«qaror» tegli maqolalar
O‘zbekistonda qaysi hokim o‘z qarorlarini tez-tez bekor qilib turadi?
28 mart holatiga e-qaror.gov.uz elektron tizimida 221 ta viloyat, tuman, shahar hokimiyatlari qabul qilgan 76 mingga yaqin hokim qarorlari haqida ma’lumot mavjud. Ushbu ma’lumotlarga ko‘ra, O‘zbekistonda hokimiyatlar bir yil ichida kuniga o‘rtacha 177 ta qaror qabul qilgan. Qarshi shahar hokimi esa o‘rtacha har ikki kunda o‘zi tomonidan qabul qilingan bitta qarorni bekor qiladi.
Mahallalar va jamoalardagi keksalar faolligi yanada oshiriladi
Prezident qaroriga muvofiq, Mahalla va nuroniylarni qo‘llab-quvvatlash vazirligi keksalar bilan yanada faol hamkorlik qiladi. Bunda «tarbiyasi og‘ir» yoshlar bilan muloqotda bo‘lganlarga «Bir nuroniy o‘n yoshga mas’ul» tamoyiliga muvofiq moddiy yordam ko‘rsatiladi.
Davlat organlarida rahbarning kamida bitta o‘rinbosari ayol kishi bo‘ladi
2024 yilgacha barcha davlat organlari va muassasalarida rahbarning kamida bitta o‘rinbosari ayol kishi bo‘ladi. Bu prezident farmonida nazarda tutilgan.
O‘zbekiston hamda Pokiston o‘rtasida tranzit savdo to‘g‘risidagi bitim tasdiqlandi
Prezident qarori bilan O‘zbekiston hamda Pokiston hukumatlari o‘rtasida tranzit savdo to‘g‘risidagi bitim tasdiqlandi. Mazkur hujjat 2021 yilning 15 iyulida Pokiston bosh vaziri Imron Xonning Toshkentga tashrifi doirasida imzolangandi.
Irrigatsiya instituti Milliy tadqiqot universitetiga aylantirildi
Toshkent irrigatsiya va qishloq xo‘jaligini mexanizatsiyalash muhandislari instituti shu nomdagi Milliy tadqiqot universitetiga aylantirildi. Yangi yildan boshlab universitet o‘z-o‘zini moliyalashtirish tizimiga o‘tadi va 2022/2023 o‘quv yilidan to‘liq ilmiy va tashkiliy, boshqaruv mustaqilligiga ega bo‘ladi. Universitet ishini esa Boshqaruv kengashi muvofiqlashtiradi.
Haydovchilik guvohnomasi va «texpasport» ni almashtirish muddati uzaytirildi
Hukumat eski haydovchilik guvohnomalari va ro‘yxatga olish guvohnomalarini yangisiga almashtirish muddatini 2022 yil oxirigacha uzaytirdi. Uning muddati haydovchilik guvohnomasi va ro‘yxatga olish guvohnomasi berilgan yilga bog‘liq. Agar ular 2010 yilgacha berilgan bo‘lsa, 31 martgacha almashtirilishi kerak.
Yetim va ota-ona qaramog‘idan mahrum bo‘lgan bolalarni uy bilan ta’minlash tartibi belgilandi
Hukumat qarori bilan yetim va ota-ona qaramog‘idan mahrum bo‘lgan bolalarga 18 yoshga to‘lganida ko‘p kvartirali uy-joylardan umumiy maydoni 25 kvadrat metrdan kam bo‘lmagan 1 xonali, nikoh tuzilgan hollarda esa, 50 kvadrat metrdan kam bo‘lmagan 2 xonali kvartiralar ajratiladi. Ularga uy-joyga ko‘chib kirish uchun asos bo‘ladigan order berilishi ham belgilanmoqda.
To‘rtta tuman hokimi o‘tib ketgan kunga yig‘ilish chaqirish to‘g‘risida qaror chiqargan
Taxiatosh, Boysun, Bo‘ston va Termiz tumanlari hokimlari Xalq deputatlari tuman kengashi majlislarini o‘tib ketgan kunga chaqirish to‘g‘risida qarorlar qabul qilishgan.
Farg‘ona viloyatining ayrim hududlariga alohida tartibdagi soliq rejimi joriy etiladi
Prezident Soliq kodeksiga o‘zgartish va qo‘shimchalar kiritish to‘g‘risidagi qonunni imzoladi. Unga ko‘ra, Farg‘ona viloyatining ba’zi tumanlarida soliq solishning alohida tartibini nazarda tutuvchi soliq rejimi kiritildi.
Umumiy ovqatlanish korxonalari yil oxirigacha yer va mol-mulk solig‘idan ozod qilinadi
Prezident qarori bilan 2021 yil 1 sentyabrdan 31 dekabrgacha umumiy ovqatlanish korxonalari yer va mol-mulk solig‘idan ozod qilinadi. 15 avgust holatiga ko‘ra mavjud qarzdorlikni, soliq bo‘yicha jarimalarni 2022 yil 1 yanvardan 1 iyulga qadar foizlarni undirmasdan teng miqdorlarda kechiktirib (bo‘lib-bo‘lib) to‘lashi mumkin. Shuningdek, qaror bilan 2023 yil 1 sentyabrgacha turistik (mehmonxona) yig‘imini hisoblash va to‘lash to‘xtatiladi.
Ma’muriy huquqbuzarlikka oid ishlar elektron yuritiladi
Hukumat qarori bilan ma’muriy huquqbuzarliklar to‘g‘risidagi ishlar yagona «E-ma'muriy ish» elektron tizimi orqali amalga oshiriladi. Avtomototransportlarni jarima maydonchalariga qo‘yish hamda chiqarish sud yoki vakolatli organlarning tegishli qarori asosida ushbu tizimdan foydalangan holda amalga oshiriladi.
O‘zbekistonda kamondan otish rivojlantiriladi
Prezident qarori bilan mamlakatda kamondan otish rivojlantirilib, ommalashtiriladi. Toshkentda har yili «Alpomish va Barchinoy», Samarqandda — «To‘maris kubogi» musobaqalari, Buxoro, Qo‘qon, Samarqand va Xivada — «Turizm va kamondan o‘q otish haftaligi» o‘tkaziladi.
Ayollarni reabilitatsiya qilish respublika markazlari tashkil etildi
Prezident qarori bilan Zo‘rlik ishlatishdan jabr ko‘rgan shaxslarni reabilitatsiya qilish hamda o‘z joniga qasd qilishning oldini olish respublika markazi tugatildi. Uning o‘rniga Ayollarni reabilitatsiya qilish va moslashtirish respublika markazlari tashkil etildi. Bundan tashqari, ruhiy, psixoterapevtik, huquqiy yordam berish uchun 24 soat uzluksiz ishlovchi «ishonch telefoni» raqami yo‘lga qo‘yiladi.
Prezident ma’naviy-ma’rifiy ishlar tizimini takomillashtirish to‘g‘risidagi hujjatni imzoladi
Prezident «Ma’naviy-ma’rifiy ishlar tizimini tubdan takomillashtirish to‘g‘risida"gi qarorni imzoladi. Barcha shahar va tumanlarda «Ma’naviyat va ma’rifat maskani» yaratiladi, universitetlarda «Ma’naviyatshunoslik», «Kasbiy ma’naviyat» fanlari joriy etiladi.
Prezident hujjatlari ijrosining 4 bosqichli tizimi joriy etiladi
Loyihadan tortib nazoratgacha — prezident hujjatlari ijrosining yangi to‘rt bosqichli tizimi joriy etiladi. «Ijro tizimidagi eng katta muammo — dunyoqarash o‘zgarmayotgani, bilimsizlik va mas’uliyatsizlik», — deya ta’kidladi davlat rahbari.
Tadbirkorlarga haydovchilik guvohnomasi uchun imtihonlarni tashkil etishga ruxsat berildi
Prezident qarori bilan 2021 yil 1 apreldan tadbirkorlar haydovchilik guvohnomasini olish uchun nazariy va amaliy imtihonlarni o‘tkazish huquqiga ega bo‘ladi.
«SOS O‘zbekiston bolalar mahallalari» qayta nomlanadi
«SOS O‘zbekiston bolalar mahallalari» bolalar mahallalari, yoshlar uylari va ijtimoiy markazlari etib qayta nomlanadi.
2021 yildan 40 yosh va undan yuqoridagilar tibbiy tekshiruvlaridan o‘tkaziladi
Prezident qaroriga asosan 2021 yil 1 yanvardan boshlab 40 va undan yuqori yoshdagi fuqarolarda gipertoniya, infarkt, insult, qandli diabet va boshqa xavf omillarini aniqlash bo‘yicha tizimli ravishda skrining tekshiruvlari o‘tkaziladi.
2021 yilgacha bolalarni ro‘yxatga olish jarayonlari to‘liq avtomatlashtiriladi
2021 yil 1 sentyabrga qadar tug‘ilganlikni qayd etish, yashash manzili bo‘yicha doimiy ro‘yxatga qo‘yish, bir martalik mukofot pulini ajratish, poliklinikaga joylashtirish va bog‘chaga navbatga qo‘yish to‘liq avtomatlashtiriladi.
Eksportni qo‘llab-quvvatlash jamg‘armasi tashkil etiladi
Prezident farmoni bilan Eksportni qo‘llab-quvvatlash jamg‘armasi tashkil etiladi. Ijobiy kredit tarixiga ega eksportchilarga kredit bo‘yicha qarzdorligi bo‘lsa ham kompensatsiya va kafilliklar taqdim etiladi. Buning uchun Eksportni qo‘llab-quvvatlash jamg‘armasiga $100 mln ajratiladi.
Eng ko‘p o‘qilgan xabarlar | So‘nggi yangiliklar
- Chevrolet va Ipak Yo‘li Banki qulay shartlardagi avtomobil xaridini taklif qilmoqda
- “Bizga tinch va sokin park kerak”. Toshkentliklar Do‘stlik parki rekonstruksiyasiga qarshi
- “Muvaffaqiyat jinsga emas, bilim va qobiliyatlarga bog‘liq”. Maktabda o‘qiydigan dasturchi qizlar — loyihalari, orzulari va stereotiplar haqida
- Abdulla Qodiriy bog‘i 49 yilga investorga berilmoqda. Rekonstruksiya qanday bo‘ladi?
- To‘ldirildi: Davlat idoralari o‘z avtoparkini elektromobillar bilan yangilamoqda
Qo‘shimcha imkoniyatlarga ega bulish uchun saytda ro‘yxatdan o‘ting