«чилонзор» тегли мақолалар
Тошкентдаги боғчада қизларга тегажоғлик қилган директорнинг ўғли 6 йилга қамалди
Тошкент шаҳри Чилонзор туманидаги 230-сонли боғча директорининг ўғли 4 нафар қизчага тегажоғлик қилгани айтилаётганди. Суд унга нисбатан 6 йил озодликдан маҳрум қилиш жазосини тайинлади. Жазо тарбия колонияларида ўталади.
Ҳукумат Тошкентдаги божхона бошқармаси ёнида йўл ўтказгич қуриш ғоясидан воз кечмади
Сингапур институти ва Тошкент божхона бошқармаси олдида «доимий юзага келадиган тирбандликларни ҳисобга олиб», «замонавий» йўл ўтказгич қуриш таклиф этиляпти. «Газета.uz» аввалроқ қуриб бўлинган йўл ўтказгичлар мисолида улар қанча жой эгаллаши ва шаҳар муҳитини ёмонлаштиришини кўрсатиб берганди.
Чилонзордаги бир қанча уй ва дўконлар «реновация»га тушиши мумкин
Ҳукумат қарори билан Тошкентнинг Чилонзор туманида РШТЁИМ қаршисидаги уй ва дўконларда «реновация» ўтказиш режалаштирилмоқда. Бунда бир қаватли уйлар ўрнига кўп қаватлилари қурилади. Қатортол кўчасини туризм кўчасига айлантириш, ертўлаларни таъмирлашга кредит ажратиш ҳам таклиф этилмоқда.
Чилонзор ва Учтепа туманларининг бир қанча даҳа ва кўчаларида 24 соатга иссиқ сув ўчади
«Чилонзор» қозонхонаси фаолиятини тўхтатиши сабаб Чилонзор ва Учтепа туманларининг бир қанча ҳудудларида 12 октябрда иссиқ сув таъминоти ўчирилади.
Учтепа ва Чилонзорнинг баъзи ҳудудларида газ ўчирилади
26 сентябрь куни соат 10:00 дан 18:00 га қадар Чилонзор ва Учтепа туманларининг айрим маҳалла ва кўчаларида газ таъминоти тўхтатилади.
Чилонзор туманида 30 га яқин қуриган кўп йиллик дарахт кесиб ташланди
Тошкентнинг Чилонзор туманида қуриган 29 туп дарахт кесиб ташланди. 2021 йил баҳорида «ободонлаштириш» доирасида ушбу ҳудуддаги 55 туп дарахт тагига полиэтилен плёнка тўшалиб, керамзит сепилганди. Оқибатда 33 та дарахтда қуриш белгилари аниқланган.
Чилонзордаги портлашда жароҳатланганлар сони 16 нафарга етди, 1 киши ҳалок бўлган
Чилонзордаги мис қувурлари ишлаб чиқариш цехида технологик жараённинг бузилиши оқибатида портлаш ва ёнғин рўй бериб, 1 киши ҳалок бўлгани аниқланди. 16 киши шифохонага олиб кетилган. Дастлаб 6 киши жароҳатлангани хабар қилинганди.
Тошкентда терговдан қочиш учун 4-қаватдан сакрагани айтилган 21 ёшли йигит вафот этди
Чилонзор тумани ИИБ биносида 21 ёшли йигит терговдан қочиш мақсадида 4-қаватдаги ҳожатхонадан сакрагани айтилмоқда. У шифохонада вафот этган. Йигит машинасидан гиёҳванд модда топилгани учун қўлга олинганди. Марҳумнинг яқинлари унинг ўлими сабабига шубҳа билдирмоқда.
Тошкентда ўғли 4 нафар қизчага тегажоғлик қилгани айтилган боғча директори ишдан олинди
Мактабгача ва мактаб таълими вазирлиги 230-сонли боғча директори «хизмат вазифасига масъулиятсизлик билан ёндашиб, болалар ҳаётини хавф остига қўйгани учун» ишдан бўшатилганини маълум қилди. Унинг 15 ёшли ўғли 4 нафар қизчага тегажоғлик қилганликда гумонланиб, ҳолат юзасидан жиноят иши қўзғатилган.
Тошкентда боғча директорининг ўғли 4 нафар қизчага тегажоғлик қилгани бўйича жиноят иши очилди
«Газета.uz» суриштирувидан сўнг Тошкентдаги боғча директорининг 15 ёшли ўғли 4 нафар қизчага тегажоғлик қилгани бўйича жиноят иши очилди. ИИВ тергов давом этаётганини, Бош прокуратура ва Мактабгача таълим агентлиги ҳолат қатъий назоратга олинганини билдирди.
«Базальт» операцияси бошланди. Тошкентдаги «дом»ларни совуқ ўтмайдиган уйларга айлантиришга киришилди
Тошкентнинг Чилонзор туманидаги учта «хрушчёвка» кўп қаватли уйларни иситиш лойиҳаси доирасида базальт плиталари билан қопланмоқда. Мақсад — пойтахт аҳолиси чироқсиз ва иссиқликсиз қолиб кетган қишки инқироз такрорланишига йўл қўймаслик. «Газета.uz» ишларнинг бориши ва одамлар фикри билан танишди.
Чилонзорда машиналар ойнасини синдириб, ўғрилик қилган шахс қўлга олинди
Чилонзор туманида 3 та автомобиль ойнасини синдириб кетилгани аниқланди. Тошкент шаҳар ИИББ ушбу ҳолат юзасидан гумондор сифатида 2005 йилда туғилган шахс қўлга олинганини маълум қилди.
Чилонзордаги қурилишни тўхтатиб қолган профилактика инспектори тақдирланди
Чилонзор тумани «Кўтарма» маҳалласидаги дарахтзор ўрнида турар-жой қурилишига қаршии чиққан профилактика катта инспектори капитан Азимжон Қудабаев туман ҳокимлиги томонидан тақдирланди.
Чилонзорда аҳоли дарахтзор ўрнида қурилиш қилмоқчи бўлган тадбиркор устидан ғалаба қозонди
Тадбиркор бузилган мулки ўрнига компенсация сифатида Чилонзордаги кўп қаватли уйлар орасидан ер олган. У бу ерда кўп қаватли турар жой қурмоқчи эди, бироқ аҳоли бунга қарши чиқди. Пойтахт ҳокими тадбиркорга унинг бир фуқаро норози бўлса ҳам, бу жойни ташлаб чиқиб кетиш ҳақидаги ваъдасини эслатди.
Тошкентда 58 туп дарахтни кесиб ташлаган Dream House Stroy мансабдорларига нисбатан жиноят иши қўзғатилди
Чилонзор туманида 58 туп дарахтни кесиб ташлаб, табиатга қарийб 800 млн сўмлик зарар етказгани учун Dream House Stroy компанияси мансабдорларига нисбатан жиноят иши очилди. Аввалроқ, мазкур ҳодиса Чилонзор прокуратураси рўпарасида, тунги вақтда содир этилгани ҳақида ёзгандик.
Чилонзор прокуратураси рўпарасида 60 га яқин дарахт кесиб ташланди
Яқинда 100 дан ортиқ дарахт шикастланган Чилонзор кўчасида бир кечанинг ўзидаёқ 58 туп дарахт кесиб ташланди. Ҳар икки воқеа туман прокуратураси яқинида содир этилди. Биринчи ҳолатдан сўнг туман ҳокими ва прокурор ишдан олинди. Туман ҳокимлиги эрталаб кесилган дарахтлар ўрнига 69 туп кўчат экди.
Чилонзор туман ҳокими вазифасини вақтинча бажариш Жамолиддин Ходжимановга юклатилди
Чилонзор туман ҳокими вазифасини вақтинча бажариш Жамолиддин Ходжимановга юклатилди. Туман собиқ ҳокими Шавкат Мавлонов Тошкентда 101 туп дарахтга шикаст етказилгани ортидан лавозимидан озод этилган эди.
Чилонзорда йўлни кенгайтириш жараёнида 101 туп дарахт шикастланган — Давлат экология қўмитаси
Экология давлат қўмитаси мутахассислари Чилонзор кўчасини реконструкция қилиш жараёнида 101 туп дарахтга шикаст етказилгани, шундан 9 туп эман дарахти жиддий зарар кўрганини аниқлади. Шунингдек, йўлни реконструкция қилиш бўйича давлат экоэкспертизаси хулосаси ҳам олинмаган.
Чилонзорда эркак хотини, фарзанди, қайнона ва қайнопасини пичоқлади
Пойтахтнинг Чилонзор туманида эр ўзининг турмуш ўртоғи, 7 ёшли фарзанди, қайнонаси ва қайнопасини пичоқлаганликда гумонланмоқда. Ҳозирда беморларнинг ҳолати барқарор.
Тошкентдаги ёқилғи қуйиш шохобчасининг 3 нафар ходими бензин паридан заҳарланди
Пойтахтнинг Чилонзор туманидаги ёқилғи қуйиш шохобчасида уч нафар ходим бензин паридан заҳарланиб, ҳушини йўқотди. Улар Республика шошилинч тиббий ёрдам марказининг токсикология бўлимига ётқизилган.
Энг кўп ўқилган хабарлар | Сўнгги янгиликлар
- Тошкентда юқори тезликдаги Kia уриб юборган пиёда вафот этди
- Олмалиқда яшаш хонадонига кириб қолган эчкиэмар табиатга қўйиб юборилди (+видео)
- «Тайёр эмасмиз, бунга вақт керак». Олий таълим вазири — ректорларни сайлаш ҳақида
- Фото: Тошкентда илк бор мудофаа соҳасидаги инновацион технологиялар фестивали бўлиб ўтди
- Тошкентда 4 та автобуснинг ҳаракат йўналиши ўзгарди
Қўшимча имкониятларга эга булиш учун сайтда рўйхатдан ўтинг