Xorazm viloyati Gurlan tumani hokimining 33 yoshli o‘rinbosari Umidjon Jumagaldiyev YTHga uchrashi oqibatida vafot etdi.
Yozuvchilar uyushmasi a’zosi Mengliboy Murodov 80 yoshida vafot etdi. Adib «Mening bola qalbim», «Ko‘ngildagi qo‘shiqlar», «Umidli dunyo» kitoblari muallifi hisoblanadi. «Gunoh» romani mustaqillikning 17 yilligida o‘tkazilgan «Eng ulug‘, eng aziz» tanlovida 3-o‘ringa loyiq ko‘rilgan.
Jurnalist va shoir Akmal Toshev 37 yoshida vafot etdi. Bosh prokuratura uning o‘limi yuzasidan tergovga qadar tekshiruv boshlanganini ma’lum qildi. U shu paytga qadar «Inson va qonun» gazetasi va «Huquq va burch» jurnali birlashgan tahririyatida bosh mutaxassis vazifasida ishlab kelayotgandi.
Shoir, O‘zbekiston va Qoraqalpog‘istonda xizmat ko‘rsatgan madaniyat xodimi Oshiq Erkin 86 yoshida vafot etdi. U «Shuhrat» medali bilan taqdirlangan.
Afsonaviy sirk ustasi Hakim Zaripov 99 yoshida vafot etdi. U 80 yil davomida sirk manejida ot ustida tomosha ko‘rsatish bilan shug‘ullanib kelgan.
13 yanvar kuni Oliy Majlis Senati a’zosi, shoira Enaxon Siddiqova 68 yoshida vafot etdi. U 2004 yili «Do‘stlik», 2009 yili «El-yurt hurmati» ordenlari, 2016 yili esa «O‘zbekiston xalq shoiri» unvoni bilan taqdirlangandi.
O‘zbekiston xalq shoiri, Yozuvchilar uyushmasi a’zosi Jamol Kamol 84 yoshida vafot etdi.
Ukrainaning birinchi prezidenti Leonid Kravchuk uzoq davom etgan xastalikdan so‘ng 88 yoshida vafot etdi.
Oltinko‘l tumanidagi 31-maktabgacha ta’lim tashkilotining 4 yoshli tarbiyalanuvchisi uyqu vaqtida olamdan o‘tdi. U tarbiyachi bolalarni uyqudan uyg‘otgan vaqtida qaytib o‘rnidan turmagan. Tashkilot hamshirasi bolada hech qanday kasallik alomatlari kuzatilmaganini aytdi.
G‘uzor tumanining «Sovbog‘» mahallasida yoshlar yetakchisi bo‘lib ishlagan 37 yoshli erkak o‘zini osib qo‘ydi. Bunga uning ruhiyatidagi o‘zgarishlar, shu jumladan qarzi ko‘payib ketgani va ko‘p miqdorda spirtli ichimlik iste’mol qilgani sabab bo‘lgani aytilmoqda.
Qirg‘izistonlik haydovchi boshqaruvidagi suyultirilgan gaz ortilgan yuk mashinasi Qamchiq dovonida qatnov qismini ajratib turuvchi to‘siqqa urilib, ag‘darilib ketdi. Buning oqibatida haydovchi voqea joyida vafot etdi.
24 fevraldan 1 aprelga qadar Ukrainadagi urush oqibatida 1276 nafar tinch aholi halok bo‘ldi, yana 1981 kishi yaralandi. Bu BMT tomonidan tasdiqlangan raqamlar, asl holat bundanda ko‘proq bo‘lishi mumkin. Ukraina bosh prokurori juma kuni soat 8:00 holatiga jami 153 nafar bola halok bo‘lgani va 245 nafar bola jarohat olganini qayd etdi.
O‘zbekiston san’at arbobi, teatr rejissyori Jo‘ra Mahmudov 80 yoshida vafot etdi. U faoliyati davomida «Qirol Lir», «Ona»,"Qiyomat qarz", «Og‘riq tishlar», «Qayerdasan, jon bolam» va boshqa spektakllarni sahnalashtirgan.
Farg‘ona shahrida ikki nafar harbiy xizmatchi va 17 yoshli qiz is gazidan zaharlanish oqibatida halok bo‘ldi. FVV ma’lumotlariga ko‘ra, bu 2021−2022 yilgi isitish mavsumi boshidan beri 40-baxtsiz hodisa. Mavsum davomida is gazidan jami 54 kishi vafot etgan.
O‘zbekistonda xizmat ko‘rsatgan jurnalist hamda Jurnalistlar ijodiy uyushmasi a’zosi Dilbar Mahmudova 85 yoshida vafot etdi. Uning turmush o‘rtog‘i bilan hammualliflikdagi bir qancha pesalari O‘zbek Milliy akademik drama teatrida sahnalashtirilgandi.
Toshkentning Yashnobod tumanida haydovchilik guvohnomasi bo‘lmagan o‘smir (2005 y.t.) Spark mashinasida tezlikni oshirishi tufayli boshqaruvni yo‘qotib, yo‘l chetidagi temir panjaraga urilgan. Buning oqibatida esa avtomobil haydovchisi va yo‘lovchisi voqea joyida vafot etgan.
O‘zbekiston terma jamoa va Toshkentning «Paxtakor» klubi sobiq a’zosi Nikolay Shirshov 47 yoshida vafot etdi. U terma jamoa safida 63 ta o‘yin o‘tkazib, 13 ta golga mualliflik qilgan.
Buxoroda fuqaro Milliy gvardiya xodimi xizmat vaqtida avtomobil urib ketishi oqibatida vafot etdi. Safdorni urib ketganlikda gumon qilingan shaxsga nisbatan jinoyat ishi qo‘zg‘atilib, u qamoqqa olindi.
O‘zbekiston Fanlar akademiyasi a’zosi, fizik olim Temurbek Usmonov 79 yoshida vafot etdi. U dunyoda ilk bor quvvatli lazer nurlanishlarining eng katta samaradorlikdagi garmonikalari va yorug‘likning eng yuqori darajadagi parametrik generatsiyalarini olishga erishgan edi.
Fevral oxirida Chilonzordagi «Shovotlandiya» kafesida yong‘in chiqib, buning oqibatida 5 kishi vafot etgandi. JIB Olmazor tuman sudi ushbu jinoyatni sodir etgan 36 va 26 yoshli shaxslarga umrbod ozodlikdan mahrum qilish jazosini tayinladi. «Gazeta.uz» jinoyat nima sababdan va qanday sodir etilganini ham aniqlashtirdi.
Qo‘shimcha imkoniyatlarga ega bulish uchun saytda ro‘yxatdan o‘ting