Dollarning rasmiy kursi 21,61 so‘mga pasaydi va jami 10 639,79 so‘m etib belgilandi. Shuningdek, yevro va rubl kurslari ham biroz ko‘tarildi.
O‘zbekistonlik erkin kurashchi Bekzod Abdurahmonov qozog‘istonlik Daniyar Kaysanovni mag‘lub etib, Tokio-2020 Olimpiya o‘yinlarining bronza medaliga sazovor bo‘ldi.
Shavkat Mirziyoyev Markaziy Osiyo davlatlari rahbarlarining uchinchi Maslahat uchrashuvida nutq so‘zladi. Unda davlat rahbari pandemiya sababli to‘xtatilgan transport harakatini to‘liq tiklash, test natijalari va emlash sertifikatlarini tan olish bo‘yicha yagona axborot tizimini ishga tushirish, oziq-ovqat xavfsizligini monitoring qilish bo‘yicha mintaqaviy tizimni joriy qilishni taklif etdi.
Dam olish kunlari butun O‘zbekiston bo‘ylab issiq havo davom etadi. Faqat respublikaning tog‘li hududlarida mahalliy yomg‘irlar kuzatiladi.
2021 yilgi prezidentlik saylovlariga «Milliy tiklanish» demokratik partiyasidan Alisher Qodirov nomzodi e’lon qilindi.
Iyul oyi oxirida Buxoro shahridagi «Abdullaxon» madrasasi devorining bir qismi qulab tushgan edi. Holat yuzasidan «mansabga sovuqqonlik bilan qarash» moddasi bilan jinoyat ishi qo‘zg‘atildi.
Enter Engineering kompaniyasi Imom al-Buxoriy yodgorlik majmuasida rekonstruksiya ishlarini olib bormoqda. Ziyoratgohda 9200 o‘rinli masjid, jismoniy imkoniyati cheklangan kishilarning harakatlanishi uchun zamonaviy liftlar, maxsus nishab yo’lkalar va boshqa qulayliklar yaratilishi ko‘zda tutilgan.
Prezident Shavkat Mirziyoyev 6 avgust kuni Turkmaniston prezidenti Gurbanguli Berdimuhamedov bilan uchrashdi. Davlat rahbarlari transport-logistika, savdo-iqtisodiy va madaniy-gumanitar aloqalarni muhokama qildilar.
Koronavirus infeksiyasiga chalinish holatlarining kunlik rekordi yangilandi. Payshanba kuni respublika bo‘ylab 974 nafar fuqaroda virus aniqlangan. 6 nafar bemor vafot etdi.
«Ijtimoiy fikr» markazining so‘rovnomasida ishtirok etgan fuqarolarning 53,2 foizi koronavirusga qarshi emlanishga tayyorligini tasdiqlashdi. So‘ralganlarning uchdan bir qismidan ko‘prog‘i esa (36,5 foizi) emlanishdan bosh tortmoqda. Ular bunga asosiy sabab vaksinaning nojo‘ya ta’sirlaridan xavotir va emlanishga qarshi tibbiy ko‘rsatma ekanligini aytishgan. Vaksinatsiya borasida bir qarorga kelmagan fuqarolarning eng yuqori darajasi 18 yoshdan 24 yoshgacha bo‘lgan yoshlar orasida aniqlandi.
Davlat test markazi 10 iyun kuni biologiya fani bo‘yicha milliy sertifikat uchun o‘tkazilgan test natijalari e’lon qilinmasligiini ma’lum qildi. Bunga testologiya mezonlari buzilganligi, test topshirganlarning maktabdagi o‘rtacha baholari va test natijalari o‘rtasidagi katta tafovut hamda OAV va ijtimoiy tarmoqlardagi e’tiroz sabab bo‘ldi. Testda ishtirok etgan barcha talabgorlarning to‘lovi to‘liq qaytariladi.
Tokio-2020 Olimpiya o‘yinlarining 14-kunida to‘rtta sport turi bo‘yicha 6 nafar o‘zbekistonlik ishtirok etadi.
Argentinalik futbolchi Lionel Messi klubi «Barselona» bilan shartnomani uzaytirmagan bo‘ldi. Messining «Barselona»ni tark etishiga moliyaviy va boshqa muammolar sabab bo‘lganligi aytildi.
5 avgust kuni O‘zbekistonga ZF-UZ-VAC2001 vaksinasining yana 1 mln dozasi olib kelindi. Shunday qilib, jami vaksina zaxirasi 13 mln 580 ming 60 dozani tashkil qilmoqda.
Belarusda chegara nazoratining kuchaytirilgani, Gretsiyadagi o‘rmon yong‘inlari, Meksikaning AQSh qurol ishlab chiqaruvchilarini sudga bergani va boshqa yangiliklar — «Gazeta.uz»ning jahon yangiliklari dayjestida.
O‘zbekistonda Gul yetishtiruvchilar uyushmasi tashkil etilishi, O‘zbekistonda pandemiya boshidan beri eng ko‘p kunlik koronavirus holatlari aniqlanishi, bosh vazirning koronavirusga qarshi emlanishi — “Gazeta.uz"ning 5 avgustdagi eng muhim xabarlari dayjestida.
Qashqadaryo viloyatining Dehqonobod tumanida Lacetti va Isuzu to‘qnashishi oqibatida yong‘in chiqdi. Lacetti avtomobilidagi to‘rt nafar fuqaro kuyib, vafot etdi.
Badiiy gimnastika bo‘yicha yakkalik dasturida ishtirok etishi ko‘zda tutilgan Sabina Tashkenbayevada koronavirus aniqlandi. Endilikda uning o‘rniga Yekaterina Fetisova Olimpiadada qatnashadi.
Yaqin kunlarda «Sputnik V» vaksinasining 90 ming dozalik 2-komponenti yaqin kunlarda O‘zbekistonga keltirilishi kutilmoqda. Bir qator olimlar «Sputnik V» vaksinasining birinchi va ikkinchi komponentlari bilan emlanish oralig‘ini 21 kundan 90 kungacha uzaytirish mumkinligini ma’lum qilishgan.
Oq uy ma’muriyati mamlakatga faqat koronavirusga qarshi to‘liq emlangan chet elliklarning kirishiga ruxsat berishni rejalashtirmoqda.
Qo‘shimcha imkoniyatlarga ega bulish uchun saytda ro‘yxatdan o‘ting