«prezident farmoni» tegli maqolalar
1 sentyabrdan ish haqi, pensiya, stipendiya va nafaqalar miqdori oshiriladi
Prezident farmoniga ko‘ra, 1 sentyabrdan byudjet tashkilotlari xodimlarining ish haqi, pensiyalar, stipendiyalar va nafaqalar miqdori 1,1 barobarga oshiriladi. Shuningdek, bazaviy hisoblash miqdori oyiga 270 ming so‘m, mehnatga haq to‘lashning eng kam miqdori esa oyiga 822 ming so‘m etib belgilandi.
Prezident Olimpiadada ishtirok etgan sportchilar va murabbiylarni mukofotladi
Shavkat Mirziyoyev Tokio Olimpiadasida O‘zbekiston sharafini munosib himoya qilgan sportchilar va ularning murabbiylarini taqdirladi. Bokschi Bahodir Jalolovga «Fidokorona xizmatlari uchun» ordeni, taekvondochi Ulug‘bek Rashitovga — «O‘zbekiston iftixori» faxriy unvoni, Oksana Chusovitinaga esa — «O‘zbekiston Respublikasida xizmat ko‘rsatgan sport ustozi» faxriy unvoni berildi.
18 yoshgacha bo‘lganlar uchun yagona bolalar nafaqasi joriy etiladi
Prezident farmoni bilan 1 sentyabrdan amaldagi 14 yoshgacha bolalar uchun nafaqa va 2 yoshgacha bolani parvarish qilish nafaqasi o‘rniga yagona bolalar nafaqasi joriy etiladi. Ushbu nafaqa yoshi 18 yoshgacha oshiriladi, to‘lov muddati 12 oygacha uzaytiriladi. Qolaversa, Minimal iste’mol xarajat miqdorlaridan kambag‘allik mezoni sifatida foydalaniladi.
1 yanvardan xorijga chiqish pasporti uchun to‘lov arzonlashtiriladi
Prezident farmoni bilan 1 yanvardan xorijga chiqish pasporti, tadbirkorlik subyektlarini ro‘yxatdan o‘tganligi to‘g‘risida yangi namunadagi guvohnoma, advokatlik byuro, firma va hay’atlarini ro‘yxatdan o‘tkazish uchun to‘lov miqdorlari arzonlashtiriladi. Xususiy bandlik agentliklari reyestriga kiritish xizmati esa bepul bo‘ladi.
«Hech qanday „lazeyka“ larga joy qolmasin». Doniyor G‘aniyev Yer kodeksiga kiritilayotgan o‘zgartishlar haqida
Qonunchilik palatasi deputati Doniyor G‘aniyev yerga oid prezident farmoni, uning asosida Yer kodeksiga kiritilayotgan o‘zgartish va qo‘shimchalar yuzasidan fikr bildirib, qonunchilikda «lazeyka"lar qoldirib ketilayotganiga e’tibor qaratdi. Jumladan, chet el fuqarolari va yuridik shaxslariga yerni ijraga berish, DXSH asosida yerdan foydalanish, ko‘p kvartirali uyga tutash uchastkalarni ajratish, qolaversa, yakka tartibdagi uyni xususiy mulk tarzida berish masalalarida qonunchilikda «bo‘shliq"lar qoldirilgani aytilmoqda.
Avgustda «Temir daftar»dagi oilalarning 18 yoshgacha bo‘lgan farzandlariga 500 ming so‘mdan beriladi
Prezident farmoni bilan, avgust oyida «Temir daftar»ga kiritilgan oilalarning 18 yoshgacha bo‘lgan har bir farzandlari uchun 500 ming so‘mdan bir martalik moddiy yordam ko‘rsatiladi. Shuningdek, farmon bilan yoshlarni qo‘llab-quvvatlash bo‘yicha boshqa qator choralar e’lon qilindi.
Korrupsionerlarga jazoni o‘tashda yengillik berilmaydi — Oliy sud
Oliy sud raisi o‘rinbosari Ikrom Muslimovning qayd etishicha, qonunchilikka o‘zgartirish kiritish orqali korrupsionerlarga jinoiy jazoni o‘tashda yengillik berilmaydi. Masalan, korrupsion jinoyatni sodir etganlar muddatidan oldin ozodlikka chiqarilmaydi, ularga tayinlangan jazo yengilrog‘iga almashtirilmaydi.
Korrupsiyada aybdor deb topilganlar ochiq elektron reyestriga kiritiladi
Prezident farmoni bilan korrupsiyaga oid jinoyatlarni sodir etishda aybdor deb topilganlarning ochiq elektron reyestri yuritilishi yo‘lga qo‘yiladi. Ushbu ro‘yxatga kiritilganlar davlat xizmatiga qabul qilinishi va davlat mukofotlari bilan taqdirlanishi, tadbirkorligi davlat xaridlarida ishtirokchi (ijrochi) sifatida qatnashishi taqiqlanadi.
Deputatlar muhim masalalar bo‘yicha qanday ovoz bergani ochiqlanishi tavsiya etilmoqda
Prezident farmoni bilan Qonunchilik palatasida deputatning har bir qonun (qaror) loyihasini qabul qilish yoki rad etishdagi, senatorning har bir qonunni (qarorni) ma’qullash yoki rad etishdagi ishtiroki to‘g‘risidagi ma’lumotlar ochiqlanib borishi tavsiya etilmoqda.
OTMga kirish imtihonlari jarayoni internetda jonli efirga uzatiladi
Endilikda OTMlarning bakalavriat va magistratura imtihonlari, o‘qishni ko‘chirish bilan bog‘liq imtihonlar va nostrifikatsiya test sinovlari jarayonlari internetda jonli efirga uzatiladi.
Davlat organlari ochiqligini ta’minlash uchun Antikorrupsiya agentligiga yangi vazifalar yuklatildi
Prezident farmoniga ko‘ra, endilikda Antikorrupsiya agentligi ochiqlikka oid qonunchilik talablarini muntazam ravishda buzayotgan mansabdor shaxslarni javobgarlikka tortish bo‘yicha takliflar kiritadi. Har yil yakunida davlat organlarining Ochiqlik indeksi e’lon qilinadi. Shuningdek, davlat sirlarini saqlash to‘g‘risida qonun loyihasi ishlab chiqiladi.
Yerga oid prezident farmonidan eng muhim o‘zgarishlar
Shavkat Mirziyoyev yerga bo‘lgan huquqni bozor aktiviga aylantirish to‘g‘risidagi farmonni imzoladi. Hokimiyatlar yerlarni to‘g‘ridan-to‘g‘ri ajratish, zaxiralash, obodonlashtirishga ajratish va boshqa vakolatlaridan mahrum etiladi. Yerga bo‘lgan huquqlarning turlari 6 dan 3 gacha qisqartiriladi. Yer uchastkalari xususiy sektorga mulk huquqi va ijara huquqi asosida, davlat tashkilotlariga esa doimiy foydalanish huquqi asosida beriladi. «Gazeta.uz» ushbu farmon bo‘yicha barcha muhim o‘zgarishlarni taqdim etadi.
24 ta tuman va shahar qurilish materiallari ishlab chiqarishga ixtisoslashtiriladi
Prezident farmoniga muvofiq, 24 ta tuman va shahar qurilish materiallari ishlab chiqarishga ixtisoslashtiriladi. Ularga bank kreditlari bo‘yicha imtiyozlar hamda bir qator kompensatsiyalar taqdim etiladi. Qurilish materiallari sanoatidagi loyihalarni moliyalashtirishga Tiklanish va taraqqiyot jamg‘armasidan 200 mln dollar jalb etiladi.
Har xil o‘yin bo‘lib ketmasligi uchun yer bo‘yicha farmon jamoatchilik muhokamasiga qo‘yilmadi — adliya vaziri
Adliya vaziri Ruslanbek Davletov yer munosabatlarini tartibga solishga oid prezident farmoni nima sababdan jamoatchilik muhokamasiga qo‘yilmaganini izohladi. «Har xil o‘yin bo‘lib ketmasligi, butun davlat miqyosida yerlar talon-toroj qilinmasligi uchun mana shunaqa yondoshuv qilindi», — dedi u. Vazirning so‘zlariga ko‘ra, endi hokimlar yer ajratish bo‘yicha qaror qabul qila olmaydi. Faqat viloyat hokimlarida qishloq xo‘jaligi yerlarini ajratishga oid vakolat qolgan.
«Nimaga yer berilmasligi kerak?». Ruslanbek Davletov investorlarga yer maydonlari ijaraga berilishi haqida
Prezidentning yer munosabatlarini tartibga solishga oid farmoniga ko‘ra xorijiy investorlarga yer maydonlari ijaraga berilishi haqidagi muhokamalarga adliya vaziri Ruslanbek Davletov munosabat bildirdi. «Nimaga yer berilmasligi kerak?», — dedi u. Qolaversa, vazir chet elliklarga faqat noqishloq maydonlardan yer berilishi ko‘zda tutilganini qayd etdi. Biroq, u aytgan tartib farmonda mavjud emas.
Prezident Ramazon hayiti arafasida 100 nafar mahkumni afv etdi
Chorshanba kuni prezident qilmishiga chin ko‘ngildan pushaymon bo‘lgan va tuzalish yo‘liga qat’iy o‘tgan 100 nafar fuqaroni afv etishga oid farmonni qabul qildi. Ular orasida chet el fuqarolari, 60 yoshdan oshgan erkaklar, ayollar hamda taqiqlangan tashkilotlar faoliyatida qatnashgan shaxslar bor.
Ikkinchi jahon urushi qatnashchilarining pensiyasi 2,5 mln so‘m etib belgilandi
Prezident Ikkinchi jahon urushi qatnashchilariga 2,5 mln so‘m pensiya tayinlashga oid farmonni imzoladi. Ushbu tartib 10 maydan boshlab amal qiladi. Hozirga qadar urush faxriylarining pensiyasi 800 ming so‘mni tashkil etgan edi.
2021 yilda qo‘shimcha ishlanmaydigan kunlar tasdiqlandi
Prezident Shavkat Mirziyoyev 2021 yilda qo‘shimcha ishlanmaydigan kunlarni tasdiqladi. Bayramlar vaqtida eng kamida uch kun dam olinadi.
Respublika tibbiyot muassasalari rahbarlari og‘ir sharoitli tumanlarga borib ishlaydi
Prezident farmoniga asosan respublika tibbiyot muassasalari rahbar va mutaxassislari og‘ir sharoitli tumanlarning tibbiyot birlashmalarida shartnoma asosida ishlaydi. Ularning asosiy ish joyidagi oyligi saqlanib qoladi hamda tuman tibbiyot birlashmasidagi lavozimidan ham maosh oladi. Bundan tashqari, oilaviy poliklinikalarga 2021−2022 yillarda 10 mingtadan o‘rta tibbiyot xodimlari shtatlari ajratiladi.
Uzbekistan Airways va yana 14 kompaniya IPO o‘tkaziladigan kompaniyalar ro‘yxatiga kiritildi
Uzbekistan Airways, «O‘zmetkombinat», «O‘zbekneftegaz», «O‘zmilliybank» va «O‘ztransgaz» kabi boshqa kompaniyalar 2021−2023 yillarda aksiyalari fond birjasida ommaviy savdo uchun joylashtiriladigan kompaniyalar ro‘yxatiga kiritildi.
Eng ko‘p o‘qilgan xabarlar | So‘nggi yangiliklar
- Elektrning tannarxi qariyb 1000 so‘m, tabiiy gazniki esa qariyb 2000 so‘mni tashkil qiladi — Iqtisodiyot vazirligi
- 1-maydan elektr va gaz uchun tariflar oshiriladi, ijtimoiy norma joriy etiladi
- Rossiyada qarovsiz qolgan bolalar O‘zbekistonga qaytarildi
- Toshkentda niqobli shaxslar tunda ekskavator yordamida daraxtni qo‘porib oldi
- Demokratiya, qancha qusuri bo‘lsa ham, baribir avtokratiyadan yaxshiroq
Qo‘shimcha imkoniyatlarga ega bulish uchun saytda ro‘yxatdan o‘ting