Сиёсат
Эндиликда президент топшириқларининг ижроси Ijro.gov.uz тизими орқали назорат қилинади
Президент фармони билан ҳужжатлар ва топшириқлар ижросини назорат қилишнинг янги тизими жорий этилмоқда.Адлия вазирлиги топшириқлар ва уларнинг муддатлари, ижрочи масъулларни киритиб боради. Ҳар ойда президент Администрацияси ҳамда Ҳукуматга ҳисобот тақдим этади. Ижрони ўз вақтида таъминламаган мансабдорлар жазоланади.
«Аҳолини коронавирусга қарши эмлаш ишларини бошлаш зарур» — президент
Президент Шавкат Мирзиёев аҳолини коронавирусга қарши эмлаш ишларини бошлаш ҳамда бир ой муддатда биринчи навбатда эмланиши зарур бўлган аҳоли тоифасини белгилаб, уларнинг электрон рўйхатини шакллантириш бўйича топшириқ берди.
Вилоят раҳбарларига 2021 йилда 1,6 млндан ортиқ иш ўрни яратиш топширилди
Президент Шавкат Мирзиёев Қорақалпоғистон республикаси ва вилоятлар раҳбарларига 2021 йилда 1 миллион 659 минг кишини иш билан таъминлашни буюрди. Ҳудудлар бўйича тақсимот.
Участка нозири ва маҳалла раислари мажлисга чақирилмайди — Шавкат Мирзиёев
Президент Давлат дастури бўйича йиғилишда яна мажлисбозлик масаласига тўхталиб, ҳокимлар мажлис ўтказиш учун бош вазирдан рухсат сўраши кераклигини қайд этди. Давлат раҳбари мажлисларга профилактика инспекторлари ва маҳалла раисларини чақирмасликни таъкидлади.
Спорт вазирлиги Туризм қўмитаси билан бирлаштирилади, Азиз Абдуҳакимов соҳага раҳбар бўлади
Президент раислигидаги йиғилишда Спорт вазирлиги Туризм қўмитаси билан бирлаштирилиш маълум қилинди. Бош вазир ўринбосари, туризм қўмитаси раиси Азиз Абдуҳакимов унга раҳбар бўлади.
«Давлат дастурини бажармаган раҳбарлар ишдан бўшатилади» — президент
Президент Давлат дастури бўйича йиғилишда бош вазирга топшириқ бериб, «ҳар ой давлат дастурини бажармаган раҳбарларни ишдан бўшатишини» айтди.
Босим ўтказилганини айтган Экология қўмитаси матбуот котиби бўшатилганлигини маълум қилди
Экология қўмитасида бир неча ҳодим лавозимидан озод қилинди, улар орасида босим ўтказилгани ҳақида маълум қилган матбуот хизмати раҳбари Бунёд Абдуллаев ҳам бор. Қўмитанинг ўзи ва АОКА расман ушбу ҳолатга изоҳ бермади.
Мирзоҳид Убайдуллаев Фарғона ҳокими этиб тайинланди
Фарғона вилояти ҳокимининг биринчи ўринбосари сифатида ишлаган Мирзоҳид Убайдуллаев Фарғона шаҳар ҳокими бўлди. Шаҳарнинг аввалги ҳокими президент танқидидан сўнг ишдан бўшатилган эди.
Абдуманноп Туляганов президент маслаҳатчиси ўринбосари бўлди
Давлат раҳбарининг фармони билан Абдуманноп Туляганов президентнинг давлат хизмати ва ҳокимият вакиллик органлари билан ҳамкорлик қилиш масалалари бўйича маслаҳатчисининг ўринбосари этиб тайинланди.
Президент сайловлари октябрда ўтказилади
Президент Конституцияга сайловлар санаси билан боғлиқ ўзгартиришлар киритиш тўғрисидаги қонунни имзолади. Бу йилги президент сайловлари 24 октябрга тўғри келмоқда.
Сардор Умурзаков ИТБ гуруҳи бошқарувчилари кенгаши раиси этиб сайланди
Сардор Умурзаков Ислом тараққиёт банки гуруҳи бошқарувчилари кенгаши — банкнинг олий бошқарув органининг раиси этиб сайланди.
Мирзо-Улуғбек Абдусаломов Конституциявий суд раиси этиб сайланди
Марказий сайлов комиссиясининг собиқ раиси Мирзо-Улуғбек Абдусаломов Конституциявий суд раиси этиб сайланди. У 2004−2005 йилларда ҳам мазкур лавозимда фаолият юритган.
Сан-Марино Ўзбекистон билан дипломатик алоқалар ўрнатган 136-давлатга айланди
3 февраль куни Ўзбекистон ва Сан-Марино мамлакатлари ўртасида дипломатик алоқалари ўрнатилди ва икки мамлакат ўртасида савдо-иқтисодий муносабатларни ривожлантириш режалари муҳокама қилинди.
Зайниддин Низамходжаев Марказий сайлов комиссияси раиси этиб сайланди
Марказий сайлов комиссияси йиғилишида Зайниддин Низамходжаев Марказий сайлов комиссияси раиси этиб сайланди. Унинг ўринбосари лавозимига эса Бахром Кучкаров сайланди.
«Самарқандда ҳоким бўлганимда, фақат Арипов келиб муаммоларни сўраган» — президент бош вазир ҳақида
Фарғона вилояти Халқ депутатлари кенгаши йиғилишида Шавкат Мирзиёев бош вазир Абдулла Арипов фаолияти ҳақида фикр билдирди. «Самарқандда ҳоким бўлганимда битта шу вазир олдимга келиб, муаммоларни сўраган. Бошқа бирорта вазир келмаган», — деди давлат раҳбари.
«Шуҳрат Ғаниев бош вазир бўлганимдан бери ёнимда юрибди» — президент
Президент Фарғона вилоятидаги сафари давомида бош вазир ўринбосари Шуҳрат Ғаниевнинг фаолиятига тўхталиб, «у ҳалол одам, тоза одам, ҳаловати йўқ одам. Фарғона халқини оғир синов кунларида нисбатан жуда катта иш қилди, мен ундан розиман» деди. Президент Бухорога ташрифи чоғида қишлоқ хўжалиги соҳасини уни қониқтирмаётганлигини, тизим тўғри йўлга қўйилмас, Ғаниевни ишдан бўшатишини айтган эди.
Абдулла Арипов Россия бош вазири Михаил Мишустин билан учрашди
4 февраль куни Олма Ота шаҳрида Ўзбекистон бош вазири Абдулла Орипов Россия бош вазири Михаил Мишустин билан учрашди. Ҳукумат раҳбарлари президент Шавкат Мирзиёевнинг март-апрель ойларида Москва шаҳрида бўлиб ўтадиган расмий ташрифига тайёргарликни муҳокама қилишди.
Зайниддин Низамходжаев Марказий сайлов комиссияси раиси бўлиши кутилмоқда
Марказий сайлов комиссиянинг раиси Мирза-Улуғбек Абдусаломовнинг бошқа ишга ўтиши муносабати билан унинг ўрнига Сенат раиси ўринбосари Зайниддин Низамходжаев сайланиши кутилмоқда. Унга эса адлия вазири ўринбосари Бахром Кучкаров ўринбосар бўлади.
2021 йилги давлат дастури қабул қилинди
Президент фармони билан 2021 йилги давлат дастури қабул қилинди. У 274 банддан иборат. Йил давомида тадбирларни амалга оширишга жами 29,5 трлн сўм, 2,6 млрд доллар ва 57,5 млн евро йўналтирилади.
Шухрат Атабаев президент маслаҳатчисига ўринбосар бўлди
Ипотека-банки бошқаруви раиси Шухрат Атабаев президент маслаҳатчисига ўринбосар бўлди. У Япониянинг Сиёсий фанлар миллий институтида таҳсил олган ва меҳнат фаолиятини 1995 йил Навоий вилоятидаги 14-ўрта мактабда инглиз тили ўқитувчилигидан бошлаган.
Энг кўп ўқилган хабарлар | Сўнгги янгиликлар
- Президент «Матонат мадҳияси» ёдгорлик мажмуасига гулчамбар қўйди (фото)
- Агросаноат, иқлим ўзгариши, мигрантлар ва туризм: Шавкат Мирзиёев ЕОИИ билан ҳамкорликни кенгайтирмоқчи
- «Ўзбекистондан мева-сабзавотларни кутамиз». Мирзиёев ва Путин қишлоқ хўжалиги маҳсулотларини етказиб беришни муҳокама қилди
- Шавкат Мирзиёевнинг Москвага ташрифи 8−9 май кунлари бўлиб ўтади
Қўшимча имкониятларга эга булиш учун сайтда рўйхатдан ўтинг