Халқаро валюта жамғармаси Ўзбекистондаги иқтисодий ўсиш 5% атрофида бўлишини прогноз қилмоқда
ХВЖ 2023 йилда Ўзбекистонда иқтисодий ўсиш 5%дан камроқ бўлишини прогноз қилмоқда. Ташкилот жорий ҳолатни таҳлил қилиб, келгусидаги барқарорликни сақлаб туришда фискал сиёсат йўналишлари, солиққа тортиш ва имтиёз бериш чора-тадбирлари, шунингдек, хусусийлаштириш бўйича қатор кўрсатмалар берди.
6 та вилоятда қор кўчиш хавфи эълон қилинди
Ўзгидромет кучли ёғингарчилик ҳамда ҳаво ҳароратининг сезиларли ўзгариши сабабли Қашқадарё, Сурхондарё, Жиззах, Тошкент, Наманган ва Фарғона вилоятларида қор кўчиш хавфини эълон қилди.
Сенат сайтига киберҳужум уюштирган 16 ёшли ўсмир ва унинг шерикларига жиноят иши қўзғатилди
Олий Мажлис Сенатининг расмий сайтига хакерлик ҳужуми уюштирган 16 ёшли ўсмир ва унинг шериклари жиноий жавобгарликка тортилади. Уларга нисбатан Жиноят кодексининг 278−2-моддаси 2-қисми «а» банди (компьютер ахборотидан қонунга хилоф равишда (рухсатсиз) фойдаланиш) билан жиноят иши қўзғатилди.
Метронинг «Ерусти ҳалқа йўли» йўналишидаги 7-бекат вақтинча ёпилади
Метронинг «Ерусти ҳалқа йўли» йўналишидаги 7-бекат 21 ноябрдан 6 декабрга қадар ёпилади. Бу вақтда йўл ўтказгичининг ер устки қисмида демонтаж ишлари амалга оширилади. Йўловчилар учун 6 ва 7-бекат оралиғида автобус ҳаракати йўлга қўйилади.
«Божхона-сервис» мусодара қилинган товарларни сотади
Божхона қўмитаси ҳузурида «Божхона-сервис» давлат муассасаси ташкил этилди. Тузилма декларация хизматларини кўрсатади, шунингдек, божхона органлари томонидан олиб қўйилган товарларни сотиш билан ҳам шуғулланади.
Фарғонада 1,8 тонна истеъмолга яроқсиз ёғ мусодара қилинди
Ўзбекистон туманидаги яширин цехда қалбаки ёғ маҳсулотларини қадоқлаш фаолияти билан шуғулланиб келганлар аниқланди. У ердан 1,8 тонна истеъмолга яроқсиз ёғ маҳсулотлари ашёвий далил сифатида олинди.
«Энергетикада монополия тугамас экан, аҳолини газ ва электр билан таъминлашда сифат ўзгармайди» — Алишер Қодиров
«Миллий тикланиш» партияси етакчиси Алишер Қодиров энергетикада монополия тугамаса, аҳолини газ ва электр билан таъминлашда сифат ўзгармаслигини айтди. «Муаммо — бошқарув ва таъминот тизимининг эскирганида» — деди у. Аввалроқ вазир ўринбосари узилишлар сабабини ёқилғи етишмаслиги билан изоҳлаганди.
III чоракда ўзлаштирилган сармоялар ҳажми ошди, инвестицион фаоллик эса пасайди
Ўтган 9 ой давомида асосий капиталга ўзлаштирилган инвестициялар ҳажми қарийб 190 трлн сўмни ташкил этди. Инвестицион фаоллик Сирдарё (127,6%), Самарқанд (122,5%) ва Қорақалпоғистонда (118,9%) қайд этилган бўлса, Бухоро (98,5%), Қашқадарё (96%) ва Тошкент шаҳрида (97,6%) нисбатан пасайиш кузатилди.
Кореядан туриб террористик ташкилотни молиялаштирган ўзбекистонлик 10 йилга қамалди
Ўзи ва шерикларининг жами 24 млн сўм миқдоридаги маблағларини «молиявий жиҳод» сифатида халқаро пул ўтказмалари орқали Суриядаги жангариларга юборган шахс жавобгарликка тортилди.
Қарши тумани собиқ ҳокими Мақсуда Мустафоева мактаб директори этиб тайинланди
Салкам икки йил Қарши туманига раҳбарлик қилган Мақсуда Мустафоева мактабда иш бошлади. Собиқ ҳоким 16 ноябрь куни Қаршидаги 11-мактабга директор этиб тайинланган. У ҳокимлигида бир неча можароли ишлар иштирокчиси сифатида оммага танилганди.
Фарғонада тиббиёт ходимини калтаклаган шахсларга жиноий иш очилди
12 ноябрь куни Риштон туманида отасининг аҳволи ёмонлашгани сабаб тез ёрдамга мурожаат қилган шахслар бемор шифохонага олиб кетилаётганда вафот этгани учун тиббиёт ходимини катлаклагани айтилмоқда. Туман ИИБ ҳолат бўйича жиноят иши қўзғатди.
Банкларда долларнинг сотиш ва сотиб олиш курслари ўзгарди
Марказий банк долларнинг расмий курсини 11 170,65 сўм этиб белгилади. Тижорат банклари ҳам долларнинг сотиш ва сотиб олиш бўйича янги қийматини эълон қилди.
Чимён ҳудудида қор кўчкиси хавфи эълон қилинди
Фавқулодда вазиятлар вазирлиги фуқароларни Чимёнда қор кўчиши хавфидан огоҳлантирди. Эҳтиёт чораларини кўриш билан бирга «Диққат! Қор кўчкиси хавфи мавжуд» белгиси билан чекланган жойларга кирмасликни сўради.
Сенатнинг навбатдаги ялпи мажлиси 18 ноябрь куни чақирилади
Сенатнинг ўттиз бешинчи ялпи мажлиси 18 ноябрь куни чақирилади. Унда Туркия ва Ўзбекистон ўртасида ҳарбий битимни ратификация қилиш ҳамда маҳкумлар ҳуқуқлари борасидаги қатор қонунлар кўриб чиқилади. Қолаверса, давлат бюджети ижроси юзасидан ҳукумат ҳисоботи эшитилади.
Тошкентда кўча ёриткичларининг тунги истеъмолини чеклаш бошланади
16 ноябрь кунидан бошлаб пойтахтдаги кўчаларни ёритиш тармоқлари «вақтинча электр энергияси истеъмолини чеклаш режими»га ўтказилади.
Президент Ўзбекистонда киберспортни ривожлантириш тўғрисидаги қарорни имзолади
Президент Ўзбекистонда киберспорт турларини ривожлантириш тўғрисидаги қарорни имзолади. Унга кўра, инфратузилмани ривожлантириш, спортчи ва мураббийларни тайёрлаш, турнирлар ўтказиш, шунингдек, киберспорт ҳақида жамоатчиликда ижобий фикрни шакллантириш режалаштирилган.
Air Arabia Ўзбекистоннинг қадимий шаҳарларига парвозлар йўлга қўйиши мумкин
Air Arabia келгуси йилда Абу-Даби таянч аэропортидаги лоукостерлар сонини 2 бараварга кўпайтирмоқчи. Шунга мувофиқ, компания Самарқанд ёки Бухоро шаҳарларига мунтазам парвозлар йўлга қўйиши мумкин. Келгусида эса Абу-Даби — Тошкент ўртасидаги қатновлар сонини ҳафтасига 7 мартагача ошириш кутилмоқда.
«Газ тақчиллиги „Лукойл“ ёки Saneg билан боғлиқ эмас» — Шерзод Ходжаев
«Лукойл» ва Saneg билан тузилган шартнома шартлари газ танқислигига сабабчи эмас, деди энергетика вазири ўринбосари Шерзод Ходжаев. У Ўзбекистон газ ва электр энергияси экспортини деярли бутунлай тўхтатгани, яқин кунларда узилишлар билан боғлиқ муаммолар 80 фоизга ҳал бўлишини таъкидлади.
ЮНЕСКОнинг 2030 йилгача мактабгача таълим соҳасидаги Тошкент декларацияси қабул қилинди
Эрта ёшдаги болаларга ғамхўрлик ва таълим бўйича Бутунжаҳон конференцияси якунлари бўйича ЮНЕСКОнинг Тошкент декларацияси қабул қилинди. Унинг асосий тамойиллари ўқув дастурлари сифатини ошириш, инклюзив таълим ва фавқулодда вазиятларда таълим олиш ҳуқуқини кафолатлаш кабилардан иборат.
Урганч халқаро аэропортига раҳбар тайинланди
Uzbekistan Airports бошқаруви раиси буйруғи билан Гаипов Суннатилла «Урганч» халқаро аэропорти директори вазифасини бажарувчи этиб тайинланди. Бунга қадар у Амритсарда авиаташувчи вакил ва Деҳлида вакил ёрдамчиси бўлиб фаолият юритган.
Қўшимча имкониятларга эга булиш учун сайтда рўйхатдан ўтинг