Toshkentdagi 4 ta tumanning ayrim hududlarida issiq suv ta’minoti vaqtincha o‘chiriladi
28 noyabr kuni Yakkasaroy, Shayxontohur, Yunusobod va Chilonzor tumanlarining ayrim hududlarida issiq suv ta’minoti cheklanmagan holda issiqlik ta’minoti vaqtincha to‘xtatiladi.
Qashqadaryoda Nexia kanalga ag‘darildi
Kasbi tumanida Nexia yo‘l chetidagi kanalga ag‘darildi. Tuman FVB xodimlari mashinani maxsus texnika yordamida kanaldan olib chiqdi.
Nukus voqealari bo‘yicha gumonlanuvchilarga qo‘yilgan ayblovlar e’lon qilindi
Oliy sud Nukus voqealari ishi bo‘yicha sudlanuvchilar, jumladan Dauletmurat Tajimuratov, Lolagul Qallixanova, Azamat Turdanov va boshqalarga qo‘yilgan ayblovlarni e’lon qildi. Ular orasida Qoraqalpog‘iston IIV bo‘lim boshlig‘i, universitet o‘qituvchisi hamda Nukus olimpiya zaxiralari kolleji direktori ham bor.
Xorazmda er-xotinga tegishli bo‘lgan mashinalar yonib ketdi
Xorazm viloyati Urganch shahrida er-xotinga tegishli bo‘lgan Malibu va Hongqi T55 mashinalari yonib ketdi. Hozirda yong‘in sababi va zarari aniqlanmoqda. Hodisa oqibatida tan jarohat olganlar va halok bo‘lganlar yo‘q.
Ichki ishlar vazirligi har payshanba kuni OAV bilan muloqot qiladi
IIV matbuot kotibi har payshanba kuni AOKAda ochiq muloqotni ta’minlash uchun matbuot anjumani o‘tkazilishini ma’lum qildi. Bundan bir hafta oldin publitsist va bloger Shokir Sharipov tizimda davom etayotgan muammolar tufayli IIV rahbari iste’fosini talab qilib, piket uyushtirgandi.
O‘zbekiston TIV Belarus tashqi ishlar vaziri vafoti munosabati bilan hamdardlik bildirdi
O‘zbekiston TIV Belarus tashqi ishlar vaziri Vladimir Makeyning vafoti munosabati bilan hamdardlik bildirdi. «So‘nggi yillarda u ikki mamlakat o‘rtasidagi do‘stona aloqalarni mustahkamlashga katta hissa qo‘shdi», — deyiladi xabarda. Vladimir Makey 27 noyabr kuni noma’lum sabablarga ko‘ra vafot etgandi.
Xorazmda IIB xodimi o‘zini otib o‘ldirdi
Yangiariqda IIB xodimi xizmat quroli bilan o‘zini otib o‘ldirdi. Bunga turmush o‘rtog‘ining farzandlarini olib, otasining uyiga ketgani oqibatida kelib chiqqan ruhiy siqilish sabab bo‘lgani aytilmoqda. Holat yuzasidan ekspertiza ishlari tayinlanib, tergovga qadar tekshiruv olib borilmoqda.
Bir kunda koronavirus aniqlangan bemorlar soni 140 nafarga yaqinlashdi
O‘zbekistonda koronavirus yuqtirganlarning kunlik soni yana ortib, yakshanba kuni respublikada 137 kishida (bir kun avval 129 kishi) koronavirus aniqlandi. Kasallik yuqtirganlarning eng ko‘pi poytaxtda (81 kishi).
Foto: Nukus voqealari bo‘yicha 22 kishiga nisbatan sud boshlanish arafasida
Yaqin fursatlarda Buxoro viloyati sudida Nukus voqealari bo‘yicha 22 kishi nisbatan sud muhokamalari boshlanadi. Tomonlar birin-ketin sud zaliga kirib kelmoqda, OAV vakillari uchun esa maxsus matbuot markazi tashkil etilgan. Hozircha ayblanuvchilarning advokatlari va prokuratura xodimlari yetib kelishdi.
Banklar dollarni 11 300 so‘mdan sotishni boshladi
28 noyabr kuni tijorat banklari 1 AQSh dollarini 11 300 so‘mdan sotishni boshladi. Sotib olish esa 11 210 — 11 280 so‘m oralig‘ida.
Farg‘onada ayol kishi 3 nafar qizni pichoqladi
Farg‘onada ayol kishi o‘ziga tanish bo‘lgan 3 nafar qizni janjal oqibatida pichoqladi. Unga nisbatan jinoyat ishi qo‘zg‘atilib, tergov harakatlari olib borilmoqda.
JCH-2022: Xorvatiya Kanadani pley-offdan mahrum qildi, Ispaniya va Germaniya durangga imzo chekdi
F guruhidan joy olgan Xorvatiya — Kanada bahsida xorvatlar o‘z raqiblariga xalqaro musobaqalarda tajribaning qanchalik muhim ekanligini ko‘rsatib qo‘yishdi. E guruhidagi Ispaniya — Germaniya qarama-qarshiligida esa tomonlar bittadan gol urishdi durang qayd etishdi.
Xitoyda sodir bo‘lgan zilzila O‘zbekiston hududlarida ham sezildi
Xitoyda sodir bo‘lgan 5,2 ballik zilzila O‘zbekiston hududlarida ham sezildi. Farg‘ona vodiysida uning kuchi 3 balni tashkil etdi.
JCH-2022`da sensatsiyalar kuni: Kosta-Rika Yaponiyani, Marokash esa Belgiyani mag‘lub etdi
E va F guruhidan joy olgan Yaponiya — Kosta-Rika, Belgiya — Marokash bahslarida kutilmagan natijalar qayd etildi. O‘tgan turda Germaniyani mag‘lub etgan Yaponiya, Ispaniyadan katta hisobda mag‘lubiyatga uchragan Kosta-Rikaga yengildi. Shuningdek, Marokash ham Belgiya terma jamosini dog‘da qoldirdi.
Nukus voqealari ishi bo‘yicha 22 kishi ayblanmoqda
1−2 iyul kunlari Nukusda sodir bo‘lgan voqealar yuzasidan ochiq sud dushanba kuni Buxoroda boshlanadi. 22 kishi, shu jumladan, D. Tajimuratov, L. Kallixanova, A. Turdanovlar ayblanuvchi hisoblanadi. Ayblov 11 ta modda — bezorilikdan tortib, konstitutsiyaviy tuzumga tajovuz qilish doirasida e’lon qilindi.
Hududlarda prezident Administratsiyasi rahbari yordamchilari faoliyati yo‘lga qo‘yiladi
O‘zbekistonda prezident Administratsiyasi rahbarining hududlarda faoliyat yurituvchi va xalq qabulxonalari faoliyatini muvofiqlashtiruvchi yordamchilari lavozimi joriy etiladi. Prezidentning ikki maslahatchisi lavozimlari birlashtirildi. Xalq qabulxonalari xodimlari ma’muriy bayonnomalar tuzishlari mumkin bo‘ladi.
JCH-2022: Favorit jamoalardan g‘alaba. Argentina o‘ziga kelayaptimi?
C va D guruhidan joy olgan Tunis — Astraliya, Polsha — Saudiya Arabistoni, Fransiya — Daniya, Argentina — Meksika qarama-qarshiliklari «syurpriz»larsiz o‘tdi. Levandovski o‘zining Jahon chempionatlaridagi ilk golini urdi. Messi o‘yinning eng zo‘r futbolchisi bo‘ldi. Mbappe esa dubl qayd etdi.
Sudyalar assotsiatsiyasi raisi qayta saylandi
O‘zbekiston Sudyalar assotsiatsiyasining raisi etib Ubaydulla Mingboyev qayta saylandi.
Qoraqalpog‘istonda bolalar uchun yangi turdagi sut mahsulotlari ishlab chiqariladi
Qoraqalpog‘istonda bolalar uchun sut kislotali bakteriyalarning mahalliy shtammlari asosida yangi turdagi sut mahsulotlarini ishlab chiqarish yo‘lga qo‘yilmoqda. Loyiha 2021 yilda Innovatsion rivojlanish vazirligi mablag‘lari hisobidan moliyalashtirilgan.
Farg‘onada ayol kishi IIB binosi oldida o‘zini yoqib yubormoqchi bo‘ldi
Tarmoqlarda Farg‘onada ayol kishi IIB binosi oldida o‘zini yoqib yubormoqchi bo‘lgani haqidagi xabar tarqaldi. Viloyat IIB ayolning qizi 4 nafar shaxsga jinsiy aloqa qilishga sharoit yaratib bergani va 2 nafar voyaga yetmagan qizni tutqunlikda saqlab, fohishalikka majburlab kelgani uchun ushlanganini ma’lum qildi.
Qo‘shimcha imkoniyatlarga ega bulish uchun saytda ro‘yxatdan o‘ting