«мораторий» тегли мақолалар
Сирдарё ўзанида норуда материалларни қазиб олишга 1 майдан муддатсиз мораторий жорий қилинади
1 майдан Сирдарё дарёси ўзанидаги норуда материалларни қазиб олишга муддатсиз мораторий жорий қилинади. Бундан ташқари, ноқонуний қазиб олиш ишлари натижасида табиатга етказилган зарар учун жавобгарлик кучайтирилади.
Тадбиркорларга нисбатан 3 йил давомида янги жазо турлари жорий этилмайди
Ўзбекистонда 1 июлдан бошлаб тадбиркорларга нисбатан янги жазо турларини жорий этишга 3 йиллик мораторий ўрнатилади. Савдо қоидаларини бузишни декриминаллаштириш режалаштирилмоқда.
Тошкентда янги қурилишларга мораторий эълон қилинади — президент
Шавкат Мирзиёев пойтахт бош режа тасдиқланмагунча янги қурилишларга мораторий эълон қилинишини айтди. Бундан ташқари, 2023 йилда Тошкент шаҳрининг яшиллик даражасини 28 фоизга етказиш вазифаси қўйилди.
Сурхондарёда 51 туп дарахт ноқонуний равишда кесиб кетилди
Бойсун давлат ўрмон хўжалигида 51 туп дарахт ноқонуний кесиб кетилди. Бунинг оқибатида ўсимлик дунёсига 560 млн сўм зарар этказилгани аниқланди. Ҳолат юзасидан тўпланган ҳужжатлар прокуратурага юборилди.
«Бундай гўзалликни ўлдириш мумкин эмас». Йўлдош мавзеси аҳолиси — ёғоч уйларнинг бузилиши ва дарахтларни сақлаб қолиш ҳақида
Янгиҳаёт тумани Йўлдош мавзесида авария ҳолатидаги ёғоч уйларда 15 мингдан зиёд аҳоли яшайди. 5000 та улкан чинор ва эман дарахтлари туфайли уларни кўчириш кечикмоқда. Ҳокимлик муаммони қандай ҳал қилишни режалаштираётгани ва аҳолининг бу ердаги ҳаёт ҳақидаги фикрлари — «Газета.uz» репортажида.
Тошкентда 5 минг дарахт кесилиш хавфи остида — депутат
Депутат Расул Кушербаев тадбиркорларга ажратилган ҳудудлардаги деворлар билан ўралган 5 мингта дарахт кесилиш хавфи остида эканини маълум қилди. У мораторийга риоя этилмаётгани боис ҳокимларнинг бундай ер участкаларини ажратиш тўғрисида қарорларини бекор қилишга чақирди.
Мораторий даврида Фарғонада 87 тупдан ортиқ дарахт кесиб ташланди
Фарғона вилояти Ўзбекистон туманида Электр тармоқлари корхонаси ходимлари 48 туп арча, 9 туп шумтол ва 30 тупдан ортиқ мевали дарахт ноқонуний кесиб ташлагани аниқланди. Экоқўмита бу орқали ўсимлик дунёсига 856,5 млн сўм зарар етказилганини маълум қилди. Ҳужжатлар тўпланиб, прокуратурага юборилди.
Чилонзорда кўчани кенгайтириш баҳонасида 100 га яқин дарахтга шикаст етказилди
Тошкентда кўчани кенгайтириш ва «ободонлаштириш» бўйича қабул қилинган навбатдаги қарор натижасида 100 га яқин кўп йиллик дарахтга зарар етказилди. Жамоатчилик норозилигидан сўнг лойиҳа қайта кўриб чиқилди, аммо баъзи дарахтлар қуриб қолиши мумкин.
Мораторийга қарамасдан Фарғонада 3 туп чинор кесиб кетилди
Мораторий эълон қилинганига қарамай Қўқон шаҳрида фуқаро рухсатсиз 3 туп чинор дарахтини кесиб ташлагани аниқланди. Давлат экология қўмитаси бунинг оқибатида табиатга 103 млн сўмдан кўпроқ зарар етказилганини маълум қилди.
Тошкент вилоятида 64 туп қарағай дарахти кесиб кетилди
Тошкент вилоятининг Бекобод туманида 64 туп қарағай дарахти ноқонуний равишда таг қисмидан кесиб, олиб кетилгани аниқланди. Давлат экология қўмитаси буни қилган фуқаро 1 млн 350 минг сўм жаримага тортилгани ва ўсимлик дунёсига 1 млрд 575 млн сўм зарар етказганини маълум қилди.
Юнусободда дарахтлар таги бетонлаб кетилган ҳолат юзасидан жиноят иши очилди
3 февраль куни пойтахтнинг Юнусобод туманида тадбиркор қурилиш учун сотиб олган ер участкасида ўсаётган дарахтларни таг қисмидан бетонлаб ташлаганди. Юнусобод туман прокуратураси ушбу ҳолат юзасидан жиноят иши қўзғатди. Гумонланувчилар максимум 3 йилгача озодликдан маҳрум қилиниши мумкин.
Икки марта суиқасд уюштирилган дарахтлар бу сафар бетонлаб кетилди
Пойтахтнинг Юнусобод туманида тадбиркор қурилиш учун сотиб олган ер участкасида ўсаётган дарахтларни таг қисмидан бетонлаб ташлади. Бунга қадар 10 та дарахт ярмигача, кейинчалик уларнинг 4 таси тўлиқлигича кесиб кетилганди. Дарахтларни ҳимоя қилишга уринган аҳоли ва тадбиркор ўртасида можаро келиб чиқди.
Асакада 10 туп кўп йиллик дарахт кесиб ташланди
Андижон вилоятининг Асака туманида хусусий корхона томонидан 10 туп кўп йиллик дарахт кесиб ташланди.
Юнусубоддаги дарахтларга иккинчи марта суиқасд уюштирилди
Тошкентда ниқобдаги номаълум шахслар декабрь ойидан буён иккинчи марта арча дарахтларини кесиб ташлашга уринишди. Участкани аукционда сотиб олган тадбиркор дарахтларнинг кўчирилишига рад жавобини берган экологлар устидан шикоят қилди.
Ноқонуний дарахт кесиш ҳолатларини суратга олиб юборганларга пул тўланади
1 апрелдан бошлаб дарахтларни ноқонуний тарзда кесиш ҳолатлари тасвирланган фото ва видеоларни биринчи бўлиб юборган шахсларга БҲМнинг бир баравари (270 минг сўм) миқдорида пул мукофоти тўлаб берилади. Ҳуқуқбузарлик ҳақида хабар берганларнинг маълумотлари ошкор қилинмайди.
Дарахтларни кесишга мораторий муддатсиз даврга узайтирилди
Президент фармони билан давлат ўрмон фондига кирмайдиган дарахтлар ва буталар қимматбаҳо навларининг кесилишига мораторий муддатсиз даврга узайтирилди. Жарималар беш бараварга, табиатга етказилган зарар миқдори эса икки бараварга оширилди. Қолаверса, дарахтларни ҳар қандай ҳолатда кесиш ёки йўқ қилиш тўғрисида ҳукумат фармойишлари ва ҳокимлар қарорларини қабул қилиш тақиқланди.
Прокуратура кесилган дарахтзор учун тўланган 1,89 млрд сўмни Экоқўмга ўтказмади — депутат
2020 йил февраль ойида Тошкент шаҳар прокуратураси томонидан пойтахтнинг Яккасарой туманидаги 81 туп дарахт кесилгани учун қурувчидан қарийб 2 миллиард сўм ундирилган эди. Департамент бу пулларни Экология давлат қўмитасига ўтказиши керак эди, бироқ ҳалигача ўз ҳисобида сақлаб келмоқда. Бу ҳақда депутат Расул Кушербаев маълум қилди. Бироз вақт ўтгач, у ўз постини ўчириб ташлади.
Сирдарёда туман ҳокими 860 дан ортиқ дарахтни кесишга рухсат берди
Сирдарё вилоятининг Боёвут тумани ҳокими Дилфуза Ўролова бир куннинг ўзида (4 октябрь) 866 туп дарахтни кесишга оид 12 та қарорни имзолади. Дарахтлар зараркунандалар ва иқлим таъсири оқибатида қуриб қолгани сабаб қилиб кўрсатилган. Ҳолат юзасидан туман ҳокимлиги ва Давлат экология қўмитаси муносабат билдирди.
Шўрчи тумани ҳокими сохта ҳужжат асосида қурилиш учун ер ажратган, натижада 160 тупдан ортиқ тут дарахти кесиб ташланди
Сурхондарё вилоятининг Шўрчи туманида 160 тупдан ошиқ тут дарахти кесиб ташланган ва тутзор боғ ўрнида қурилиш бошланган. Ўрганишларга кўра, туман ҳокимлиги сохта ҳужжатга асосланиб, ушбу ҳудудни автобус бекати ва шаҳобча қуриш учун ажратиш бўйича қарор чиқарган. Ҳозирда қурилиш тўлиқ тўхтатилган.
Дарахтларни кесишга муддатсиз мораторий жорий қилинади — президент
Шавкат Мирзиёев ўз сайловолди дастурида дарахтларни кесишга муддатсиз мораторий жорий қилиниши ҳақида маълум қилди. ЎзЛиДеП номзоди парклар ва яшил зоналар ҳудудини бошқа мақсадлар учун ишлатиш қатъиян тақиқланашини қайд этди. Ҳар йили камида 200 млн туп дарахт кўчатлари экилиши таъкидланди.
Энг кўп ўқилган хабарлар | Сўнгги янгиликлар
- Тўлдирилди: Давлат идоралари ўз автопаркини электромобиллар билан янгиламоқда
- Сурхондарёда Damas`нинг «тормози» ишламай қолиши оқибатида 6 киши ҳалок бўлди
- 9 та вилоятда сел-сув тошқини хавфи эълон қилинди
- Paynet`нинг таъсисчиси ўзгарди. Тўлов хизматининг янги эгаси ким?
- Абдулла Қодирий боғи 49 йилга инвесторга берилмоқда. Реконструкция қандай бўлади?
Қўшимча имкониятларга эга булиш учун сайтда рўйхатдан ўтинг