sotuvining sustlashib borayotganini tanqid qildi. Masalan, Toshkent shahrida 25 gektar yer auksionga qo‘yilib, keyin qaytarib olingani sababli budjetga 600 mlrd so‘m kelib tushmagan.
“Bu — korrupsiyaga asos”. Prezident O‘zbekiston tumanlarining master-rejalari yo‘qligi haqida gapirdi
Prezident bosh vazir o‘rinbosariga yil oxirigacha 70 ta, 2025-yilda esa O‘zbekistonning barcha tumanlari bo‘yicha master-rejalar ishlab chiqish topshirig‘ini berdi. Shuningdek, u ba’zi hokimlar paxta maydonlarini elektron platformaga integratsiya qilish to‘g‘risidagi farmoniga zid ish tutayotganini aytdi.
“Paxtakor” futbol klubi sotuvga qo‘yildi
Davaktiv “Paxtakor futbol klubi” MCHJning 100 foiz davlat ulushi savdoga chiqarilganini ma’lum qildi. Klubning yangi egasi akademiya va klub faoliyatini davom ettirishi, klub balansidagi barcha sport obyektlaridan, jumladan, futbol maydonidan faqatgina sport faoliyati yo‘nalishlarida foydalanishi kerak bo‘ladi.
Prezident “Donmahsulot” tarkibidagi korxonalar narxi sun’iy oshirib yuborilgani uchun sotilmayotganini ta’kidladi
Shavkat Mirziyoyev “Donmahsulot” tarkibidagi savdoga chiqarilgan 43 ta korxonadan bor-yo‘g‘i 10 tasi sotilganini, ayrimlari 2−3 yildan beri sotilmasdan turganini, bunga sabab esa xususiy sektorga bermaslik uchun narxi sun’iy oshirib yuborilganini ta’kidladi.
“O‘zbekiston shampani” zavodidagi davlat ulushi 72 mlrd so‘mga sotildi
“O‘zbekiston shampani” aksiyadorlik jamiyatidagi davlat ulushi 72 milliard so‘mga sotildi. Shampan, gazli va ko‘piklanadigan vinolar ishlab chiqaruvchi zavodning xaridori Euro Pack kompaniyasi bo‘ldi.
“Biokimyo” spirt zavodi 118 milliard so‘mga xususiylashtirilmoqda
“Biokimyo” spirt zavodining davlatga tegishli 51 foiz ulushi 118 mlrd so‘mga (9,6 mln dollar) sotildi. Xaridor umumiy ovqatlanish va oziq-ovqat yetkazib berish xizmatlarini ko‘rsatuvchi Mega comfort business bo‘ldi.
“O‘ztemiryo‘lkonteyner”ning davlat ulushini xususiylashtirish to‘xtatildi
Davaktiv agentligi “O‘ztemiryo‘lkonteyner” AJning davlat ulushini xususiylashtirish jarayonini to‘xtatdi. Chunki korxona “O‘zbekiston temir yo‘llari”ni isloh qilish doirasida “Temiryo‘lkargo”ga aylantirilmoqda.
“Sharq” majmuasining qaysi binolari madaniy meros obyekti ekani tekshiriladi
Davlat aktivlarini boshqarish agentligi “Sharq” nashriyotining qaysi binolari madaniy meros obyekti ekanini aniqlash bo‘yicha Madaniy meros agentligi bilan kelishib oldi. Agentlik O‘zA binosi bunday obyekt emasligini, lekin uning tashqi ko‘rinishini saqlab qolish xususiylashtirish sharti bo‘lishini ta’kidladi.
Madaniy meros agentligi “Sharq” va O‘zA binolarini auksiondan olib tashlash bo‘yicha ogohlantirish berdi
Madaniy meros agentligi yagona mulkiy majmua sifatida savdoga chiqarilishi aytilgan “Sharq” va O‘zA binolari madaniy meros obyekti ekanini va xususiylashtirish mumkin emasligini ma’lum qildi. Ularni auksiondan olib tashlash bo‘yicha Davaktiv agentligiga ogohlantirish berildi.
“Bu faqat bizning xohishimizga bog‘liq emas”. Markaziy bank rahbari — davlat banklarini xususiylashtirish haqida
Markaziy bank rahbari davlat banklarini xususiylashtirish nega kechiktirilayotgani haqida gapirib, “bu nafaqat bizning xohishimizga, balki xorijiy investorlarning ishonchiga ham bog‘liq”, deb ta’kidladi. O‘tgan yilgi geosiyosiy inqiroz investorlarning postsovet mamlakatlari bozoriga kirishini qiyinlashtirgan.
“Biokimyo” va “Andijon biokimyo zavodi” AJlardagi davlat ulushini xususiylashtirish boshlandi
Davaktiv “Biokimyo” AJ ustav kapitalidagi 51 foiz va “Andijon biokimyo zavodi” AJdagi 76 foiz davlat ulushini xususiylashtirish jarayoni boshlanganini e’lon qildi. Korxonalarning ustav fondi 9,6 mlrd va 24 mlrd so‘m, ikkala zavodning ham ishlab chiqarish quvvati yiliga 1,83 mln dekalitrni tashkil etadi.
“Sijjak” va “Chotqol” dam olish maskanlari xususiylashtiriladigan obyektlar ro‘yxatidan chiqarib yuborildi
O‘zbekiston prezidenti o‘zining avvalgi qarorlariga o‘zgartirishlar kiritib, “Sijjak” va “Chotqol” dam olish maskanlarini xususiylashtiriladigan obyektlar ro‘yxatidan chiqarib tashladi. Ilgari Gulnora Karimovaga tegishli bo‘lgan “Sijjak” maskani bir necha bor sotuvga qo‘yilgan, lekin sotilmay qolgandi.
OTP Bank 2 hafta ichida “Ipoteka-bank”ni xususiylashtirish bo‘yicha birinchi bitimni yakunlamoqchi
“Ipoteka-bank”ni xususiylashtirish bo‘yicha birinchi bitim ikki hafta ichida yakunlanishi rejalashtirilmoqda, dedi OTP Bank direktori o‘rinbosari Laslo Vulf. Uning so‘zlariga ko‘ra, OTP 2022-yil dekabr oyida xususiylashtirish to‘g‘risidagi bitim imzolangandan beri “Ipoteka-bank”ni rivojlantirish ustida ishlamoqda.
AKT vazirligi va “Aloqabank” binolari bitta kompaniya tomonidan bank krediti evaziga sotib olindi
Toshkent markazidagi Raqamli texnologiyalar vazirligi va “Aloqabank” ma’muriy binolari elektron auksionda Black Gold Industry kompaniyasi tomonidan 387 mlrd so‘mga sotib olindi. “Aloqabank” auksiondan bir kun avval ushbu kompaniyaga 15 yil muddatga 14 foiz stavkada 390 mlrd so‘m kredit bergan.
O‘zbekistonda 2023-yilda 1000 dan ortiq davlat obyektlari sotuvga qo‘yiladi
O‘zbekiston prezidenti 2023-yilda 1000 dan ortiq davlat obyektlarini sotish ko‘zda tutilgan dasturni tasdiqladi. Gap 39 ta yirik davlat kompaniyasi, 8 ta bank, 20 ta vazirlik, boshqa davlat organlari va mahalliy davlat hokimiyati organlarining sho‘ba korxonalari hamda firmalaridagi ulushlari haqida bormoqda.
O‘zbekistonda 40 ta yirik korxona va banklardagi davlat ulushi «xalqchil IPO» orqali sotiladi
Prezident O‘zbekistonda davlat ulushi «xalqchil IPO» orqali sotiladigan 40 ta yirik korxona va bank ro‘yxatini tasdiqladi. Ilk bor NKMK va OKMK, O‘zmetkombinat, «O‘ztelekom», Milliy bank, Sanoatqurilishbank kabi yirik korxonalarning o‘rtacha 2 foiz aksiyalari aholiga taklif etiladi.
Niderlandiya kompaniyasi «O‘zbekkimyomash» zavodining 44,71 foiz ulushini sotib olmoqda
Niderlandiyaning Tropidia Holding kompaniyasi «O‘zbekkimyomash» zavodi ustav kapitalidagi 44,71 foiz ulushini 37 mlrd so‘mga sotib olmoqda.
Rossiya kompaniyasi «Elektrqishloqqurilish» nazorat paketini xususiylashtiradi
«Ural energetika qurilish kompaniyasi» «Elektrqishloqqurilish» kompaniyasining nazorat paketini sotib oladi. 58,41 foiz aksiyalarni xususiylashtirish bo‘yicha bitim qiymati 93,2 mlrd so‘mga baholanmoqda.
2023 yilda budjetga xususiylashtirishdan 10 trln so‘m tushishi mumkin — Iqtisodiyot va moliya vazirligi
2023 yilda davlat aktivlarini xususiylashtirish O‘zbekiston davlat budjetiga 10 trln so‘m daromad keltiradi, deb taxmin qilmoqda Iqtisodiyot va moliya vazirligi. Bu oldingi yilgi prognozga nisbatan 66,6 foizga ko‘p. Daromadlar davlat budjeti taqchilligini qoplashga yo‘naltiriladi.
Eng ko‘p o‘qilgan xabarlar | So‘nggi yangiliklar
- MMTV pedagogik ma’lumoti bo‘lmagan 10 nafar o‘qituvchiga maktabda ishlashga ruxsat berdi. Bu nega yomon emas?
- “„Oltin“ yelkadagi tog‘ni ag‘daradi. Menda shu tog‘ qolib ketdi”. Parij Paralimpiadasi sovrindori Guljanoy Naimova hikoyasi
- Sadir Japarov qirg‘izistonlik bokschiga sekundantlik qilgan o‘zbekistonlik murabbiyga avtomobil sovg‘a qildi
- O‘zbekiston shaxmat olimpiadasini g‘alaba bilan boshladi
- “Ahvol yaxshi emas”. Boysunliklar — gaz konidagi portlashdan keyingi vaziyat haqida
Qo‘shimcha imkoniyatlarga ega bulish uchun saytda ro‘yxatdan o‘ting