«mahalla» tegli maqolalar
Davlat organ va tashkilotlari rahbarlari har oy mahallalarda hisobot beradi
Har oy mahalla kengashida davlat organ va tashkilotlari rahbarlarining faoliyati yuzasidan axborotlari eshitiladi. Qolaversa, “Mahalla nazorati” va “mahalla raisi so‘rovi” institutlari joriy qilinadi. Prezidentning tegishli qarori loyihasi avgustga qadar ishlab chiqilishi kutilmoqda.
Mahallalarga deputatlar ko‘rib chiqishi uchun taklif kiritish huquqi beriladi
Mahallalarga tuman va shahar mahalliy kengashlarida ko‘rib chiqish uchun taklif kiritish, kun tartibini ishlab chiqish va muhokama qilishda qatnashish huquqi beriladi. 2327 ta mahalla uchun esa yangi bino qurib beriladi. sentabrda “Mahalla institutining jamiyat hayotida tutgan o‘rni” xalqaro forumi o‘tkaziladi.
Aholi va tadbirkorlarning muammolarini o‘rganish bo‘yicha so‘rovnoma o‘tkaziladi
2023-yilda aholi va tadbirkorlarning mavjud muammolarini “xonadonbay” o‘rganish bo‘yicha so‘rovnomalar o‘tkaziladi. Qolaversa, daftarlarga kiritilgan aholiga ko‘rsatilgan yordam haqidagi ma’lumotlar yagona axborot tizimiga kiritiladi. Har bir mahallaning elektron xaritasi ishlab chiqiladi.
Mahallalar infratuzilmasini yaxshilash orqali 20 mln aholi uchun qulay shart-sharoitlar yaratiladi — Tanzila Narbayeva
Senat Kengashining navbatdagi majlisida mahallalar infratuzilmasini rivojlantirish bo‘yicha tadbirlarning o‘z vaqtida va sifatli amalga oshirish muhimligi ta’kidlandi. «Mazkur vazifalarni amalga oshirish orqali o‘rta hisobda 20 mln aholi uchun yanada qulay shart-sharoitlar yaratiladi», — dedi Senat raisi
Qurilish jarayonlarini nazorat qilishda aholi ishtiroki kengaytiriladi
Prezident huzurida 17 oktabr kuni yig‘ilish bo‘lib o‘tdi. Unda davlat rahbari qurilish jarayonlarini nazorat qilishda aholi ishtirokini kengaytirish, obyektlarni qabul qilish komissiyalariga mahalla raislarini kiritish bo‘yicha ko‘rsatma berdi.
Mahallalarda ijtimoiy-iqtisodiy muammolarini hal etish jamg‘armalari tashkil qilinadi
Har bir mahallada ijtimoiy-iqtisodiy muammolarini hal etish jamg‘armasi tashkil qilinadi. Prezident bu haqdagi qarorni imzoladi.
Mahallalarda ijtimoiy xizmat ko‘rsatish tizimi joriy etiladi
Prezident qarori bilan mahallalardagi faol xotin-qizlar ijtimoiy xizmat va yordamga muhtoj oilalarni aniqlanib, ularni ijtimoiy himoya qilishning individual rejalarini ishlab chiqadi. Shuningdek, ijtimoiy xizmatlar ko‘rsatilishini nazorat qiladi. Sinov loyihasi avgust oyida Surxondaryoda boshlanadi.
O‘zbekistonda mahalla raislari saylovi boshlandi
O‘zbekistonda fuqarolar yig‘inlari raislari (oqsoqollari) saylovi boshlandi. Mamlakatda 9349 ta fuqarolar yig‘inlari mavjud. Nomzodlar 26,9 ming kishini tashkil etadi (har bir o‘ringa deyarli 3 nomzod). Birinchi kunda 834 nafar rais saylangan bo‘lib, ularning 52 foizi ushbu lavozimga qayta saylangan.
O‘zbekistondagi barcha mahallalarda xotin-qizlar faoli lavozimi joriy qilinadi
Prezident O‘zbekistondagi 9309 ta mahallada xotin-qizlar faoli lavozimi joriy qilinishi, ular ayollar masalasi va ularning dardu-tashvishiga javob berishini ma’lum qildi. Davlat rahbari shuningdek, Oila va xotin-qizlar davlat qo‘mitasini tashkil etish bo‘yicha farmonni imzolagani, qo‘mitaning hududiy rahbarlari hokimga o‘rinbosar bo‘lishini aytdi.
Prezident: «Qiyinchiliksiz oila bo‘lmaganidek, qiyinchiliksiz davlatning o‘zi yo‘q»
Shavkat Mirziyoyev Yangihayot tumaniga tashrifi chog‘ida mahalla davlatning asosi ekani, u obod bo‘lsa, mamlakat obod bo‘lishini ta’kidladi. «Ko‘rayapsizlar, zamon tahlikali bo‘lib turibdi. Qiyinchiliksiz oila bo‘lmaganidek, qiyinchiliksiz davlatning o‘zi yo‘q. Biz ham sabr bilan, ilm bilan, mehnat va harakatimiz bilan rejalarimizni amalga oshirayapmiz», — dedi u.
Toshkent mahallalari YUNESKOning Butunjahon madaniy merosi ro‘yxatiga kiritilishi mumkin
YUNESKO Toshkent mahallalarini Butunjahon madaniy merosining dastlabki ro‘yxatiga kiritdi. Saida Mirziyoyeva Eski shahardagi mahallalarda hech qanday investitsiya qurilish loyihalarini amalga oshirishga ruxsat bo‘lmasligini ma’lum qilib, Zarqaynar ko‘chasining taqdiri uchun qayg‘urgan barchaga minnatdorchilik bildirdi.
Toshkentda Inson qadri indeksi joriy etiladi
Toshkent mahallalarida aholi muammolarini o‘rganish orqali poytaxtda inson qadri indeksi joriy qilinadi. Prezident indeks mezonlarini ishlab chiqish va joriy etish bo‘yicha ilmiy asoslangan tizim yaratishni buyurdi.
Mahallalarda hayot qaynashi kerak — prezident
Prezident Shavkat Mirziyoyev yakshanba kuni o‘tkazilgan majlisda mahallalarda hayot qaynashi kerak, deya ta’kidladi. Har bir mahallada, sport maydonchalari, do‘kon, kutubxona va ovqatlanish joyidan tashqari, hammom ham barpo etish kerak, dedi prezident. Bolalar hammomga sport mashg‘ulotlaridan keyin borishlari mumkin, erkak va ayollar uchun bu joy haftaning har xil kunlarida xizmat ko‘rsatadi.
Mahallalar markazlari DXSH asosida rivojlantiriladi
Prezident mahalla va maktablarda sport maskanlari hamda kutubxonalar barpo etish bo‘yicha 3 xil tipdagi loyihani rad etdi. Shavkat Mirziyoyev mahalla markazlarini davlat-xususiy sheriklik asosida tashkil etish vazifasini qo‘ydi — tadbirkorlarga imtiyoz beriladi va buning evaziga ijtimoiy mas’uliyat yuklanadi.
2022 yilda mahallalarda kambag‘allikni qisqartirish uchun jami 12,5 trln so‘mlik kredit va subsidiyalar ajratiladi
Prezident videoselektor yig‘ilishida mahallalardagi hokim yordamchilari odamlarni tadbirkorlik va dehqonchilikka o‘rgatish orqali ularni kambag‘allikdan chiqarishi lozimligini ta’kidladi. Ushbu maqsadlarga esa shu yilning o‘zida 10 trln so‘m imtiyozli kredit va 2,5 trln so‘m subsidiya ajratiladi, har bir mahallaga o‘rtacha 1,3 mlrd so‘mdan to‘g‘ri keladi.
Mahalla ayollar va bolalarga nisbatan zo‘ravonlik qilganlarni aniqlashda ishtirok etadi
Prezident fuqarolarning o‘zini-o‘zi boshqarish organlari va xotin-qizlarni tazyiq va zo‘ravonlikdan himoya qilish to‘g‘risidagi qonunlarga qo‘shimchalar kiritishga oid qonunni imzoladi. Unga ko‘ra, mahalla ayollar va bolalarga nisbatan zo‘ravonlik qilganlarni aniqlashda ishtirok etadi. Bundan tashqari, endi tazyiq va zo‘ravonlikdan jabrlangan shaxslar bepul davolanadi.
95 yoshli otaxon bilan suhbat, maktabga tashrif, keksalar bilan ko‘chat o‘tqazish, yosh bola bilan tanishuv — prezident poytaxt mahallalarini aylandi
O‘zbekiston prezidenti Shavkat Mirziyoyev Shayxontohur tumani Sarhumdon va Gulobod mahallalarini aylandi. Bunda davlat rahbari ko‘p qavatli uyda yashaydigan fuqarolar bilan suhbatda bo‘ldi, maktabga tashrif buyurib o‘quvchi va maktab xodimlari bilan gaplashdi, keksalar bilan birga ko‘chat o‘tqazdi, aylanishga chiqqan bolakay bilan tanishdi (video).
«Investitsiya dasturi vazirlikda emas, balki mahalladan boshlab shakllanadi» — prezident
Shavkat Mirziyoyev kelgusi yildan mahallalar ehtiyojlarini inobatga olgan holda investitsiya dasturlari ishlab chiqilishini, bunga esa hokim yordamchilari mas’ul bo‘lishini ma’lum qildi. «Bundan buyon investitsiya dasturlarini hokimlarning o‘zi mahallabay tamoyili asosida ishlab chiqadi. Ya’ni, dastur vazirlikda emas, balki mahalladan boshlab shakllanadi», — dedi davlat rahbari.
Viloyatlarda moliya-iqtisodiyot sektori xodimlari majburan mahallada «hokim yordamchisi» lavozimiga o‘tkazilayotgani aytilmoqda
Respublika bo‘ylab barcha mahallalarda «hokim yordamchisi» lavozimiga moliya-iqtisodiyot sektori xodimlari majburlab o‘tkazilayotgani aytilmoqda. Murojaatchilarning so‘zlariga qaraganda, ular ushbu lavozimga o‘tishni rad etsa, «prezidentga xiyonat» qilayotganlikda ayblanib, ishdan bo‘shatilishi bilan qo‘rqitilmoqda. Suhbatga kelmaganlar esa ichki ishlar organlari tomonidan majburan olib ketilayotgani ma’lum qilindi. Avvalroq, saylovoldi tashviqoti davrida Shavkat Mirziyoyev «hokim yordamchisi» lavozimiga yoshlar orasidan nomzodlar tanlab olinishini aytgandi.
O‘zbekiston hududlaridagi mahallalarda 1164 ta sport maydonchasi quriladi
2021−2025 yillar davomida butun mamlakatda badminton, stritbol va «Workout» sport turlari bo‘yicha 1164 ta sport maydonchasi quriladi. Har yili ushbu sport turlari hamda yurish, yugurish va mini-futbol bo‘yicha 18 ta musobaqa o‘tkazish rejalashtirilmoqda. Qarordagi dastur va parametrlar to‘liq bajarilgunga qadar budjetdan har yili 104 mlrd so‘mdan ajratiladi.
ENG KO‘P O‘QILGAN XABARLAR
- UzAuto Motors aprelda minglab Cobalt, Lacetti, Damas ishlab chiqargan. Biroq bu avtomobillar sotuvda yo‘q
- O‘zbekistonga benzin qayerdan keladi? Uning hajmi va narxi haqida
- XDP O‘zbekiston prezidentligiga nomzod va uning dasturini tasdiqladi
- Juma tabrigi va diniy masalalarni tarqatishga hech qanday ta’qib yo‘q — Musulmonlar idorasi
- 1-iyundan nimalar o‘zgaradi?
Qo‘shimcha imkoniyatlarga ega bulish uchun saytda ro‘yxatdan o‘ting