Жамият
Ўзгидромет тўққизта вилоятда сел келиш хавфини эълон қилди
2−4 июнь кунлари Ўзбекистоннинг 9 та вилоятининг тоғли ҳудудларида ёмғир ва дўл ёғиши оқибатида сел-сув тошқинлари юз бериши хавфи эълон қилинди. Ўзгидромет фуқаролардан эҳтиёт чораларини кўришни сўрамоқда. Қолаверса, ҳафтанинг иккинчи ярмида айрим ҳудудларда шамол тезлиги 18−23 м/с гача кучайиши, баъзи жойларда эса чанг тўзони кузатилиши мумкин.
ПМТИ тадқиқоти: Таълим даражаси иш ҳақига қандай таъсир қилади?
Прогнозлаштириш ва макроиқтисодий тадқиқотлар институти таълим даражасига қараб иш ҳақи ўсишини баҳолаш бўйича тадқиқот ўтказди. Ўрганиш натижаларига кўра, Ўзбекистонда иш ҳақидаги устама фан доктори (DSc) илмий унвони учун 61% дан, PhD ёки фан номзоди учун 41% дан юқори эканлиги, шу билан бирга бакалавр босқичининг имтиёзли дипломига эга ходимлар меҳнат бозорида оддий диплом соҳибларига қараганда 8,5% кўпроқ маош олиши маълум бўлди.
Тадбиркорлик кодекси лойиҳаси муҳокамага қўйилди
Адлия вазирлиги 9 та амалдаги қонун, 2 та янги қонун лойиҳаси ва 10 дан ортиқ қонуности ҳужжатларини яхлитлаштирувчи Тадбиркорлик кодекси лойиҳасини жамоатчилик муҳокамасига қўйди. Унга кўра, давлат корхоналарига рақобатни чекловчи тўғридан-тўғри солиқ, божхона ва бошқа турдаги имтиёз ва преференсиялар бериш тақиқланмоқда. Қолаверса, кодексдан субсидия бериш ва молиявий санкциялар қўллаш тартиблари, «хўжалик ширкати» шаклини бекор қилиш ҳам ўрин олган.
Давлат аҳолидан тасвирий ва амалий санъат асарларини сотиб олади
Ўзбекистонда 1 июлдан «Миллий меросга менинг ҳиссам!» умумхалқ акцияси ташкил этилади. Унинг доирасида аҳолидан мустақиллик йилларида яратилган, юксак бадиий қийматга эга тасвирий ва амалий санъат асарлари харид қилинади. Бунинг учун ҳар йили 3,5 млрд сўм, талабга кўра ундан ҳам кўпроқ маблағ ажратиб борилади. Қолаверса, «Мозийга саёҳат» дастури ҳам ўтказилади, дафтарларга киритилган фуқаролар учун музейларга кириш бепул бўлади.
Давлат музейларига тунги вақтларда хизмат кўрсатишга рухсат берилди
Президент қарори билан 1 июлдан бошлаб давлат музейларига ҳар куни соат 22:00 га қадар ҳамда тунги вақтларда хизмат кўрсатишга рухсат берилди. Пулли хизматлар кўрсатишда иштирок этган музей ходимларига қўшимча тўловлар тўланади ва улар моддий рағбатлантирилади. Қолаверса, туркиялик мутахассислар иштирокида учта музей реконструкция қилинади.
Учта ҳудудда валютани ноқонуний сотишга уринган шахслар ушланди
Тошкент, Андижон ва Қашқадарё вилоятларида ноқонуний валюта айирбошлаш билан шуғулланганликда гумонланган беш нафар шахс қўлга олинди. Улар жами 9100 долларни 100 млн сўмга сотишга уринишгани айтилмоқда. Гумондорларга нисбатан жиноят иши қўзғатилди.
30 май куни Ўзбекистонда содир бўлган энг муҳим хабарлар дайжести
Лола Муротованинг вафотига ҳамдардлик билдирган президент, халқаро мусобақа ғолиби Нодирбек Абдусатторов, Тошкентда мушукни деразадан улоқтирган бола, болалар кунига 200 минг сўмдан пул тарқатилаётгани ҳақида тарқалган ёлғон хабарлар, чек бўйича тадбиркорларни текшириш қоидаларини юмшатган Солиқ қўмитаси ва бошқалар — «Газета.uz» нинг 30 майдаги энг муҳим хабарлари дайжестида.
Сейсмик заиф кўп қаватли уйлар ўрнига янгилари қурилади
Президент фармони билан 1 октябрдан республикадаги кўп квартирали уй-жойлар зилзилабардошлик бўйича хатловдан ўтказилиб, улар натижаларига кўра сейсмик заиф ва авария аломатлари аниқланган уйлар ўрнига янгилари қурилади. Шунингдек, 2023 йилдан бошлаб 9 ва ундан юқори қаватли янги қурилаётган биноларда вибродинамик ускуна ёки махсус асбоб-ускуналар ёрдамида синов ва текширув ўтказиб борилади.
Таниқли спорт журналисти Ахбор Имомхўжаев 86 ёшда оламдан ўтди
Таниқли спорт журналисти, Ўзбекистонда хизмат кўрсатган ёшлар мураббийи Ахбор Имомхўжаев 86 ёшда ҳаётдан кўз юмди.
Прокрастинация нима, нега биз бунга йўл қўямиз ва уни қандай енгиш мумкин?
Ҳозирги даврда прокрастинацияга дуч келмаган, бундан азият чекмаган инсонлар жуда кам бўлса керак. Аммо биз унинг сабабларини, аслида қандай оқибатларга олиб келишини биламизми?
Июнь ойида об-ҳаво қандай бўлади?
Ўзгидромет келаётган ёз аномал иссиқ бўлиши ҳақидаги гап-сўзларни рад этди. Бироқ об-ҳавонинг ўта иссиқ бўлиши ҳам истисно қилинмайди, бу — Ўзбекистон иқлимининг ўзига хос хусусиятларидир, дея таъкидлади синоптиклар. Июнь ойи бўйича об-ҳаво прогнози.
Адвокат билан масофадан битим тузиш ва ундан онлайн юридик ёрдам олиш имконияти яратилади
2023 йил 1 январдан адвокатлик фаолияти учун лицензия бериш онлайн тарзда амалга амалга оширилади. Шунингдек, адвокат билан масофадан битим тузиш ва ундан онлайн юридик ёрдам олиш имконияти яратилади. Давлат ҳисобидан адвокатларни ишга жалб этиш электрон тартибда тасодифий танлаш йўли билан аниқланади.
Самарқандда 5 сотих ерни $100 мингга сотишга уринганликда гумон қилинган шахс ушланди
Самарқанд туманида фуқаро бошқа фуқарога қарашли иссиқхона қуриш учун ажратилган 50 сотих ер майдонининг 5 сотихини 100 минг долларга сотишга уринганликда айбланмоқда. Ҳуқуқни муҳофаза қилувчи органлар ўтказган тезкор тадбирда у 70 минг долларни олган вақтида қўлга олинди.
«Сабаблари асосли очиб берилмаган». ХДП фракцияси ЙПХ ходимларини суратга олишни тақиқлашга оид қонун лойиҳасини рад этди
ИИВ ЙПХ ходимларини суратга олиб интернетда тарқатганлик учун 15 млн сўм жарима ёки 15 сутка маъмурий қамоқ билан жазолашга оид қонун лойиҳасини Қонунчилик палатасига киритди. ХПД фракцияси таклифлар бўйича сабаблар асосли очиб берилмаганлиги учун мазкур қонунни биринчи ўқишда кўриб чиқишни рад этиб, уни кун тартибидан чиқариб ташлади. Бу ходимларни тасвирга олишни тақиқлашга бўлган навбатдаги уриниш, аввалроқ вазирлик таклиф этган ҳукумат қарори лойиҳаси жамоатчилик эътирозларига сабаб бўлганди.
Жиззахда икки шахс учта бўри боласини сотмоқчи бўлди
Тармоқларда Баҳмал туманида икки нафар шахс учта бўри боласини сотиш бўйича эълон бергани ҳақида хабарлар тарқалди. Жиззах Экология бошқармаси ходимлари бўри болаларини уларнинг машинасидан топди. Ҳуқуқбузарлар эса жаримага тортилди. Бўри болаларини экологлар парваришламоқда, улар яқин фурсатларда табиат қўйнига қайтарилади.
Солиқ қўмитаси чек берилмагани учун тадбиркорларни текшириш қоидаларини юмшатди
1 июндан бошлаб чек бермаган тадбиркорларни солиқ хизмати органлари томонидан текшириш қоидалари ўзгармоқда. Энди биринчи шикоятдан сўнг тадбиркор дарҳол жазоланмайди, лекин у билан профилактик суҳбат ўтказилади. Шунингдек, фуқаролар 24 соат ичида иккитадан ортиқ мурожаат юбора олмайди.
Zaamin Ultra: Ёмғир, туман ва тоғлар бағридаги марафон қандай ўтди?
28−29 май кунлари Зомин миллий боғида иккинчи Zaamin Ultra марафони — спорт, мусиқа ва санъат фестивали бўлиб ўтди. Чодирларда ўтган ёмғирли тун, оилавий ва жамоавий югурганлар, ногиронлиги бор марафончилар, совуқ ҳаво ва туманга қарамасдан мураккаб масофани босиб ўтган югурувчилар — Zaamin Ultra «Газета.uz» мухбири фотоҳикоясида.
Фото: Тошкентда хизмат итлари кўргазмаси ўтказилди
«Хизмат итлари-2022» кўргазмасида хавфсизлик идоралари ва вазирликларининг 100 дан ортиқ итлари иштирок этди. Тадбир кинологик хизматлар ўртасида ҳамкорлик ва тажриба алмашишни кучайтириш мақсадида ташкил этилди. «Газета.uz» мухбири Мадина Аъзам фоторепортажи.
USAID Ўзбекистонга $1,3 млнлик ускуналарни топширди
АҚШ ўзининг Халқаро тараққиёт агентлиги (USAID) орқали Ўзбекистоннинг миллий иммунизация тизимини мустаҳкамлаш мақсадида Ўзбекистон ССВга совуқ занжирли ускуналар ва компьютерларни топширди. Ускуналар 671 та совутгич, 212 та музлатгич ва 150 та компьютердан иборат бўлиб, умумий қиймати 1,3 млн долларни ташкил этади.
Миробод туманидаги 6 та йўл кесишмасида ҳаракат қисман чекланади
Тошкент шаҳрининг Миробод туманидаги йўлларда кетаётган таъмирлаш ишлари сабабли Марказий темир йўл вокзали яқинидаги 6 та йўл кесишмасида машиналар ҳаракати қисман чекланади.
Энг кўп ўқилган хабарлар | Сўнгги янгиликлар
- Тошкентда Gentra ТАПОиЧ кўпригидан пастга қулаб тушди
- Сенат Солиқ кодексининг 227−1-моддаси бўйича жаримани 98 фоизга камайтириш тўғрисидаги қонунни маъқуллади
- «Бохо завхоз» лақаби билан танилган Баҳодир Султонов 10 йилга, Ниёз Ибодов эса 4 йилга қамалди
- Кучли ёмғир ва шамол оқибатида 6 та ҳудуддаги қарийб 67 минг истеъмолчи электрсиз қолди
Қўшимча имкониятларга эга булиш учун сайтда рўйхатдан ўтинг