Тошкентнинг Олмазор туманида Isuzu автобуси омадсиз манёвр ва юк машинаси билан тўқнашув натижасида ағдарилиб кетди. Жабрланганлар йўқ.
Ўзбекистонда шу вақтда қадар 234 нафар ҳомиладор аёлда коронавирус аниқлангани, улардан 120 нафарининг соғайгани маълум қилинди. Ҳозирда 2,5 мингдан ортиқ ҳомиладор аёл карантин назоратига олинган.
Давлат хизматлари агентлигининг 57 нафар ходими коронавирус инфекциясига чалингани, улардан бирининг ушбу вирусдан вафот этгани маълум қилинди. Агентлик фуқароларни электрон хизматлардан фойдаланишга чақирди.
Ҳайит байрами учун қандай мазали пишириқлар тайёрлаш мумкин? Кўкатли қарсилдоқ қатлама, газда пиширилган беляшилар, юмшоқ шоколадли профитроллар ва бошқа пишириқлар — Zira.uz рецептларида.
Чиноз тумани ҳудудидан ўтувчи М-39 йўлида Lacetti ва Cobalt енгил автомобиллари тўқнашди. Натижада бир киши воқеа жойида вафот этди, бир киши тан жароҳати билан шифохонага ётқизилди.
Президент фармони лойиҳасига кўра, концерт фаолиятини лицензиялаш тугатилиб, ўрнига фаолият ҳақидаги хабарнома тақдим этиш йўлга қўйилади. Ўзбекистон Бадиий ижодкорлар уюшмаси аъзоси Ҳусниддин Ато концерт фаолиятини лицензиялаш амалиёти мумтоз мусиқа ривожланишига қандай тўсқинлик қилаётган ҳамда нима учун ушбу соҳада концерт дастурлари деярли ташкил этилмаслиги ҳақидаги фикрларини «Газета.uz» билан бўлишди.
Молия вазири ўринбосари Ёрқин Турсунов оламдан ўтди. У 55 ёшда эди.
Ҳудудлар бўйича ўртача ойлик иш ҳақи эълон қилинди. Унга кўра, энг кўп ойлик иш ҳақини Навоий ва Тошкент вилоятлари ишчилари олишади. Энг кам ойлик иш ҳақи соғлиқни сақлаш соҳасида бўлса, энг юқориси банк ва IT соҳаларида бўлди.
Сурхондарёда «солярка» тўла цистернада пайвандлаш ишларининг олиб борилиши портлашга сабаб бўлди. Бир киши вафот этди, бир киши жароҳатланди. Алангада яна бир юк машинаси ёниб кетди.
Бош прокурор ўринбосари Светлана Ортиқова Қорақалпоғистон прокурорига тунда прокуратурага чақирилган ҳамда телефонлари ва ноутбуклари тортиб олинган журналистлар билан бўлган воқеа юзасидан танбеҳ берди. Унинг сўзларига кўра, прокурорларнинг ҳаракатларини ўрганиш ишлари бошланган.
Ўзбекистонда хизмат кўрсатган артист, хонанда Руслан Шарипов 53 ёшда ҳаётдан кўз юмди.
Жўқорғи Кенгес раисининг ўлими ҳақидаги ёлғон хабарларни тарқатиш иши бўйича Нукус ИИБга учта блогер чақирилиб, уларнинг телефонлари ва компьютерлари тортиб олинди. Олдинроқ учта нашрнинг бош муҳаррирлари прокуратурага чақирилган эди. АОКА ҳуқуқни муҳофаза қилиш идоралари ходимлари қонунни бузишганини, аммо журналистлар маълумотни текширишлари кераклигини таъкидлади.
Қорақалпоғистондаги «Жаслиқ» посёлкаси ҳудудидан ўтувчи А-380 автомобиль йўлида DAF ва VOLVO русумли иккита юк автомашинаси иштирокида ЙТҲ содир этилди. Оқибатда бир киши вафот этди ва келиб чиққан ёнғин туфайли ҳар иккала юк автомашинаси бутунлай ёниб кетди.
Наманганда Cobalt ва тез ёрдам машиналари тўқнашуви натижасида бир нафар фуқаро вафот этди ва яна икки фуқаро турли даражалардаги тан жароҳатлари олишди.
Ўзбекистон Олий суди Straus House таъсисчиси ва раҳбариятини Жиноят кодексининг бир қатор моддалари билан айбдор деб топиб, уларга озодликдан маҳрум этиш жазосини тайинлади. Жабрланувчиларга етказилган моддий зарарларни ундириш ҳам белгиланди.
Профилактика инспекторларидан 5 тадан баённома тўлдириш «план"ини топширишни талаб қилган ИИО ходимига нисбатан «вазифаларни шахсий таркибга нотўғри йўл билан етказганлиги учун» хизмат текшируви белгиланди.
Иммунолог-инфекционист Азиза Хўжаеванинг сўзларига кўра, коронавирус аҳоли орасида тарқалиши сабабли қаттиқ карантин чекловларини ўрнатиш чоралари асосий ғоясини йўқотган. Вирусолог Дилдора Секлер эса ҳозир беморларни тиббий тартиблаш муҳим эканини таъкидламоқда.
Соха мутахассисларидан иборат 30 кишилик комиссия текширувидан сўнг «Сардоба» сув омбори тўғонининг ўпирилиш сабаблари аниқланди. Лойиҳалаш, қуриш ва эксплуатация қилиш жараёнларида қатнашган 9 нафар мансабдор шахс жиноий жавобгарликка тортилиб, қамоққа олинган. Ҳозирда қурилишга сарфланган маблағларнинг асослилиги ўрганилмоқда. Дастлабки тергов муддати 5 ойга узайтирилди.
Ваколатлари қисқараётган Мажбурий ижро бюроси, «Очиқ осмон» режими жорий этилаётган аэропортлар, низоларни судгача ҳал этиш бўйича апелляция кенгашлари, айрим транспорт воситалари учун утилизация йиғими, давлат тилида мажбурий маркировкалаш ва бошқалар — 1 августдан нималар ўзгаради?
27−29 июль кунлари Республиканинг катта қисмида иссиқ ва қуруқ об-ҳаво бўлиши кутилмоқда. Кундузги ҳаво ҳарорати 35−38 даражага етиши, айрим жойларда эса 40 даражага кўтарилиши мумкин.
Қўшимча имкониятларга эга булиш учун сайтда рўйхатдан ўтинг