Жаҳон
Жаҳон янгиликлари дайжести
Хитойда оилаларга учта фарзанд кўришга расман рухсат берилгани, Туркияда янги карантин чекловларининг жорий этилгани, Афғонистондаги вазият бўйича сўнгги хабарлар ва бошқа янгиликлар — «Газета.uz»нинг жаҳон янгиликлари дайжестида.
АҚШ Афғонистондаги урушга 2,26 трлн доллар сарфлаган ва бу ҳали ҳаммаси эмас
Браун университети АҚШнинг Афғонистондаги урушга сарфлаган харажатларини 2,26 трлн долларга баҳолади. Бу урушнинг ҳар бир куни учун ўртача 300 миллион доллар дегани. АҚШ ушбу урушдаги харажатларнинг асосий қисмини қарз маблағлари ҳисобидан молиялаштирган. 2050 йилга бориб ушбу қарзлар фоизлари қиймати 6,5 трлн долларга етиши мумкинлиги тахмин қилинмоқда. Шунингдек, Афғонистондаги уруш давомида 174 минг нафар атрофида қурбонлар бўлгани маълум қилинди.
Жаҳон янгиликлари дайжести
АҚШнинг Хитой авиакомпанияларига нисбатан чекловлар жорий қилгани, Жанубий Корея ташкилотларининг КХДРга 535 минг тонна гуруч жўнатаётгани, Афғонистондаги вазият бўйича сўнгги хабарлар ва бошқа янгиликлар — «Газета.uz»нинг жаҳон янгиликлари дайжестида.
Дала командири, ўқитувчи ва судья — «Толибон» ҳаракатининг раҳбарлари ким?
Афғонистонда назоратни қўлга киритган «Толибон» ҳаракати ўз бошқарув шакли ва турини яқин орада эълон қилиш арафасида. 20 йиллик танаффусдан сўнг мамлакат ҳокимияти тепасига келган ҳаракатни бошқараётган етакчилар ким ва улар ҳақида нималар маълум? Бу ҳақда «Газета.uz» мақоласида.
Ашраф Ғани тез орада Афғонистонга қайтишга ваъда берди
Ашраф Ғани видеомурожаат билан чиқиб, Афғонистонни тарк этишини «қон тўкилишини олдини олиш зарурати» билан изоҳлади. Сиёсатчи тез орада мамлакатга қайтишга ваъда берди. Шунингдек у «Афғонистонда адолатга эришиш учун» ҳаракатларини давом эттиришини таъкидлаб, афғонлар манфаати учун курашмоқчи эканини маълум қилди.
Жаҳон янгиликлари дайжести
Facebook’нинг коронавирус ҳақида нотўғри маълумотлари бўлган 18 млнта постни ўчириб ташлагани, Москвада кучли ёмғирлар туфайли 70 та рейснинг бекор қилингани, Афғонистон можароси бўйича сўнгги хабарлар ва бошқа янгиликлар — «Газета.uz»нинг жаҳон янгиликлари дайжестида.
Ашраф Ғани оиласи билан БААда
Афғонистон президенти Ашраф Ғани оиласи билан Бирлашган Араб Амирликларида, дея хабар қилди мазкур мамлакат Ташқи ишлар вазирлиги.
«Аёл сифатида, ўзимни эркаклар бошлаган сиёсий урушнинг қурбонидек ҳис қиляпман» — Кобулдаги афғон аёли
«Толибон» Афғонистон пойтахти Кобулни эгаллаганидан сўнг, аҳоли орасида жуда катта ваҳима бошланган. Мамлакат фуқароларидан бири, Кобулда истиқомат қилувчи 24 ёшли университет талабаси, болаларга инглиз тилидан дарс бериб келган қиз, «афғон аёлларининг қўзидаги қўрқув» ва эндиликда уларнинг ҳаёти қандай ўзгариши мумкинлиги ҳақида ҳикоя қилади.
«Биз тинч яшамоқчимиз». «Толибон»нинг биринчи матбуот анжумани
«Толибон» ҳаракати Афғонистонда ҳокимиятни эгаллаганидан сўнг биринчи матбуот анжуманини ўтказди. Ҳаракат вакили Забиҳулло Мужоҳид толиблар тинчликда яшашни исташини ва мамлакат ҳудудини бошқа давлатларга ҳужум учун ишлатишга йўл қўймасликларини таъкидлади. «Толибон» ҳаракатининг энг муҳим баёнотлари ва ваъдалари.
Гаитидаги зилзила қурбонлари сони 1900 дан ошди
Гаитида содир бўлган зилзила оқибатида ҳалок бўлганлар сони 1941 нафарга етди, 9000 дан ортиқ киши жароҳатланган.
Жаҳон янгиликлари дайжести
Францияда ўрмон ёнғинлари туфайли минглаб одамларнинг эвакуация қилинаётгани, Гаитидаги зилзила қурбонлари сонининг 1,4 минг нафардан ошгани, Афғонистон можароси бўйича сўнгги хабарлар ва бошқа янгиликлар — «Газета.uz»нинг жаҳон янгиликлари дайжестида.
Америка самолёти бир рейсда 640га яқин афғонистонликни эвакуация қилди
Якшанба куни кечқурун Америка ҳарбий-ҳаво кучларининг Boeing C-17 Globemaster III русумли ҳарбий-транспорт самолёти Кобулдан 640 нафарга яқин афғонларни эвакуация қилди. Барча қочқинлар самолёт полига жойлаштирилган ҳамда улар соғ-саломат Қатардаги авиабазага етиб боришган.
Толиблар афғонларни ишларига қайтишга чақирди
«Толибон» ҳукумат амалдорларига умумий амнистия эълон қилди ва афғонларни ишга қайтишга чақирди. TOLOnews телеканали аёл телебошловчи ва мухбирлар иштирокидаги кўрсатувларни узатишда давом этмоқда.
Америка Афғонистонда ўз мақсадига эришди — Жо Байден
АҚШ президенти Афғонистондан ҳарбийларни олиб чиқиб кетаётганидан афсусда эмаслигини айтиб, Америка Афғонистонда ўз мақсадига эришганини маълум қилди. «Бизнинг Афғонистондаги ягона ҳаётий ва муҳим манфаатимиз АҚШга нисбатан террорчилик ҳужумларининг олдини олиш бўлган ва шундай бўлиб қолади», — деди у.
Афғонистонлик маршал Дўстум Ўзбекистонда — ОАВ
Келиб чиқиши ўзбек бўлган афғонистонлик маршал Абдул-Рашид Дўстум «Толибон» назоратига ўтган Мозори-Шарифдан Ўзбекистон томонга қочиб кетди, деб хабар тарқатмоқда хориж ОАВлари. Мазкур маълумот ҳозирча расман тасдиқлангани йўқ.
Жаҳон янгиликлари дайжести
Малайзия бош вазирининг истеъфоси, Россиядаги ўрмон ёнғинлари ва сув тошқинлари, Афғонистон можароси бўйича сўнгги хабарлар ва бошқа янгиликлар — «Газета.uz»нинг жаҳон янгиликлари дайжестида.
Юзлаб одамлар Афғонистондан сўнгги самолётларга чиқишга уринишди. Бир неча киши вафот этди (видео)
Кобул аэропортида юзлаб одамлар Афғонистондан учадиган сўнгги самолётларга тирмашиб чиқишаётгани акс этган видеолар тарқалди. Улардан баъзилари самолётларнинг бортига, баъзилари эса тезликни ошираётган самолёт тагига қўллари билан илинмоқчи бўлганлар. Ҳозирда аэропортдаги ҳолатлардан сўнг бир неча киши ҳалок бўлган.
БМТ муҳтож бўлган барча афғонларга гуманитар ёрдам кўрсатишга тайёрлигини маълум қилди
БМТ бош котиби Антониу Гуттериш Афғонистондаги вазият бўйича муносабат билдириб, гуманитар ёрдам етказиб бериш имкониятини таъминлаш учун томонларни «максимал даражада босиқ бўлишга» чақирди. Шунингдек, бош котиб аёллар ва қизларнинг келажагидан хавотирда эканлиги таъкидлади. Душанба куни Афғонистондаги вазият бўйича БМТ Хавфсизлик Кенгашининг навбатдан ташқари йиғилиши ўтказилади.
«Толибон» мамлакатда «уруш якунланганини» эълон қилди
«Толибон» ҳаракати вакиллари Al-Jazeera телеканали эфирида «Афғонистонда уруш тугуганлиги» ҳақида эълон қилди. Шунингдек, улар «ҳаракат ҳар бир қадамини масъулият билан босишини ва барча томонлар билан тинч муносабатларни сақлаш ниятида» эканлигини таъкидлашмоқда. Толиблар бошқа давлатларнинг ички ишларига аралашмаслигини қайд этди.
60 дан ортиқ мамлакатлар Афғонистонни тарк этмоқчи бўлганларга имкон беришга чақирди
60 дан ортиқ мамлакатлар қўшма баёнот билан чиқиб, чет элликлар ва мамлакатни тарк этмоқчи бўлган афғон фуқароларини хавфсиз чиқиб кетишини таъминлашга чақирди.
Энг кўп ўқилган хабарлар | Сўнгги янгиликлар
- «Манипулятив диктаторлар устози» Альберто Фухимори эркин ОАВ билан қандай курашган эди?
- Марказий Европада кучли сув тошқини юз берди, камида 15 киши ҳалок бўлди
- Тоқаев Бразилия ва Хитойнинг Украина бўйича тинчлик режасини қўллаб-қувватлади
- АҚШда Трампга қарши янги эҳтимолий суиқасдга уриниш текширилмоқда
Қўшимча имкониятларга эга булиш учун сайтда рўйхатдан ўтинг