«prezident farmoni» tegli maqolalar
Ramazon hayiti arafasida 541 kishi afv etildi
Prezident farmoni bilan jazo muddatini o‘tayotgan 541 kishi afv etildi. Ularning orasida 36 nafar chet el fuqarosi, 136 nafar ayol, 75 nafar 60 yoshdan oshgan erkak hamda 6 nafar taqiqlangan tashkilotlar faoliyatida qatnashganlar bor.
O‘zbekistonda ayrim tadbirkorlarga mol-mulkni sug‘urta qilish xarajatlarining bir qismi qoplab beriladi
Prezident farmoni bilan 1 yilda bir marotaba o‘rta tadbirkorlik subyektlariga mol-mulkni sug‘urta qilish xarajatlarining 50 foizigacha, biroq BHMning 20 baravaridan oshmagan qismi qoplab beriladi. Daromadi 10 mlrd so‘mdan kam bo‘lmagan tadbirkorlar uchun davlat xaridlarida 20 foizlik kvota joriy etiladi.
Tadbirkorlikni davlat tomonidan tartibga solish soddalashtiriladi
Prezident tadbirkorlik faoliyatini davlat tomonidan tartibga solishni cheklovchi, uning chegaralarini belgilovchi farmonni imzoladi. Tadbirkorlik subyektlari uchun tartibga solish yukini kamaytirish bo‘yicha bosh vazir o‘rinbosari Jamshid Xodjayev boshchiligida ishchi guruh tuzildi.
Prezident bir qator ichki ishlar organlari xodimlarini mukofotladi
Shavkat Mirziyoyev farmoniga asosan ichki ishlar organlari xodimlari kuni munosabati bilan bir qator IIO xodimlari orden va medallar bilan mukofotlandi.
Orolbo‘yidagi nafaqaxo‘rlar poyezd va samolyotga chiptalarni yana chegirma bilan sotib olishi mumkin
Qoraqalpog‘iston va Xorazm viloyatida yashovchi pensiya va nafaqa oluvchilar hamda nogironligi bo‘lgan shaxslar 15 sentabrdan temir yo‘l va avia chiptalarni 50 foizlik imtiyoz bilan sotib olishlari mumkin bo‘ladi.
Aziz Voitov qishloq xo‘jaligi vaziri lavozimiga tasdiqlandi
Prezident farmoni bilan Aziz Voitov qishloq xo‘jaligi vaziri lavozimiga tasdiqlandi. Shu munosabat bilan u investitsiyalar va tashqi savdo vazirining birinchi o‘rinbosari lavozimidan ozod etildi.
2023 yildan Saudiya Arabistoni fuqarolari uchun vizasiz rejim joriy qilinadi
Prezident farmoni bilan 2023 yil 1 yanvardan boshlab 30 kun muddatga Saudiya Arabistoni fuqarolari uchun O‘zbekistonda vizasiz rejim joriy qilinadi.
Xodimlarga ekologik huquqbuzarlik bo‘yicha undirilgan jarimaning 30 foizi to‘lab beriladi
Profilaktika inspektori, PPX va Milliy gvardiya xodimlariga ekologik huquqbuzarlik sodir etgan shaxslarga nisbatan qo‘llanilgan jarimaning 30 foizi miqdorida mukofot puli to‘lanadi. Shuningdek, «Ekologik patrul» ishlash tizimi yanada kengaytiriladi.
Sanitar tozalash korxonalariga qo‘shimcha imtiyozlar taqdim etiladi
Prezident farmoni bilan 2026 yilgacha sanitar tozalash korxonalaridan foyda va ijtimoiy soliq stavkasi 1 foiz miqdorida undiriladi. Shuningdek, investitsiya loyihalarini amalga oshirish uchun 2,5 mlrd so‘mdan oshmagan miqdorda kreditlar ajratiladi.
Xususiy sektorda ishlayotgan ayollarga ham budjetdan 2 mln so‘m «dekret» puli to‘lanadi
1 sentabrdan boshlab xususiy sektorda ishlovchi ayollarga ham davlat budjetidan 2 mln so‘m miqdordagi homiladorlik va tug‘ish nafaqasi to‘lab beriladi. Buning uchun Ijtimoiy sug‘urta jamg‘armasi tashkil etildi. Avvalroq prezident ushbu maqsadlar uchun 170 mlrd so‘m ajratilishini ma’lum qilgandi.
Tadbirkorlar bilan muloqot qilish uchun maxsus portal tashkil etildi
Prezident farmoni bilan «Business.gov.uz» portali «Tadbirkor virtual ofisi» axborot portaliga aylantirildi. U orqali tadbirkorlarning murojaati 24 soat davomida qabul qilinadi, onlayn muhokamalar va so‘rovnomalar o‘tkaziladi, yakuni bo‘yicha esa biznes-ombudsman prezident va hukumatga takliflar kiritadi.
O‘zbekistonda Ochiqlik indeksi joriy etiladi
Prezident farmoni bilan Ochiqlik indeksi joriy etiladi. Unga ko‘ra, 8 ta indekator bo‘yicha eng yuqori ball to‘plagan tashkilotlar rag‘batlantiriladi, salbiy ko‘rsatkich qayd etganlar esa javobgarlikka tortiladi. Qolaversa, ochiqlikni ta’minlash borasida Antikorrupsiya agentligiga qo‘shimcha vakolatlar berilmoqda.
Kichik biznesga kreditlarni to‘lashda yordam beriladi
Tadbirkorlikni qo‘llab-quvvatlash davlat jamg‘armasi tomonidan kichik biznes subyektlariga kreditlar va lizing shartnomalari bo‘yicha foizlarning bir qismini to‘lash uchun kompensatsiyalar hamda kreditlar bo‘yicha kafolatlar beriladi.
Seysmik zaif ko‘p qavatli uylar o‘rniga yangilari quriladi
Prezident farmoni bilan 1 oktabrdan respublikadagi ko‘p kvartirali uy-joylar zilzilabardoshlik bo‘yicha xatlovdan o‘tkazilib, ular natijalariga ko‘ra seysmik zaif va avariya alomatlari aniqlangan uylar o‘rniga yangilari quriladi. Shuningdek, 2023 yildan boshlab 9 va undan yuqori qavatli yangi qurilayotgan binolarda vibrodinamik uskuna yoki maxsus asbob-uskunalar yordamida sinov va tekshiruv o‘tkazib boriladi.
Dorivor o‘simliklarni yetishtiruvchilarga kredit va soliq imtiyozlari berildi
Prezident farmoni bilan dorivor o‘simliklarni ishlab chiqarish va qayta ishlash bilan shug‘ullanuvchi oilaviy tadbirkorlar va kichik biznes subyektlari uchun soliq va kredit imtiyozlari berildi. Besh yilda 36 ming gektarda dorivor o‘simliklarning yangi plantatsiyalari yaratiladi. O‘zbekistonda ishlab chiqarilmaydigan uskunalar esa 2025 yilgacha bojxona bojidan ozod qilindi, QQSni kechiktirib to‘lashga ruxsat etilib, tashish xarajatlarining 50 foizgacha qismi qoplanishi belgilandi.
Tibbiyot xodimlarining oylik maoshi oshiriladi
Prezident farmoni bilan 1 iyundan boshlab davlat tibbiyot muassasalaridagi tibbiyot, farmatsevtika va boshqa xodimlarining oylik lavozim maoshlari oshiriladi. Bir qancha ustamalar ham joriy etiladi. 1 sentabrdan boshlab tibbiy-profilaktika muassasalari xodimlari ilmiy daraja uchun maoshining 30 foizidan 60 foizigacha qo‘shimcha oylik oladi.
Xususiy tibbiyot muassasalarining litsenziya olish tartibi soddalashtiriladi
Prezident farmoni bilan xususiy tibbiyot muassasalarining litsenziya olish tartibi soddalashtiriladi. Qolaversa, xorijlik shifokorlarga O‘zbekistonda faoliyatini amalga oshirish tasdiqnomasi uchun yig‘im 6 baravarga kamaytiriladi, 1 oyga kelgan shifokorlardan esa tasdiqnoma talab etilmaydi. Qolaversa, davolanish maqsadida kelgan xorijliklar turistik yig‘imdan ozod etiladi.
Toshkent jamoat transportiga xususiy sektor jalb etiladi
Prezident 1 avgustga qadar Toshkent jamoat transportiga xususiy sektorni jalb etish yuzasidan takliflar ishlab chiqishga ko‘rsatma berdi. Shunga qaramasdan, yil oxirigacha «Toshkent shahri misolida» Nukus shahri va barcha viloyatlar markazlarida jamoat transporti infratuzilmasini rivojlantirish strategiyasini ishlab chiqib, joriy etish rejalashtirilmoqda.
Davlat korxonalari ustidan yanada ko‘proq nazorat o‘rnatiladi — prezident farmoni
Davlat korxonalarining kvazifiskal xarajatlari yaxshiroq nazorat qilinadi, davlat korxonalariga ularning faoliyatiga mos kelmaydigan yangi ko‘chmas mulk obyektlarini sotib olish va qurish taqiqlanadi. Prezidentning yangi farmoni bilan davlat korxonalari uchun boshqa taqiq va cheklovlar ham joriy etilmoqda.
Prezident 63 nafar mahkumni afv etdi
Prezident farmoni bilan ozodlikdan mahrum etish jazosini o‘tayotgan, qilmishiga pushaymon bo‘lgan va tuzalish yo‘liga o‘tgan 63 nafar shaxs afv etildi. Ularning ikki nafari 60 yoshdan oshgan shaxslar hisoblanadi.
ENG KO‘P O‘QILGAN XABARLAR
Qo‘shimcha imkoniyatlarga ega bulish uchun saytda ro‘yxatdan o‘ting