Nima tayyorlaymiz: ko‘katli pishiriqlar
Bahorni ko‘katlarsiz tasavvur etish qiyin, buning uchun Zira.uz ko‘katli pishiriqlar retseptlar to‘plamini taqdim etadi.
Shavkat Mirziyoyev Angela Merkelni O‘zbekistonga taklif qildi
Prezident Shavkat Mirziyoyev Germaniya kansleri Angela Merkel bilan bo‘lib o‘tgan videoanjumanda uni O‘zbekistonga taklif qildi. Shuningdek, jahonda murakkab epidemiologik vaziyat oqibatida inqirozli hodisalar kuchayishi sharoitida mamlakatlar o‘rtasidagi ko‘p qirrali hamkorlikni yanada kengaytirish masalalari muhokama qilindi.
Andijondagi ko‘p qavatli uyda gaz portladi
Juma kun tushdan keyin Andijon shahridagi ko‘p qavatli uylarning birida gaz portladi. Buning oqibatida uy egasi va uning nabirasi 50 foiz termik kuyish bilan shifoxonaga yotqizilgan. Tahminlarga ko‘ra, gaz va havo chaqnashi gazdan noto‘g‘ri foydalanish oqibatida yuzaga kelgan.
2021 yilgi Pro liga o‘yinlariga qur’a tashlandi
O‘zbekiston Pro ligasi 2021 yilgi mavsumi uchun qur’a tashlandi. Marosimda liga musobaqasi uchun tarixda ilk bor elchilar ham tayinlandi. Bloger va yumorist Elmurod Haqnazarov hamda «Sahar» musiqa guruhi vakili Anvar Jo‘rayev mazkur turnirning elchilari bo‘ladi. Bundan tashqari, «Sahar» guruhi Pro liga musobaqasining madhiyasini tayyorlayotgani ham aytildi.
Jahon yangiliklari dayjesti
Turkiya va Misrning diplomatik aloqalarini qayta tiklashi, Yaponiyaning chet eldan kuniga 2 minggacha odam qabul qilishi, IATA’ning bahorda xalqaro parvozlarning tiklanishi bo‘yicha prognozi va boshqa yangiliklar — “Gazeta.uz"ning jahon yangiliklari dayjestida.
Hashar ixtiyoriy. Unda qatnashishga majburlagan mansabdorlar jarimaga tortiladi
13 mart — shanba kuni umumxalq hashari bo‘lib o‘tishi haqida xabar bergan edik. Bosh vazirning birinchi o‘rinbosari Ochilbay Ramatov fuqarolarni majburiy tartibda hasharga jalb qilish qat’iyan taqiqlanganini ma’lum qildi. Bandlik va mehnat munosabatlari vazirligi esa ishonch telefon raqamlarini e’lon qildi: 71−200−06−00 va 1176.
«Yoshlar daftari»ga kiritilganlarga 980 ming so‘mgacha bir martalik yordam ko‘rsatiladi
Hukumat qarori bilan «Yoshlar daftari»ga kiritilgan moddiy ahvoli qiyin yoshlarga BHMning 4 baravarigacha (980 ming so‘m) miqdorda bir martalik moddiy yordam ko‘rsatiladi. Shuningdek, daftarga kiritilganlarning OTM shartnoma pulini 50 foizini to‘lab berish, xorijda davolanish xarajatlarining BHMning 50 baravaridan oshmagan qismi qoplab beriladi.
Toshkent va Yangiyo‘lda $20 ming hamda 148 mln so‘mga noqonuniy tarzda dori sotayotganlar ushlandi
Toshkent va Yangiyo‘l tumanlarida $20 ming va qariyb 149 mln so‘mga noqonuniy tarzda dori sotayotganlar qo‘lga olindi. Ularga nisbatan jinoyat ishi qo‘zg‘atildi.
O‘zbekiston kinematografiya akademiyasi tashkil etiladi
O‘zbekistonda kinemotografiya akademiyasi tashkil etilishi rejalashtirilmoqda. Akademiya qoshida S. Gerasimov nomidagi Butunrossiya davlat kinematografiya instituti filiali hamda Toshkent shahrida kino san’atiga ixtisoslashgan o‘rta ta’lim maktabini ham ochish ko‘zda tutilgan.
Dollarning rasmiy kursi ketma-ket beshinchi bor ko‘tarilmoqda
Dollarning rasmi kursi 5 so‘mga qimmatladi va jami 10 519 so‘m etib belgilandi. Shuningdek, yevro va rubl kurslari esa biroz pasaydi.
Buxoro viloyatida vaksinalarni saqlash uchun sovutish ombori ochildi
YUNISEF Buxoro viloyatiga vaksinalarni saqlash uchun sovutish omborlarini topshirdi. Bir yil ichida O‘zbekistondagi yana to‘rtta omborxona foydalanishga topshirilishi kutilmoqda.
O‘zbekiston Qirg‘izistonga 20 ta tez yordam mashinasini sovg‘a qildi
Prezident Shavkat Mirziyoyev Toshkent shahridagi texnoparkka tashrifi paytida Qirg‘izistonga O‘zbekiston xalqi nomidan 20 ta tez yordam mashinasi sovg‘a qilinganligini e’lon qildi. Bunga javoban prezident Sadir Japarov sovg‘a uchun minnatdorchilik bildirdi.
Yaqin kunlarda Farg‘ona va Botken viloyatlari o‘rtasidagi o‘tish punktlari ochiladi
Farg‘ona viloyati hokimi Xayrullo Bozorov va Qirg‘iziston hukumatining Botken viloyatidagi muxtor vakili Omurbek Suvanaliyevning xabar berishicha, viloyatlarning chegara hududida o‘tish punktlari ochiladi. Avvaliga, chegara post xizmati piyodalar uchun, uch oy ichida esa — avtomobillar uchun ochiladi.
Yil boshidan buyon pul o‘tkazmalari 892 mln dollarni tashkil qildi
2021 yilning yanvar-fevral oylarida O‘zbekistonga kelib tushgan xalqaro transchegaraviy pul o‘tkazmalari hajmi deyarli 892 mln dollarni tashkil etdi. Bu o‘tgan yilning shu davriga nisbatan 14 foizga ko‘p.
Shavkat Mirziyoyev va Sadir Japarov Toshkent shahridagi texnoparkka bordi
Shavkat Mirziyoyev va Sadir Japarov Toshkent shahridagi texnoparkka bordi. Davlat rahbarlari O‘zbekistonning sanoat, qishloq xo‘jaligi va hunarmandchilik mahsulotlari ko‘rgazmasi bilan tanishdi. Yakunda Qirg‘iziston xalqiga tez tibbiy yordam mashinalari sovg‘a qilindi.
Dam olish kunlari qor yog‘ishi kutilmoqda
Dam olish kunlari havo harorati keskin pasayishi va ba’zi hududlarda qor yog‘ishi kutilmoqda. Respublika hududlarida shamolning 17−22 m/s gacha kuchayishi kutilmoqda, ba’zida esa 23−28 m/s gacha kuchayishi mumkin.
Turkiyada 15 martdan boshlab barcha tashrif buyuruvchilar uchun elektron anketalar joriy etiladi
2021 yil 15 martdan boshlab Turkiyaga kelishdan 72 soat oldin maxsus elektron so‘rovnomani to‘ldirish kerak bo‘ladi. Yo‘lovchilar to‘ldirilgan so‘rovnomani bosib chiqarishi yoki mobil qurilmaga yuklab olib, jo‘nash aeroportida aviakompaniya xodimiga taqdim etadilar.
Mingbuloqda 1 mlrd so‘m imtiyozli kreditni o‘zlashtirgan shaxslarga jinoyat ishi ochildi
Mingbuloq tumanida «G» MCHJ rahbari va boshqalar 1 mlrd so‘m imtiyozli kreditni talon-toroj qilgani aniqlangan. Ular soxta hujjatlarni tuzib, mablag‘larni naqdlashtirib olgani ma’lum bo‘lgan. Ularga nisbatan Jinoyat kodeksining talon-toroj qilish va hujjatlarni qalbakilashtirishga oid moddalari bilan ish qo‘zg‘atildi.
2020-yilda IIV xodimlari 134 ta jinoyat sodir etgan, shundan 27 tasi o‘lim bilan bog‘liq
Senatning yalpi majlisida ichki ishlar vaziri hisobot berdi. Po‘lat Bobojonovning aytishicha, 2020-yilda ichki ishlar xodimlari 134 ta jinoyat sodir etgan. Shundan 27 tasi o‘lim bilan bog‘liq. Huquqbuzar qonun himoyachilariga ozodlikdan mahrum qilishgacha bo‘lgan jazolar belgilanayotgani aytildi.
«Hududlardagi muammolarni nahotki deputatlar va senatorlar ko‘rmayapti» — Tanzila Narbayeva
Davlat rahbari Farg‘ona va Namangan viloyatlariga tashrifi chog‘ida mahallarga borib, aholi bilan muloqot qilib, ularni qiynayotgan muammolarni tinglagan edi. Senatning navbatdagi yalpi majlisida Tanzila Narbayeva ayni shu masalaga e’tibor qaratib, deputat va senatorlarni tanqid qildi. «Hududlardagi muammolarni nahotki deputatlar va senatorlar ko‘rmayapti», — dedi u.
Qo‘shimcha imkoniyatlarga ega bulish uchun saytda ro‘yxatdan o‘ting