Litvinenkolar 63 yildan beri asalarichilik bilan shug‘ullanadi. Ular har yili 300 ta asalari uyasi bilan Toshkent viloyati tog‘laridan Sirdaryo dashtlari tomon “yurish” qiladi. Asalarichilar sulolasi “Gazeta.uz”ga asalarichilik, hosilni yig‘ish va tabiiy asalni to‘g‘ri tanlash sirlari haqida so‘zlab berdi.
Tarmoqlarda Qozog‘istonga import qilingan 43 tonna pomidorda xavfli virus aniqlangani haqida xabar tarqalgandi. O‘zbekiston Qishloq xo‘jaligi vazirligi buni rad etib, qo‘shni mamlakatdan mahsulotlarni orqaga qaytarish holati kuzatilmagani va e’tiroznoma jo‘natmaganini bildirdi.
1 apreldan barcha turdagi mahalliy qishloq xo‘jaligi texnikasini xarid qilish uchun 15 foizlik subsidiya beriladi, import qilinadigan texnikalar 3 yil muddatga bojxona va utilizatsiya yig‘imlaridan ozod qilinadi. Uskunalar xarid qilish uchun imtiyozli kreditlar ajratiladi.
Markaziy Osiyo mamlakatlari qishloq xo‘jaligi vazirlari soha samaradorligini oshirish, uni modernizatsiya qilish masalalarini muhokama qildi. Buning uchun ham ichki, ham tashqi manbalardan yirik moliyaviy investitsiyalar talab etilishi aytildi.
Shavkat Mirziyoyev agrar soha, yer-suv resurslaridan samarali foydalanish va fermerlarning moliyalashtirish imkoniyatlarini kengaytirish borasidagi vazifalarga bag‘ishlangan yig‘ilish o‘tkazdi. «Buning zamirida xalqimiz farovonligi, narx-navo barqarorligi, qancha ish o‘rinlari yotibdi», — dedi prezident.
AQSh O‘zbekistondagi fermer va o‘g‘it ishlab chiqaruvchilarga yordam ko‘rsatish uchun USAID agentligi orqali 2 mln dollar ajratadi. Yordamning maqsadi global oziq-ovqat inqirozi sharoitida mamlakatning oziq-ovqat xavfsizligini ta’minlash bo‘yicha sa’y-harakatlarini qo‘llab-quvvatlashdan iborat.
Janubiy Koreya O‘zbekistonga yil bo‘yi qulupnay yetishtirish texnologiyalarini joriy etish uchun 3,7 mln dollar ajratadi.
Umida Haqnazar, Yuliy Yusupov va Ilhom Azizov agrar islohotlar sohasidagi muammolarni tahlil qilishdi. Ekspertlar Konstitutsiyaning 55-moddasiga taklif etilgan qishloq xo‘jaligi yerlari va o‘rmon fondi davlatga tegishli bo‘lishi haqidagi o‘zgartirishdan voz kechish kerakligini ta’kidlamoqda.
Mo‘g‘uliston O‘zbekistonga go‘sht mahsulotlari eksportini oshirishni taklif qildi. O‘zbekistondan Mo‘g‘ulistonga esa oziq-ovqat va qishloq xo‘jaligi mahsulotlari yetkazib berish hajmi oshiriladi. Mamlakatlar o‘rtasidagi savdoni rivojlantirish uchun charter reyslar yo‘lga qo‘yilishi mumkin.
Qishloq xo‘jaligi vazirligi mutaxassislari mart oyidagi noqulay ob-havo sharoitining qishloq xo‘jaligi mahsulotlariga ta’sirini o‘rgandi. Sovuq havo va yog‘ingarchiliklar ayrim hududlarda mevali bog‘larning kurtak novdalariga qisman salbiy ta’sir ko‘rsatgan. Uzumzorlar, ertaki ekilgan kartoshka va sabzavot ekinlari zarar ko‘rmagan.
Senatorlar organik mahsulotlar to‘g‘risidagi qonunni ma’qulladi, hujjat bilan ishlab chiqarish jarayoniga ma’lum bir talablar, xususan qayta tiklanadigan tabiiy resurslar va ichimlik suvidan foydalanish bo‘yicha vazifalar qo‘yilmoqda. Organik mahsulotlarni ishlab chiqarishda pestitsid, gormon, antibiotik va kimyoviy qo‘shimchalarni qo‘llash taqiqlanmoqda.
Qishloq xo‘jaligi vazirligi O‘zbekistonda kuzatilayotgan muttasil yog‘ingarchiliklarning boshoqli don, chigit yetishtirishga, bog‘ va tokzorlarga ta’siri qanday bo‘lishi va ko‘riladigan choralar haqida ma’lumot berdi.
BMT Taraqqiyot Dasturi Farg‘ona vodiysida qishloq xo‘jaligining iqlim o‘zgarishiga moslashuvi uchun agrometeorologik stansiyalar tarmog‘ini kengaytirish bo‘yicha loyihani amalga oshiradi. Yaponiya hukumati ushbu maqsadlarga qariyb 1 mln dollar ajratdi.
AQSh Xalqaro taraqqiyot agentligi agrobiznes sohasidagi korxonalar uchun biznes g‘oyalar tanlovini o‘tkazmoqda. Unda ayollar va yoshlar boshqaruvidagi yoki ularni ish bilan ta’minlovchi korxonalar ishtirok etishi mumkin. Tanlovda qatnashish uchun ariza topshirish sanasi 16 iyulga qadar.
Shavkat Mirziyoyev bosh vazir o‘rinbosari Shuhrat G‘aniyevga yoshlarni qishloq xo‘jaligiga jalb qilish tartibini, har 10 gektar ekiladigan yerning 1 gektarini yoshlarga ajratishni buyurdi. Prezident buni «inqilobiy qaror» deb atadi.
Yanvar-sentyabr oylarida qishloq, o‘rmon va baliqchilik xo‘jaligi mahsulot (xizmat)larining umumiy hajmi 180,1 trln so‘mni tashkil qilib, YAIM tarkibida ushbu sohaning ulushi 25,7 foizga yetdi. Respublika bo‘yicha eng ko‘p dehqon xo‘jaligi mahsulotlari Samarqand viloyatida yetishtirilgan.
Geodezkadastr davlat qo‘mitasi rahbari o‘rinbosari bo‘lib ishlagan Maqsud Ro‘zmetov, «Agrobank» boshqaruvi raisi o‘rinbosari Shuhrat Mirzayev va Agrar universitet rektori Botirjon Sulaymonov qishloq xo‘jaligi vaziri o‘rinbosarlari etib tayinlandi. Amaldagi vazir o‘rinbosari Saidkamol Xodjayev bir vaqtning o‘zida Oziq-ovqat sanoatini rivojlantirish bosh boshqarmasini boshqaradi. Majlisni Prezident Administratsiyasi rahbari Zaynilobiddin Nizomiddinov olib bordi.
Qishloq xo‘jaligini rivojlantirish xalqaro jamg‘armasi Farg‘ona vodiysida loyihalarni amalga oshirishga $47 mln ajratadi. Ushbu loyiha hududdagi 375 mingdan ortiq aholi daromadlarining o‘sishiga xizmat qilishi kutilmoqda.
Qo‘shimcha imkoniyatlarga ega bulish uchun saytda ro‘yxatdan o‘ting