Қирғизистон ҳукумати томонларнинг ярашуви туфайли зўрлаш билан боғлиқ суд ишларини ёпишни тақиқлади. Жиноятларнинг даъво муддати ва гаров эвазига озод қилиш имконияти ҳам бекор қилинди.
Ўзбек-қирғиз қўшма автомобиль заводини ишга тушириш яна ортга сурилди. Қирғизистон иқтисодиёт ва савдо вазирининг сўзларига кўра, бунга об-ҳаво шароити сабаб бўлмоқда. Ишга туширишнинг янги муддати 2024 йилнинг биринчи ярми бўлиши мумкин.
Бишкек суди Қирғизистондаги бир қатор мустақил нашрларнинг 11 нафар журналистини икки ойга ҳибсга олди. Улар оммавий тартибсизликларга даъват қилишда айбланмоқда, аввалроқ уларни тинтув қилишганди. Халқаро инсон ҳуқуқлари ташкилотлари расмийларни ОАВга босим ўтказишни тўхтатишга чақирмоқда.
Қирғизистон милицияси Temirov Live ва «Айт Айт Десе» мустақил лойиҳалар журналистларининг устидан тинтув ўтказди ва бир неча кишини сўроққа олиб кетди. Бундан ташқари, 24.kg агентлиги таҳририятига ҳам хавфсизлик кучлари келган. «Газета.uz» вазиятга алоқадор маълумотларни тақдим этади.
Қирғизистон раҳбари Садир Жапаровнинг айтишича, «Салимбой» билан учрашиш учун ўзбек-қирғиз чегарасини ноқонуний кесиб ўтган депутат Эмил Жамғирчиев ундан «икки дўстни» йўқ қилишга ёрдам беришни сўраган. Қирғизистон матбуотининг қайд этишича, мамлакатда президент ва МХДҚ раҳбари шундай чақирилади.
2023 йил якунларига кўра, Қозоғистондан Ўзбекистонга кўмир импорти 1,4 млн тоннага ошиб, 3,1 млн тоннага (+82,3 фоиз) етган. Қирғизистон кўмири эса 10 ойда икки баробар кўпайган — деярли 900 минг тоннагача. Январь-ноябрь ойларидаги етказиб бериш ҳажми қиймат жиҳатдан 189,2 млн долларга баҳоланмоқда.
Ўзбекистон ва Қирғизистон ҳуқуқ-тартибот идоралари Қирғизистон парламенти депутати Эмиль Жамғирчиевга нисбатан қўзғатилган жиноий иш доирасида тадбиркор Салим Абдувалиевни биргаликда сўроқ қилган. Депутат Қирғизистонда «тартибни тиклаш» учун «Салимбой»дан ёрдам сўраган, деди республика МХДҚ раҳбари.
Қирғизистон президенти Садир Жапаров мамлакат байроғини ўзгартириш тўғрисидаги қонунни маъқуллади. Энди байроқдаги қуёшнинг тўлқинли нурлари тўғри ҳолатда бўлади. Байроқнинг эски версиясидаги қуёш, Жапаровнинг сўзларига кўра, «кунгабоқарга ўхшаб кетарди».
Қирғизистон парламенти давлат байроғини ўзгартириш ҳақидаги қонунни муҳокамаларсиз қабул қилди. Расмийлар байроқдаги қуёш нурлари шаклини баъзилар кунгабоқарга ўхшатгани сабабли ўзгартирмоқчи. Президент бу унинг ташаббуси эканини тан олиб, ўзгаришлар учун «кўп маблағ керак эмаслигини» айтди.
Қирғизистоннинг Ўш шаҳрида Ўзбекистон Бош консуллигининг расмий очилиши бўлиб ўтди.
Қирғизистон Конституциявий суди вояга етган фуқароларнинг ота исми ўрнига онасининг исмини танлаш ҳуқуқини берувчи қарорини бекор қилди. Аҳолининг катта қисми она исмини олиш институтини қирғиз халқининг ахлоқий асослари ва анъаналарига таҳдид солувчи салбий ҳодиса сифатида қабул қилган.
2021 йилда Ўзбекистон Қирғизистонга МИ-8МТВ ҳарбий вертолётини совға қилган. Қирғизистон яна бир шундай самолётни таъмирлаш учун Ўзбекистонга юборган. Мудофаа вазирлиги таъмирлаш ишларини тўлиқ ўз зиммасига олган ва ҳозирда таъмирдан чиққан вертолётни Қирғизистонга қайтарди.
Қирғизистон хорижликларнинг визасиз қолиш шартларини кучайтириб, «визаран» тизимини бекор қилди. Ушбу қарордан мақсад мамлакатда «миграция оқимларини самарали бошқариш»ни йўлга қўйиш ва хавфсизлик даражасини яхшилашдан иборат экани маълум қилинди.
Қирғизистон Россия билан бирлашган ҲҲМ тизимини яратиш бўйича келишув имзолади. Ҳужжат «ҳар икки давлат ҳаво ҳудудининг ишончли ҳимоясини таъминлайди» ва «Қирғизистоннинг РФ билан стратегик муносабатларни мустаҳкамлашга содиқлигини тасдиқлайди», — дея таъкидлади Садир Жапаров матбуот хизмати.
Қирғизистонлик машҳур «қонундаги ўғри» Камчи Колбаев Бишкек марказида ўтказилган махсус операция чоғида ўлдирилди. АҚШ Колбаевни «Қирғизистондаги энг нуфузли жиноий гуруҳ раҳбари» деб атаган ва уни дунёдаги энг йирик гиёҳванд моддалар савдоси билан шуғулланувчилар рўйхатига киритган.
«Ўзбек томони шусиз ҳам Ўзбекистонга оқиб турган сувни қандай олишининг Қирғизистонга фарқи йўқ», дея маълум қилди мамлакат президенти Садир Жапаров. У Фарғонага Кампиробод сув омборидан сув қувури ётқизиш режалаштирилаётгани ҳақидаги хабарларга шундай изоҳ берди.
Қирғизистон ҳукумати «озиқ-овқат хавфсизлигини таъминлаш» мақсадида олти ойга ун ва буғдой экспортини тақиқлади. Сўнгги ҳафталарда мамлакатда маҳаллий бозорнинг 50 фоизини эгаллаган Қозоғистон уни нархи кескин ошди.
Қирғизистон кинотеатрларида намойиш этилаётган барча хорижий фильмлар 2024 йилдан қирғизча субтитрлар билан намойиш этилади. Бу чет эл фильмларини қирғиз тилига дубляж қилиш масаласидаги «биринчи қадам» бўлиши таъкидланди.
Қирғизистон Вазирлар Маҳкамаси раҳбари Акилбек Жапаров иситиш мавсумида йирик авариялар рўй берган тақдирда, амалдорларни ишдан бўшатиш билан таҳдид қилди. «Қиш кутилмаганда келди, деганингизни эшитмай. Қиш мавсумига тайёргарлик 100 фоиз бўлиши керак», — деди у.
Қирғизистонда миллий паспортларни мустақил тарзда чоп этиш бошланди. Илгари мамлакат ҳар йили чет элдан 1,5 миллионгача ID карта ва фуқаролик паспорти буюртма қилган.
Қўшимча имкониятларга эга булиш учун сайтда рўйхатдан ўтинг