Siyosat
Shavkat Mirziyoyev inauguratsiyasi 6 noyabr kuni bo‘lishi kutilmoqda
O‘zLiDeP partiyasidan O‘zbekiston prezidenti etib qayta saylangan Shavkat Mirziyoyev inauguratsiyasi 6 noyabr kuni Senatning yangi binosida bo‘lishi kutilmoqda.
Bosh vazir maslahatchisi va AKT vaziri vazifasidan ozod etildi
Bosh vazirning axborot texnologiyalari bo‘yicha maslahatchisi Olimjon Umarov va AKT vaziri Shuhrat Sadikov lavozimlaridan ozod etildi. Bu ijtimoiy tarmoqlar faoliyatini cheklash bilan bog‘liqligi aytilmoqda.
O‘zbekiston Amerika davlatlari tashkiloti huzuridagi doimiy kuzatuvchi maqomini oldi
O‘zbekiston Amerika davlatlari tashkilotining 73-doimiy kuzatuvchisi bo‘ldi. Mamlakat 9−11 noyabr kunlari bo‘lib o‘tadigan tashkilot Bosh assambleyasining sessiyasida ishtirok etishga taklif qilindi.
Qirg‘iziston Markaziy Osiyo davlatlarini kutilayotgan suv tanqisligidan ogohlantirdi
Qirg‘iziston Energetika va sanoat vaziri o‘rinbosari Taalaybek Ibrayev Toqtogul suv omborining suv sathi «o‘lik chegara» darajasigacha tushishi ehtimoli kattaligi tufayli Markaziy Osiyo davlatlarini kutilayotgan suv tanqisligidan ogohlantirdi. Uning fikricha, «vaziyatni o‘nglash uchun Qirg‘iziston elektr energetika tizimiga qo‘shni davlatlardan yordam olish zarur».
3 noyabr kuni O‘zbekistonda sodir bo‘lgan eng muhim xabarlar dayjesti
Yangi qabul qilingan hukumat qarorlari, “O‘zkomnazorat” Telegram, YouTube, Instagram, Facebook, Odnoklassniki`ning O‘zbekistondagi faoliyatini cheklashi, mazkur holatdan prezidentning xabar topishi — “Gazeta.uz"ning 3 noyabrdagi eng muhim xabarlari dayjestida.
«O‘zkomnazorat» rahbari lavozimidan ozod qilindi
«O‘zkomnazorat» boshlig‘i G‘olibsher Ziyayev «noto‘g‘ri va kelishilmagan hatti-harakatlari uchun» egallab turgan vazifasidan chetlatildi. Ro‘y bergan holat yuzasidan tergov-surishtiruv harakatlari olib borilishi aytildi.
«O‘zkomnazorat» qilgan harakati haqida prezident xabar topdi — Sherzod Asadov
Prezident matbuot kotibi Sherzod Asadov «„O‘zkomnazorat“ tomonidan bir yoqlama, uzoqni o‘ylamay qilgan harakati haqida prezident xabar topgani» haqida xabar berdi.
Ayrim investorlarga mol-mulk va yer soliqlarini 6 oygacha kechiktirib to‘lashga ruxsat berildi
Prezident qarori bilan 1000 kvadrat metrdan ortiq bo‘lgan yer uchastkalari, bino va inshootlarga nisbatan mulk huquqini qo‘lga kiritgan mahalliy va xorijiy investorlarga mol-mulk va yer soliqlarini to‘lashni 6 oyga kechiktirish huquqi berilishi mumkin. Davlat ulushi 50 foizdan yuqori bo‘lgan korxonalar va soliq qonunchiligini buzish xavfi yuqori bo‘lgan tadbirkorlar bundan mustasno.
Yaponiya hukumati Sodiq Safoyevni oliy orden bilan taqdirladi
Senat raisining birinchi o‘rinbosari Sodiq Safoyev Yaponiya hukumati tomonidan «Ko‘tarilayotgan quyosh ordeni katta tasmasi» bilan taqdirlandi. Bunday darajadagi mukofot O‘zbekistonda ilk bor berilmoqda.
2 noyabr kuni O‘zbekistonda sodir bo‘lgan eng muhim xabarlar dayjesti
Shavkat Mirziyoyev raisligida o‘tkazilgan videoselektor yig‘ilishi, Abdulaziz Kamilovning rossiyalik jurnalistlarga bergan intervyusi, respublika bo‘ylab 60 dan ortiq bozor va majmualarning xususiylashtirilishi kutilayotgani — “Gazeta.uz"ning 2 noyabrdagi eng muhim xabarlari dayjestida.
O‘zbekiston AES qurilishi bo‘yicha chegaradosh qo‘shni davlatlar jamoatchiligining fikrini o‘rganadi — TIV vaziri
Hozirda O‘zbekistonda atom elektr stansiyasini qurish masalasi loyihaning iqtisodiy maqsadga muvofiqligi, yashil energetikaga sarmoya kiritish bo‘yicha ko‘plab takliflarni hisobga olgan holda ham, uning shaffofligi nuqtai nazaridan ham ko‘rib chiqilmoqda. «Biz nafaqat O‘zbekiston, balki mamlakatimiz bilan chegaradosh qo‘shni davlatlar jamoatchiligining ham bu masalaga munosabatini o‘rganamiz», — dedi Tashqi ishlar vaziri Abdulaziz Kamilov.
Saudiya Arabistonining O‘zbekistondagi yangi elchisi tayinlandi
Abdulaziz Kamilov Saudiya Arabistonining elchisi etib tayinlangan Yusuf al-Utaybiyni qabul qildi. U O‘zbekiston tashqi ishlar vaziriga ishonch yorliqlari nusxalarini topshirdi.
Inson a’zolari transplantatsiyasi uchun bemorga qarindosh bo‘lmaganlar ham donorlik qilishi mumkin
Deputatlar inson a’zolari va to‘qimalarining transplantatsiyasi uchun bemorning yaqin qarindoshi bo‘lishi kerak degan cheklovni bekor qilishga oid qonun loyihasini ma’qulladi. Unga ko‘ra, donor sifatida o‘z a’zosi olinishiga ixtiyoriy ravishda, bepul asosda, notarial tartibda rozilik bergan inson tushuniladi.
Muvaqqat hukumatda mablag‘ yo‘qligi Afg‘oniston bilan loyihalarni amalga oshirishga to‘sqinlik qilmoqda — Abdulaziz Kamilov
O‘zbekiston tashqi ishlar vaziri Abdulaziz Kamilov Afg‘oniston bilan qo‘shma loyihalar bo‘yicha savolga javob berar ekan, mamlakat aktivlari muzlatilgani sababli muvaqqat hukumatning moliyaviy salohiyati mutlaq yo‘qligi hamkorlikni rivojlantirishga to‘sqinlik qilayotganini ta’kidladi. «Butun iqtisodiyotni faqat gumanitar yordamga tayanib yo‘lga qo‘yib bo‘lmaydi», — dedi u.
2022 yilda ta’lim va tibbiyotga 58 trln so‘m ajratish rejalashtirilmoqda. Prezident yana 12 trln so‘m ajratishni taklif qildi
2022 yilda mo‘ljallangan davlat budjeti loyihasida ta’lim va tibbiyot tizimiga 58 trln so‘m ajratilishi ko‘zda tutilgan. Prezident qo‘shimcha tarzda yana 12 trln so‘m ajratish taklifini bildirdi. Shuningdek, uy-joylar va ijtimoiy obyektlar qurish, mahallalarni obod etish chora-tadbirlari uchun 26 trln so‘m ajratilishi rejalashtirilgan.
Shavkat Mirziyoyev 2022 yilda Vengriyaga borishi kutilmoqda
2022 yilda O‘zbekiston prezidentining Vengriyaga rasmiy tashrifi rejalashtirilgan. Bu haqda Vengriya bosh vazirining Shavkat Mirziyoyevning saylovdagi g‘alabasi munosabati bilan yo‘llagan murojaatida aytildi.
1 noyabr kuni O‘zbekistonda sodir bo‘lgan eng muhim xabarlar dayjesti
Vazir o‘rinbosari va viloyat hokimi o‘rinbosarlarining intizomiy jazoga tortilishi, oktabr oyida inflyatsiya 1,3 foizni tashkil qilishi, «O‘zbekneftgaz» raisi o‘rinbosarining jurnalistlarga bo‘lgan bosimi — «Gazeta.uz»ning 1 noyabrdagi eng muhim xabarlari dayjestida.
«Tadbirkorlarning huquqlari buzilishi davlat budjeti uchun qo‘shimcha xarajat» — Biznes-ombudsman
Biznes-ombudsman mutaxassisining ta’kidlashicha, shu yilning 9 oyida 1000 dan ortiq mansabdor ma’muriy javobgarlikka tortilib, 225 tasiga intizomiy jazo qo‘llanilgan. Sudlarga 28 mlrd so‘mlik da’vo arizalar kiritilgan. «Tadbirkorlarning huquqlari buzilishi davlat budjeti uchun qo‘shimcha xarajat» — dedi u.
Ikki nafar vazir birinchi o‘rinbosari va uch nafar viloyat hokimi o‘rinbosari intizomiy jazoga tortildi
Vazirlar Mahkamasi to‘g‘ridan-to‘g‘ri xorijiy investitsiyalar va kreditlarni o‘zlashtirishda mas’uliyatsizlikka yo‘l qo‘ygan ikki nafar vazir birinchi o‘rinbosari va uch nafar viloyat hokimi o‘rinbosariga intizomiy jazo choralarini qo‘llash to‘g‘risida qaror qabul qildi.
Elmira Basitxanova ayolning tug‘ruqdan keyingi o‘limini yashirishga uringanini rad etdi
Ijtimoiy tarmoqlarda sog‘liqni saqlash vaziri o‘rinbosari Elmira Basitxanova SSV rahbaridan tug‘ruqdan keyin vafot etgan ayolning o‘limini yashirishga urinayotgani haqida xabarlar tarqaldi. U mazkur xabarni rad etib, bu «vaziyatni noto‘g‘ri talqin qilish» deb hisoblashini ta’kidladi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlarga ega bulish uchun saytda ro‘yxatdan o‘ting