Sog‘liqni saqlash vazirligi Kinder mahsulotlari ustidan nazoratni kuchaytirdi
Jahonda salmonellyoz kasalligi avj olishi fonida O‘zbekiston Sog‘liqni saqlash vazirligi ehtiyot choralarini kuchaytirib, davlatga kirib kelayotgan va savdoga chiqarilayotgan barcha shirinliklar qatori Kinder shokoladlari xavfsizligini ham nazoratdan o‘tkazmoqda.
“Milliy g‘oya sifatida aholini qonun ustuvorligi g‘oyasi atrofida birlashtirishimiz kerak” — adliya vaziri
Adliya vaziri Ruslanbek Davletov aholini milliy g‘oya sifatida qonun ustuvorligi g‘oyasi atrofida birlashtirish, buni eng avvalo, davlat organlari faoliyatida ta’minlash zarur, deb hisoblaydi. Shuningdek, davlat xizmatchilarining huquqiy tafakkurini isloh qilish, samosud va firibgarlik holatlari ko‘paygani haqida gapirdi. Adliya vazirligi jinoyatlardan yetkazilgan zararni to‘liq qoplamagan mahkumlarni shartli ravishda ozod etishni bekor qilishni rejalashtirmoqda.
Ko‘p kvartirali uylarni boshqarishda qanday o‘zgarishlar amalga oshirilmoqda?
Senatorlar «Ko‘p kvartirali uylarni boshqarish to‘g‘risida»gi qonunga o‘zgartirishlar kiritish to‘g‘risidagi qonunni ma’qulladi. Soliq kodeksi to‘g‘ridan-to‘g‘ri boshqaruvchi tashkilotlar va uy-joy boshqaruvchilari uchun soliq imtiyozlarini o‘z ichiga oladi. Uy-joy kommunal xizmat ko‘rsatish vazirligi huzuridagi ko‘p kvartirali uy-joy fondidan foydalanishni nazorat qilish inspeksiyasi ko‘p kvartirali uylardan foydalanish va ularni boshqarish qoidalarini buzish sohasidagi ma’muriy ishlarni ko‘rib chiqish huquqiga ega bo‘ldi. Ushbu o‘zgarishlar ro‘yxati to‘liq bo‘lmasligi mumkin — qonun matni e’lon qilinganicha yo‘q.
O‘zbekistonda Falastinning yangi elchisi ish boshladi
O‘zbekistonda Falastinning qayta tayinlangan elchisi Javad Muhammad Avad o‘z faoliyatini boshladi. Tashqi ishlar vaziri v.b. Vladimir Norov elchidan ishonch yorliqlari nusxalarini qabul qilib oldi.
O‘zbekiston oltin bozorida Rossiya bilan raqobatlashmaydi — Shuhrat Vafoyev
O‘zbekiston Rossiya oltinini tashqi bozorlarda almashtirishni rejalashtirmayapti, deya ta’kidladi investitsiyalar va tashqi savdo vaziri o‘rinbosari Shuhrat Vafoyev RBKga. 2021 yilda bu davlatlar qimmatbaho metallar eksporti bo‘yicha jahon yetakchilari qatoridan joy oldi.
28 aprel kuni O‘zbekistonda sodir bo‘lgan eng muhim xabarlar dayjesti
O‘zbekistonda bukmekerlikni qonuniylashtirish bekor qilingani, 8 daqiqa o‘tmay jonli efirdan uzilgan Senat majlisi, 4 sotix yerni $30 mingga sotmoqchi bo‘lgan hokim yordamchisi va uning sinfdoshi, Hisor tog‘laridagi bahor, kreditlarga kafil bo‘lgan fuqarolarni ogohlantirgan Markaziy bank va boshqalar — «Gazeta.uz» ning 28 apreldagi eng muhim xabarlari dayjestida.
O‘zbekistonda bukmekerlik faoliyatini qonuniylashtirish bekor qilindi
Prezident O‘zbekistonda bukmekerlik faoliyatini qonuniylashtirish to‘g‘risidagi qarorni bekor qildi. Prezidentning avvalgi farmoni bilan 2021 yil 1 yanvardan bukmekerlik idoralarini ochishga ruxsat berilgan, biroq huquqiy asoslar mavjud bo‘lmagani sababli mamlakatda ular faoliyati noqonuniy bo‘lib qolayotgan edi.
Senat inson a’zolari transplantatsiyasi to‘g‘risidagi qonunni ma’qulladi
Endilikda inson a’zolari transplantatsiyasi uchun bemorga qarindosh bo‘lmaganlar ham donorlik qilishi mumkin. Tirik donorni undan a’zosini va (yoki) to‘qimalarini olish uchun rozilik berishga majburlash taqiqlanadi.O‘zbekiston fuqarosi chet davlat fuqarosi bo‘lgan retsipiyent uchun donor bo‘lolmaydi. «Inson a’zolari va to‘qimalarining transplantatsiyasi to‘g‘risida»gi qonun senatorlar tomonidan ma’qullandi.
Dehqonobodda aniqlangan ona ayiq va uning ikki bolasi tirik ekani ma’lum qilindi
Ekologiya qo‘mitasi Qashqadaryo viloyatining Dehqonobod tumanida aniqlangan ona ayiq va uning ikki bolasi tirik ekanini ma’lum qildi. Ular tasviri «Terakli» MFY hududida olingan bo‘lsa, o‘lik ayiq bolasi Qizilsoy o‘rmonidan topilgan.
Zomin va Baxmalda tabiatni muhofaza qilish uchun maxsus prokuratura tashkil etiladi
Bosh prokuratura tizimida Zomin va Baxmal tabiatini muhofaza qilishga oid qonunchilik ijrosi ustidan nazorat va yerlardan noqonuniy foydalanishni bartaraf etish bo‘yicha ixtisoslashtirilgan prokuratura tashkil etiladi.
Yevropada salmonellyoz avj olishi Belgiya shokoladi bilan bog‘liq — JSST
Dunyoning 11 mamlakatida salmonellyoz kasalligining avj olishi Belgiya shokoladini iste’mol qilish bilan bog‘liq. So‘nggi haftalarda O‘zbekistonda ushbu kasallikka chalinish holatlari haqida xabar qilingani yo‘q. JSST yangi holatlarning paydo bo‘lishi ehtimoli bor deb hisoblaydi va aholi uchun salmonellyozning oldini olish choralarini eslatib o‘tdi.
Andijonda xokimiyat bosh yuristkonsulti pora bilan qo‘lga tushdi
Asaka tumani hokimligi bosh yuristkonsulti fermer xo‘jaligining suddagi ishini hal qilib berish evaziga $1000 olayotgan vaqtda qo‘lga tushdi. Unga nisbatan jinoyat ishi qo‘zg‘atildi.
Ov quroli va o‘q-dorilarini olish huquqiga ega bo‘lish uchun yosh chegarasi 25 yosh etib belgilanmoqda
O‘zbekiston fuqarolarining fuqaroviy ov qurolini va uning o‘q-dorilarini olish huquqiga ega bo‘lish uchun yosh chegarasi 25 yosh etib belgilanmoqda. Shuningdek, fuqaroviy qurol va uning o‘q-dorilarini hadya etilishi taqiqlanishi mumkin. Qurol va uning o‘q-dorilari muomalasini davlat tomonidan tartibga solish va nazoratni amalga oshirish funksiyalari Milliy gvardiyadan ichki ishlar organlariga o‘tkazilmoqda.
Foto: Hisor qo‘riqxonasida bahor
Davlat ekologiya qo‘mitasi noyob jonivorlar yashaydigan Hisor davlat qo‘riqxonasining bahoriy tabiatidan tasvirlarni e’lon qildi.
Markaziy bank kreditlarga kafil bo‘lgan fuqarolarni ogohlantirdi
Markaziy bank o‘z vaqtida qaytarilmayotgan kreditlar bo‘yicha qarzdorlik to‘g‘ridan-to‘g‘ri kafillarning hisob raqamidan yechib olinayotgani yuzasidan izoh berdi. MB kafil bo‘layotgan fuqarolarni o‘zi va qarz oluvchining kelajakda yo‘liqishi mumkin bo‘lgan moliyaviy risklarni to‘g‘ri tahlil qilishga chaqirdi.
Moliya vazirligi tadbirkorlar hisobotlarini topshirish muddatini uzaytirishni rejalashtirmoqda
O‘zbekiston Moliya vazirligi tadbirkorlarga moliyaviy hisobotlarni topshirishda yengilliklar berishni rejalashtirmoqda. Unga ko‘ra, yillik hisobotlarni keyingi yilning 1 apreligacha, choraklik hisobotlarni esa hisobot davridan keyin 40 kun ichida taqdim etishga ruxsat berilishi mumkin.
Senat majlisining jonli efiri 8 daqiqadan kam davom etdi
UzReport TV orqali Senat majlisi translyatsiyasi boshlanganidan qariyb 8 daqiqa o‘tib to‘xtatildi. Parlament yuqori palatasining YouTube-sahifasida jonli efir 2019 yil oktabridan beri birinchi marta namoyish etilmadi. Prezident farmoniga ko‘ra, 1 dekabrdan boshlab yig‘ilishlar MTRK kanallari va internet tarmog‘ida efirga uzatilishi kerak edi.
Loyiha boshqaruvi milliy agentligi Istiqbolli loyihalar milliy agentligi etib qayta tashkil etildi
Prezident farmoni bilan Loyiha boshqaruvi milliy agentligi Istiqbolli loyihalar milliy agentligi etib qayta tashkil etildi. Kripto-aktivlar aylanmasi sohasida yagona davlat siyosatini ishlab chiqish agentlikning ustuvor vazifalaridan biri etib belgilandi.
4 sotix yerni $30 mingga sotmoqchi bo‘lgan hokim yordamchisi va uning sinfdoshi ushlandi
Toshkent tumani hokimi yordamchisi va uning sinfdoshi 4 sotix yerni 30 ming dollarga sotmoqchi bo‘lganda ushlandi. Nurafshonda esa MCHJ rahbari 2 gektar yerni 500 ming dollarga sotmoqchi bo‘ldi. DXX, Bosh prokuratura huzuridag Departament va IIV noqonuniy yer oldi-sotdisi bilan bog‘liq bir qancha holatlarni aniqladi.
Fix Price yil boshidan buyon O‘zbekistondagi 12 ta do‘konini yopdi
Rossiyaning Fix Price diskaunterlar tarmog‘i yil boshidan buyon O‘zbekistondagi 12 do‘konini yopdi, yana 30 tasi o‘z faoliyatini davom ettirmoqda.
Qo‘shimcha imkoniyatlarga ega bulish uchun saytda ro‘yxatdan o‘ting