«Turon» klubi prezidenti jarimaga tortildi, bosh murabbiy esa 2 ta o‘yinga chetlatildi
O‘zbekiston futbol assotsiatsiyasi tartib-intizom qo‘mitasining navbatdagi yig‘ilishi bo‘lib o‘tdi. Unga ko‘ra, bir necha rasmiylarga nisbatan intizomiy choralar qo‘llanildi. Jumladan, «Turon» bosh jamoasi bosh murabbiyi hamda klub prezidenti jazolandi.
Toshkentlik ayol qarzi evaziga 23 yoshli qizni Turkiyaga sotib yubordi
Toshkentlik ayol Navoiy viloyatida tug‘ilgan 23 yoshli qizni avvaliga, poytaxtga ishga olib kelib, keyinchalik Turkiyaga olib ketgani aniqlandi. Navoiy viloyati IIB xodimlari o‘tkazgan surishtiruv natijasida ayol o‘z qarzini to‘lash uchun qizni Turkiyada yashovchi shaxsga sotib yuborgani ma’lum bo‘ldi. Unga nisbatan jinoyat ishi ochildi.
«Ekologik audit to‘g‘risida"gi qonun qabul qilindi
Prezident «Ekologik audit to‘g‘risida"gi qonunni imzoladi. Unga ko‘ra, atrof-muhitga ta’siri kam bo‘lgan sub’ektlar ixtiyoriy, ta’sir ko‘rsatish xavfi o‘rta yoki ko‘plari esa har yili auditdan o‘tkaziladi. Tekshiruv yakuni bo‘yicha audit xulosasi tuziladi.
Nursultonda 18 martdan boshlab karantin e’lon qilindi
18 martdan boshlab Qozog‘iston poytaxtida karantin e’lon qilindi. Karantin qoidalariga ko‘ra, shaharda ommaviy tadbirlar o‘tkazish va ularda qatnashish taqiqlanadi.
AQSH ekspertlari O‘zbekistondagi suv omborlari xavfsizligini baholaydilar
Qashqadaryo va Surxondaryo viloyatlaridagi Gissarak va To‘polon to‘g‘onlari xavfsizligini baholash uchun AQSHdan harbiy muhandislar korpusining ekspertlar guruhi O‘zbekistonga keldi.
Yevropa Ittifoqi mamlakatlari AstraZeneca vaksinasini qo‘llashni to‘xtatmoqda
Germaniya, Fransiya, Italiya va Ispaniya AstraZeneca vaksinasidan foydalanishni to‘xtatdi. Bundan tashqari, mazkur vaksinaning qo‘llanilishi Indoneziya, Kongo Demokratik Respublikasi, Tailand, Janubiy Afrika tomonidan ham to‘xtatildi. JSST preparatning xavfsizligi bilan bog‘liq masalalarni ko‘rib chiqishini ma’lum qildi.
«Sotqinlarni yetishtirib chiqarayotganga o‘xshab qolayapti» — Rasul Kusherbayev qoidabuzarlikni suratga olish haqida
Quyi palata deputati ko‘chalarda odamlarning qoidabuzarliklarni telefonga suratga olishi va buning evaziga rag‘batlantirilishi yuzasidan o‘z fikr-mulohazalarini bildirdi. «Ularga 10−15 ming so‘m berayaptimi, ertaga 100 ming so‘m berib, vataningni sot, desa ham sotvorishga tayyorlar ko‘p ekan. Bu juda yomon», — dedi u. Kusherbayev qoidabuzarlarni aniqlashdan oldin infratuzilmani yaxshilab qo‘yishga kerakligini qo‘shimcha qildi.
Samarqandda 500 gramm «opiy» giyohvandlik vositasini 5 ming dollarga sotayotgan shaxs ushlandi
Samarqand viloyati IIB xodimlari 500 gramm «opiy» giyohvandlik vositasini 5 ming dollarga sotayotgan shaxsni qo‘lga oldi. Unga nisbatan Jinoyat kodeksining 273-moddasi 5-qismi bilan jinoyat ishi qo‘zg‘atildi.
Nishon tumanida 713 mln so‘m imtiyozli kredit mablag‘lari o‘zlashtirilgani aniqlandi
Nishon tumanida 4ta MCHJ tomonidan 713 mln so‘m imtiyozli kredit mablag‘lari o‘zlashtirilgani aniqlandi. Ular 64 nafar fuqaroga jami 80,1 sotix yer maydonida issiqxonalar qurib berishi lozim bo‘lgan. Gumondorlarga nisbatan JKning 167-, 184-, 189-moddalari bilan jinoyat ishi qo‘zg‘atilgan.
Qashqadaryo viloyatida 11,3 trln so‘mlik 1125 ta loyiha amalga oshiriladi
Prezident Qashqadaryo viloyatida shakllantirilgan 11,3 trln so‘mlik 1 125 ta hududiy loyiha bilan tanishdi. Xususan, sanoat sohasida 296 ta, xizmat ko‘rsatishda 449 ta, qishloq xo‘jaligi tarmog‘ida 380 ta korxona tashkil etilishi ko‘zda tutilgan. Natijada 19 mingdan ortiq kishi ish bilan ta’minlanadi.
2021-yilda magistral elektr tarmoqlari bo‘yicha $140 mlnlik 6 ta loyiha amalga oshiriladi
2021-yilda magistral elektr tarmoqlari bo‘yicha $140 mlnlik 6 ta loyiha amalga oshiriladi. Shu bilan birga, 15 ming km elektr uzatish tarmoqlari va 4 mingta transformator yangilanadi. Natijada 5 ming 377 ta mahallaning elektr ta’minoti yaxshilanadi. Prezident loyihalar taqdimoti bilan tanishdi.
Poytaxtning uchta tumanidagi maktablarda o‘qish masofaviy shaklga o‘tkaziladi
16 martdan Mirzo Ulug‘bek, Chilonzor va Yunusobod tumanlaridagi maktablar onlayn o‘qish rejimiga o‘tkaziladi. Bunga o‘quvchi va o‘qituvchilar orasida koronavirus infeksiyasiga chalinish holatining keskin oshgani sabab bo‘lgan. O‘qish jarayonlari bir martalik karantin muddatiga masofaviy tarzda amalga oshiriladi.
Jahon yangiliklari dayjesti
Tolibonlarning AQSH tinchlik rejasini rad etishgani, Xitoyning Gongkong to‘g‘risidagi bayonoti uchun G7 davlatlariga norozilik bildirgani, Yevropa Komissiyasining Buyuk Britaniya ustidan Breksit bitimini bajarmaganligi uchun yuridik jarayonini boshlagani va boshqa yangiliklar — «Gazeta.uz»ning jahon yangiliklari dayjestida.
Qozog‘istonlik didjey yilning eng zo‘r rekmiksi uchun «Gremmi» sovrinini qo‘lga kiritdi
AQSHda «Gremmi» musiqiy sovrinining turli xil nominatsiyalar bo‘yicha g‘oliblari e’lon qilindi. Yilning eng yaxshi audioyozuvi (record — zapis) deb Billi Aylishning «Everything I Wanted» qo‘shig‘i, eng yaxshi albom deb esa Teylor Sviftning «Folklore» plastinkasi topildi. Qozog‘istonlik didjey Imanbek Zeykenov SAINt JHN’ning «Roses» qo‘shig‘i uchun yaratgan remiksi uchun yilning eng yaxshi remiksi sovrinini qo‘lga kiritdi.
Qurilish vazirligi Navoiyda noqonuniy tarzda qurilayotgan binolar haqida ma’lumot berdi
Qurilish vazirligi Navoiy viloyatida noqonuniy ravishda qurilayotgan binolar haqida ma’lum qildi. Qurilayotgan binolarda hududiy inspeksiyani xabardor qilmaslik, texnik ijro hujjatlari yuritilmaganligi holatlari aniqlangan.
SES rahbari maktablarda koronavirus bilan kasallanish soni ko‘payganligini ma’lum qildi
Sanitariya va epidemiologiya Toshkent shahar boshqarmasi rahbari poytaxtda koronavirus bilan kasallanish soni, ayniqsa maktab o‘quvchilari, talabalar, tashkilot va muassasalar xodimlari orasida ko‘payganligini ma’lum qildi. Tuman bo‘limlariga pandemiya boshlanganidan buyon 106 o‘quvchida aniqlangan maktablarda karantin talablariga muvofiqligini tekshirish bo‘yicha ko‘rsatma berildi.
Samarqandda 2 nafar bolani o‘ldirib, murdalarini yoqib yuborgan ayol qo‘lga olindi
Samarqandda o‘z tanishining uyiga o‘g‘rilikka tushgan fuqaro xonadon egasining ikki nafar farzandini o‘ldirib qo‘ydi. U bolalarni aldab, o‘z uyiga oborgan va belkurak bilan bosh qismlariga tan jarohati yetkazgan. Shundan so‘ng, ularning jasadlarini yoqib yuborgani aytilmoqda. Unga nisbatan JKning 97-moddasi 2-qismi bilan jinoyat ishi qo‘zg‘atildi.
Dollarning rasmiy kursi ketma-ket oltinchi bor ko‘tarilmoqda
Dollarning rasmi kursi 9 so‘mga qimmatladi va jami 10 528 so‘m etib belgilandi. Shuningdek, yevro va rubl kurslari ham biroz ko‘tarildi.
«So‘g‘diyona» — «Turon» uchrashuvi bosh hakami futbol uchrashuvlarni boshqarishdan vaqtincha chetlatildi
14 mart kuni bo‘lib o‘tgan «So‘g‘diyona» — «Turon» uchrashuvi bosh hakami Viktor Serazitdinovning mazkur uchrashuvdagi faoliyati qoniqarsiz deb baholandi va hakamlik faoliyatidan nomuayyan muddatga chetlatildi. Shuningdek, maxsus inspeksiya tomonidan mazkur holat bo‘yicha o‘rganib chiqish ishlari boshlandi.
Maktablarda bahorgi ta’tillar 20 martdan boshlanadi
Bahorgi ta’til 20 dan-28 martgacha davom etadi. 29 martdan o‘quv yilining 4-choragi boshlanadi.
Qo‘shimcha imkoniyatlarga ega bulish uchun saytda ro‘yxatdan o‘ting