«firibgarlik» tegli maqolalar
Qoraqalpog‘istonda fuqaroni 11 ming dollarga DXXga ishga kiritib qo‘ymoqchi bo‘lgan shaxs qo‘lga olindi
Nukusda fuqaroning ishonchiga kirib, 11 ming dollarga DXX organlariga ishga kiritib qo‘yishni va’da qilgan shaxs ushlangani aytilmoqda. Aniqlanishicha, u avval ham 4 kishini firibgarlik bilan DXXga ishga joylash evaziga 65 ming dollar olgan. Besh marta sudlangan fuqaroga yana firibgarlik bo‘yicha jinoyat ishi ochildi.
“Ona, avariyaga uchradim, meni qamab qo‘yishmoqchi”. Poytaxt IIBB firibgarlikning yangi turidan ogohlantirdi
Toshkent IIBB firibgarlikning yangi turidan ogoh etdi. Bunda noma’lum shaxs qariyalarga qo‘ng‘iroq qilib, ularga o‘zini qizi yo nevarasi deb tanishtiradi va YTHga uchraganini aytadi. Telefonni soxta tergovchi olib, hodisaga qariyaning yaqini sababchiligini bildiradi va qamoqqa olmaslik uchun pul so‘raydi. Batafsil.
Logoped Dilorom Jabborovaga nisbatan jinoyat ishi qo‘zg‘atildi
Logoped Dilorom Jabborovaning duduqlangan bolani so‘kinish va qo‘rqitish usulida davolashga uringan holati o‘rganilib, usul “ilmiy asoslanmagan va pedagogika qoidalariga zid” deb topildi. Shuningdek, u aldash va odamlar ishonchini suiiste’mol qilishda ayblanib, firibgarlik bo‘yicha jinoiy ish ochildi.
Qashqadaryoda 606 nafar fuqaroni jami 6,5 mlrd so‘mini o‘zlashtirgan shaxslar qidirilmoqda
IIV Qashqadaryoda aldov yo‘li bilan yuzlab fuqarolarning salkam 6,5 mlrd so‘mini o‘zlashtirgan shaxslar qidirilayotganini ma’lum qildi. Ularga nisbatan sirtdan qamoq ehtiyot chorasi tayinlangan.
Toshkentda foiz evaziga qarz berib, uni to‘lolmaganlarning uy va mashinalarini tortib olish bilan shug‘ullangan shaxs ushlandi
Toshkent shahrida tovlamachilik va firibgarlikda gumonlangan shaxs ushlandi. U fuqarolarga foiz evaziga pul berib, qarzdorning nomida bo‘lgan uy va avtomobilni garov evaziga o‘zining nomiga rasmiylashtirib olgan. Garovga qo‘yilgan mulk miqdori foiz evaziga berilgan pul mablag‘idan 3−4 barobar ko‘p bo‘lgan.
Firibgarlikda ayblanib, qidiruvda bo‘lgan ayol Turkiyadan O‘zbekistonga deportatsiya qilindi
Ko‘p miqdordagi pullarni o‘zlashtirishda ayblanib, 8 yildan buyon qidiruvda bo‘lgan ayol Turkiyadan O‘zbekistonga deportatsiya qilindi. Uning harakatlaridan jabr ko‘rgan fuqarolardan Istanbuldagi bosh konsulxonaga yoki IIVga murojaat qilishlari so‘raldi.
Toshkent viloyatidagi koloniya mahkumi yirik miqdordagi firibgarlikda gumonlanib ushlandi
Ohangaron tumanidagi manzil koloniyasi mahkumi 28,5 ming dollar olayotganda qo‘lga olindi. Unga sheriklikda gumonlangan ikki shaxs avvalroq 29 ming dollar olayotganida ushlangan. Ular qurilish kompaniyasiga Xorazmda 72,5 mlrd so‘mlik suv tarmog‘i tortish loyihasini tendersiz olib berishini aytgan.
Toshkentda firibgarlikda gumonlangan aka-uka ushlandi
Toshkent shahar Tergov boshqarmasi tomonidan ikki shaxs firibgarlikda gumonlanib ushlandi. IIBB ushbu shaxslardan jabr ko‘rgan fuqarolar tegishli joylarga murojaat qilishini so‘radi.
Markaziy bank regulyator nomidan foydalanib, firibgarlik qilish holatlari kuzatilayotganidan ogohlantirdi
Markaziy bank Telegram`da regulyator nomidan soxta kanal ochilib, fuqarolarga kredit taklif etilayotgani va bank kartalariga oid ma’lumotlarni olish orqali pullar o‘zlashtirilayotganidan ogohlantirdi. Shuningdek, o‘zini MB xodimi sifatida tanishtirish holatlari ham kuzatilgan.
Taftish.uz sobiq rahbari sirtdan qamoqqa olindi
Taftish.uz internet nashri sobiq rahbari G‘ayrat Aberayev firibgarlik, xususan, fuqarolarni aldash orqali jami 33,3 ming dollarni talon-toroj qilganlikda ayblanmoqda. Unga nisbatan sirtdan qamoqqa olish ehtiyot chorasi qo‘llangan.
3 nafar prokuratura xodimi pora va firibgarlikda gumonlanib ushlandi
DXX Andijonda gumonlanuvchiga yordam berish evaziga $5 ming olgan tergovchi va bunga ko‘rsatma bergan prokuror o‘rinbosarini ushlaganini ma’lum qildi. Samarqandda esa prokuror yordamchisi ayblanuvchini qamoqdan chiqarish uchun 3 ming dollar so‘ragani aytilmoqda.
Toshkentda uy olmoqchi bo‘lgan fuqarolarning 4 mlrd so‘mdan ortiq puli talon-toroj qilingan — Bosh prokuratura
Yashnobod tumanida qurilish kompaniyasi rahbari xonadon sotib olmoqchi bo‘lgan 23 kishi bilan soxta oldi-sotdi shartnomasini tuzib, ularning 4 mlrd so‘mdan ortiq pulini qo‘lga kiritgani aniqlandi. Holat yuzasidan Jinoyat kodeksining firibgarlik va boshqa moddalari bo‘yicha jinoyat ishi qo‘zg‘atildi.
O‘zbekistonda karta to‘lovlarini bekor qilish bilan bog‘liq firibgarlik keng tarqalmoqda
Huquqni muhofaza qilish akademiyasi charjbek — karta egalarining amalga oshirilgan to‘lovlarni qaytarib olishi bilan bog‘liq firibgarlikning yangi ko‘rinishi haqida ma’lumot berdi. Tadbirkorlar orasida xaridorlar sotib olingan tovar yoki xizmatlar uchun pul mablag‘larini qaytarib olishidan zarar ko‘rganlar bor.
Markaziy bank regulyator nomidan odamlarni aldashga urinish holati kuzatilayotganidan ogohlantirdi
Markaziy bank Telegram`da regulyator nomidan soxta kanal ochib, fuqarolarni aldashga urinish holatlari kuzatilayotganini ma’lum qildi. “Markaziy bank tijorat faoliyati bilan shug‘ullanmaydi, shu jumladan, jismoniy shaxslarga kredit ajratmaydi yoki moliyaviy yordam ko‘rsatmaydi”, deyiladi regulyator xabarida.
Fuqarolarning bank kartalaridan firibgarlik yo‘li bilan pul yechib olgan shaxslar ushlandi
IIV Kiberxavfsizlik markazi o‘zini Slick to‘lov tizimining xavfsizlik xizmati xodimlari sifatida tanishtirib, fuqarolarning bank kartalaridan pul yechib olgan bir necha shaxsni aniqladi.
Jizzaxda soxta Green Card tayyorlash bilan shug‘ullangan shaxs 9 yilga qamaldi
Jizzax viloyatida 3 nafar shaxs soxta Green Card hujjatlarini tayyorlab, 103 kishining 2 mlrd 597 mln so‘mini firibgarlik bilan qo‘lga kiritgani aniqlandi. Ularning biri 9 yilga qamaldi, 2 nafariga qidiruv e’lon qilindi.
Buxoroda bir guruh shaxslar 42 nafar nepallikni 124,5 ming dollarga aldab ketgani aytilmoqda
Buxoro shahrida yashovchi ayol bir guruh shaxslar bilan birga 42 nafar Nepal fuqarosining 124,5 ming dollarini olib, aldab ketgani aytilmoqda. Holat yuzasidan jinoyat ishi qo‘zg‘atildi.
Buxoroda erkak boshqaning do‘konini 51 ming dollarga sotmoqchi bo‘ldi
Buxoroda erkak soxta pasport va shartnomani ko‘rsatib, birovning do‘konini ikki ayolga 50,8 ming dollarga sotmoqchi bo‘ldi.
Samarqandda 14 yoshli boladan $4,5 ming olib, evaziga PUBG profilini bermagan o‘smirga jinoyat ishi qo‘zg‘atildi
Kattaqo‘rg‘on tumanida yashovchi 16 yoshli bola PUBG profilini sotishini aytib 14 yoshli boladan 4,5 ming dollar olgan. Biroq profilni unga bermay, pullarni shaxsiy ehtiyojlari uchun ishlatib yuborgan. Holat yuzasidan jinoyat ishi ochilgan.
“Qo‘ng‘iroqdan qo‘ng‘iroqqacha o‘tirishadi”. Senator — firibgarlik bo‘yicha shartli ozod etilishning bekor qilinishi haqida
O‘zbekistonda xalq yoki davlatning milliardlab pulini o‘g‘irlaganlar firibgarlik aybi bilan 5−6 yilga qamalib, muddatining uchdan birini o‘tayapti va ozodlikka chiqib, “yashirgan pulini” sarflashda davom etmoqda, dedi senator Shuhrat Chulliyev. Yangi tuzatishlarga ko‘ra, ular endi “qo‘ng‘iroqdan qo‘ng‘iroqqacha o‘tiradi”.
Eng ko‘p o‘qilgan xabarlar | So‘nggi yangiliklar
- Elektr va gaz narxi qanchaga oshadi? Yangi tariflar bo‘yicha hisoblash qanday bo‘ladi? Tushuntiramiz
- Toshkentda niqobli shaxslar tunda ekskavator yordamida daraxtni qo‘porib oldi
- Kuchli yomg‘ir tufayli Dubayni suv bosdi, ularni bulut ekish ishlari qo‘zg‘atgan bo‘lishi mumkin — Bloomberg
- Qashqadaryoda zilzila sodir bo‘ldi
- Fotosessiya saroyiga aylangan amir qabulxonasi. Uni Abdulahadxon Rossiya imperatorini kutib olish uchun qurdirgan edi
Qo‘shimcha imkoniyatlarga ega bulish uchun saytda ro‘yxatdan o‘ting