Жамият
Фото: Тошкентга куз келди
Пойтахтда ҳаво ҳарорати кескин пасайиб, +10 даражагача тушди. 13 октябрга ўтар кечаси ёмғир ёғиб, кундузи томчилаб турди. Салқин тушиши билан ҳақиқий куз кириб келганини ҳис қилиш мумкин. Тошкентнинг кузги кўчалари — «Газета.uz» фотомухбири Евгений Сорочин объективида.
13 октябрь куни Ўзбекистонда содир бўлган энг муҳим воқеалар дайжести
Бишкекдаги МДҲ саммитида қатнашган Шавкат Мирзиёев, тоғларда ёғган қор, метрода ўзини рельсга ташлаган талаба қиз, яна автобус билан тўқнашув, Ўзбекистон конларида қудуқларни бурғилашда кўмаклашувчи Россия компанияси, болаларни ҳимояловчи қонун лойиҳаси ва бошқалар — «Газета.uz»нинг кун дайжестида.
Тошкентда дам олиш кунлари қаерларга бориш мумкин?
Саккизта кинопремьера, Welcome to Dreamsland кўргазмаси, Миршакар Файзуллоев шоуси, «Браво» концерти, театрлардаги спектакллар, ижодий маҳорат дарслари, дўконлардаги чегирмалар ва дам олиш кунларидаги бошқа қизиқарли тадбирлар — Afisha.uz жамланмасида.
Тошкент метросида талаба қиз ўзини рельс устига ташлади
«Алишер Навоий» метро бекатида пойтахтдаги ОТМлардан бирида ўқийдиган 18 ёшли талаба қиз поезд яқинлашиб келаётган вақтда ўзини рельс устига ташлади. Машинист поездни тўхтата олди, ИИО ходимлари қизни платформа устига олиб чиқишди. Қиз жароҳат олмади.
Тошкентда Lenovo Day йирик саноат тадбири бўлиб ўтди
Lenovo Day Tashkent саноат форумида IDC, Intel ҳамда Veeam компаниялари вакиллари иштирок этиб, Марказий Осиёдаги IT-бозорининг тенденциялари ва мавжуд муаммоларинини муҳокама қилдилар.
Болаларни зўравонликдан ҳимоя қилувчи қонун лойиҳаси жамоатчилик муҳокамасига қўйилди
Зўравон ота-онадан фарзандини олиб қўйиш, болага ҳимоя ордери бериш ва индивидуал ҳимоя режасини ишлаб чиқиш, таълим муассасаларида болалар ўртасида зўрлик қилиш ва камситишга йўл қўймаслик — Ўзбекистонда болаларни зўравонликдан ҳимоялаш учун қандай чоралар кўриш таклиф этиляпти? «Газета.uz» шарҳи.
Тошкентда аёл фарзандини калтаклади
Миробод туманида аёл фарзандига қўпол муносабатда бўлиб, уни калтаклади. Аёл ўша вақтда яқинларидан нохуш хабар эшитиб, асабий ҳолатда бўлганини айтди. Туман ИИБ ходимлари томонидан суриштирув ишлари бошланди.
Тошкентда яна автобус иштирокида ЙТҲ содир бўлди
Юнусобод туманида 82-сонли йўловчи автобуси Nexia-3 билан тўқнашиб, хавфсизлик оролчасига чиқиб кетди. «Тошшаҳартрансхизмат» ЙТҲ асосий йўлдан автобус йўлига ўтиб кетган енгил автомобилнинг хатоси туфайли содир бўлганини маълум қилди. Жароҳатланганлар йўқ.
Шавкат Мирзиёев Қирғизистонда Александр Лукашенко билан учрашди
Жума куни Ўзбекистон президенти МДҲ саммитида иштирок этиш учун Қирғизистоннинг Бишкек шаҳрига етиб борди. Саммит доирасида Шавкат Мирзиёев Беларусь раҳбари Александр Лукашенко билан музокара ўтказди. Улар савдо-иқтисодий ва гуманитар ҳамкорликни янада кенгайтиришни муҳокама қилди.
Дам олиш кунлари ёғингарчиликсиз ўтади
Ўзбекистонда дам олиш кунлари ёғингарчиликсиз об-ҳаво сақланиб туради. Эрталаб ҳарорат +3 даражагача пасаяди, якшанба куни кундузи +20 даражагача исийди. Кечаси ва эрталаб баъзи жойларга туман тушиши мумкин.
Ўзбекистонда 1,5 мингдан ортиқ бола зўравонликка учраш хавфи остида қолмоқда
Ўзбекистонда Меҳрибонлик ва «Мурувват» уйлари, тутинган оилаларда тарбияланаётган 1,5 мингдан ортиқ болага нисбатан зўравонлик содир этиш хавфи юқори ҳисобланади. Бундан ташқари, сўнгги 3 йилда 2072 нафар шахс ота-оналик ҳуқуқидан маҳрум қилинди, уларнинг 86 фоизи ота-оналик мажбуриятини бажармаган.
Ўзбекистоннинг тоғли ҳудудларида қор ёғди. Видео
13 октябрнинг эрта тонгидан Қашқадарё ва Тошкент вилоятларининг тоғли ҳудудларида қор ёға бошлади. Қамчиқ довонида қорнинг ерга юқиши тезлашган. ЙҲХХ ҳайдовчилардан оралиқ масофани сақлаб, тезликни меъёридан оширмасликни сўради.
«Бу биринчиси эмас». «Док-1 Макс» иши бўйича судланувчи адвокатларига босим ўтказилаётгани айтилмоқда
«Док-1 Макс» иши бўйича судланувчи, Фармацевтика агентлигининг собиқ раҳбари С.К.нинг адвокатлари уларга терговчи томонидан босим бўлаётганини айтиб, суддан уларни ҳимояга олишни сўради. С.К.га унинг ҳимоя позициясига таъсир қиладиган ҳолатлар бўлса, мурожаат қилиши мумкинлиги билдирилди.
Темир йўл вокзалларига кутиб олувчи ва кузатувчиларнинг паспортсиз киришларига рухсат берилади
Ўзбекистонда эндиликда кутиб олиш ва кузатиб қўйишда фуқароларга вокзалларга паспортсиз киришга рухсат этилади. Перрон ва поездлар бундан мустасно.
12 октябрь куни Ўзбекистонда содир бўлган энг муҳим воқеалар дайжести
Кузги дарахт экиш мавсумини эълон қилган президент, Ўзбекистонни Россиянинг Украинага бостириб киришини қоралашга чақирган Европарламент, собиқ эри томонидан 5 соат калтакланган аёл, 16 октябрдан тикланадиган шимолий вокзал фаолияти ва бошқалар — «Газета.uz»н инг кун дайжестида.
ЕИ ва БМТТД Ўзбекистонда афғонларни ўқитиш ва касбга тайёрлаш лойиҳасининг иккинчи босқичини бошлади
ЕИ ва БМТ Тараққиёт дастури амалга оширган Ўзбекистонда вақтинча яшаётган Афғонистон фуқароларини ўқитиш ва касбга тайёрлаш бўйича лойиҳанинг биринчи босқичида 330 дан ортиқ киши иштирок этди. Термизда лойиҳанинг 400 нафар Афғонистон фуқаросини қамраб олган иккинчи босқичи бошланди.
Яна чигит иши: Тадбиркор Қашқадарёдан 60 тонна чигитини олиб чиқишда тақиққа учраганини айтмоқда
Жиззахлик тадбиркор Қашқадарёдан 60 тонна чигитини олиб чиқишда тақиққа учради. Унинг «Газета.uz»га маълум қилишича, вилоят ҳокимининг оғзаки буйруғи билан юк машинаси 5 кундан бери «Умакай» ЙПХ масканида ушлаб турилибди. Бундай ҳолат Қашқадарёда биринчи марта юз бераётгани йўқ.
Сурхондарёдаги айрим боғчаларда UNICEF дастури асосида кўп тилли гуруҳлар очилди
UNICEF Сурхондарёда болаларнинг кенгайтирилган ва инклюзив таълим олиши учун Термиз шаҳри, Термиз ва Музработ туманларидаги айрим боғчаларда кўп тилли гуруҳлар очди. Унга Европа Иттифоқи 1,6 млн евро молиявий ёрдам кўрсатди.
Санъат музейида Tashkent Modernism.Index кўргазмаси бўлиб ўтади
17 октябрь куни Ўзбекистон давлат санъат музейида илк бор апрель ойида Миланда тақдим этилган Tashkent Modernism.Index кўргазмаси очилади. Хоҳловчилар икки ҳафта давомида кўргазмага боришлари мумкин ва кириш бепул.
«Нафақат зўравонлик қурбони, балки воқеага гувоҳ бўлган болалар билан ҳам ишлаш керак»
Ўзбекистонда болаларга нисбатан зўравонликнинг 78 фоизи бегоналар, 14 фоизи ота-оналари, қолгани қариндош ва танишлари томонидан содир этилмоқда. Прокурор Лайло Файзимуродованинг таъкидлашича, нафақат зўравонлик қурбони, балки воқеага гувоҳ бўлган ва руҳий жабрланган болалар билан ҳам ишлаш керак.
Энг кўп ўқилган хабарлар | Сўнгги янгиликлар
- Қисқа ёмғирдан сўнг Тошкент кўчаларини сув босди (видео)
- Тошкентда фуқарони 2 млн сўм эвазига ишга жойлаб қўймоқчи бўлган метрополитен ходимаси ушланди
- Қозоғистонда Россия қонунчилигини бузган Ўзбекистон фуқароларини ҳибсга олиш бошланди
- Кўчмас мулк харидида нималарга эътибор бериш керак? Мутахассислар тавсияси
Қўшимча имкониятларга эга булиш учун сайтда рўйхатдан ўтинг