Karantin 15 avgustga qadar uzaytirildi
Respublika maxsus komissiyasi qaroriga binoan, O‘zbekistonda karantin choralari 15 avgustga qadar uzaytirildi. Qurbon hayiti kuni va dam olish kunlari butun sutka davomida respublika miqyosida harakatlanish, avtotransport vositalarining, yo‘nalishsiz taksilarning harakati to‘liq to‘xtatiladi, aholining «o‘zini o‘zi yakkalash» hayot tarziga rioya qilishi tavsiya etildi.
26 iyulda Istanbulga qo‘shimcha charter reys amalga oshiriladi
Uzbekistan Airways 26 iyul kuni Toshkent — Istanbul — Toshkent yo‘nalishi bo‘yicha qo‘shimcha charter reysini amalga oshiradi.
Qurbon hayiti namozini o‘qish musulmonlar zimmasidan soqit bo‘lishi ma’lum qilindi
O‘zbekiston musulmonlari idorasi pandemiya sharoitida Qurbon hayitini nishonlash bo‘yicha bayonot berdi. Unda, jumladan, Iydul adha namozini o‘qish mo‘min-musulmonlar zimmasidan soqit bo‘lishi ma’lum qilindi.
«U ham tan olinishga loyiq» — COVID-19dan vafot etgan SEOM xodimining opasi
62 yoshida Chilonzor Sanitariya-epidemiologiya farovonligi markazining bakteriologik laboratoriyasi mudiri Marhabo Ahmedova vafot etdi, uning koronavirus yuqtirganligi aniqlangan. Sog‘liqni saqlash vazirligi bu holat haqida xabar bermadi. Marhumaning opasi, 40 yilini tibbiyotga bag‘ishlagan Marhabo Ahmedova boshqa tibbiyot xodimlari singari tan olinishga loyiq, deb hisoblaydi.
Uyda tayyorlaymiz: 7 ta noodatiy desert retseptlari
Zira.uz sizga zefir, keyk-popslar, «Ptiche moloko», «Bashorat qiluvchi pechene» va yana boshqa noodatiy desertlar ro‘yxatini taqdim etadi.
Kun davomida 492 kishining koronavirusga chalingani rasman tasdiqlandi
O‘zbekistonda kun davomida 492 ta koronavirus holati rasman tasdiqlandi. Umumiy ko‘rsatkich 19360 taga yetdi. 40 nafar bemor o‘ta og‘ir ahvolda.
Prezident odil sudlov samaradorligini oshirish bo‘yicha farmonni imzoladi
Prezident farmoni bilan 1 yanvardan viloyatlardagi sudlar negizida umumyurisdiksiya sudlari tashkil etiladi. Tuman va shahar ma’muriy sudlari tugatiladi, ma’muriy sudlarni ko‘rib chiqish vakolati esa jinoyat ishlari bo‘yicha sudlarga beriladi. Sud tizimiga dastlabki eshituv instituti va «bir sud — bir instansiya» tamoyilini joriy etiladi, shuningdek, prokurorlarning sud ishlarini ko‘rib chiqishdagi ishtiroki tartiblari qayta ko‘rib chiqiladi.
Mo‘ynoqda yoshlarni ish bilan ta’minlash bo‘yicha yangi loyihaga qo‘l urildi
Mo‘ynoqda ishsiz yoshlar bandligini ta’minlash maqsadida qishloq xo‘jaligiga ixtisoslashgan «Mo‘ynoq kelajagi bunyodkorlari» MCHJ tashkil etilib, qisqa vaqtda ming nafarga yaqin yoshlar ish bilan ta’minlandi.
Sardobada 18 yoshli fuqaro Captiva ag‘darilib ketishi oqibatida vafot etdi
Sardobada 18 yoshli fuqaro hech qanday hujjatlarsiz Captiva avtomobilini haydash vaqtida boshqaruvni yo‘qotdi va mashina ag‘darilib ketdi. Haydovchi voqea joyida hayotdan ko‘z yumdi.
Koronavirusga chalingan 36 yoshli hokim vafot etdi
Koronavirusga chalingan Qoraqalpog‘iston Respublikasi Qonliko‘l tumani hokimi Daulet Tolibayev olamdan o‘tdi.
Respublika bo‘yicha elektr ta’minoti tizimiga cheklovlar kiritilmoqda
Ishlab chiqarilayotgan va iste’mol qilinayotgan elektr energiyasi orasida nomutanosiblik vujudga kelgani sababli respublika bo‘yicha 1,5−2 mln kVt•soat yoki kunlik 0,8−1 foiz miqdorida cheklovlar kiritilishi ma’lum qilindi. Tojikistondan elektr energiyasi importi to‘xtagan, Turkmaniston bilan esa yangi shartnoma imzolandi.
Jizzaxda yana ikkita YTH: 5 yoshar qizcha va 18 yoshli yigit halok bo‘ldi
Jizzax viloyatida kun davomida ikkita halokatli YTH sodir bo‘ldi. Ulardan birida Lacetti 5 yoshli qizchani urib yubordi. Ikkinchisida esa 18 yoshli yigit yurib ketayotgan yuk mashinasi zinasidan o‘zini tashlab, asfaltga boshi bilan yiqilgan.
Prezident Qurbon hayitini nishonlash to‘g‘risidagi qarorni imzoladi
Prezident Shavkat Mirziyoyev Qurbon hayiti bayramini 31 iyul, juma kuni nishonlash to‘g‘risidagi qarorni imzoladi. Hujjatda bayramning karantin talablariga rioya qilgan holda o‘tishi uchun zarur choralar ko‘rish topshirilgan.
Surxondaryo hokimi shifoxonadan videoyozuv e’lon qildi
Koronavirusdan davolanayotgan Surxondaryo hokimi To‘ra Bobolov Toshkentdagi shifoxonadan videoyozuv e’lon qildi. Avvalroq ijtimoiy tarmoqlarda uning o‘limi to‘g‘risidagi xabarlar tarqalgandi.
Jizzaxda yuk avtomashinasi ag‘darildi
Jizzax viloyati xalqaro ahamiyatga ega M39 avtomobil yo‘lida Traller rusumli yuk avtomashinasining haydovchisi rul boshqaruvini yo‘qotishi oqibatida yuk avtomashinasi ag‘darildi. YTH natijasida tan jarohati olganlar yo‘q.
Yarim yil ichida 14−17 yoshli o‘smir qizlar orasida 84 ta tug‘ruq qayd etildi
Yanvar-iyun oylari davomida 14−17 yoshli o‘smir qizlar orasida 84 ta tug‘ruqlar qayd etilgani ma’lum bo‘ldi.
Yana 193 nafar kishida koronavurus aniqlandi (jami — 19179)
Koronavirus bemorlari soni 193 nafarga ortib, jami 19179 kishini tashkil etmoqda. Yangi holatlarning 106 nafari Toshkent shahrida, 52 nafari Qashqadaryo viloyatida hamda 35 nafari Andijon viloyatida aniqlandi.
Toshkentda koronavirusga chalingan 73 yoshli bemor vafot etdi
Toshkentda 9 iyul kuni COVID-19 tasdiqlangan 73 yoshli ayol o‘tkir nafas va yurak qon-tomir yetishmovchiligidan vafot etdi.
Iqtisodiy sudlar tomonidan biznes foydasiga deyarli 825 mlrd so‘m undirib berildi
Birinchi yarim yillikda kichik biznes va xususiy tadbirkorlik sub’ektlarini huquqiy himoya qilishga oid 14 mingdan ortiq iqtisodiy ish ko‘rib chiqildi va ular foydasiga 824,7 mlrd so‘m miqdorida mablag‘ undirib berildi.
Dam olish kunlari havo issiq va quruq bo‘ladi
Dam olish kunlari mamlakat hududiga Turkmanistondan yana issiq va quruq havo oqimi kirishni boshlaydi. Kunduzgi harorat 37−40 daraja atrofida bo‘lishi kutilmoqda. Janubda havo harorati 42 darajagacha ko‘tariladi.
Qo‘shimcha imkoniyatlarga ega bulish uchun saytda ro‘yxatdan o‘ting