34 кишида коронавирус аниқланди (жами — 4482 та)
Ўзбекистонда яна 34 кишида коронавирус инфекцияси аниқланиб, жами ҳолатлар 4482 тага етди. Янги касалланиш ҳолатларининг барча Карантин марказидаги фуқаролар орасида қайд этилган.
Шимолий Корея Жанубий Корея билан барча алоқа каналларини узди
КХДР 9 июнь кунидан бошлаб Жанубий Корея билан барча мавжуд алоқа каналларини тўхтатишини эълон қилди. Шимолий Кореянинг бундай қарорга келишига Жанубий Корея томонидан ташвиқот варақалари жўнатилгани сабаб бўлди. 2018 йилдан биринчи бор Пхеньян расмий Сеулнинг телефон қўнғироқларига жавоб бермади.
Мактабларда «Информатика» фани ўқув дастурларига дастурлаш ҳам киритилади
Президент «Информатика» фанига «Бир миллион дастурчи» лойиҳасига доир йўналишларни киритиш бўйича кўрсатма берди. Барча ҳудудларда IT бўйича камида 100 та ўқув маркази очилиб, уларда дастурлаш асослари, электрон савдо ва графикли дизайн бўйича қисқа муддатли ўқув курслари ташкил этилади.
Жиззах вилоятида мактаб ва болалар боғчалари яқинида тезлик чекланиши мумкин
Жиззах вилоятида мактаб ва болалар боғчалари яқинида тезликни чекловчи йўл белгисини ўрнатиш таклиф этилди. Таълим муассасалари яқинида энг юқори тезликнинг соатига 50 км бўлиши кутилмоқда.
ЖБ Ўзбекистон ЯИМ ҳажмининг ўсиши бўйича прогнозини пасайтирди
Жаҳон банки Ўзбекистоннинг ЯИМ ўсиши бўйича прогнозини 1,6 фоиздан 1,5 фоизгача пасайтирди, шундай бўлса ҳам, мамлакат минтақада иқтисодиёти ўсишда давом этаётган ягона давлатлигича қолмоқда. Жаҳон иқтисодиётида эса Иккинчи жаҳон уруши давридан кейинги энг юқори — 5,2 фоизлик пасайиш кутилмоқда.
Карантин сабабли 11 мингдан ортиқ тадбиркор ижара тўловидан озод этилган
Карантин сабабли давлат мулкини ижара олган 11 мингдан ортиқ тадбиркор ижара тўловини тўлашдан озод этилган. Бу давлатга тўланиши мумкин бўлган 92,6 млрд сўм пул тадбиркорларнинг қўлларида қолганлигини билдиради.
Тошкентда Санкт-Петербург университети филиали очилади
Тошкентда Санкт-Петербург давлат университетининг филиалини ташкиллаштириш режалаштирилмоқда. ОТМда таълим рус тилида ташкил этилиб, шарқ тиллари филологияси, этнография, шарқ мамлакатлари иқтисодиёти ва биотиббиёт каби йўналишларда мутахассислар тайёрланади.
ДТМ тест синовларини ўтказиш режалаштирилган бинолар рўйхатини эълон қилди
Давлат тест маркази томонидан 2020−2021 ўқув йили қабулида олий таълим муассасаларининг бакалавриат таълим йўналишлари учун тест синовларини ўтказиш режалаштирилган бинолар рўйхати эълон қилинди.
Ўзини ўзи банд қилган шахслар учун фаолият турлари кенгайтирилди — рўйхат
Президент ўзини ўзи банд қилган шахслар, фрилансерлар ва тадбиркорни қўллаб-қувватлаш бўйича янги қарорни қабул қилди. Унга кўра, ўзини ўзи банд қилган шахсларни рўйхати кенгайтирилади, уларга бир қатор қулайликлар ва имтиёзлар берилади ҳамда уларнинг фаолиятини масофадан туриб рўйхатга олиш учун ДСҚ томонидан мобил илова ишлаб чиқилади.
Коронавирус беморлари сони 4448 нафарга етди
Коронавирус беморлари сони 8 нафарга ортиб, жами 4448 кишини ташкил этмоқда. Янги касалланиш ҳолатларининг барчаси Тошкент шаҳрида аҳоли орасида аниқланган. Ушбу ҳолатлар бўйича эпидемиологик суриштирув ишлари олиб борилмоқда.
Тошкентда Арчакўчадаги жанжалда пичоқланганлардан бири оламдан ўтди
Тошкентда содир бўлган пичоқбозликка дорихона даромадларини бўлиша олмаслик сабаб бўлгани маълум қилинди. Жароҳатланганлардан бири оламдан ўтди.
Коронавирусдан вафот этганлар сони 18 нафарга етди
Тошкентда сунъий нафас олиш аппаратида бўлган 76 ёшли бемор ўткир нафас ва юрак қон-томир етишмовчилигидан вафот этди. Коронавирус қурбонлари сони 18 нафарга етди.
«Шўрданак» ва «Қалпоқ» ЙҲХБ ходимлари ҳақидаги ҳазиллари учун узр сўрашди
«Шўрданак» ва «Қалпоқ» ҳажвий гуруҳи аъзолари ЙҲХБ ходимлари ҳақида тайёрлаган юмористик кўрсатувларидаги ҳазиллари учун кечирим сўрашди.
ФВВ тоғ ва оғолди ҳудудларида сел келишидан огоҳлантирди
Фавқулодда вазиятлар вазирлиги республиканинг тоғ ва тоғолди ҳудудларида сел хавфи ҳақида огоҳлантириш берди.
Солиқ тизимининг рақамли келажаги стратегияси қабул қилинди
Солиқ тизими ахборот тизимларини ягона платформага ўтказиш режалаштирилмоқда. Натижада солиқ тўловчиларнинг ҳисобот топшириш жараёни 5−7 баробаргача енгиллашиб, инсон омили аралашуви 60 фоизга қисқартиради, шунингдек, қоғоз шаклидаги ҳужжат ишлари ҳам кескин камаяди.
Барча туман ва шаҳарлар кесимида карантин ҳудудлари рўйхати янгиланди
Республика махсус комиссияси шаҳар ва туманлар бўйича карантин даражаларини қайта кўриб чиқди. Тошкент «сариқ» ҳудудда қолди.
Коронавирус ҳолатлари 4404 тага етди (+52)
Ўзбекистонда яна 52 кишида коронавирус аниқланиб, жами ҳолатлар 4404 тага етди. Жумладан, «Ўрикзор» савдо мажмуаси сотувчисининг қариндошлари ва қўшнилари, «Равнақ банк»нинг Шайхонтохур филиали ходимида инфекция тасдиқланди.
Ўзбекистонда пандемия вақтида ишсизлар сони қарийб 2 млн кишига яқинлашди
Бандлик ва меҳнат муносабатлари вазири Нозим Ҳусанов коронавирус пандемияси пайтида Ўзбекистонда ишсизлик даражаси қарийб 2 миллион кишига етганини маълум қилди. Чегаралар ёпилгани туфайли 550 мингга яқин меҳнат муҳожирлари бошқа давлатларга ишлаш учун кета олишмаган.
Махсус карантин зонасида кўнгилли сифатида ишлаган ҳамширада коронавирус аниқланди
Ўрта Чирчиқ тумани махсус карантин зонасида кўнгилли сифатида ишлаб келган, туман тиббиёт бирлашмаси туғруқ бўлими ҳамширасида коронавирус аниқланди. Туғруқ уйи карантинга ёпилди.
Андижонда мусиқа ва санъат мактаби директори ўқитувчини пичоқлади
Андижон вилоятида мусиқа ва санъат мактаби директорининг хизмат хонасида маош туфайли жанжал келиб чиқди. Раҳбар пичоқ билан ўз ходимига енгил тан жароҳатлари етказди.
Қўшимча имкониятларга эга булиш учун сайтда рўйхатдан ўтинг