72 ёшли коронавирус бемори ўпка-юрак етишмовчилиги, бош мия қон айланишининг ўткир бузилишидан вафот этди. Вафот этган коронавирус беморлари сони 16 кишига етди.
Қувасой шаҳар Ободонлаштириш бошқармаси мансабдор шахслари 202,4 млн сўм микдордаги бюджет маблағларини ўзлаштирганликда айбланмоқда. Бош прокуратура маълумотига кўра, туман кўчаларида 75,5 млн сўмлик металл устун ва тунги ёритиш чироқларини ўрнатган компания ҳисоб рақамига 278 млн сўм ўтказилган.
Фарғона вилояти Учкўприк туманида вояга етмаган «Lacetti» автомобиль ҳайдовчиси бошқарувни йўқотиши сабабли ағдарилиб, унинг оқибатида автомашинада бўлган вояга етмаган йўловчи жароҳатланади, кейинчалик у шифохонада вафот этган.
2 июнь куни «Ганга» автомобиль кўпригида аниқланмаган «Cobalt» автомобили кескин тўхтагани сабабли 7 та бир йўналишда ҳаракатланган автомобиллар масофа сақламаганликлари туфайли тўқнашган. ЙТҲ натижасида тан жароҳати олганлар йўқлиги айтилмоқда.
Ўзбекистон ҳукумати «яшил», «сариқ» ва «қизил» рейсларни жорий этган ҳолда босқичма-босқич халқаро авиақатновларни қайта тиклашни режалаштирмоқда. Бош вазир ўринбосари ва Туризм қўмитаси раҳбари Азиз Абдуҳакимов мазкур тизим ва «Ўзбекистон. Кафолатланган хавфсиз саёҳат» лойиҳаси ҳақида сўзлаб берди.
Финляндия Оролбўйи минтақасида инсон хавфсизлиги бўйича кўпшериклик траст жамғармасига 1 млн евро ажратди ва жамғарма донорига айланди.
Қашқадарёда ўзини ДХХ ходими деб таништириб, фуқаролардан пул талаб қилаётган шахс қўлга олинди. Унинг ёнидан сохта гувоҳнома ҳамда бошқа фуқароларнинг паспорт нусхалари ва фотосуратлари, уйидан эса ҳарбий либос топилди.
Қарши туманида фойдаланилмаётган 93 га ер майдони 132 нафар ёшга бўлиб берилди. Яна 500 га ер ўзлаштирилиб, 500 та ижтимоий ҳимояга муҳтож оила ва ёшларга тақдим этилади.
ФВВ «Сардоба» сув тошқини талофатларини бартараф этиш бўйича амалга оширилаётган ишлар бўйича ҳисобот берди. 5171 та уй лойқадан тозаланди, 6 та қабристондаги 311 та қабр қайтa тикланди.
Гурланда 400 млн сўм миқдоридаги имтиёзли кредит маблағларини талон-торож қилган «Агробанк» филиалининг собиқ раҳбарига нисбатан жиноят иши қўзғатилди.
Avto 60 oy компаниясининг мансабдор шахсларига нисбатан жиноий иш бўйича дастлабки тергов якунига етди. Улар сохта тадбиркорлик, пул маблағларини ноқонуний жалб этиш, фирибгарлик ва бошқа жиноятларда айбланмоқда.
Қашқадарё вилоятида ҳудудида карантин қоидаларига риоя қилинмаётган бозор вақтинча ёпилди. Вилоят ҳокими Зойир Мирзаев бозорни «вирус учун тайёр ўчоқ» деб атади.
Тошкент вилояти Санитария-эпидемиологик осойишталик маркази бош врачи Бахтиёр Болтабоев вазифасидан озод этилди. Аввалроқ ижтимоий тармоқларда унинг ходимларини сўкаётгани тасвирланган видео тарқалган эди.
Бош вазир Абдулла Ариповнинг Сўх тумани аҳолиси билан ўтказган учрашувида Фарғона вилояти ҳокими Шуҳрат Ғаниев танқид қилинди. Ижтимоий тармоқларда ҳоким «жанжалкаш» қишлоқларни Сўх тумани харитасидан ўчириб ташлашини айтган аудиоёзув тарқалди. Вилоят ҳокимлигининг матбуот хизмати раҳбари рейтинги баланд ҳокимларни ҳам ёқтирмайдиганлар борлигини таъкидлади.
«Газета.uz сайтида яқинда ўтказилган сўров натижаларига кўра, аксарият ўқувчилар, ишончни оқламаётган бўлсалар ҳам, Ўзбекистондаги меҳрибонлик уйлари сақлаб қолиниши керак, деб ҳисоблайди. Улар нима сабабларга кўра болалар учун зарарли ва болаларни қандай қилиб оилавий васийликка топшириш керак? Дилмурод Юсупов болалар уйларининг кераклиги ҳақидаги афсоналарнинг ҳақиқатга тўғри келмаслигини асослайди.
Тошкентда Япония рақамли университетини ташкил этиш тўғрисидаги ҳукумат қарори лойиҳаси муҳокамага қўйилди. Унга кўра, университетда таълим 2020/2021 ўқув йилидан бошланади, ўқиш жараёни эса япон ва инглиз тилларида олиб борилади.
Тошкентда Korean and migrations xususiy bandlik agentligi мансабдор шахслари устидан очиқ суд жараёни бошланди. Судланувчилар орасида икки аёл ва Жанубий Корея фуқароси ҳам бор.
Қорақалпоғистоннинг Беруний туманида ёқилғи қуйиш шохобчасида ёнғин содир бўлди. Ҳодисага ёқилғини қуйишда ёнғин хавфсизлик қоидаларига риоя этмаслик сабаб бўлгани айтилмоқда. Жабрланган ва ҳалок бўлган фуқаролар тўғрисида хабар келиб тушмаган.
Қизил китобга киритилган ва йўқолиб кетиш хавфи остида турган 2 мингдан зиёд йўрға тувалоқлар Қўнғирот туманида табиатга қўйиб юборилди.
2 июндан Бухоро вилоятидаги Шофиркон ҳамда Ғиждувон туманларида шахсий автотранспорт воситалари махсус рухсатномасиз ҳаракатланиши тўхтатилди. Бухоро шаҳри ҳудудига бошқа шаҳар ва туманлардан стикерсиз фақатгина куннинг муайян вақтида кириб-чиқишга рухсат берилди. Вилоятда йўналишсиз такси фаолиятида йўловчи ташиш учун рухсат берилади.
Қўшимча имкониятларга эга булиш учун сайтда рўйхатдан ўтинг