Сурхондарё вилоятининг Ангор туманида ёқилғи тўла цистерна портлади, дея хабар қилди Фавқулодда вазиятлар вазирлиги матбуот хизмати.

Ҳодиса 28 июль куни тахминан 22:00 да маҳаллий корхоналардан бирига тегишли омбор ҳудудида содир бўлди.

1981 йилда туғилган пайвандчи К. И. дизель ёқилғиси билан тўла бўлган 10 тонналик цистернада пайвандлаш ишларини олиб боришга уринган.

Хавфсизлик техникаси қоидаларининг бузилиши эса цистернанинг портлашига олиб келган. Ҳодиса натижасида фуқаро К. А. воқеа жойида ҳалок бўлди. Унинг ёнида турган П. К. эса куйиш жароҳатлари билан туман шифохонасига ётқизилган.

Портлаш натижасида атрофга ёйилган олов цистерна яқинига қўйилган Isuzu юв машинасига ҳам зарар етказган.

Воқеадан бир неча дақиқа ўтиб ҳодиса жойига Сурхондарё вилоят ФВБнинг ўт ўчириш ва қутқарув экипажи етиб бориб, алангани ўчирган.